Казахстан улсад ял эдэлж байгаад үлдсэн ялаа эх орондоо эдлэх хүсэлт гаргасан Монгол Улсын иргэн Ш.Ш-ийг Монгол, Казахстаны холбогдох байгууллагууд хэлэлцээд энэ сарын 10-ны өдөр шилжүүлэн авчээ.

Тэрээр Монгол Улс ялтан шилжүүлэх гэрээг есөн улстай байгуулсан бөгөөд Ялтан шилжүүлэх тухай Европын зөвлөлийн конвенцид 2015 онд нэгдсэн орсноор Европын Холбооны гишүүн 27 улс болон гишүүн бус 19 улстай ялтан шилжүүлэх эрх зүйн орчин бүрдсэн болно.

Замын цагдаагийн газрын ЖШУХ дээр нийт 359 дуудлага, мэдээ мэдээлэл хүлээн авснаас, зам тээврийн ослын 274 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 4 бүртгэгдэж 2 хүний амь нас хохирч, 4 хүн хүнд хөнгөн гэмтсэн. Согтууруулах ундааны зүйл хэрэглэсэн үедээ зам тээврийн осолд холбогдсон жолооч 2, явган зорчигч 0. Зам тээврийн осолд сургуулийн насны 0 хүүхэд өртсөн. Согтуугаар тээврийн хэрэгсэл жолоодсон нийт 80 жолоочийг илрүүлж гарч болзошгүй осол хэргээс урьдчилан сэргийлж ажилласан байна.

Тухайлбал: СХД-ийн нутаг Энхтайваны өргөн чөлөө, 19-р байрны урд замд “Нийслэлийн зорчигч тээврийн нэгтгэл” ОНӨААТҮГ-ын Daewoo BS-106 маркийн автобусны жолооч А нь явган зорчигч 57 настай эмэгтэй О-г мөргөж, хохирогч ГССҮТ-д хүргэгдэн эмчлэгдэж байгаад нас барсан байна.

Мөн ХУД-ийн нутаг Наадамчдын гудамж, Цагдаагийн 2-р хэлтсийн урд замд T.Alphard маркийн авто машины жолооч З нь хэн болох нь тодорхойгүй 60 орчим насны эрэгтэйг мөргөж амь насыг нь хохироожээ.

Монгол, Орос, Хятад гурван улсын эв найрамдлын томооохон бэлгэ тэмдэг болсон ”Манжуурын тоо бүсгүй 2016” тэмцээн арванхоёрдугаар сарын 1-нд БНХАУ-ын Манжуур хотноо болно.

Монгол Улс дахь үндэсний шалгаруулалт энэ сарын 28-нд болох бөгөөд тэмцээнээс шалгарсан шилдэг 15 үндэсний ялагч “Гоо сайхны элч” олон улсын 13 дахь уралдаанд оролцох эрхтэй болох юм.

Дашрамд дурдахад, 11 дэх удаагийн гоо бүсгүйн тэмцээнд мисс Н.Ану тэргүүлж, гуравдугаар байрт Г.Алтанзул, А.Сайхантамир нар шалгарч байсан юм.

