Өнгөрсөн лхагва гаригт Ч.Амарболд, Ш.Батсүх, О.Зоригт нарт холбогдох шүүх хурал болж, тэднийг цагдан хорих шийдвэр гаргасан. Шүүхийн шийдвэр гарсны дараахан тэдний биеийн байдал муудаж, Сүхбаатар дүүргийн нэгдсэн эмнэлэгт хүргэгдсэн юм.
Өнгөрсөн лхагва гаригт Ч.Амарболд, Ш.Батсүх, О.Зоригт нарт холбогдох шүүх хурал болж, тэднийг цагдан хорих шийдвэр гаргасан. Шүүхийн шийдвэр гарсны дараахан тэдний биеийн байдал муудаж, Сүхбаатар дүүргийн нэгдсэн эмнэлэгт хүргэгдсэн юм. Гэтэл өчигдөр Сүхбаатар дүүргийн шүүгч Ч.Хосбаяр дахин шийдвэр гаргаж, тэднийг цагдан хорих төвийн эмнэлэгт хүргэхээр болсон. Гэвч цагдаагийн экс дарга нарын ар гэрийнхэн эсэргүүцсэнээр эмнэлэгтээ үлдсэн билээ. Гэтэл өнөөдөр дахин дөрвөн цагдаа тэднийг ачихаар ирсэн байна. Харин шүүгдэгч Ч.Амарболд нар өөрсдөө цагдан хорих төвийн эмнэлэгт хүсэлт гарган, ачигдах гэж байна. Тэднийг ачихаар цагдан хорих төвийн эмнэлгийн машин ирчихсэн байна. Үүнтэй холбоотойгоор Сүхбаатар дүүргийн шүүхийн шүүгчидтэй шүүгдэгч Ч.Амарболдын өмгөөлөгч уулзах аж. Мөн сэтгүүлчдэд мэдээлэл өгнө гэв.