Намын гишүүнчлэлийн шинэчилсэн бүртгэл ирэх сарын 6-ны өдрийг хүртэл үргэлжилнэ

Өмнө нь “Өргөө амаржих газар”, ”Улсын нэгдүгээр төв эмнэлэг”, “Эх хүүхдийн эрүүл мэндийн үндэсний төв”, “СХД-ийн Эрүүл мэндийн төв”, “ХУД-ийн Эрүүл мэндийн төв”-үүдийн хүлээлгийн танхим, үйлчлүүлэгчийн өрөө, хүүхдийн тоглоомын болон ариун цэврийн өрөө зэргийг тохижуулсан билээ.

Үндэсний эрх чөлөө, тусгаар тогтнолоо сэргээн мандуулсны 105 жилийн ой, Богд хааны ордон музей байгуулагдсаны 90 жилийн ойд зориулан Богд хааны ордон музейгээс “МОНГОЛ УЛСЫН СҮҮЛЧИЙН ЭЗЭН ХААН VIII БОГД ЖАВЗАНДАМБА” үзэсгэлэн, үйл ажиллагааг 2016 оны 12 дугаар сарын 29-ний өдөр зохион байгуулах гэж байна.

Тус үзэсгэлэнд Улаанбаатар хотын музей, МБШТөв Гандантэгчэнлин хийдийн дэргэдэх Эрдэм соёлын хүрээлэн хамтран оролцож байгаа юм.

Жил бүрийн 12 дугаар сарын 29-ний өдөр бол тэртээ 105 жилийн өмнө Монголчууд Манж чин гүрнээс тусгаарлаж үндэсний эрх чөлөө, тусгаар тогтнолоо сэргээн мандуулж VIII Богд Жавзандамбыг хаан ширээнд залж нийт даяар хөл хөөр болж байсан түүхэн тэмдэглэлт өдөр билээ. Эл тэмдэглэлт өдөрт Богд хааны ордон музейн зүгээс ач холбогдол өгч жил бүр тогтмол үйл ажиллагаа зохион байгуулж түүхэн гавьяаг сурталчлан таниулдаг уламжлалтай.

Тус өдөр эх орныхоо түүх, соёлыг дээдлэн хайрлагч, түүхч судлаачид, үндэсний үзэлт сэхээтнүүд, үзэгч олон музейд хүрэлцэн ирж түүхэн гавьяаг дурсан санадаг юм.

Энэ удаагийн үзэсгэлэнд Богд хааны ордон музейн сан хөмрөгт хадгалагддаг Богд хааны хөрөг бүхий танка зураг, зээгт наамал бүтээлүүд, Богд хаан болон Дондогдулам хатны ховор гэрэл зургуудыг дэлгэхээс гадна урьд өмнө нийтлэгдэн дэлгэгдэж байгаагүй ховор гэрэл зургуудыг ч анх удаа дэлгэн үзүүлэх гэж байгаагаараа ихээхэн онцлогтой юм. Түүнчлэн гэрэл зурагт дүрслэгдсэн Богд хаан, Дондогдулам хатан нарын хувцас, эд хэрэглэлээс ч мөн тус үзэсгэлэнд дэлгэж үзүүлэх юм.

Мөн үйл ажиллагааны хөтөлбөрт хаан хатны сэнтийд хүндэтгэл үзүүлэх ёслолын ажиллагаа явагдах ба үргэлжлүүлэн МБШТөв Гандантэгчэнлин хийдийн Эрдэм соёлын хүрээлэнгийн Эрдэмтэн нарийн бичгийн дарга Н.Амгалан урьд өмнө судлагдаж олон нийтийн хүртээлд хүрч байгаагүй Богд хааны нэгэн намтрыг анх удаагаа цугларсан хүмүүст танилцуулж лекц унших гэж буйгаараа урьд урьдын жилүүдээс онцлог арга хэмжээ болох юм.

Үйл ажиллагааны төгсгөлд “Монгол улсын сүүлчийн эзэн хаан VIII Богд Жавзандамба” гэсэн сэдвээр нээлттэй хэлэлцүүлэг өрнүүлэх бөгөөд хэлэлцүүлгийг ШУА-ын ОУХХүрээлэнгийн эрдэмтэн Монгол улсын төрийн соёрхолт, түүхийн шинжлэх ухааны доктор О.Батсайхан хөтлөн явуулах юм.