Гамшгийн эрсдэлийг бууруулах олон улсын өдөр тохиож байна. НҮБ-ын Ерөнхий ассамблейн шийдвэрээр 2009 оноос Гамшгийн эрсдэлийг бууруулах Олон улсын өдрийг дэлхий нийтээр жил бүр тэмдэглэдэг болсон. Энэ жил НҮБ-ын Ерөнхий ассамбле “Live to Tell” буюу “Мэдлэгээ түгээцгээе” уриаг дэвшүүлээд байна. Нийслэлийн Онцгой байдлын газраас тэмдэглэн өнгөрүүлэх ажлын хүрээнд 6 дүүргийн нутаг дэвсгэрт олон нийтийг хамарсан арга хэмжээг зохион байгууллаа. Тухайлбал: Баянгол дүүргийн Онцгой байдлын хэлтсээс дүүргийн Улаанзагалмайн хороотой хамтран Хархорин захаар үйлчлүүлж байгаа иргэдэд гамшгаас урьдчилан сэргийлэх чиглэлээр сурталчилгаа таниулга түгээсэн байна. Хан-Уул дүүргийн Онцгой байдлын хэлтсээс Онцгой байдлын ерөнхий газрын харьяа “Жаргалант” уламжлалт, сэргээн засах сувилал дүүргийн Улаан загалмайн хороо хамтран “Мишээл групп” ХХК-ийн байранд гамшгаас урьдчилан сэргийлэх өдөрлөг зохион явууллаа. Өдөрлөгийн арга хэмжээний үеэр иргэдийн гамшгаас хамгаалах мэдлэгийг дээшлүүлэх сургалт явуулах, хүүхдүүдийн гамшигтай тэмцэх мэдлэгийг шалгаж “Батламж олгох”, гал унтраах анхан шатны багаж хэрэгслээр гал унтраах сургалт явуулах, гал унтраах, аврах багаж хэрэгслийг танилцуулж иргэдэд ажиллуулж сонирхуулах, Улаан загалмайн хорооноос “Амилуулах суурь тусламжийг үзүүлэх” зэрэг сургалт сурталчилгааны ажлыг зохион байгуулж 450 иргэнийг хамруулсан байна. Онцгой байдлын Ерөнхий газрын харъяа “Жаргалант” уламжлалт, сэргээн засах сувиллын алба хаагчид Уламжлалт эмчилгээний их эмчийн судас оношлогоо, эмчилгээний зөвлөгөө өгөх, цусан дахь сахарын хэмжээ тодорхойлох артерийн даралт үзэж, пульс, захын судасны хүчилтөрөгчийн хэмжээг тодорхойлох хөдөлгөөн засалч үйлчлүүлэгчдэд зөвлөгөө өгч , эмчилгээ сувилгааны зөвлөмж тараасан байна

Сонгинохайрхан дүүргийн Онцгой байдлын хэлтсээс Гамшгийн эрсдэлийг бууруулах олон улсын өдрийг тохиолдуулан дүүргийн Улаан загалмайн хороо, дүүргийн 14 дүгээр хороотой хамтран “Онцгой байдлын албаны нээлттэй хаалганы өдөр”-ийг Соёмбо кино театрын гадна талбайд зохион байгуулж иргэдэд аюулт үзэгдэл, техникийн холбогдолтой ослоос урьдчилан сэргийлэх зөвлөгөөг 250 гаруй иргэнд өгч ажилласан байна.

Сүхбаатар дүүргийн Онцгой байдлын хэлтсээс Саруул захын үйлчлүүлэгч иргэдэд гамшгаас урьдчилан сэргийлэх арга хэмжээг зохион байгуулж 200 гаруй иргэн хамрагдсан байна. Баянзүрх дүүргийн Онцгой байдлын хэлтсээс гамшгийн эрсдэлийг бууруулах олон улсын өдрийг тохиолдуулан дүүргийн Улаан загалмайн хороо, Дэлхийн зөн олон улсын байгууллагын Дарь-Эх орон нутгийн хөгжлийн хөтөлбөртэй хамтран Жуковын талбайд дүүргийн ерөнхий боловсролын 14, 44, 48, 53, 79, 85, 87 дугаар сургуулийн өсвөрийн аврагч хүүхдүүдийн хамт зохион байгуулсан байна. Анхны тусламжийн үзүүлэх сургалт, гал унтраах дадлага сургууль, хөгжөөнт тэмцээн зэргийг зохион байгуулсан байна. Арга хэмжээний үеэр өсвөрийн улаан загалмайчдын мэндчилгээ флаш моб бүжгийн үзүүлбэр, Онцгой байдлын албанд ашиглагдаж байгаа багаж, техник хэрэгслийн танилцуулга олны анхаарлыг татсан байна.

ингэлтэй дүүргийн Онцгой байдлын хэлтсээс АНКО ХХК-ний Нарантуул-2 худалдааны төв гадаа дүүргийн 12 дугаар хороо, дүүргийн Улаан загалмайн хороо, Нарантуул-2 худалдааны төвтэй хамтран өдөрлөг зохион байгуулсан. Өдөрлөгийн үеэр Онцгой байдлын асуудал эрхэлсэн байгууллагын зорилго, зорилт албаны үйл ажиллагаа болон Онцгой байдлын албанд ашиглагдаж байгаа тусгай зориулалтын аврах ажиллагааны техник тоног төхөөрөмж, багаж хэрэгслийг ард иргэдэд сурталчлан болзошгүй аюулт үзэгдэл, ослоос урьдчилан сэргийлэх өөрийгөө болон бусдыг аврах мэдлэг олгох зорилгоор 8 төрлийн 2500 ширхэг санамж сэрэмжлүүлэг, брошур гарын авлага тараасан байна гэж Нийслэлийн Онцгой байдлын газраас мэдээллээ.

