Холливуудын одод Анжелина Жоли, Брэд Питт нар энэ намраас урьтаж, хуримаа хийхээр төлөвлөжээ. Ихэр хүүхдийн эцэг эх болох гэж байгаа нь хосууд энэ жилийн сүүлээр мэндлэх үрсээ төрөхөөс өмнө нижгэр хуримаа хийхээр зэхэж эхэлсэн тухай эх сурвалжууд мэдээлж байна.

“Эх дэлхийн эздийн тоог хоёроор нэмэх бяцхан үрсээ төрөхөд ээж аав хоёр нь хэдийнэ эхнэр, нөхрөө зарлан тунхаглачихсан байх болно” хэмээн ярьцгааж байгаагаас үзвэл тэдний хурим ойрын хугацаанд төлөвлөгдсөн бололтой.

Эцэг хүнийхээ хариуцлага, үүргийг өндрөөр ухамсарласаар ирсэн Брэд ихрүүдээ угтаж авах бэлтгэлээ хэдийнэ базааж, өрөөг нь тохижуулж дууссан гэнэ. Тэд өнгөрсөн сард болсон Оскарын наадмын Улаан хивсний ёслол дээр хамтдаа хүрэлцэн ирэхдээ хуримаа хийх гэж байгаа тухайгаа олноо дуулгасан билээ.