Өнгөрсөн долоо хоногийн Лхагва гаригт энэтхэгийн Шер-И-Кашмир их сургуулийн эрдэмтэд эс үржүүлэх аргаар гаргаж авсан ишгээ танилцууллаа. Ишгийг энэтхэгийн ноолуурын чиглэлийн ховордож буй ямаанаас хувилан гаргасан юм. Ишгийг гаргаж авахын тулд тус сургуулийн Биотехнологийн төвийн долоон шилдэг эрдэмтэн хоёр жилийн турш ажиллажээ.

    Ишгийг энэтхэгийн ноолуурын чиглэлийн ховордож буй ямаанаас хувилан гаргасан юм. Ишгийг гаргаж авахын тулд тус сургуулийн Биотехнологийн төвийн долоон шилдэг эрдэмтэн хоёр жилийн турш ажиллажээ.

Тэд ишгийг эс үржүүлгийн гар аргаар гаргаж авсан. Гар арга гэсний учир нь техникийн төрлийн зүйлээс зөвхөн микроскоп л ашигласан төдийгүй тогтвортой, хүчирхэг гар их чухал гэж эрдэмтэн тайлбарласан байна.

Ишгийг энэ сарын есны өдөр “төрүүлсэн” бөгөөд Ноори гэж нэрлэжээ. Ноори гэдэг нь араб хэлээр гэрэл гэгээ гэсэн утгатай аж.

Гар аргаар ишиг хувилах төслийг Дэлхийн банкнаас хэсэгчлэн санхүүжүүсэн байна. “Эс үржүүлэх гар аргаар анх удаа ишиг гаргасан тохиолдол нь энэтхэгийн сайн чанарын ноолуурын үйлдвэрлэлд хөгжил авчирч мэднэ” хэмээн төслийн багийн ахлагч доктор Риаз Ахмад Шах хэллээ.

“Бид туршлагатай болсон. Тиймээс дахин ийм аргаар ишиг хувилахад хагас жил л шаардана” доктор Мажид Хассан ярив.  

Гар арга нь өндөр техник, химийн бодис ашигладаг бусад аргуудыг бодоход  хамгийн өртөг бага, хялбар, цаг бага зарцуулдаг эс үржүүлэх арга аж.

Ховордсон ямаанаас гаргаж авсан сайн чанарын ноолуурыг ихэвчлэн ороолт хийхэд ашигладаг байна. Нэг ороолтыг Кашмир муж болон хилийн чанадад ойролцоогоор 200 доллараар зардаг байна. Ийм бизнес эрхэлдэг Кашмир мужийн 10.2 сая хүн дунджаар 800 долларын орлого олдог байна.

Шер-И-Кашмир их сургуулийн эрдэмтэд хоёр дахь ишиг хувилах ажилдаа аль хэдийн орсон байна.