Монгол улсын Филармонийн “New Season 2017” 45 дахь үзвэрийн тоглолт энэ сарын 15-ны өдөр 15:00 цагт Соёлын төв өргөөнд тоглогдох гэж байна. Тус тоглолтын удирдлагын баг өчигдөр 13:00 цагт Улсын Филармонид хэвлэлийн бага хурал хийлээ.

Хэвлэлийн бага хуралд Улсын Филармонийн Ч.Даваасүрэн, Баянмонгол жазз найрал хөгжмийн ерөнхий удирдаач Б.Ганбат /МУГЗ/, удирдаач С.Саруул-Од/СТА/, Морин хуурын чуулгын ерөнхий удирдаач Д.Түвшинсайхан /СТА/, гоцлол дуучин П.Өнөржаргал /СТА/, маркетингийн албаны дарга Г.Алтан-Од нар оролцлоо.

2017 онд Монгол Улсын Филармони үүсэн байгуулагдасны 45 жил, Симфони найрал хөгжмийн 60 жил, Морин хуур чуулгын 25 жилийн ой тохиож байгаараа 45 дахь үзвэрийн жилийн нээлтийн тоглолт онцлог болж байгааг Монгол улсын Филармонийн дарга Ч.Даваасүрэн онцолж байлаа.
Онцлох уран бүтээлээс дурьдвал Аrtura Marquez /Danzon№2/, Үхэж үл болно киноны хөгжим Шарав-/Дурсамж/, зохиолыг Улсын Филармоны гурван оркестор хамтарч тоглосоноор цоо шинэ өнгө аяс, хэмнэлийг үзэгч сонсогчидынхоо сонорыг мялаахад бэлэн болжээ.

Дэлгэрэнгүй мэдээллийг 70118012, 99925074, 88004849 утаснаас лавлана уу. Дашрамд дуулгахад “ New season 2017” тоглолтын эрэлттэй байгаа бөгөөд тасалбарын үнэ Партер 15’000 мянга, Бельэтаж 10`000 төгрөг аж. Тасалбарыг Улсын Филармоны касс, www.ticket.mn 1900-1800, 1900-1617 утасны лавлах үнэгүй хүргэлт хийн борлуулж байна

МАН 2016 оны сонгуульд ялалт байгуулж, Засгийн эрхийг аваад байгаа. Сонгуулийн сурталчилгааны үеэр МАН-ын удирдлагуудын 60 тэрбумын яриа буюу төрийн албан хаагчдийн халаа сэлгээний талаарх бичлэг дэлгэгдэж олны анхаарлыг татаад байсан билээ. Тэгвэл хууль хүчний байгууллагаас тус бичлэгийг зохион байгуулалттай бусдын нэр төрд халдсан бичлэг байсан гэдгийг мэдээлж хүчингүй болгосон.

Нийслэлийн Засаг дарга бөгөөд Улаанбаатар хотын Захирагч С.Батболд Канад Улсын “Империал паркинг” корпорацын захирал Лен Клаф тэргүүтэй төлөөлөгчдийг хүлээн авч уулзлаа.

Тус компани нь Хойд Америкийн авто зогсоолын менежментийн томоохон компани бөгөөд Америк болон Канадын 100 хотод 3400 авто зогсоол ажиллуулдаг юм байна.

Ноён Лен Клаф, бид хотын болон байгууллагуудын авто зогсоолын менежмент, тээвэр, ачилт, камержуулалт, төлбөрийн системийн иж бүрэн шийдлийг боловсруулж үйлчилгээ үзүүлдэг. Хамгийн сүүлийн үеийн дэвшилтэд технологид суурилсан төлбөрийн системийг хэрэгжүүлдэг. Улаанбаатар хотын авто зогсоолуудыг сайжруулж, авто замын ачааллыг бууруулах, шийдэл олоход хамтран ажиллаж, дэмжлэг үзүүлэх хүсэлтэй байгаагаа илэрхийллээ. Түүнчлэн авто зогсоолыг зөв менежментээр хийж хэрэгжүүлбэл замын хөдөлгөөний ачааллыг бууруулахад нөлөөлөхөөс гадна дүрэм журам мөрдүүлэх, зогсоолын төлбөрөөс олсон орлогоо хотынхоо дэд бүтцийг сайжруулахад зарцуулж болохыг ч хэллээ.

