Нийслэлийн Статистикийн газраас энэ долоо хоногийн өргөн хэрэглээний бараа бүтээгдэхүүний үнийн судалгааг гаргажээ.

Манай улс Дархлаажуулалтын 10 хоногийг жил бүрийн 5, 10 сард зохион байгуулдаг ба энэ жилийн хувьд “Томуугийн эсрэг дархлаажуулалт” уриан дор 10 сарын 16-26 өдрүүдэд явагдана.

Энэхүү ажлын хүрээнд:

- Томуу өвчин, урдьчилан сэргийлэх талаар зөвлөмж мэдээлэл;

- Томуугийн вакцины ач холбогдол, цаг үеийн мэдээлэл;

- Менингит өвчнөөс урьдчилан сэргийлэх зөвлөмж;

- Менингококкт вакцины талаар мэдээлэл:

- Монгол улсад хэрэгждэг дархлаажуулалтын ажил, вакцины ач холбогдлын

талаар зөвлөмж мэдээллийг олон нийтэд түгээх, иргэдийн мэдлэг, хандлагыг дээшлүүлэх ажлыг НЭМҮТ-с зохион байгуулах юм.

ХСИС, ХААИС-тай хамтарсан хөтөлбөр хэрэгжүүлнэ

Засгийн газрын гишүүдийг томилох асуудлыг УИХ-аар хэлэлцэх үед УИХ-ын гишүүн, АН-ын бүлгийн дэд дарга Ж.Батзандан Барилга, хот байгуулалтын сайдад нэр дэвшигч Х.Бадельханд хандан үг хэлэхдээ

Өнөөдөр НИТХ-ын Тэргүүлэгчдийн ээлжит хуралдаан болох байсан ч ирц бүрдээгүй гэх шалтгаанаар дахин хойшилжээ.

УИХ-ын чуулганаар Засгийн газрын гишүүдийг томилох асуудлыг хэлэлцэж байгаа билээ. Яг одоо Зам, тээврийн хөгжлийн сайдад нэр дэвшигч Ж.Бат-Эрдэнээс гишүүд асуулт асууж, санал хэлж байна. Тухайлбал,

УИХ-ын чуулган нэгдсэн хуралдаанаар сайдуудыг томилох асуудлыг хэлэлцэж байгаа билээ.

Хэнтий аймгийн Хэрлэн сумын 2 дугаар багийн нутгаас энэ сарын 17-18-ныг шилжих шөнө 03 цагийн орчимд тус сумын иргэн “У” нь Тоёото маркийн автомашинаа түр асаалттай орхиод эргэж ирэхэд машин нь алдагдсан байсан тухай дуудлага Цагдаагийн газарт иржээ.
Уг дуудлагын дагуу ажлын хэсэгт үүрэгт гүйцэтгэж байсан Эдийн засгийн мөрдөгч дэслэгч Базаррагчаа, Эрүүгийн мөрдөгч дэслэгч Пүрэвсүрэн нар цаг алдалгүй түргэн шуурхай ажилласны үр дүнд гэмт этгээдүүдийг 24 цагийн дотор илрүүлж авто машиныг эзэнд нь бүрэн бүтэн хүлээлгэн өглөө.
Авто машинаа алдсан иргэн “У” нь мэргэжлийн ур чадвар гарган хэргийг түргэн шуурхай илрүүлсэн Цагдаагийн газрын алба хаагчдад талархал илэрхийлж ажлын өндөр амжилт хүссэн юм.
Иймд иргэд та бүхэн тээврийн хэрэгсэлээ цоожилж аюулгүй байдлаа хангаж байхыг Цагдаагийн газраас анхааруулж байна.

БНАСАУ усанд шумбагч хөлөг онгоцны баллистик пуужин тээх чадвартай

АЗХ-ны ерөнхийлөгчид Б.Хайдавмөнх хүч үзнэ

АНУ-ын Мэрилэнд мужид 2017 оны 10 дугаар сарын 18-ны өдөр буюу өчигдөр америкийн иргэн хамт ажиллаж байсан 5 хүнийг буудаж, 3 нь нас барсан хэрэг гарсан. Олон нийтийн хэвлэл, мэдээллийн хэрэгслээр нас барсан иргэдийн дунд монгол иргэн байсан гэсэн мэдээллийн дагуу Гадаад харилцааны яамнаас холбогдох арга хэмжээ авч, ар гэртэй нь холбоо тогтоосон болно.