Нийслэл хотын хөгжлийн төлөөх үйлсэд үнэтэй хувь нэмрээ оруулж, эрхэлсэн ажил үйлсээрээ салбартаа тэргүүлж, олон жил үр бүтээлтэй ажиллаж буй ажилтан, албан хаагчдыг Нийслэлийн хөдөлмөрийн аваргаар шалгаруулдаг уламжлалтай. Энэ жил Нийслэлийн хөдөлмөрийн аваргаар төрийн захиргаа, банк санхүү, хууль сахиулах, дэд бүтэц, барилга, авто зам, боловсрол, эрүүл мэнд, хөдөлмөр нийгмийн хамгаалал, биеийн тамир спорт, нийтийн тээвэр, тохижилт үйлчилгээ, байгаль орчин, худалдаа үйлчилгээ, соёл урлаг, хэвлэл мэдээлэл, аж ахуйн салбараас 27 хүнийг тодрууллаа. Ингэхдээ тухайн салбарын хүрээнд эрхэлсэн ажил хөдөлмөртөө тогтвортой ажиллаж, онцгой амжилт гаргасан, шинжлэх ухааны орчин үеийн дэвшилтэт арга технологийг нэвтрүүлж, тодорхой үр дүнд хүрсэн, нийслэл хотын иргэний үүргээ үлгэр жишээчээр биелүүлсэн, хамт олондоо нэр хүндтэй зэрэг үзүүлэлтүүдийг харгалзан үзжээ.

Энэхүү арга хэмжээг Нийслэлийн Засаг даргын Тамгын газар, Улаанбаатар хотын Үйлдвэрчний эвлэлүүдийн холбоо, Монголын ажил олгогч эздийн нэгдсэн холбоо хамтран зохион байгууллаа. Нийслэлийн 2016 оны Хөдөлмөрийн аваргаар дараах иргэд шалгарлаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

НЗДТГ-ын Төрийн захиргааны, удирдлагын хэлтсийн дарга Ү.Ганболд
Чингэлтэй дүүргийн ЗДТГ-ын Санхүү, төрийн сангийн хэлтсийн дарга Ж.Орхонбаяр
Улаанбаатар хотын цагдаагийн газрын Нийтийн хэв журам хамгаалах нэгжийн ахлах байцаагч Ц.Жаргалмаа
Нийслэлийн шүүхийн шинжилгээний газрын ХУД-ийн криминалистикийн шинжилгээний тасгийн мэргэшсэн шинжээч П.Мөнхтогтох
НОБГ-ын Аврах ангийн Эрэн хайх салбарын жолооч-холбоочин, ахлах ахлагч А.Бямбадорж
ХУД дэх Замын цагдаагийн хэлтсийн цагдаа, зохицуулагч, ахлах ахлагч Ж.Энхтүвшин
Нийслэлийн хот төлөвлөлт, ерөнхий төлөвлөгөөний газрын Хот төлөвлөлтийн архитектор П.Энхбаатар
СХД-ийн 110 дугаар цэцэрлэгийн багш Ө.Сарантуяа
БЗД-ийн 115 дугаар цэцэрлэгийн арга зүйч Х.Саруул
СХД-ийн Эрүүл мэндийн төвийн бага эмч Д.Оюунбат
Хүрээ амаржих газрын эх баригч Я.Мядагмаа
“Энэрэл” эмнэлгийн Сувилахуйн албаны дарга З.Энхтуяа
БГД-ийн ЗДТГ-ын Цэргийн штабын дарга, хурандаа Ч.Батхүрэл
ШШГЕГ-ын харьяа “Сүлд” спорт хорооны тамирчин Э.Содномпилжээ
“Автобус нэгдэл” ХХК-ийн хүн тээврийн жолооч М.Пүрэвдорж
“Хот тохижилтын газар” ОНӨААТҮГ-ын машин механизмын оператор Ц.Ганбаатар
“Хот тохижилтын газар” ОНӨААТҮГ-ын Зам талбайн үйлчлэгч Ц.Энхжарантай
Улаанбаатар хотын “Гэрэлтүүлэг чимэглэл” ХХК-ийн гэрлийн мастер Б.Зундуй
Нийслэлийн байгаль орчны газрын байгаль хамгаалагч, хэсгийн ахлагч Ц.Цогтбаатар
“Туяарах” гоо сайхны салоны захирал Б.Сувдмаа
“Монголын шинэ тосгон” хөдөлгөөний тэргүүн К.Марина
itoim.mn сайтын Ерөнхий редактор Г.Улсболд
“Ус сувгийн удирдах газар” ОНӨААТҮГ-ын Засварын нэгдсэн албаны насосчин, засварчин П.Очирбат
“Ус сувгийн удирдах газар” ОНӨААТҮГ-ын Хэрэглэгчдэд үйлчлэх албаны засварчин Д.Түмэнжаргал
“Зорчигч тээврийн нэгтгэл” ОНӨААТҮГ-ын жолооч М.Дашдаваа
“Сүү” ХК-ийн гүйцэтгэх захирал Б.Гантулга
“Чиглэл” ХХК-ийн захирал Ц.Бумцэнд

Монгол Улс 2014 онд дундаас дээш орлоготой орны тоонд багтсан боловч 2015 онд дундаас доогуур орлоготой орны ангилалд шилжээд байгаа талаар Үндэсний Статистикийн Хорооноос онцолсон байна. Үндэсний Статистикийн Хорооны тооцоолсноор 2015 онд нэг хүнд ногдох дотоодын нийт бүтээгдэхүүн оны үнээр, мөн Дэлхийн банкны атласын аргаар тооцсоноор 4177 ам.долларт хүрсэн байна.

