Монгол Улсын Ерөнхий сайд Ж.Эрдэнэбатаас өгсөн үүргийн дагуу Засгийн газрын гишүүд энэ долоо хоногт нийслэлд ажиллана. Тэд Засгийн газрын үйл ажиллагаа, шийдвэрийн хэрэгжилт болон зарим байгууллагын үйл явцтай танилцах юм.

Тухайлбал, Баянзүрх дүүрэгт Монгол Улсын Шадар сайд У. Хүрэлсүх, БОАЖ-ын сайд Д.Оюунхорол, Сангийн сайд Б.Чойжилсүрэн нар, Баянгол дүүрэгт Монгол Улсын сайд, ЗГХЭГ-ын дарга Ж.Мөнхбат, ХЗДХ-ийн сайд С.Бямбацогт, БХБ-ын сайд Г.Мөнхбаяр, ХНХ-ын сайд Н.Номтойбаяр нар, Хан-Уул дүүрэгт БОАЖ-ын сайд Д.Оюунхорол, БХБ-ын сайд Г.Мөнхбаяр ЗТХ-ийн сайд Д.Ганбат, Эрчим хүчний сайд П.Ганхүү, Эрүүл мэндийн сайд А.Цогцэцэг нар, Сонгино-Хайрхан дүүрэгт Батлан хамгаалахын сайд Б.Бат-Эрдэнэ, ХНХ-ын сайд Н.Номтойбаяр, БХБ-ын сайд Г.Мөнхбаяр Эрүүл мэндийн сайд А.Цогцэцэг нар, Багануур, Багахангай дүүрэгт Гадаад харилцааны сайд Ц.Мөнх-Оргил, ХХААХҮ-ийн сайд П.Сэргэлэн, Эрчим хүчний сайд П.Ганхүү нар, Налайх дүүрэгт ХНХ-ын сайд Н.Номтойбаяр, УУХҮ-ийн сайд Ц.Дашдорж нар, Сүхбаатар дүүрэгт БХБ-ын сайд Г.Мөнхбаяр, БСШУС-ын сайд Ж.Батсуурь, Эрчим хүчний сайд П.Ганхүү нар, Чингэлтэй дүүрэгт БСШУС-ын сайд Ж.Батсуурь, Эрчим хүчний сайд П.Ганхүү нар тус тус ажиллана.

Засгийн газрын гишүүдийг нийслэлд ажиллахад хотын удирдлагууд дагалдан ажиллах юм гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Гэр хорооллын дахин төлөвлөлтөд хамруулах нэрээр орон байраа булаалгаж, гудамжинд гараад буй гэх, Баянзүрх дүүргийн “Сансар” хотхоны

Жил бүрийн 3 дугаар сарын 22-ны өдрийг “Дэлхийн усны өдөр” болгон тэмдэглэдэг. Манай улсын хувьд 2005 оноос энэхүү өдрийг тэмдэглэж ирсэн юм. Дэлхийн усны өдрийг энэ жил НҮБ-аас “Хаягдал ус” уриан дор тэмдэглэн өнгөрүүлэхээр заасан байна. Монгол Улсад хэрхэн тэмдэглэх талаар өнөөдөр Байгаль орчин, аялал жуулчлалын яам, Монголын байгаль орчны иргэний зөвлөлөөс мэдээлэл хийлээ.

Энэ жилийн усны өдрийн гол онцлог нь хаягдал усыг дахин ашиглах боломж, түүний ач холбогдлын талаар олон нийтэд таниулахад оршиж байгааг хэвлэлийн бага хурлын эхэнд онцоллоо. Манай улс жилдээ 500-600 сая шоо метр цэвэр ус ашиглаж, 470 сая шоо метр бохир ус гаргадаг байна. Энэхүү бохир буюу хаягдал усны 50 хувийг нь эргэн ашиглах боломжтойг хэлсэн юм. Бохир усан дахь бохирдуулагч элементийг авчихвал цэвэр ус болно. Үүнийг усалгаа зэрэгт ашиглах боломжтой гэж үзжээ. Монголын байгаль орчны иргэний зөвлөлийн УЗ-ийн гишүүн Д.Басандорж хэлэхдээ “Жишээлбэл, хоногт ашиглаж байгаа 180 орчим метр куб усны талыг нь цэвэрлээд эргүүлэн ашиглах боломжтой.” гэлээ.

