Долдугаар сарын 1-ний хэрэгт буруутгагдаад буй цагдаагийн экс дарга нарт холбогдох шүүх хурал өнгөрсөн лхагва гаригт болж, Ч.Амарболд, Ш.Батсүх, О.Зоригт нарыг цагдан хориод байгаа юм. Харин Г.Ганбаатарын хэргийг өмгөөлөгч ирээгүй гэх шалтгаанаар тусгаарласан билээ. Түүнд холбогдох шүүх хурал одоо Сүхбаатар дүүргийн шүүхийн Эрүүгийн танхимд эхлэх гэж байна. Хуралд улсын яллагчаар С.Хишигжаргал, даргалагч шүүгчээр Ч.Хосбаяр, М.Алдар,
С.Оюунчимэг нар оролцох аж. Мөн хурлыг хагас нээлттэй явуулахаар болжээ. Өнгөрсөн лхагва гаригт болсон шүүх хурлын үеэр эмх замбараагүй байдал үүссэн учраас Сүхбаатар дүүргийн шүүхийг хамгаалалтад аваад байгаа юм. Мөн өнөөдөр Г.Ганбаатарын шүүх хурал болох гэж байгаатай холбогдуулан шүүхийн хашаа руу иргэдийг нэвтрүүлэхгүй байгаа аж. Б.Чимэг