“Монгол Улсын тогтвортой хөгжлийн үзэл баримтлал 2030” баримт бичгийн төсөөллөөр Монгол Улс нь дунд орлоготой орнуудын тэргүүн эгнээнд орохоор зорьсон байдаг. Монгол Улсын үйлдвэрлэлийн салбарын дотоодын нийт бүтээгдэхүүнд эзлэх хувь 2014 оны байдлаар 34.7 хувь байгаа нь нэг хүнд ногдох үндэсний нийт орлогоор Монгол Улстай төстэй Армен, Шри Ланка улсынхаас 6.1 болон 4.1 пунктээр их байна. Харин дэлхийн дунджаас 7.1 пунктээр их байгаа ажээ.

Дотоодын нийт бүтээгдэхүүний салбарын бүтцийг бүс нутгаар авч үзвэл, Хойд Америкийн орнууд, Латин Америк, Карибын тэнгисийн орнууд болон Европ, Төв Азийн улсуудад дотоодын нийт бүтээгдэхүүний 65-аас илүү хувь нь үйлчилгээний салбарт ногдож байна. Монгол Улсын хувьд ч үйлчилгээний салбарын цар хүрээ үйлдвэрлэлийнхээс хурдацтай нэмэгдэж, 2014 онд дотоодын нийт бүтээгдэхүүний 50.5 хувь, 2015 онд 51.1 хувь болжээ.

Хэдий тийм боловч Монгол Улсын өрсөлдөх чадвар cүүлийн дөрвөн жил харьцангуй тогтвортой буюу өрсөлдөх чадварын индекс 3.7-3.9 хооронд байсан ба 93-107 дугаар байранд эрэмбэлэгдсэн байна. Үүнд макро эдийн засгийн орчин, санхүүгийн зах зээлийн хөгжил, инноваци, бизнесийн шинэ санаа зэргийн үзүүлэлт тааруу байгаа нь голлон нөлөөлжээ.

Түүнчлэн Монгол Улсад бизнес хийхэд тулгардаг гол асуудлуудад Засгийн газрын хүнд суртал, гадаад валютын зохицуулалт, ажиллах хүчний чадвар муу, инфляцын түвшин, бодлогын тогтвортой бус байдал зэрэг нь голлох таван хүчин зүйлд орсон байна. Монгол Улс 2030 он гэхэд нэг хүнд ногдох үндэсний нийт орлогын хэмжээг 17 мянга 500 ам.долларт хүргэх, хүний хөгжлийн үзүүлэлтээр эхний 70-д багтах, өрсөлдөх чадварын индексээр эхний 70-д багтах, ядуурлын бүх төрлийг эцэс болгох, экологийн тэнцвэртэй байдлыг хадгалж, ногоон эдийн засгийн үзүүлэлтээр дэлхийн эхний 30 улсын нэг болох зорилтыг дэвшүүлсэн юм.

Монгол улсын гавьяат тамирчин,уулын спортын олон улсын хэмжээний мастер Б.Гангаамаа дэлхийн долоон тивийн долоо дахь ноён оргилд төрийн далбаагаа мандууллаа.



Тэрбээр өнөө өглөө буюу УБ-ын цагаар 2016 оны 12 дугаар сарын 26-ны өдрийн 9 цаг 57 минутад Антарктид тивийн ноён оргил Винсон массив/д.т.д 4897м/ оргилд амжилттай авиралт хийж төрийн далбаагаа цэнгүүлжээ. Чили улсын цагаар 2016 оны 12 дугаар сарын 25-ны 19 цаг 15 минутад оргилд амжилттай хөл тавьжээ.



Өндөрийн салхи ихтэй байсан байна. Одоо оргилоос бууж High camp буюу өндөрийн бааз дээр бууж ирээд буй бөгөөд удахгүй доошлох болно гэж танилцууллаа.Б.Гангаамаа дэлхийн долоон тивийн долоо дахь ноён оргилд төрийн далбаагаа мандууллаа

С.Зоригийг хөнөөсөн хэргийн шүүх хурал өнгөрсөн баасан гаригийн 22.00 цагт түр завсарласан билээ. Харин өнөөдөр тус шүүх хурал 10:00 цагт эхэлж, үргэлжилэн явагдаж байна.

