Улаанбаатарт өдөртөө 16 градус дулаан байна

Гамшгийн даатгалын тухай хуулийн төслийн хэлэлцүүлгийг өнөөдөр ОБЕГ-т зохион байгууллаа.

Манай орны хэмжээнд байгалийн аюулт үзэгдэл, техникийн холбогдолтой осол, хүний буруутай үйл ажиллагаанаас үүдсэн осол, гамшгийн тоо, давтамж, түүнээс учирсан хохирлын хэмжээ улам бүр нэмэгдсээр байна. Нөгөөтэйгүүр манай улсад гамшгийн эрсдэлээс хамгаалах даатгалын тогтолцоо бүрдээгүйн улмаас гамшгийн хохирлыг төр хариуцах, улсын төсөвт дарамт учруулах асуудал тулгарсаар байгаа юм.

Тиймээс ОБЕГ, НҮБХХ-ийн Орон нутгийн түвшинд гамшгийн эрсдэлийг бууруулах менежмент, зохицуулалтын чадавхийг сайжруулах нь” МОН/13/301 төслөөс хамтран “Гамшгийн даатгалын тухай хууль”-ийн төслийг боловсруулж иргэд, олон нийтийн саналыг хуулийн төсөлд тусгах зорилгоор Гамшгийн даатгалын тухай хуулийн төслийн хэлэлцүүлгийг өнөөдөр зохион байгууллаа.

УИХ-ын 2012 оны 22 дугаар тогтоолоор баталсан “Гамшгаас хамгаалах чадавхийг бэхжүүлэх үндэсний хөтөлбөр”-ийн Гамшгаас хамгаалах талаар төрөөс баримтлах бодлогын үндсэн чиглэлийн 2.3-т “Гамшгийн нэр томьёоны ойлголт, төрийн болон хувийн хэвшлийн гамшгаас хамгаалах чиг үүрэг, тогтолцоо, гамшгийн эрсдэл хуваалцах даатгал, гамшгийн үед үзүүлэх хүмүүнлэгийн тусламжийг зохицуулах эрхзүйн орчныг боловсронгуй болгох” гэж заасан нь энэхүү хуулийн төслийг боловсруулах эрхзүйн үндэслэл болж байгааг хуулийг санаачлагчид тайлбарлаж байна.

Гамшгийн даатгалын тухай хууль батлагдан гарснаар гамшигт үзэгдлийн улмаас төрийн, орон нутгийн, иргэд, аж ахуйн нэгж байгууллагын хөрөнгөд учирсан хохирлын дийлэнх хэсгийг даатгалын хөрөнгөөр нөхөн төлөх боломж бий болох бөгөөд ингэснээр гамшгийн хор хохирлыг богино хугацаанд, улс эх орны нийгэм, эдийн засагт хохирол багатайгаар арилгах, гамшгийн үр дагаврыг даван туулах боломж бүрдэх юм.

ДЭД САЙД Б.БАТЦЭЦЭГ ТУРКИЙН ЭЛЧИН САЙДЫГ ХҮЛЭЭН АВЧ УУЛЗАВ

mpa_8203

Гадаад харилцааны дэд сайд Б.Батцэцэг 9 дүгээр сарын 23-ны өдөр Туркийн Элчин сайд Мурат Карагөзийг хүлээн авч уулзав.

Уулзалтын үеэр эртний уламжлалт харилцаа бүхий Монгол, Туркийн харилцаа, хамтын ажиллагаа иж бүрэн түншлэлийн түвшинд амжилттай хөгжиж, тухайлбал улс төр, эдийн засаг, батлан хамгаалах салбарын хамтын ажиллагаа сүүлийн жилүүдэд идэвхтэй хөгжиж буйд сэтгэл хангалуун байгааг талууд илэрхийлэв.

Дэд сайд Б.Батцэцэг хоёр орны эдийн засаг, аялал жуулчлалын хамтын ажиллагааг өргөжүүлэх өргөн боломж буйг тэмдэглээд Элчин сайд М.Карагөзд ажлын амжилт хүсэв.

Ерөнхий сайд асан, УИХ-ын гишүүн С.Батболд офшор бүсэд алт олборлолтын компанид нэр нь холбогдсон тухай өмнө нь мэдээлж байсан билээ. Тэрбээр энэ тухай өөрийн биеэр Төрийн ордонд тайлбар хийж байсан бөгөөд өчигдөр дахин задарсан баримтууд дотор Монгол Улсын Ерөнхий сайд асан С.Батболдын нэр байгааг The Guardian онцолсон.