Тэрбээр цааш хэлэхдээ “Манай улсын хувьд усны бохирдол агаар, хөрсний бохирдлын адил их байгаа. Цэвэр усны нөөц багатай Монгол улс усаа бохирдуулж байна гэдэг маш их сөрөг үр дагавартай. 2020 он гэхэд дэлхийн хүн ам 8 тэрбумд хүрч, цэвэр усны нөөц дуусна гэсэн эрдэмтдийн судалгаа гарсан. Тиймээс усны нөөцөө ариг гамтай, зөв зохистой ашиглах зайлшгүй шаардлага байна.” хэмээн ярилаа.

Энэ жилийн усны өдрөөр БОАЖЯ, БХБЯ, МБОИЗ-өөс хэд хэдэн арга хэмжээ зохион байгуулахаар төлөвлөснийг БОАЖЯ-ны Газар зохион байгуулалт, усны нэгдсэн бодлого, зохицуулалтын газрын дарга Ш.Мягмар танилцууллаа. Тухайлбал, 3 дугаар сарын 20-нд “Улаанбаатар хотын ус хангамжийн өнөөгийн байдал” хэлэлцүүлэг, 3 дугаар сарын 22-ны өдөр МҮХАҮТ-д “Хаягдал ус-Нөөц баялаг” сэдэвт форум болон “Ус хөгжлийн түлхүүр” сэдэвт онол практикийн XII бага хурлыг зохион байгуулах аж гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монгол Улсын Ерөнхийлөгчийн дэргэдэх Хэлний бодлогын үндэсний зөвлөл /ХБҮЗ/ өнөөдөр

Онцгой байдлын албан хаагчид сураггүй болсон бага насны хүүхдүүдийг хайж байна. Өвөрхангай аймгийн Хархорин сумын “Эрдэнэ”

УИХ-ын гишүүн О.Баасанхүү яг одоо хэвлэлийн хурал хийх гэж байна. Тэрбээр Төр нийгмийн зүтгэлтэн С.Зоригийн амь насыг хөнөөсөн хэргийн талаар мэдээлэл өгөх аж.

Нийслэлийн прокурорын газраас зарим хүнд хэргүүдэд яллах дүгнэлт үйлджээ. Тодруулбал

Нийслэлийн Ерөнхий боловсролын сургуулийн III улирлын амралт энэ сарын 30-нд эхэлнэ.

Налайх дүүрэгт зөвшөөрөлгүйгээр нүүрс олборлож байгаа аж ахуйн нэгжийн үйл ажиллагааг зогсоож, уурхайн ам цооногийг хааж эхэллээ. Зөвшөөрөлгүй 100 гаруй ам, цооногт 1000 орчим хүн ажилладаг байна. Өнгөрсөн онд л гэхэд 12 уурхайчин амь насаа алджээ

Дүүргийн хоёрдугаар хороо Нарлаг орчмын газар нь Төмөр замын тухай хуулиар улсын хамгаалалтын бүсэд байдаг. Гэтэл сүүлийн жилүүдэд уг тусгай бүсэд аж ахуйн нэгжүүд ямар ч зөвшөөрөлгүй дураараа уурхайн ам нээж ажиллуулж эхэлсэн байна. Хуулийн дагуу төмөр замаас 200 метрт байх ёстой ч амьдрал дээр 20 метр ч хүрэхгүй зайд уурхайн ам нээсэн байна. Мөн ойр орчмын айлуудын байшинд цууралт өгч эхэлсэн гэдгийг оршин суугчид хэлж байгаа юм.