Өнөөдрийн шүүх хуралд хэргийн нотлох баримтыг шинжлэх ажиллагаа үргэлжлэн явагдах аж. Шүүх бүрэлдэхүүн нотлох баримтыг бүрэн шинжилж дуусаагүй учраас ийнхүү энэ долоо хоногт үргэлжлүүлэхээр болжээ.

Эдгээр өдрүүдэд хавтаст хэрэгт авагдсан нотлох баримтыг шинжлэн судлаж, шинжээчдийн дүгнэлтийг сонсож аж. Мөн шүүгдэгч болон гэрчийн мэдүүлэг, шинжээчдийн дүгнэлт хуулийн дагуу нууцын зэрэглэлтэй явагдана.

Утааны эсрэг ээж, аавуудын холбооны санаачлагаар утааны эсрэг жагсаал зохион байгуулахаар болсон. Уг жагсаал энэ өдрийн 12.00 цагаас 14.00 цагийн хоооронд Сүхбаатарын талбайд болно.

Шинэ жилийн баяр дөхөж байгаа эдгээр өдрүүдэд томоохон зах, худалдааны төвүүд, ресторануудын ачаалал эрс нэмэгддэг.

Сүхбаатар аймгийн Эрдэнэцагаан сумын нутаг дахь Бичигт боомтоор олон тооны адууг хилээр гаргах гэж байгаа асуудал нэг хэсэг олны анхаарлыг татаж, улмаар адууг нутаг руу буцаасан билээ.

УИХ дахь АН-ын бүлэг хуралдаан эхэллээ. Хуралдаанаар энэ долоо хоногт чуулган, байнгын хороогоор хэлэлцэх хууль, тогтоолын төсөлд байр сууриа нэгтгэх юм байна. Мөн цаг үеийн асуудлыг хэлэлцэж аж.



Тус бүлгийн 9 гишүүнээс Ж.Батзандан, С.Эрдэнэ, Д.Эрдэнэбат нарын гурван гишүүн АН-ын даргын сонгуульд нэр дэвшиж байгаа билээ.

Өвчтэй эхнэрээ зодож, амь насыг нь хөнөөсөн этгээдэд ял оноолоо. Өнгөрсөн оны 11 дүгээр сард Говь-Алтай аймагт иргэн Э нь согтууруулах ундааны зүйл хэрэглэсэн үедээ эхнэр Н-г өвчний улмаас биеэ хамгаалж чадахгүй байгааг мэдсээр байж зодож, амь насыг нь хохироожээ.



Уг хэрэгт Говь-Алтай аймгийн прокурорын газраас Монгол Улсын Эрүүгийн хуулийн тусгай ангийн 91 дүгээр зүйлийн 91.2.15 дахь хэсэгт зааснаар яллах дүгнэлт үйлдэж, шүүх хянан хэлэлцжээ. Шүүхээс Э-д 17 жилийн хорих ял оногдуулж, ялыг чанга дэглэмтэй эрэгтэйчүүдийн хорих ангид ял эдлүүлэхээр шийдвэрлэсэн байна.

Мэргэжлийн Засгийн газрыг Тавантолгойн гэрээтэй холбоотойгоор огцруулахаар ярьж эхэлсэн гэх бор шувуу шаргал ордоноор нисч эхэллээ. Тодруулбал Ц.Даваасүрэн тэргүүтэй зарим гишүүд Засгийн газрыг огцруулах асуудлаар сэм, сэмхэн ярьж эхэлсэн гэнэ.

”Утааны эсрэг ээжүүд” холбооноос санаачлан маргааш буюу энэ сарын 26-ны өдөр жагсаал хийхээр болсон. Тэд агаарын бохирдол, хотын утаанаас үүдсэн хүүхдийн өвчлөл их байгаад ийнхүү сэтгэл зовниж жагсахаар болсон юм.

Зохион байгуулагчдын зүгээс бусад эцэг эхчүүдийг идэвхитэй оролцохыг уриалж байгаа аж. Жагсаалд оролцох хүмүүс өөрсдийн үзэл бодол нөхцөл байдлыг илэрхийлэх лоозон самбар лаа зэргээ бэлдэж ирэх юм байна.


Хорт утаа аюултай хэмжээнээс 15 дахин их болсноор хүүхдүүд жилд 2-4 удаа уушигны хатгаа өвчнөөр өвчилж, антибиотек судас рууга байнга шахуулах нь жирийн амьдралын хэвшил мэт болжээ. Мөн утааны шууд бус нөлөөнөөс үүдэн өвлийн улиралд зулбалт дөрөв дахин нэмэгдэж, төрөх дөхсөн хүүхдүүд хэвлийдээ амьгүй болж байгаа гэдгийг ээжүүд хэлж байна.

Олон улсын хүүхдийн Найрамдал цогцолборт “Харшийн сүлд модны наадам” боллоо. Энэ удаагийн наадам “Шидэт дэлгэц буюу гайхамшигт хонхны жингэнээ” нэртэйгээр зохион байгуулагдсан юм.