Нийслэлийн Засаг дарга С.Батболд “Олон улсад туршлагатай, үйл ажиллагаа нь танигдсан ийм томоохон компани хотын авто зогсоолын менежментийг сайжруулж хамтран ажиллах хүсэлт тавьж байгаад баяртай байна. Улаанбаатар хотод өдөрт 40 мянга орчим автомашин шинээр нэмэгддэг. Зогсоол хангалтгүй байгаагаас замын хөдөлгөөний ачаалал нэмэгдэж байна. Улаанбаатар хотод ил зогсоолуудаас гадна давхар зогсоолуудыг барьж ашиглалтад оруулахаар төлөвлөж байгаа. Тиймээс олон улсад туршлагатай танай компанитай хамтран ажиллахад бэлэн байна” гэлээ.

Тус компанийн төлөөллүүд Улаанбаатар хотод авто зогсоолыг ямар хэлбэрээр хэрхэн байгуулж болох талаар бүхий л боломж нөхцөлийг судалж холбогдох албаныханд саналаа хүргүүлэхээр тохиролцлоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монгол Улсын Ерөнхий сайд Ж.Эрдэнэбатын Япон Улсад хийж буй айлчлалын үеэр Монгол, Японы худалдаа хөрөнгө оруулалтын форум болж Монголоос 50 гаруй, Японы 240 гаруй компанийн төлөөлөл оролцлоо. Энэ үеэр зарим компани, хөрөнгө оруулагчид хамтын ажиллагааны баримт бичигт гарын үсэг зурав. Тухайлбал,

-Монгол Улсын “Энержи ресурс” ХХК Япон Улсын Сумитомо компанитай “Нүүрсний борлуулалт болон маркетингийн хамтын ажиллагааны харилцан ойлголцол”-ын санамж бичигт,

-Монгол Улсын “Цагаан чулуут” консорциум Япон Улсын “Сузуки шоукай” компанитай хамтран ажиллах санамж бичигт,

-Монгол Улсын “Драй милк” ХХК Япон улсын “Пирсай” компанитай “Онцгой эрхтэй түгээлтийн гэрээ”-нд тус тус гарын үсэг зурав.

Ерөнхий сайд мөн өдөр Японы “Никкэй” сонинд ярилцлага өгч, Япон, Монголын найрамдлын нйигэмлэгүүдийн удирдлагатай уулзлаа.

Ерөнхий сайд Ж.Эрдэнэбат өнөөдөр буюу баасан гаригт Японы улсын Ерөнхий сайд Ш.Абэтэй уулзаж албан ёсны хэлэлцээ хийнэ.