Эхний ээлжинд энэ хэсгийн уурхайн үйл ажиллагааг Мэргэжлийн хяналт, Цагдаагийн хэлтэс, Онцгой байдлын хэлтэс, Уул уурхайн аврах анги, “УБЦТС” ХК-ийн Налайх түгээх төв зэрэг холбогдох байгууллагуудтай хамтран бүрэн зогсоож, 20 гаруй ам цооногуудыг булах, нөхөн сэргээлт хийх зэрэг ажлууд эхнээсээ хийгдэж байна. Цаашид зөвшөөрөлгүй үйл ажиллагаа явуулж байгаа бүх уурхайг хааж, нөхөн сэргээлтийн ажлыг үе шаттай хийхээр төлөвлөж байгаа аж.

Налайх дүүрэгт ашигт малтмалын тусгай хайгуулын болон ашиглалтын зөвшөөрөлтэй 75 аж ахуйн нэгж байдаг. Үүний 34 нь түүхий нүүрсний ам байдаг аж. Эдгээрээс зургаа нь техник, эдийн засгийн үндэслэл, уулын ажлын төлөвлөгөөгөө батлуулаад лицензээ авсан байна гэж Налайх дүүргийн ЗДТГ-аас мэдээллээ.

Дархан-Уул аймгийн Дархан сумын нутагт энэ сард их хэмжээний цас орж, зарим газар, жалганд цас тогтон, хунгар үүсчээ.

АНУ-ын зүүн хойд хэсэгт оршдог Нью-Йорк, Нью-Жерси, Пенсильвани болон Виржини мужид их хэмжээний цас орсны улмаас онц байдал зарлажээ.

Сингапурын Чанги олон улсын нисэх онгоцны буудал тав дахь жилээ дараалан дэлхийн шилдэг онгоцны буудлаар тодорчээ. Энэ шагналыг нисэх онгоцны буудлаар үйлчлүүлэгч сая сая иргэдийн дунд явуулсан судалгааны үр дүнгээр шалгаруулдаг аж.

Онцгой байдлын ерөнхий газраас санаачлан Дэлхийн банктай хамтран хэрэгжүүлж буй “Аюулгүй сургууль” хөтөлбөр болон Улаанбаатар хотын өмчит сургууль, цэцэрлэгүүдийн газар хөдлөлтийн эмзэг байдлын үнэлгээний тайлан, үр дүнг танилцуулах, газар хөдлөлтийн тэсвэрлэх чадварыг сайжруулах чиглэлээр санал солилцох сургалт семинар өнөөдөр болно.

”Хар Хайрцаг” ярилцлага. МУ-н Ерөнхий сайд асан Р.Амаржаргал

Ардчилсан намын дотоод асуудал савнаасаа хальж, олон нийтийн төвд хэдийнэ орсон. Ардчилсан намыг шинэчилнэ хэмээн хамгийн ардчилсан маягаар сонгогдсон намын дарга, Дотоод сонгуулийн хороо гэгч хэдхэн эрхэм Ардчилсан намын хувь заяагаар наадаж байна гэдгийг намын жирийн гишүүд өгүүлж, ардчилал мөхөх аюулд ороод байгаа хэмээн тэмцэж байгаа билээ. Харин намын удирдлагууд энэ бүхнийг няцаасаар байна. Тэгвэл үүсээд буй нөхцөл байдлын талаар Ардчилсан намын удирдлага болоод гишүүд юу өгүүлснийг 24 баримтаар хүргэж байна.

