Зэвсэгт хүчний 91 жилийн ой, цэргийн баярт зориулсан 208 бөхийн барилдаанд Сэлэнгэ аймгийн Мандал сумын харьяат, "Сүлд" биеийн тамир спортын хороо, "Ноёд" группын бөх улсын арслан Гунаажавын Эрхэмбаяр түрүүллээ. Үзүүрт улсын заан Д.Рагчаа долоо давж үлдлээ. Арслан Г.Эрхэмбаяр шөвгийн дөрөвт улсын харцага Т.Мөнгөнцоожийг давсан. Харин улсын заан Д.Рагчаа улсын начин Ч.Баянмөнхөөр долоо давж үзүүр түрүү булаалдахаар үлдээд байсан юм.Удахгүй казах түмний Наурызын баярт зориулсан 256 бөхийн барилдаан болох юм.