Өчигдөр Олон улсын хүүхдийн Найрамдал цогцолбор НЗДТГ-тай хамтран Нийслэлд үйл ажиллагаа явуулдаг бүх халамж, асрамжийн төвийн хүүхдүүдийг хүлээн авч баярлуулж байна. Харшийн сүлд модны наадамд нийслэлийн Засаг дарга бөгөөд Улаанбаатар хотын Захирагч С.Батболд, Засаг даргын Тамгын газрын дарга М.Отгонбаяр, Засаг даргын Тамгын газрын Нийгмийн бодлогын хэлтсийн дарга Д.Эрдэнэсүрэн болон холбогдох албаны хүмүүс оролцлоо.

Олон улсын хүүхдийн Найрамдал цогцолборын захирал Д.Оюунцэцэг “Жил бүр НЗДТГ-аас уламжлал болгон халамж, асрамжийн төвийн хүүхдүүдийг Харшийн шинэ жилийн наадамд оролцуулдаг. Бидний анхаарал халамж хэрэгтэй байдаг тэр хүүхдүүдийг уламжлал болгон уг наадамд оролцуулж байгаа нь маш их талархууштай үйл явдал юм” хэмээлээ.

1981 оноос өнөөг хүртэл 37 дахь жилдээ зохион байгуулагдаж буй энэхүү наадамд тухайн жилд зохиогдсон олон улсын, үндэсний наадмуудад амжилт гаргасан болон аймаг, орон нутгийн урлагийн авьяаслаг хүүхдүүдийг шалгаруулан оролцуулдагаараа бусад ижил төстэй сүлд модны наадмаас онцлогтой билээ. Энэ сарын 21-ээс 27-ны хооронд 4500 гаруй хүүхэд багачуудыг хүлээн авахаар болсон байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Өнөөдөр буюу 2016 оны арванхоёрдугаар сарын 26-ны даваа гарагт болох зарим үйл явдлын тоймыг хүргэж байна.
Ардчилсан намыэн төв байр

11.00 цагт: Ардчилсан намын ерөнхий нарийн бичгийн даргын үүрэг гүйцэтгэгч Л.Эрхэмбаяр намын даргын сонгууль болон гишүүдийн шинэчилсэн бүртгэлийн талаар мэдээлэл хийнэ.
Засгийн газрын 4 дүгээр байр

11.00 цагт: Санхүүгийн зохицуулах хорооноос хэвлэлийн хурал зарлаж байна. Энэ удаа банкнаас бусад санхүүгийн байгууллагуудын зээлийг хүүг бууруулах талаар авч буй бодлого арга хэмжээний талаар мэдээлэл өгнө. Хороон дарга С.Даваасүрэн болон бусад удирдлагууд оролцоно. Утас: 88008781, 70127052
Хан-Уул дүүргийн нэгдсэн эмнэлэг

12.00 цагт: ”Итгэлийн танхим” ТББ Хан-Уул дүүргийн нэгдсэн эмнэлгийн хүүхдийн тасгийг иж бүрэн засварлаж тохижуулсан ажлаа хүлээлгэж өгнө.
УБ Палас

12.00 цагт: Монголын Сурагчдын Холбооноос жил бүр уламжлал болгон зохиогддог оны шилдэг сурагчдын ”Алтан хором” харшийн сүлд модны наадам Улаанбаатар паласийн концертын их танхимд болно. Энэхүү наадамын гол зорилго нь нийт хагас сая сурагчдын төлөөлөл болсон сурлага хөдөлмөр урлаг спорт авьяас чадвар нийгмийн идэвхээрээ анги хамт олноо манлайлан шалгарсан шилдгийн шилдэг сурагчиддаа урамшуулан алдаршуулж цаашид сурч хөгжихөд нь урам зориг өгөхөд оршино. Утас: 89914971, 80997974, 86151508

УИХ дахь намын бүлэг, ажлын хэсгүүдийн өнөөдрийн хуралдааны тов, хэлэлцэх асуудлын жагсаалтыг УИХ-ын даргын дэргэдэх Зөвлөлийн 2016 оны 12 дугаар сарын 23-ны өдрийн хурлаар баталснаар хүргэж байна.

НЭГ. УЛСЫН ИХ ХУРАЛ ДАХЬ НАМЫН БҮЛГИЙН ХУРАЛДААН:

Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд;
Улсын Их Хурал дахь Ардчилсан намын бүлгийн хуралдаан “Их эзэн Чингис хаан” танхимд.