Тэгвэл энэхүү мэдээлэлтэй холбоотойгоор ”Алтай Холдинг” дараах мэдэгдлийг гаргасан байна. Мэдэгдлийг бид бүрэн эхээр нь хүргэж байна.
Мэдэгдэл

Хэвлэл мэдээллийн зарим хэрэгслээр УИХ-ын гишүүн С.Батболд, Алтай холдинг ХХК-ийн талаар мэдээлэл гарч байгаа тул дараах мэдэгдлийг хийж байна. С.Батболд 1992 оноос Монгол Улсын томоохонд тооцогдох Алтай трейдинг компанийг үүсгэн удирдаж байсан. Алтай трейдинг компани нь Бороогийн алтны ордыг түшиглэн боловсруулах үйлдвэр байгуулах нээлттэй сонгон шалгаруулалтад шалгарч, гаднын хөрөнгө оруулагчтай хамтран уг төслийг хэрэгжүүлэх явцад хувьцаа эзэмшигч байсан тухай С.Батболд нэг бус удаа олон нийтэд ил тод, нээлттэй мэдээлж байсан.

Төрийн албанд орохоос өмнө тэрээр Алтай трейдинг компанийг төлөөлж Бороо Гоулд ХХК болон түүний толгой компани болох Бороо Монголиа Майнинг компанийн Төлөөлөн Удирдах Зөвлөлийн гишүүн байсан бөгөөд 2000 оны 8 сард Гадаад хэргийн дэд сайд болохоосоо өмнө тухайн компани болон бусад аж ахуйн нэгжүүд дэх албан тушаалаасаа татгалзсан болно. С.Батболд төрийн албанд орохоосоо өмнө Монгол Улсын бүртгэлийн байгууллагуудад эдгээр компанийн ТУЗ-ийн гишүүний хувьд холбогдох мэдээллийг ил тодоор өгч байсан тул эдгээр мэдээллийг холбогдох байгууллагууд сайтар мэдэж байсан төдийгүй өнөөдөр ч мэдсээр байгаа. Бороо гоулд нь 1998 оноос дийлэнх хувь нь гадаадын хөрөнгө оруулалттай аж ахуйн нэгжийн төсөл байсан бөгөөд 2007 оноос 100 хувь гадаадын хөрөнгө оруулалт бүхий компани болсон.

Зарим нэг хэвлэлд иш татсан Их Британийн ”Гуардиан” сонинд ч түүнийг төрийн албанд орохоосоо өмнө, бизнес эрхэлж байхдаа тус компанийн ТУЗ-ын гишүүн байсан гэж дурьдсаныг орхин төрийн албан тушаалд байх үедээ байсан мэтээр гуйвуулж буйд харамсаж байна.

Дашрамд дурдахад 1998 онд Бороо гоулд компанитай багйуулсан Тогтвортой байдлын гэрээг 2012 оны сонгуулийн дүнг байгуулагдсан Засгийн газраас ажлын хэсэг байгуулан, шалгаж дүгнэхдээ тухайн гэрээ нь хуулийн дагуу байгуулагдсан Монгол Улсын Засгийн газар, Бороо гоулд компани гэрээний заалт бүрийг мөрдөж ажилласан, аливаа илүү хөнгөлөлт эдлээгүй гэсэн дүгнэлтэд хүрсэн байдаг. Тус дүгнэлтэд дурьдсанаар төслийн ТЭЗҮд Бороогийн алтны ордыг 9 жил ашиглахаар тусгасан байсныг 13 жил болгож, эдийн засгийн үр ашгийг нэмэгдүүлсэн байдаг. Мөн компани нь Монгол улсын төсөвт төлбөл зохих татвар, хураамжийг төлсөн бөгөөд эдгээрийн нийт дүн 2004-2012 онд 254 тэрбум 453 сая төгрөг болсон ажээ. С.Батболд нь төрийн албанд орохоос даруй 2 жилийн өмнө тус гэрээ байгуулагдсаныг нь онцлох нь зүйтэй.

УИХ-ын гишүүн С.Батболд нь энэ төслийн үүх түүх, түүний удирдаж байсан аж ахуйн нэгжийн оролцооны талаар нэг бус удаа ярилцлага өгч, олон нийтэд ил тод нээлттэй байсан бөгөөд холбогдох хуулийн дагуу хөрөнгө орлогын мэдүүлгээ ч мөн өгч байсан. Одоо УИХ-ын гишүүн С.Батболд, Алтай трейдинг компани нь Бороо гоулд төсөлтэй холбоотой аливаа нэг аж ахуйн нэгжид хувьцаа эзэмшдэггүй, холбоотой үйл ажиллагаа явуулдаггүй гэдгийг тэмдэглэе.

