АНУ-ын иргэн 45 настай Жон Мартин Кийны цогцос олдсон гэдгийг элчин сайдын яамны олон нийттэй харилцах албаны Хэвлэлийн ажилтан П.Тина хүлээн зөвшөөрсөн юм.

Жон Мартин Кийн хэзээ алуулсан, цогцос нь хэзээ олдсон, хэн алуурчин байв гэж асуухад П.Тина “Хэргийн талаар мэдээлэл өгөх боломжгүй. Илүү дэлгэрэнгүй мэдээллийг цагдаагийн газраас авах хэрэгтэй” гэв.

Хэргийн талаар нийтэлсэн АНУ-ын сайт дээр талийгаачийн ээж Маргарет Кийнлүү танай яамаас залгаж цогцос нь олдсон талаар хэлсэн гэсэн хэмээн тулгасан ч цагдаагийн газраас дэлгэрэнгүй мэдээлэл ав гэлээ.

Ээж нь хүүгээ нэгдүгээр сарын 6-аас Улаанбаатарт сураггүй алга болсноос хойш Монгол дахь АНУ-ын элчинд мэдээллэсэн гэсэн. Хоёр сарын хугацаанд талийгчийг эрэн сурвалжлах арга хэмжээ авсан уу? гэсэн асуултад хатагтай Тина мөн л “Цагдаагийн газартай хамтарч ажилласан. Тэднээс асуу” гэж хариулсан юм.

Бид энэ талаар цагдаагийн газраас тодруулаад дахин мэдээллэх болно. Элчин сайдын яам хэргийн талаар мэдээллээ өгөхгүй байгаа нь ойлгомжгүй байна.