Нас барсан иргэний ар гэрийн хүсэлтийг хүндэтгэн дэлгэрэнгүй мэдээлэл өгөх боломжгүй болохыг үүгээр мэдэгдэж байна.

Гадаад харилцааны яам Вашингтон дахь ЭСЯ-аараа дамжуулан талийгаачийн ар гэрт шаардлагатай тусламж дэмжлэгийг үзүүлэх болно.

Эрүүл мэндийн талаар төрөөс баримтлах бодлогын үндсэн чиглэл, зорилтын хүрээнд Нийслэлд албан байгууллага, хамт олны дунд Эрүүл мэндийн сайдын 2009 оны 184 дүгээр тушаал, өрх, иргэдийн дунд Нийслэлийн Засаг даргын 2003 оны 504 дүгээр захирамж, Нийслэлийн эрүүл мэндийн газрын даргын 2015 оны А/55 тушаалын болзолт журмын дагуу “Эрүүл мэндийг дэмжигч байгууллага”, “Эрүүл мэндээ дээдлэгч өрх, иргэн” шалгаруулах ажлыг 13 дахь жилдээ амжилттай зохион байгуулж байна.

Автомашины аккумулятор хулгайлдаг бүлэг этгээдийг саатуулжээ

НОБГ-ын Багануур дүүргийн Онцгой байдлын хэлтэс нь Дэлхий Зөн Багануур ОНХХ-тэй 2016-2017 онд хамтран ажиллах төлөвлөгөөг батлуулан ажиллаж байна.



Энэ хүрээнд, галын аюулаас урьдчилан сэргийлэх нэгдсэн арга хэмжээ, өдөрлөг, “Өсвөрийн аврагч бүлэг”-ийн гишүүдийг сургаж дадлагажуулах сургалт, уралдаан тэмцээн зэрэг нийт 12 ажлыг хамтран зохион байгууллаа. Гамшгаас урьдчилан сэргийлэх үйл ажиллагаанд нийт 791 хүүхэд, 2100 иргэн хамрагдсан байна.



Дэлхий Зөн Багануур ОНХХ-ээс аюулт үзэгдэл, ослоос урьдчилан сэргийлэх мэдлэгийг дээшлүүлэх чиглэлээр иргэдэд тараах сурталчилгааны гарын авлага, материалд зориулан нийт 14,8 сая төгрөгийн санхүүгийн дэмжлэг үзүүллээ гэж Багануур дүүргийн Онцгой байдлын хэлтсээс мэдээллээ.

БНХАУ-ын Улаан загалмайн нийгэмлэг, Улаан загалмайн сангаас Монгол Улсад хүүхдийн зүрхний төрөлхийн гажиг өвчний эмчилгээний чиглэлээр хэрэгжүүлэх төслийг МУЗН-тэй хамтран хэрэгжүүлэхээр болсон. Энэхүү төслийн үр дүнгээр зүрхний гажигтай 100 хүүхдийг үнэ төлбөргүйгээр эмчилнэ. Энэ сарын эхээр 14 хүүхэд Хөх хотыг зорьж, эмчилгээнд явсан бол өнөөдөр 41 хүүхэд эцэг эхийнхээ аль нэгэн асран хамгаалагчийн хамт Бээжин хотод очиж эмчлүүлэхээр явлаа. Хүүхдийн эмчилгээ, замын зардал болон Бээжин хотод байх эцэг, эхийн аль нэгний зардлыг бүрэн даана.БНХАУ-ын Улаан загалмайн нийгэмлэг, Улаан загалмайн сангаас Монгол Улсад хүүхдийн зүрхний төрөлхийн гажиг өвчний эмчилгээний чиглэлээр хэрэгжүүлэх төслийг МУЗН-тэй хамтран хэрэгжүүлэхээр болсон. Энэхүү төслийн үр дүнгээр зүрхний гажигтай 100 хүүхдийг үнэ төлбөргүйгээр эмчилнэ. Энэ сарын эхээр 14 хүүхэд Хөх хотыг зорьж, эмчилгээнд явсан бол өнөөдөр 41 хүүхэд эцэг эхийнхээ аль нэгэн асран хамгаалагчийн хамт Бээжин хотод очиж эмчлүүлэхээр явлаа. Хүүхдийн эмчилгээ, замын зардал болон Бээжин хотод байх эцэг, эхийн аль нэгний зардлыг бүрэн даана.