ХОЁР. АЖЛЫН ХЭСГИЙН ХУРАЛДААН:

Монгол Улсын хилийн тухай хуулийн шинэчилсэн найруулгын төсөл болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн болон Аюулгүй байдал, гадаад бодлогын байнгын хорооны хамтарсан ажлын дэд хэсгийн хуралдаан 09.00 цагаас 334 тоот өрөөнд;
Монгол Улсын хилийн тухай хуулийн шинэчилсэн найруулгын төсөл болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн болон Аюулгүй байдал, гадаад бодлогын байнгын хорооны хамтарсан ажлын хэсгийн хуралдаан 14.00 цагаас 334 тоот өрөөнд;
Арбитрын тухай хуулийн шинэчилсэн найруулгын төсөл болон холбогдох бусад хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 16.00 цагаас 334 тоот өрөөнд;
“Агаарын бохирдол ба Улаанбаатарын утаа” сэдэвт Өргөдлийн байгын хорооны хэлэлцүүлэг 14.00 цагаас “Жанжин Д.Сүхбаатар” танхимд.

ХОНЬ (3/21-4/19)

Өөрийн байр сууриа хамгаалах идэвхитэй, тэмцэлтэй хүнд өдөр. Гэр бүл, хамтрагчтайгаа асуудал үүсгэж магадгүй. Эргэн тойрныхонтойгоо зөрчилдөх болно. Сонор сэрэмжийнхээ ачаар таагүй зүйлсээс зайлсхийж муу санаатны занганаас тойрон гарч чадна. Гэр бүлийн хүрээнд бага зэргийн хэрүүл маргаан гарч болзошгүй. Өөрийн байр суурийг баттай хамгаалан, тайван амгалан байхыг одод зөвлөж байна. Ажил төрөл тань таны бодож байгаа шигээр нэг их дордоогүй байна.
ҮХЭР (4/20-5/20)

Эрч хүч мэдэрсэн өдөр. Соронзон хүчтэй Сар таны талд байгаа тул өнөөдөр өөрийн эсрэг зогсож байгаа бүх хүнийг ялан дийлэх болно. Чухал төлөвлөлтийн ажилдаа ахиц гарах тул үйлдэлдээ итгэлтэй бай. Маш их нууцлагдмал нэгэн хүн таны ертөнцөд гэнэт орж ирнэ. Та өмнө нь мэддэг байсан мэт сонин сэтгэгдэл төрөх ч үнэн хэрэг дээрээ анзаарахгүй байсан байх. Өөрийнхөө зөн совинд итгэ, баяр хөөрийг эргэлзээгээр битгий бүүдийлгээрэй. Та өрсөлдөгч нараа хол хаяж бүтээлч шинэ санаагаараа бат бөх суурийг тавих болно.
ХАМТАТГАХ (5/21-6/21)

Та бүх хүнд хэрэгтэй болох ба тэр бүхний учрыг олох хэмжээнд байхгүй байгаа тул эхлээд нөхцөл байдлын урьтал байдлыг үнэлж дүгнэхийг хичээ. Нөхцөл байдлыг буруугаар үнэлэх, бодлогогүй хуумгай амлалт, аль эсвэл ачаалагдсан их ажлаас болж түвэгтэй байдал үүсэх бололтой. Ялангуяа эрэгтэйчүүдэд таагүй өдөр. Амьдралын эрч хүч маш доогуур төвшинд байна. Өглөөнөөс л зөрчил, үл ойлголцол үүснэ. Дотны хүмүүстэй холбоотой эсвэл мэргэжлийн үйл ажиллагаанд бүтэлгүйтэл авчрах таагүй мэдээ авч болзошгүй. Тооцоолоогүй зарлага, санхүүгийн алдагдал гарах бололтой.
МЭЛХИЙ (6/22-7/22)

Нянгийн эсрэг дархлаагаа сайжруулах хэрэгтэй. Хайр дурлалын асуудал зөвлөгөөний ачаар хялбар шийдэгдэх бөгөөд хайртай хүнтэйгээ бүрэн ойлголцох болно. Хэтэрхий их зүйл хийхээр төлөвлөх хэрэггүй. Хэрэв бие чинь муу байгаа бол өөртөө анхаарал тавь. Тэжээллэг хоол идэж амар. Ах эгчийнхээ төлөө санаа зовж байгаа бол тайвшир. Удахгүй тэднээс мэдээ ирэх болно.
АРСЛАН (7/23-8/22)

Боломж, бололцоонууд ирнэ. Энэ ордонд төрсөн таны хувьд танд өөрчлөгдөж хувьсашгүй шинж чанар байдаг. Тиймээс та шаардлагатай хувьсал өөрчлөлтийг хүлээн авна гэдэгтээ бэлдэх хэрэггүй. Бүх сонголтуудыг хар, таны хүсэл зорилгод нийцэж байгаа юм шиг жүжиглэ. Сайн сайхныхаа төлөө хэдэн хоолыг хасах нь найдвартай арга зам юм. Хэрэв таны caгс халгин цалгиж байвал бусадтай ажиллахаар томилогдох болно.
ОХИН (8/23-9/22)

