Энэ сарын 28-ны өдөр МУ-ын үндсэн хуулийн цэц дунд суудлын хуралдаанаараа сонгуулийн тухай хуулийг хүчингүй болгох асуудлыг хэлэлцэнэ. УИХ-аас хамгийн их хэл ам таталж байж гарсан Сонгуулийн тухай хуулийг батлагдсаны иргэн П.Одгэрэл, Н.Ариунболд, П.Сэрчмаа, Н.Чадраабал, Ё.Бямбатогтох, Б.Цогтгэрэл нараас Сонгуулийн тухай хуулийн шинэчилсэн найруулга Үндсэн хуулийн зарим зүйл заалтыг зөрчсөн гэж үзэж, Үндсэн хуулийн Цэцэд тайлбар хүргүүлсэн юм.Уг иргэдээс ирсэн гомдлыг Цэцийн гишүүн Б.Пүрэвням хянаад Сонгуулийн тухай хуулийн шинэчилсэн найруулга Үндсэн хуулийн 1.2 , 3.1, 14.1, 16.9, 21.2 дахь заалтыг тус тус зөрчсөн гэж үзсэн тул дээрх хуралдаан болж байгаа юм.
Цэц хэрвээ сонгуулийг тухай хууль үндсэн хуульд харшилсан гэж үзэх аваас одоо мөрдөгдөж байгаа сонгууль хүчингүй болох бөгөөд ирэх сонгууль хуучин сонгуулийн хуулиар явагдана.
Б.Чимэг