Хонь - (3/21-4/19)
Амьдралын утга учрыг ойлгох хүсэл таныг шашны цуглаанд эсвэл хөзрөөр мэргэлдэг газарт очиход хүргэнэ. Үнэнийг эрэлхийж буй бусад хүмүүстэй нэгдсэнээр гэгээрэл, нээлтийг хийх замдаа гарах байх. Хүнд сурталтай ажлаас болж нэг албан тасалгаанаас нөгөө рүү өдөржин харайлган сэтгэл санаагаар унана. Нийгмийн үйл ажил олон байгаа ч өөртөө чөлөөт цаг гаргахыг хичээ.
Дэлгэрэнгүй
Баасан, 2016 оны 10 сарын 14
Үхэр - (4/20-5/20)
Ердийн өдөр тутмын үүрэгт ажил бага зэрэг орхигдохоор байна. Танаас ихийг шаардана. Амьдралын хэв маягаа өөрчлөх гэж оролдох боловч төдийлөн амжилтанд хүрэхгүй. Үхрийн ордны гэр бүлийн гишүүд эрүүл мэнддээ анхаар. Хоолны төлөвлөгөө зохион мөн хөгжилтэй дасгалын хөтөлбөр гаргах нь сайн. Бүгдэд чинь үүнийг хийх тааламжтай байна. Бясалгал эргэцүүлэл сонирхолтой судалгаа эсвэл чөлөөт цагаараа ном унших зэргийг хажуугаар нь байрлуулаарай.
Дэлгэрэнгүй
Баасан, 2016 оны 10 сарын 14
Ихэр - (5/21-6/21)
Найз нөхдийн харилцаа таатай байх болно. Хөгжилдөж, сайхан хоол идэж, инээд хөөрөөр дүүрэн байхыг хүсэх болно. Тэдэнд чадах чинээгээрээ туслахыг хичээх бөгөөд найз нар чинь ч гэсэн үүний хариуд тус болно. Тэмцээн уралдаанд амжилттай оролцох бөгөөд хэрэв хүүхэд тань ялвал та сэтгэл хангалуун байх болно. Аяллаар явахаар төлөвлөх бөгөөд яг одоо аялахад хамгийн тохиромжтой үе.
Дэлгэрэнгүй
Баасан, 2016 оны 10 сарын 14
Мэлхий - (6/22-7/22)
Гэр бүлдээ анхаарлаа хандуулах цаг. Гэр бүлийн чухал үйл явдалд зориулж томоохон идэвх чармайлт гаргах нь. Энэ нь төлөвлөснөөс илүү зардал гарах бөгөөд үүнээс үүсэлтэйгээр гэр бүлийн харьцаанд хямрал үүсэнэ. Гэхдээ эцсийн үр дүн эерэг гарна. Цэцэрлэгт хүрээлэнгээр тойрон алхах нь сэтгэл сэргээж, ачаалал даах чадварыг нэмэдүүлнэ. Хүүхэдтэй хүмүүсийн хувьд тэднийгээ хөгжөөх олон арга зам байна.
Дэлгэрэнгүй
Баасан, 2016 оны 10 сарын 14
Арслан - (7/23-8/22)
Эрч хүч танд эерэг нөлөөллийг харуулна. Таны харилцааны ур чадвар өрсөлдөгчдийн тань тоог улам нэмэгдүүлнэ. Хайр дурлалын холбоо танд аз жаргал бэлэглэж хүсэл, баяр баяслаар амьдралаа дүүргэх болно. Та зуучлалын ажил хийж найзуудаа оройн зоогонд урина. Шинэ машин худалдан авч өөртөө улам ч итгэлтэй болно. Харин өөрийн нуруун дээр илүү ачаа нэмэхийн хэрэггүй. Хүүхдийнхээ хичээл даалгаврыг нь хийлгэж, дүнг нь дээшлүүл.
Дэлгэрэнгүй
Баасан, 2016 оны 10 сарын 14
Охин - (8/23-9/22)
Өөрийнхөө төсөв санхүүг тоггвортой байлгаж чадвал санаа зовох зүйл гарахгүй. Та өнөөдөр гэр бүлийн асуудлаас болж нэлээд дарамтанд орох магадлалтай. Ялангуяа гэр бүлийн уулзалт таныг нэлээд ядраах болно. Таны эд хөрөнгө найдвартай байдалд байгаа эсэхийг шалга. Гудамж талбай болон захаар хэсэх нь танд түр боловч амрах боломж өгөх хэдий ч өлгөсөн бараануудад нүд унаган хамаг мөнгөө үрэхээс сэргийл.
Дэлгэрэнгүй
Баасан, 2016 оны 10 сарын 14
Жинлүүр - (9/23-10/22)
Эхлэл, төгсгөлд бүх л зүйлс багтдаг. Өмнө эхлүүлсэн ажлаа яг одоо дуусгах хэрэгтэй. Өнөөдрийг бусадтай ярилцан санаачлагатай байж, хөгжилтэй өнгөрөөхийг хичээ. Хэцүү зүйлийг эхлээд өөрөө сурч аваад, дараа нь өөр бусаддаа заа. Өөртөө итгэлтэй байж бусдаар хүндлүүлэхийг хичээ. Бусдын нүдэн дээр ямар байхаа бодолцон няхуур байх хэрэгтэй. Амжилтандаа бодитой байж, дунджийг барь.
Дэлгэрэнгүй
Баасан, 2016 оны 10 сарын 14
Хилэнц - (10/23-11/21)
Cap таны 12-р гэр болох Жинлүүр рүү хөдөлж танд онцгойлон хандана. Дуу чимээтэй орчин, бөөн хүнтэй гудамж, дэлгүүрээс залхаж ядаж хэдхэн минут нам гүм байдалд өнгөрөөхийг хүснэ. Та өөрийн зөн совиндоо анхаарал хандуул. Гэр орон, гэр бүл, эрүүл мэндийн асуудлаас болоод найз нөхдөөрөө, клубээрээ цугларах уулзалтанд очиж чадахгүй байж мэднэ.
Дэлгэрэнгүй
Баасан, 2016 оны 10 сарын 14
Нум - (11/22-12/21)
Найз нөхөдтэйгээ харилцах, зочид хүлээн авах, найр цэнгүүн хийх, зугаацаж хөгжилдөхөд тааламжтай өдөр. Гэнэтийн зардал эсвэл алдагдал хүлээж болзошгүй байгаа тул анхаарал болгоомжтой байж, санхүүгийн тал дээр онцгой хяналт тавихыг зөвлөе. Зүүдээ эсрэгээр нь тайл. Үдэшлэг, баяр наадам зүүдэлбэл азгүйтэл, бие тавгүйтэл таныг отож байна гэсэн үг.
Дэлгэрэнгүй
Баасан, 2016 оны 10 сарын 14
Матар - (12/22-1/19)
Хувиараа бизнес эрхлэгч матрынхны хувьд чухал үйлчлүүлэгчтэйгээ оройн хоол хамтдаа идэж, дарсаар дайлах хэрэг гарна. Ажил хэргээ таатай болгох нь ашиг орлогод шууд нөлөөлнө. Таны нөхцөл байдал ямар байх нь хамаагүй хайртай хүмүүстээ үйлчлэхэд хэдэн цагийг зарцуул. Гадагш гарч бусадтай уулз. Орон нутгийнхаа, эргэн тойрны байгалийн үзэсгэлэнг харж хорхой хүрнэ. Таны амьдарч байгаа газрын ойролцоо алдартай, сонирхолтой түүхэн дурсгал бий.
Дэлгэрэнгүй
Баасан, 2016 оны 10 сарын 14
Бумба - (1/20-2/18)
Ирээдүйгээ харах зөн билгийн нүд нээгдэх болно. Дуусах дөхсөн ажлаа эцэслэж, завгүй амьдралаасаа түр ч гэсэн хагац. Өнөөдөр та гадуур гарч байгалийн сайханд алхах буюу дугуй унаарай. Сайхан мөрөөдөлдөө автах нь баяр баясгаланг бэлэглэж, оюун ухааныг тэлнэ. Дэлхийг өөрчлөхийн тулд өөрийгөө эхлээд өөрчил гэдгийг сана. Дэлхийн сайн сайхны төлөө сайн дурын байгуулгад нэгдээрэй.
Дэлгэрэнгүй
Баасан, 2016 оны 10 сарын 14
Загас - (2/19-3/20)
Одоо Загаснуудын хувьд ямар сүсэг бишрэлтэйгээ шийдэж, итгэл найдвартаа итгэн явах цаг болсон. Зарим нэг нь шашны гэгээрсэн замыг дагах бол өөр бусад нь үнэн алдартны шашныг дэмжих болно. Одоо өөрийн амьдралаа өөрчлөн эхлүүлэх маш амархан байна. Зорилго эрмэлзлэл таны бодол санааг илтгэнэ. Замбараагүй, эмх цэгцгүй байдлаа үгүй хийснээр шинэ хандлага гарч ирнэ. Сэтгэлээр унагаж байдаг хэрэггүй зүйлээс салах тапаар өөрийгөө зоригжуулах хэрэгтэй.