Нийслэлийн Засаг дарга бөгөөд Улаанбаатар хотын Захирагч С.Батболдын А/605 дугаар захирамжийн дагуу байгуулагдсан Нийслэлийн Шилэн тендерийн журмын төсөл боловсруулах үүрэг бүхий ажлын хэсэг өчигдөр хуралдсан байна.

Сэлэнгэ аймгийн Түшиг сум, Ар-Нуга багийн “Байвын-Ам” гэдэг газар /сумын төвөөс хойд зүгт 3 км-т, Ө-105°06’00”, У-50°36’00”/ 2017 оны 10 дугаар сарын 19-ний өдрийн 01:46 цагт 5.0 магнитудын хүчтэй газар хөдлөлт болсон тухай мэдээллийг Одон орон, геофизикийн хүрээлэнгээс ирүүлсэн.

Тус аймгийн Онцгой байдлын газраар дамжуулан мэдээллийг тодруулахад мэргэжлийн ангийн бүрэлдэхүүнтэй ажлын хэсэг сумын төвийн бүх барилгад үзлэг хийсэн байна. Түшиг сумын Тамгын газрын даргаар ахлуулсан ажлын хэсэг сумын онцгой объект болох уурын зуух, шатахуун түгээх станц, ХААН банк, Төрийн банк, Ерөнхий боловсролын бага, дунд сургууль, дотуур байр, эмнэлэг, цэцэрлэг, Соёлын төв, ЗДТГ, худалдаа үйлчилгээний барилга байгууламжийн бүрэн бүтэн байдал, аюулгүй байдалтай танилцаж ажилласан байна. Хагарч гэмтсэн хаалга, цонх, цуурсан хана, тасалгаа байхгүй гэж ажлын хэсэг мэдээлжээ.

Газар хөдлөлтийн чичирхийлэл иргэдэд мэдрэгдсэн, ямар нэгэн хохирол учраагүй гэж Сэлэнгэ аймгийн Онцгой байдлын газраас мэдээллээ.

Монгол Улсын Их Хурлын дарга М.Энхболд Төрийн албаны зөвлөлийн дарга Б.Цогоогийн урилгаар манай улсад айлчилж буй Бүгд Найрамдах Энэтхэг Улсын Төрийн албаны төв комиссын дарга, доктор Давид Р.Суемлехийг хүлээн авч уулзлаа.

УИХ-ын дарга М.Энхболд түүх, соёл, үнэт зүйлийн олон зууны уламжлалт хэлхээ холбоотой Энэтхэг Улсын төрийн албаны төв байгууллагын тэргүүнтэй уулзаж байгаадаа баяртай байна гээд, хоёр орны харилцаа, хамын ажиллагаа олон салбарт амжилттай хөгжиж буйд сэтгэл хангалуун байгаагаа уулзалтын эхэнд илэрхийлэв.

Тэрбээр “БНЭУ-ын Ерөнхий сайд Нарендра Моди 2015 оны тавдугаар сард манай улсад айлчлах үеэр хоёр орны хамтын ажиллагааг Стратегийн түншлэлийн түвшинд хөгжүүлэх баримт бичигт гарын үсэг зурсан нь Монгол, Энэтхэгийн харилцаанд нэгэн шинэ үеийг нээсэн. Таны айлчлал энэхүү баримт бичигт тусгагдсан зорилтуудыг хэрэгжүүлэх нэгэн чухал алхам, төрийн байгууллагууд, төрийн албан хаагчид, Төрийн албаны төв байгууллага хоорондын найрсаг харилцаа, хамтын ажиллагааг гүнзгийрүүлэн хөгжүүлэхэд чухал ач холбогдолтой арга хэмжээ болно гэдэгт итгэж байна. Төрийн албаны арвин баялаг түүх, уламжлалтай та бүхнээс бидэнд сурах зүйл их бий” хэмээн онцоллоо.



Ноён Давид Р.Суемлех цаг зав гарган хүлээн авч уулзаж буйд нь УИХ-ын дарга М.Энхболдод талархал илэрхийлээд, манай хоёр орны харилцаа худалдаа, эдийн засаг, соёл, боловсролын гээд олон салбарт амжилттай хөгжиж байна. Цаашид төрийн албаны төв байгууллагуудын хамтын ажиллагаа өргөжин гүнзгийрнэ гэдэгт итгэлтэй байгаа бөгөөд энэ үйл хэрэгт өөрийн хувь нэмрийг оруулахад бэлэн байна гэлээ.

