Өнөөдөр 16.00 цагаас Сүхбаатар дүүргийн шүүхийн байранд шүүгдэгч Ч.Амарболд генералын өмгөөлөгч О.Алтангэрэл мэдээлэл хийлээ. Өнгөрсөн лхагва гаригт болсон цагдаагийн экс дарга нарын шүүх хурлын үеэр шүүгдэгч болон хохирогчдын өмгөөлөгчид шүүх бүрэлдэхүүнээс татгалзах шийдвэр гаргасан.
    Өнөөдөр 16.00 цагаас Сүхбаатар дүүргийн шүүхийн байранд шүүгдэгч Ч.Амарболд генералын өмгөөлөгч О.Алтангэрэл мэдээлэл хийлээ. Өнгөрсөн лхагва гаригт болсон цагдаагийн экс дарга нарын шүүх хурлын үеэр шүүгдэгч болон хохирогчдын өмгөөлөгчид шүүх бүрэлдэхүүнээс татгалзах шийдвэр гаргасан. Гэтэл шүүгч Ч.Хосбаяр тэднийг цагдан хорих шийдвэр гаргасан юм.
    Иймд хууль бус шийдвэр гаргасан хэмээн Сүхбаатар дүүргийн шүүхийн ерөнхий шүүгч С.Соёмбо-Эрдэнэд хүсэлт гаргасан ч шүүх бүрэлдэхүүнийг хэвээр үлдээсэн. Тиймээс өмгөөлөгч О.Алтангэрэл “Цагдаагийн дарга нарын хэрэг цэргийн гэмт хэрэг мөн үү, бишүү” гэсэн хүсэлтийг Үндсэн хуулийн цэцэд хүргүүлсэн байна.
    Уг хүсэлтэд Үндсэн хуулийн цэцээс өнөөдөр хариу өгөх байсан ч одоо хэр хариу ирээгүй байгаа аж. Учир нь тус асуудлаар Үндсэн хуулийн цэцэд маргаан үүсэж, хүсэлтийг шийдвэрлэх асуудал түр хойшлоод байгаа аж. Харин Үндсэн хуулийн цэцэд хандсан энэ хугацаанд цагдаагийн экс дарга нарыг цагдан хорих нь хуулиараа хориотой байдаг аж.
    Иймд Үндсэн хуулийн цэцээс хариу гартал шүүгдэгч нарыг ганц худаг руу шилжүүлэх асуудлыг цуцлах ёстой гэсэн шийдвэрийг Сүхбаатар дүүргийн шүүхэд хүргүүлжээ. Одоогоор Сүхбаатар дүүргийн шүүхээс Үндсэн хуулийн цэцийн шийдвэрт ямар нэгэн хариулт өгөөгүй байна.