...Бүтцийн өөрчлөлт гэж хэлээд хоморголон халж байгаа. Энэ бол хэлмэгдүүлэлт Орон нутгийн сонгуультай холбоотойгоор түр саарсан ч удахгүй дахин идэвхжих байх. Засгийн газрын 100 хоногт хийсэн үндсэн гол ажил нь ерөөсөө албан тушаалын наймаа, хоморголон халалт байсан...

Хавдар судлалын үндэсний төв (ХСҮТ)-өөс жил бүр уламжлал болгон зохион байгуулдаг “Хавдрыг даван туулагчдын талархлын баяр” өнөөдөр болно. Зургаа дахь жилдээ зохион байгуулагдах энэхүү баярт хавдрын өвчнийг өөрсдийн сэтгэлийн тэнхээ, зориг тэвчээрээр ялан дийлж чадсан хүмүүс хуран чуулдаг уламжлалтай юм.

Нийслэлийн ИТХ-ын Тэргүүлэгчдийн 2014 оны тогтоолоор улсын дугаарын хязгаарлалтын цагийн хуваарь, замын бүсчлэлд өөрчлөлт оруулсан. Уг шийдвэрээр замын бүсчлэлийн хамрах хүрээг өвлийн улиралд багасгаж, зуны улиралд тэлэхээр зохицуулалт хийсэн.