Хуулийн дагуу ил тод явагдсан үйл ажиллагаа нууцлаг, хууль бус мэтээр улс төрийн зорилгоор мушгин гуйвуулж бөайгаад харамсаж, хэвлэл мэдээллийн байгууллагууд үнэн зөв бодит мэдээг олон нийтэд хүргэнэ гэдэгт итгэж байна.

Алтай Холдинг ХХК
2016 оны 9 дүгээр сарын 22-ны өдөр

Монгол Улсын Их Хурлын гишүүн М.Билэгт, Г.Мөнхцэцэг, Н.Оюундарь, М.Оюунчимэг, Б.Ундармаа, Ц.Цогзолмаа нар энэ сарын 18-22-ны өдрүүдэд Бүгд Найрамдах Солонгос Улсын парламентын гишүүн Ким Ён Жүгийн урилгаар тус улсад айлчлал хийсэн юм. Бүгд Найрамдах Солонгос Улсын Үндэсний Ассамблейн дарга Жон Сэ Гюүн /2016.09.20/ Монгол Улсын Их Хурлын гишүүдийг хүлээн авч уулзав.
Тус уулзалтаар хоёр улс хоорондын эдийн засгийн харилцаа, тэр дундаа худалдаа, хөрөнгө оруулалтын хамтын ажиллагааны үр өгөөж, хамрах цар хүрээг өргөжүүлэх талаар ярилцлаа. Түүнчлэн Монгол Улс, Бүгд Найрамдах Солонгос Улсын иргэд харилцан зорчих нөхцлийг хөнгөвчлөх талаар санал солилцов.

Хоёр улсын харилцаа, хамтын ажиллагааг өргөжүүлэн хөгжүүлэхэд парламент дахь бүлгүүдийн хамтын ажиллагаа чухал үүрэгтэй болохыг уулзалтын үеэр Улсын Их Хурлын гишүүн, Улсын Их Хурал дахь Монгол-Солонгосын парламентын бүлгийн дэд дарга М.Оюунчимэг тэмдэглэн хэлээд Бүгд Найрамдах Солонгос Улсын Үндэсний Ассамблейд Солонгос-Монголын бүлэг байгуулахад анхаарч дэмжихийг ноён Жон Сэ Гюүнээс хүслээ. Тэрээр Аж Үйлдвэрийн сайд байхдаа 10 жилийн өмнө Монгол Улсад очиж байсан талаар дурсаад Үндэсний Ассамблейд Солонгос-Монголын найрамдлын бүлэг байгуулахад анхаарч ажилахаа илэрхийлсэн юм.
Монгол Улсын Их Хурлын эмэгтэй гишүүд энэ удаагийн айлчлалынхаа үеэр тус улсад сурч, ажиллаж, амьдарч буй монгол иргэдийн төлөөлөлтэй уулзалт хийсэн юм. Мөн Данкоокийн Их сургуулийн үйл ажиллагаатай танилцаж, тус сургуульд жилдээ 50-100 монгол залуусыг суралцуулах, мэргэжил дээшлүүлэх сургалтад хамруулах талаар ярилцаж, тохиролцсон байна.

Өнөөдөр Монголын хөрөнгийн бирж I, II, III ангилалд бүртгэлтэй 24 хувьцаат компанийн нийт 35 мянга 224 ширхэг хувьцаа арилжиж, 61 сая 211 мянга 394 төгрөгийн гүйлгээ хийжээ.

нэ сарын 22-ны шөнө Эрүүгийн цагдаагийн газрын Хар тамхитай тэмцэх хэлтсийнхэн ажиллагаа явуулсан байна. Энэхүү ажиллагаагаар хар тамхи худалдан борлуулдаг, худалдан авсан найман хүнийг баривчилжээ. Сүүлийн хэдхэн жилийн дотор хар тамхи болон мансууруулах бодист донтогчдын тоо ихэсч, цаашлаад гэмт хэргийн золиос, эзэн холбогдогч болох нь буурахгүй байгааг Цагдаагийн ерөнхий газрын Олон нийттэй харилцах албанаас анхааруулан сэрэмжлүүлэв.

Бөөр шилжүүлэн суулгах 125 дахь хагалгааг амжилттай хийв

Мэргэжлийн хяналтын ерөнхий газраас эм, био бэлдмэлийн урьдчилан сэргийлэх хяналт шалгалтыг энэ сарын 12-16-ны өдрүүдэд улсын хэмжээнд хийжээ.