Энэ сарын долоонд Засгийн газар Мансууруулах эм, сэтгэцэд нөлөөт бодисын хууль бус

Өнөөдөр буюу гуравдугаар сарын 16-ны пүрэв гарагт дараах байршил дахь хэрэглэгчдийг цахилгаанаар хангадаг шугам тоноглолд урсгал засвар хийхээр болжээ. Тодруулбал, Сүхбаатар дүүрэг

10:30-17:30 цагт: 9, 11-р хороо Алтайн 10, Нуурын 7, Алтайн 23, 24, 25 Чингэлтэйн 14-17-р гудамж, эдгээрийн ойр орчмоор,

Хан-Уул дүүрэг

10:30-18:00 цагт: 9, 10-р хороо Нисэхийн гэр хороолол, орон сууцууд, 7-р сургууль, 49-р цэцэрлэг, ЦТП, Гүнийн худаг, Амин тус өрхийн эмнэлэг, ХУД-ийн Тамгын газар, Янгир хайрхан ХХК,

Сонгинохайрхан дүүрэг

10:00-17:00 цагт: 20-р хороо Барилгын цэргийн анги

11:00-12:00 цагт: УСУГ-ын Төв цэвэрлэх байгууламж

11:00-18:00 цагт: 20-р хороо Т-10, Т-46, 7-р хороо Монлааны 1, 2, 5, 6, 10, Колонкийн 1-3, Горькийн 3, ЦА-ийн 13-р гудамж, эдгээрийн ойр орчмоор.

Нийслэлийн статистикийн газраас гуравдугаар сарын II долоо хоногийн хүнсний бүтээгдэхүүнийн үнийг судалгааг гаргажээ.

Махны дундаж үнэ

Хоногт хонины ястай нэг килограмм мах дунджаар 6630 төгрөг, үхрийн ястай мах нэг килограмм нь дунджаар 7735 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 4.2 хувиар буюу 315 төгрөгөөр, үхрийн цул махны үнэ 3.2 хувиар буюу 280 төгрөгөөр өсчээ. Ажиглалтаар үхрийн мах “Барс” хүнсний захад хамгийн хямд буюу 7000 төгрөг, харин “Меркури”, “Таван-Эрдэнэ” хүнсний захуудад хамгийн өндөр үнэтэй буюу 8500 төгрөг байна. Хонины ястай махны үнэ өмнөх долоо хоногтой харьцуулахад 4.9 хувиар буюу 310 төгрөгөөр, хонины цул махны үнэ 6.3 хувиар буюу 405 төгрөгөөр тус тус өссөн байлаа. Ажиглалтаар хонины мах “Хархорин” хүнсний захад хамгийн хямд буюу 6000 төгрөгөөр, харин “Таван-Эрдэнэ” хүнсний захад хамгийн өндөр үнэтэй буюу 8000 төгрөгөөр худалдаалж байна.

Гурилын үнэ

Нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1100-1500 төгрөг, 1-р зэргийнх 900-1300 төгрөг, 2-р зэргийнх 749-900 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1150-аас 1300 төгрөгийн үнэ ханштай байв. Харин “Барс” хүнсний захад дээд зэргийн “Алтан тариа” гурил 1100 төгрөг, 1-р зэргийн гурил 950 төгрөгөөр тус тус зарагдаж байна. “Атар” талх хүнсний зах, дэлгүүрт 1100-1210 төгрөгийн үнэтэй байна. “Бөмбөгөр”, “Барс”, “Оргил”, “Хархорин” хүнсний захуудад “Атар” талхыг хамгийн хямд буюу 1100 төгрөгөөр, харин “Сансар” супермаркетад хамгийн өндөр үнээр буюу 1210 төгрөгөөр худалдаалж байна.

Төмс, хүнсний ногоо

Өмнөх долоо хоногтой харьцуулахад хүрэн манжин 7.2 хувиар буюу 105 төгрөгөөр, байцаа 0.3 хувиар буюу 5 төгрөгөөр өсчээ.

11:00 цагт: Газар хөдлөлтийн аюулаас урьдчилан сэргийлэх, таниулах өдөртэй болох ЗГ-ын тогтоолыг танилцуулан сурталчлах хэвлэлийн бага хурал Шадар сайдын өрөөнд болно.

11:00 цагт: Зууны мэдээ сонины Үндэсний мэдээллийн төвд ”Хүний эрх шударга ёс хөгжлийн төв” НҮТББ-с Төрийн жинхэнэ албан хаагчдийн хөдөлмөрлөх эрх зөрчигдөж байгаа талаар мэдээлнэ.