Холимог өдөр. Нэг газар ажилладаг хосууд шинэ асуудалтай тулгарч болзошгүй. Та 2 харилцаа холбоогоо нуусаар байгаад даргынхаа дургүйцлийг хүргэнэ. Даргадаа хүндэтгэлтэй үнэнч долигоносон биш ханддагаа хэлэх хэрэгтэй. Ажлын бус асуудлаар хэн нэгэнтэй холбоо тогтооно. Худалдан авах, зарах, экспортлох хэлэлцээр хийх нь амархан бүтнэ. Та барьцаа өгөн зээл авах асуудал тань бүтэмжтэй байна. Од гарагс маргааш их завгүй өдөр байх болно гэсэн тул өнөөдөр эртлэн унтаж амар.
ЖИНЛҮҮР (9/23-10/22)

Шинжлэх ухаан, технологи, одон орон судлал гэх мэт нууцлаг зүйлс сонирхлыг тань татах болно. Ажлаа эхлэхээсээ өмнө хамтрагчтайгаа хамтран төлөвлөгөөгөө хянан засварла. Дагалдагч байхаас одооноос зогсоож, өөрийн гэсэн шийдвэрийг гарга. Та өөрийн төсөөлж байсан тэрхүү оргилд хүрч чадна. Харин та чимээгүй орчныг хүсч байгаа бол орон нутгийн нийгэмлэгийн үйл ажиллагаанд очих хэрэггүй. Олны дунд байх нь танд зугаатай санагдахгүй. Танд итгэж найдсан ахан дүүсээ сэтгэлээр унагах зүйлс бүү хийгээрэй.
ХИЛЭНЦ (10/23-11/21)

Албан тушаал ахих талаар бодоход тийм ч сайн өдөр биш. Хойшлуулсан ажил, шийдвэрлэгдээгүй асуудлууд таныг хүлээж байна. Үүнийг шийдэхийн тулд багагүй цаг хугацаа, санхүүгийн зардал шаардагдана. Хосуудын харьцаа тааламжгүй. Хамгийн тогтвортой хосууд ч муудалцаж болзошгүй. Өнөөдөр ямар ч хэрүүл маргаанд бүү оролц. Анхаарлаа бүү сулруул. Туслах чанарын асуудалд бүү сатаар. Өнөөдөр гаргасан алдааг засахад маш хэцүү байх болно. Таны дотор эрхтэн сайнгүй байгаа бол өөх тостой хоолоо багасгах хэрэгтэй.
НУМ (11/22-12/21)

Ажилд орох өргөдөлдөө өөрийн мэдлэг чадвар болон худалдаа наймаатай холбоотой ажлын туршлагын талаар илүү их нэмж бичвэл ажилд орох магадлал өсөх болно. Танд тун удахгүй тушаал дэвших боломж гарна. Өөртөө итгэлтэй байвал бүх зүйл сайхан болно. Өнөөдөр бүх асуудлыг жижиг жижгээр нь нарийвчлан үзэж, шийдвэр гаргахыг хичээгээрэй.
МАТАР (12/22-1/19)

Туйлбаргүй өдөр. Та өнөөдөр бодол санаа, мэдрэмж, сэтгэлийн хөөрөлдөө автжээ. Шинэ санаа, санаачилга эерэг үр дүнг харуулах болно. Харин та хэт түрэмгий, ойворгон зан гаргахаас зайлсхийж, буруу ойлголт хэн нэгэнд төрүүлэхгүй байхыг хичээ. Аливааг хэт өндрөөс харах нь таны амьдралын итгэл үнэмшилд сөргөөр нөлөөлнө. Сэтгэлийн хөдөлгөөндөө хэт их автах бололтой. Та урам зориг, эрч хүчийг олж авахаас гадна амьдралынхаа хэтийн төлөвт сэтгэл өөдрөг байх болно. Өнөөдрийн үйл явдлын зарлага таны сэтгэл санаан дээр түшиглэнэ. Хайр сэтгэлээ зүрх сэтгэлдээ нандигнаж яваарай!
ХУМХ (1/20-2/18)

Та бүхэн ширүүхэн маргаантай учирч, саад тотгорыг даван туулж чадна. Өөрийн үйл хөдлөл болон хэлж буй зүйлээ хяна. Санамсаргүй хэлсэн үг бусдыг гомдоож болно. Шийдвэр гаргах, сонголт хийхдээ анхааралтай ханд. Чадахаасаа илүү ихийг амлаж, үүнийгээ биелүүлж чадахгүй бол таны нэр хүндэд таагүй зүйл болно. Хамт ажиллагчтайгаа асуудал үүсгэж магадгүй. Харилцан ойлголцолд хүрэх хэрэгтэй.
ЗАГАС (2/19-3/20)