БНХАУ-ын Шаньдун мужтай хөдөө аж ахуйн салбарт хамтран ажиллахаар санал солилцлоо

Энэ оны эхний найман сарын байдлаар 78 мянга гаруй нохойг 700 гаруй сая төгрөг зарцуулан устгасан бөгөөд ирэх сараас уг ажлыг улам эрчимжүүлэхээр бэлтгэж байна.

“Нийслэлийн нутаг дэвсгэрт нохой, муур тэжээх, эзэнтэй нохойны албан татварыг төвлөрүүлэх, эзэнгүй нохой, муурны тоог бууруулах, устгах үйл ажиллагаанд дагаж мөрдөх журмын төсөл”-ийг өнөөдөр Хотын Ерөнхий менежер бөгөөд Захирагчийн ажлын албаны даргын үүргийг түр орлон гүйцэтгэгч Т.Гантөмөр хороодын засаг дарга нарт танилцууллаа.

Энэхүү журам нь 2002 онд баталсан Нийслэлийн нутаг дэвсгэрт нохой, муур тэжээх, арчлах, золбин нохой, муур устгахад мөрдөх журмын шинэ найруулга бөгөөд эзэнтэй нохой, муурыг бүртгэж, үнэмлэхжүүлэх, нохой, мууранд үржил зогсоох мэс ажилбар хийх, нохойн албан татвар ноогдуулах зэрэг шинэ заалтуудыг нэмж оруулах гэж байгаа юм.

Зоонозын өвчин судлалын үндэсний төвөөс Улаанбаатар хотод 320 мянга гаруй золбин нохой бий гэсэн судалгааг өнгөрөгч онд гаргажээ. Золбин нохой устгалын ажлыг ирэх 10 дугаар сарын 1-нээс эрчимжүүлж, оны эцэст 32 мянган нохойг нэмж устгахаар төлөвлөж байна.

Увс аймагт есдүгээр сарын 21-25-ний өдрүүдэд БНМАУ-ын Баатар, Хөдөлмөрийн баатар, Төр, нийгэм, цэргийн нэрт зүтгэлтэн, 20-р зууны манлай улс төрч, Маршал Юмжаагийн Цэдэнбал агсны мэндэлсний 100 жилийн ойн арга хэмжээг тэмдэглэн өнгөрүүлж байна.

НҮБ-ын Ерөнхий Ассамблейн 71 дүгээр чуулганы хүрээнд Ерөнхийлөгч Цахиагийн Элбэгдорж НҮБ-ын Ерөнхий нарийн бичгийн дарга Бан Ги Мүнтэй өнөөдөр уулзлаа.

Италийн оргоник хүнс үйлдвэрлэгчид Улаанбаатар хоттой хамтран ажиллах санал тавилаа

Цаг агаарын цочир хүйтрэлтэй холбогдуулан Онцгой байдлын ерөнхий газраас төв,орон нутгийн Онцгой байдлын анги байгууллагын хүрээнд ард иргэдийг болзошгүй эрсдэлээс урьдчилан сэргийлэх арга хэмжээ авч ажиллах үүрэг, чиглэлийг өгөн ажиллаж байна.

Төв аймгийн дөрвөн суманд малын гоц халдварт шүлхий болон цэцэг өвчний дэгдэлттэй холбогдуулан өндөржүүлсэн бэлэн байдалд ажиллаж байна.

МАН-ын хувьд ингэж тооцоо бодох шалтгаан бий гэж үзэж буй бололтой. Учир нь 2012 оны сонгуулийн дараа МАН-ын “шошго” бүхий олон хүн шоронгийн хаалга татсан. АН л энэ “дайн”-ыг эхлүүлсэн учраас МАН энэ удаа өшөөгөө авах ёстой гэж буй аж. Эх сурвалжийн мэдээлж буйгаар их баривчилгаа цаашид ч эрчимтэй үргэлжлэх бөгөөд аймгуудын Засаг дарга нарыг шил дараалан баривчлах гэнэ.

“Хас урлан” студи, “Шүүдэр” продакшны хамтын бүтээл “Галзуу зугаалга” УСК нээлт маргааш Тэнгис кино театрт болно. Уг арга хэмжээний үеэр киноны уран бүтээлчид Wrangler JEEP машины цуваагаар ирж, шар хивсний ёслол болох аж.

2016 оны 9 дүгээр сарын 22-ны өдөр Замын цагдаагийн газрын ЖШУХ дээр нийт 300 дуудлага, мэдээ мэдээлэл хүлээн авснаас, зам тээврийн ослын 239 дуудлага бүртгэгдсэн байна.

Аймгийн Засаг даргын орлогч Эрүүл мэндийн байгууллагуудад тулгамдаж буй асуудлуудыг хэлэлцлээ