11:00 цагт: Тусгаар тогтнолын талбайд ”Тусгаар тогтнолын эзэд” арга хэмжээ болно. Цэрэг, цагдаагийн цэргийн парад жагсаж ”Дөл” тэмцээний шилдгүүдэд шагнал гардуулна.

11:00 цагт: Нийслэлд анх удаа “Нийслэлийн залуучууд” хөгжлийн хөтөлбөр боловсруулж хэрэгжүүлэх гэж байна. Тус бодлогын баримт бичгийн хэлэлцүүлэг Нийслэлийн иргэний танхимд болно.

11:00 цагт: MN-Мэдээллийн төвд БСШУЯ, РЦНК, ОХУ-ын ЭСЯ-наас хамтран зохион байгуулж буй “Оросын боловсролын үзэсгэлэн ЭКСПО 2017”-ын талаарх мэдээллийг сонирхоорой.

12:00 цагт: Корпорэйт Конвешн центрт ROADEXPO 2017 олон улсын Авто замын үзэсгэлэн конференц нээгдэнэ. Үзэсгэлэнд Герман, Итали, Солонгос, Хятад, Япон, АНУ, Турк зэрэг улсаас компаниуд оролцоно.

14:00 цагт: Уул уурхайн тухай хуулийн төсөлд санал өгөх ”Тусгай зөвшөөрлийн үйл явц ба шийдвэр гаргах үйл ажиллагаан дахь олон нийтийн оролцоо” сэдэвт хэлэлцүүлэг болно. Хаана: Нээлттэй нийгэм форумын Хурлын зааланд

14:00 цагт: Тусгай хамгаалалттай газар нутгийн 14 Хамгаалалтын захиргаадад иж бүрэн тоноглосон галын машиныг хүлээлгэн өгөх арга хэмжээ Сүхбаатарын талбайд болно. Арга хэмжээнд БОАЖЯ-ны сайд Д.Оюунхорол, ХБНГУ-ын Холбооны Эдийн засгийн хамтын ажиллагаа, хөгжлийн яамны Парламентийн Төрийн нарийн бичгийн дарга Ханс Ёоахим Фухтел, ХБНГУ-аас Монгол Улсад суугаа онц бөгөөд Бүрэн эрхт Элчин сайд Щтефан Дуппел, Хамгаалалтын захиргаадын дарга нар болон бусад албаны хүмүүс оролцоно.

16:00 цагт: Монголын Ноос ноолуурын холбоо, ГХЯ-ны дэргэдэх Эмэгтэйчүүдийн Дипломат клуб хамтран Монгол улсад суугаа гадаадын Дипломат төлөөлөгчийн газруудын оролцоотой зохион байгуулах анхны ”Fashion shou” арга хэмжээ ”Туушин”-д болно.

18:00 цагт: Үр шилжүүлэн суулгах төвийн нээлтийн ажиллагаа Солонгос улсын элчин сайдын яамны хурлын танхимд болно.

“Дэлхий усны өдөр”-ийг тэмдэглэн өнгөрүүлэх өдрийг угтан “Хаягдал ус-Нөөц баялаг” сэдэвт хэвлэлийн бага хурал Нийслэлийн Хангарьд ордны хэвлэл мэдээллийн төвд болно. Мөн хэвлэлийн хурлын дараа сэтгүүлчдэд Гачуурт дахь бага оврын цэвэрлэх байгууламж болон Төв цэвэрлэх байгууламжаас Туул гол руу шууд хаяж байгаа ус, түүний өнөөдрийн орчны нөхцөл байдал, эргээр нь үүссэн нууруудыг үзүүлж асуудал, шийдлийн талаар танилцуулах юм.

Улсын дээд шүүх Ардчилсан намын дүрэмд оруулсан нэмэлт өөрчлөлт нь Улс төрийн намын тухай хууль болон уг намын дүрэмд заасан шаардлагыг хангаагүй байна гэж үзсэн билээ.