Хурцадмал өдөр. Өнөөдөр сайхан өдөр болно гэж найдах хэрэггүй. Та хамт ажиллаж буй хүнийхээ хайхрамжгүй хичээл зүтгэлгүй байдлаас болж нэлээд их бухимдах болно. Хэрвээ хамтрагч тань ажлаа хийхээсээ илүү хүмүүстэй ярьж, цагаа дэмий үрээд байвал бага зэрэг шүүмжлэл хэлэхэд гэмгүй. Гэхдээ та ямар нэг таагүй байдал үүсгэхийг хүсэхгүй байгаа бол толгойдоо орж ирсэн зүйлийг хэлж, хурцаар шүүмжилж хамтрагчаа гомдоож, сэтгэлд нь юм хийхээс болгоомжил. Хэрвээ ойр дотны хайртай хүнээ ойлгоход бэрх байгаа бол нэг их асуудал үүсгэлгүй тэдэнд чөлөөтэй байх боломж олго.

Өнөөдөр аргын тооллын 2016 оны арванхоёрдугаар сарын 26. Даваа гараг. Билгийн тооллын XVII жарны ”Муу нүүрт” хэмээгч Гал бич жилийн өвлийн дунд цагаан хулгана сарын 27. Сумъяа гараг. Онгоц одтой, долоон улаан мэнгэтэй хар морь өдөр.

Барилдлага: Идэр
Шүтэн барилдлага: Сансар
Суудал: Мод

Өдрийн наран 8 цаг 43 минутад мандан, 17 цаг 05 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, тангараг тавих, гэр, байшингийн суурь тавихад сайн.

Гэр бүрэх, хэрүүл тэмцэл хийх, улаа гаргах, хиншүү хярвас гаргахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд хэрүүл тэмцэл ирнэ хэмээжээ.

Малчид, тээвэрчид, иргэдэд зориулсан мэдээ: 26-нд нутгийн өмнөд хэсгээр, 27-нд нутгийн хойд хэсгээр цас орж, цасан шуурга шуурч, ихэнх нутгаар хүйтний эрч чангарна.

2016 оны 12 дугаар сарын 26-ны 08 цагаас 20 цаг хүртэл: Нутгийн зүүн хагаст үүлэрхэг. Төвийн аймгуудын зүүн өмнөд, говийн аймгуудын зүүн хэсгээр цас орж, зөөлөн цасан шуурга шуурна. Бусад нутгаар багавтар үүлтэй. Цас орохгүй. Салхи хойноос секундэд 6-11 метр, Дархадын хотгор, Ерөө голын сав газраар 25-30 хэм, Увс нуурын хотгор болон Идэр, Тэс голын хөндий, Хүрэн бэлчир орчмоор 22-27 хэм, Хангай, Хөвсгөл, Хэнтийн уулархаг нутаг, Орхон-Сэлэнгэ, Эг, Хараа, Туул, Тэрэлж, Хэрлэн, Онон, Улз, Халх голын хөндийгөөр 18-23 хэм, говийн бүс нутгийн өмнөд хэсгээр 5-10 хэм, бусад нутгаар 12-17 хэм хүйтэн байна.

УЛААНБААТАР ХОТ: Үүлшинэ. Цас орохгүй. Салхи баруун хойноос секундэд 5-10 метр. 15-17 хэм хүйтэн байна.

2016 оны 12 дугаар сарын 27-ноос 12 дугаар сарын 31-нийг хүртэлх
цаг агаарын урьдчилсан төлөв

27-нд төв болон зүүн аймгуудын хойд хэсгээр цас орж, цасан шуурга шуурна. 29-30-нд баруун аймгуудын зарим газраар, 31-нд зарим газраар цас орж, явган шуурга шуурна. Салхи 27-нд зарим газраар, 28-нд нутгийн зүүн хэсгээр, 31-нд Алтайн салбар уулс болон говийн нутгаар секундэд 12-14 метр хүрч ширүүснэ. 28-наас ихэнх нутгаар өдөртөө хүйтний эрч бага зэрэг суларч Увс нуурын болон Дархадын хотгор, Идэр, Тэс, Ерөө голын хөндий, Хүрэн бэлчир орчмоор шөнөдөө 33-38 хэм, өдөртөө 23-28 хэм, Хангай, Хөвсгөл, Хэнтэйн уулархаг нутаг, Орхон-Сэлэнгэ, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 28-33 хэм, өдөртөө 18-23 хэм, говийн бүс нутгийн өмнөд хэсгээр шөнөдөө 16-21 хэм, өдөртөө 4-9 хэм, бусад нутгаар шөнөдөө 22-27 хэм, өдөртөө 10-15 хэм хүйтэн байна.