Өнөөдөр буюу аравдугаар сарын 14-ний баасан гарагт болох зарим үйл явдлын тоймыг хүргэж байна.
БСШУСЯ

08.30 цагт: “Дээд боловсролын шинэчлэлийн төсөл”-ийн санхүүжилтээр хэрэгжүүлэх Дээд боловсролын сургалтын байгууллага ба үйлдвэрлэлийн түншлэлийг хөгжүүлэх төслийн батламж гардуулах ёслол болно.
Төрийн ордон

09.00 цагт: Монголын Хуульчдын холбооны ээлжит бус Их хурлын нээлт Их танхимд болно. Хурлаар тус холбооны Удирдах зөвлөл, Мэргэжлийн хариуцлагын хорооны гишүүдийг сонгоно. Утас: 98066116
Танан төв

09.00 цагт: ”Биднийг сонс” охидын эрхийн хоёрдугаар чуулган болох гэж байна. Чуулганы үйл ажиллагаанд зорилтот бүлгийн 80, хот, хөдөөгийн төлөөл болсон ЕБС-ийн 120 охид оролцоно. Утас: 96110110, 70105105
Монгол Япон төв

09.00 цагт: Хөгжлийн бэрхшээлтэй хүний эрхийн тухай хуулийн хэрэгжилтийг хангах хүрээнд Хөдөлмөр, нийгмийн хамгааллын яам, Япон улсын JICA олон улсын байгууллагын ”Улаанбаатар хот дах хөгжлийн бэрхшээлтэй иргэдийн нийгмийн оролцоог нэмэгдүүлэх” төслийн багтай хамтран зохион байгуулж байгаа Хөгжлийн бэрхшээлтэй хүний ажиллаж, амьдрах орчин нөхцлийг сайжруулах, мэдээллийн хүртээмжийг нэмэгдүүлэх чиглэлээр төр, төрийн бус байгууллагуудын төлөөллийг оролцуулсан хэлэлцүүлэг үргэлжилнэ. Утас: 99099256
МҮЭСТО

09.00 цагт: ”Хүн бүрт зохистой хөдөлмөр эрхлэх боломжийг олгоё” сэдэвт зөвлөгөөн болно. Хүний үндсэн эрх, зохистой хөдөлмөр эрхлэлт, нийгмийн хүрээнд тулгамдаж буй асуудал, цаашдын зорилтын талаар хэлэлцэнэ. Хөдөлмөр, нийгмийн хамгааллын яам, МХЕГ, МҮЭ, МАОЭНХ хамтран зохион байгуулна. Утас 91989890, 99080298
116 дугаар тусгай сургууль

09.30 цагт: Хараагүй хүүхдүүдэд зориулсан брайль хэвлэх цехийн нээлтийн үйл ажиллагаа болно. Утас: 80019339, 99034697
Стандартчилал, хэмжил зүйн газар

10.00 цагт: Дэлхийн Стандартын өдрийг тохиолдуулан ”Стандарт итгэлийг төрүүлнэ” уриан дор семинар зохион байгуулах гэж байна. Утас: 99650498
Эрүүл мэндийн хөгжлийн төв

10.00 цагт: Нээлттэй хаалганы өдөрлөг зохион байгуулна. Утас: 88027947
”Зууны мэдээ” сонины Үндэсний мэдээллийн төв

11.00 цагт: НИТХ дахь Ардчилсан намын бүлгээс нийслэлийн Засаг даргын 100 хоногийн талаар мэдээлэл хийнэ. Утас: 99666553
Сонгинохайрхан дүүрэг

11.00 цагт: Тус дүүргийн 24 дүгээр хороон дээр Баянхошууныхан эрчим хүчинд холбогдох арга хэмжээний нээлт болно. Утас: 88117788
Горькийн нэрэмжит номын сан

11.00 цагт: Үе үеийн уншигчдын дунд “Горькийн” нэрээрээ алдаршсан номын сан 70 жилийн ойн баяраар нээлтээ хийнэ. Утас: 70115700, 70115705, 96079909 /Хаяг: СУИС-ийн урд тал руу, 6-р байрны 1 дүгээр давхарт, зүүн тийшээ харсан хаалга/
ХӨСҮТ

11.00 цагт: Халдварт өвчин судлалын үндэсний төвийн нээлттэй хаалганы өдөрлөг болно.
”Мошеа эко энержи” ХХК

11.40 цагт: ”Мошеа эко энержи” ХХК-ниас барих сэргээгдэх эрчим хүчний 50МВ-ын нарны цахилгаан станц барих ажлын шав тавих ёслолын арга хэмжээ Төв аймгийн Сэргэлэн сумын нутаг, Хөшигийн хөндий дэх шинэ нисэх буудлын ойролцоо болно. Ёслолын ажиллагаанд салбарын яамны удирдлагууд оролцоно. Утас: 99058892, 77113232. /Жич: 10.30 цагийн үед Хэлмэгдэгсдийн хөшөөний хажуу талаас автобус явна.
УДЭТ

