Эрс шинэчлэл хөдөлгөөн,  “Монголын цэрэг эрсийн  холбоо“, “Олон нийтийн хяналт” ТББ-аас Сонгуулийн ерөнхий хороог огцрохыг шаардсан албан шаардлагыг хүргүүлсэн билээ.
    Эрс шинэчлэл хөдөлгөөн,  “Монголын цэрэг эрсийн  холбоо“, “Олон нийтийн хяналт” ТББ-аас Сонгуулийн ерөнхий хороог огцрохыг шаардсан албан шаардлагыг хүргүүлсэн билээ. Тус шаардлагын хариуг өнөөдөр СЕХ-ны дарга Н.Лувсанжав албан ёсоор өгсөн байна. Тэрээр “Танай ирүүлсэн 01 тоот шаардлагыг Сонгуулийн ерөнхий хорооны хуралдаанд танилцуулсан болно. Та бүхэн шаардлагадаа “Сонгуулийн ерөнхий хороо ... шийдвэрийг гарган сонгуулийн хороодод үүрэг өгч орон даяар зарласан гэжээ. Уг асуудлыг СЕХ-ны хуралдаанаар хэлэлцээгүй, шийдвэр гаргаагүй бөгөөд, СЕХ-гоор хэлэлцэгдээгүй болохыг Чингэлтэй дүүргийн шүүхийн 2009 оны 49 тоот шийдвэрээр тогтоосон тул та бүхний шаардлагыг хүлээн авах үндэслэлгүй байна” гэсэн хариу өгсөн байна.
Сонгуулийн төв байгууллагын тухай хуулийн 11 дүгээр зүйлийн 11.8 дахь хэсэгт “Хуульд зааснаас бусад тохиолдолд хорооны гишүүнийг ажлаас чөлөөлөх, огцруулах, түүнчлэн өөрийнх нь зөвшөөрөлгүйгээр өөр ажил, албан тушаалд шилжүүлэхийг хориглоно. ” 3-р зүйлийн 3.8 дахь хэсэгт “Хороо, түүний гишүүн хууль ёсны бүрэн эрхээ хэрэгжүүлэхэд аливаа байгууллага, албан тушаалтан, иргэн хэн боловч нөлөөлөх, хөндлөнгөөс оролцохыг хориглоно” гэж тус тус заасныг үүгээр мэдэгдье. СЕХ-ны дарга Н.Лувсанжав гэжээ.