12.00 цагт: Төрийн соёрхолт, МУУГЗ Гончигийн Бирваагийн мэндэлсний 100 жилийн ойд зориулсан ”Харц хатан” дуулалт жүжгийн хэвлэлийн бага хурал болно.
Скай плаза бизнес төв

12.30 цагт: Дэлхийн стандартын өдөр тохиолдуулан олон улсын стандартын таван байгууллага Монголд нэг зэрэг төлөөлөгчийн газраа нээж байна. Утас: 9195 1101
Батлан Хамгаалахын Их Сургууль

13.00 цагт: БХИС-ийг үндэслэгч жанжин Д.Сүхбаатарын хөшөөнд цэцэг өргөж, түүхт 95 жилийн ойг тохиолдуулан зарим алба хаагчдыг Төрийн дээд одон медаль болон салбарын шагналаар шагнасныг гардуулах үйл ажиллагаа дээр болно. Утас: 99299634
Сүхбаатар дүүргийн Засаг даргын тамгын газар

14.00 цагт: ”Эмчилгээний гоо засал, гоо сайхны нөхөн сэргээх үйл ажиллагаа явуулж буй эмнэлэг, гоо сайхны салонуудад хийгдсэн хяналт шалгалтын үеэр илэрсэн зөрчил, цаашид анхаарах асуудлууд”-ын талаар шалгагдсан аж ахуйн нэгж байгууллагуудад хандсан сургалт зохион байгуулна. Утас: 91887887
МУИС

15.00 цагт: “Дайчин гүрний дотоод яамны монгол бичгийн гэрийн дансны эх бичгийн цогц судалгаа” төслийн нээлт болно. Утас: 89008869
МУБИС

15.30 цагт: Багшийн сургуулийн ахмад багш, профессор Г.Лхаахүүгийн ”Оюуны мэлмий нээх гэгээн судар” номын нээлт болно.
Хэвлэлийн хүрээлэн

16.00 цагт: Сонгуулийн үеэр сэтгүүлчдэд тулгамддаг бэрхшээл, боломж сэдэвт 2016 оны УИХ, НИТХ-ын сонгуулийн мэдээллийн мониторинг, сэтгүүлчдийн дунд явуулсан санал асуулгын үр дүнгийн хэлэлцүүлэг болно.

ӨНӨӨДӨР: ”Хүн бүрт зохистой хөдөлмөр эрхлэх боломжийг олгоё” сэдвээр зөвлөлдөнө
Үзсэн: 27 Mongolian National Broadcast

Түгээх Жиргэх Түгээх

Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.

Үс шинээр үргээлгэх буюу засуулбал жаргал ирнэ

Улаанбаатарт өдөртөө 17 хэмийн дулаан байна

Банкууд 2277.00-2290.11 төгрөгийн ханшаар 56.8 сая ам.доллар, 338.46-340.82 төгрөгийн ханшаар 81.5 сая юань худалдан авах санал тус тус ирүүлсэн бөгөөд Монголбанк 2288.61 төгрөгийн нэг ханшаар 15.0 сая ам.доллар, 340.50 төгрөгийн хаалтын ханштайгаар 10.0 сая юанийг тус тус нийлүүллээ.

Хэрэглээний бараа, үйлчилгээний үнэ улсын хэмжээнд өнгөрсөн есдүгээр сард өмнөх сарынхаас 0.6 хувь, өмнөх оны мөн үеийнхээс 0.1 хувиар буурсан бол, өмнөх оны эцсийнхээс 0.6 хувиар өсчээ.

Эрүүл мэндийн дэд сайд Л.Бямбасүрэн “Хар тамхи, мансууруулах бодисоос иргэдийг хамгаах нийгэмлэг” ТББ-ын төлөөллийг хүлээн авч уулзлаа.

2016 оны 10 дугаар сарын 13-ны өдрийн үнэт цаасны арилжаагаар “I” болон “II” ангилалд бүртгэлтэй 12 хувьцаат компанийн нийт 36,857 ширхэг хувьцаа арилжигдсан байна.

Энэ сарын 10-наас 11-нд шилжих шөнө 04.00 цагт Баянгол дүүргийн 7, 8 дугаар хорооны нутаг дэвсгэрт хувийн авто машинтай бүлэг залуус иргэдийн автомашины цонхыг хагалж хулгай хийж байсныг цагдаагийн алба хаагчид газар дээр нь илрүүлжээ.