УИХ-ын дарга М.Энхболд Монгол Улсын Төрийн албаны зөвлөлийн үйл ажиллагааны бүтэц, зохион байгуулалт, үндсэн зарчим, онцлог, УИХ-аар хэлэлцэх гэж буй Төрийн албаны тухай хуулийн шинэчилсэн найруулгын талаар товч танилцуулаад, төрийн албан хаагчдыг сургах, давтан бэлтгэхэд анхаарлаа хандуулахыг хүслээ. Ноён Давид Р.Суемлех монгол оюутнуудыг бакалаврын болон магистрын түвшний сургалтад, төрийн албан хаагчдыг давтан сургах чиглэлээр манай Засгийн газраас хөтөлбөрүүд хэрэгжиж байгаа. Үүнийг цаашид үргэлжлүүлж, хамрагдах хүрээг өргөжүүлэх талаар анхаарах болно гэв.

БНЭУ-аас Монгол Улсад суугаа Онц бөгөөд Бүрэн эрхт Элчин сайд Суреш Бабу “Энэтхэгийн их, дээд сургуульд Монголын 40 оюутныг, төрийн албан хаагчдад зориулсан богино болон дунд хугацааны сургалтад 150 хүнийг жил бүр хамруулах хөтөлбөрийг Энэтхэгийн соёлын харилцааны зөвлөлөөс хэрэгжүүлж байгаа. Сургалтын зардлыг манай Засгийн газар 100 хувь хариуцдаг. Энэ хөтөлбөрүүдэд монголчуудыг өргөнөөр хамруулах нь чухал байна” хэмээн онцоллоо.

УИХ-ын дарга М.Энхболд уулзалтын төгсгөлд соёл, боловсролын уламжлалт харилцаагаа эрчимжүүлэх, парламент хоорондын хамтын ажиллагааг парламентын гишүүд, найрамдлын бүлэг, Тамгын газар хооронд өргөжүүлэх нь чухал байгааг тэмдэглэлээ.

Уулзалтад УИХ-ын гишүүн, УИХ дахь Монгол, Энэтхэгийн найрамдлын бүлгийн дарга Б.Ундармаа, Төрийн албаны зөвлөлийн дарга Б.Цогоо, Төрийн албаны зөвлөлийн гишүүн Б.Баатарзориг, С.Цэдэндамба, Гадаад харилцааны яамны Ази, Номхон далайн орнуудын газрын захирал Э.Сарантогос нарын зэрэг албаны хүмүүс оролцлоо гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

Ц.Цогзолмаа: Сурах бичгийн асуудлыг цэгцлэх ажлын хэсэг байгуулна

БНӨСУ-д үүрэг гүйцэтгэж буй хурандаа Д.Энхбаатар захирагчтай VII ээлжийн мотобуудлагын батальоны бие бүрэлдэхүүн 10 дугаар сарын 15-16-нд шилжих шөнө дотоодын дүрвэгсдийн хуаран руу зэвсэглэсэн дээрэмчид нэвтрэн гурван иргэнийг хүнд гэмтээж, улмаар энгийн иргэдийн амь нас, эд хөрөнгөд халдахаар зэхэж байсныг таслан зогсоожээ. Хүнд гэмтсэн гурван иргэнийг хамгаалалтад авч, эмнэлгийн анхны тусламжийг яаралтай үзүүлж эрүүл мэнд амь насыг нь аварчээ.
Дэлхийд хамгийн томд тооцогдох 120 мянга гаруй хүнтэй тус дотоодын дүрвэгсдийн хуарангийн эргэн тойронд хүүхэд, эмэгтэйчүүдийг барьцаалах, хулгай, дээрэм хийх, залуучуудыг цэрэгт хүчээр элсүүлэх, олон нийтийг хамарсан үймээн самуун үргэлж гарч байдаг бөгөөд Монгол Улсын мотобуудлагын батальон нь НҮБ-ын хүч хэрэглэх дүрмийн дагуу шат дараалсан арга хэмжээг шуурхай, үр дүнтэй хэрэгжүүлж НҮБ-ын мандатаар хүлээсэн энгийн иргэдийг хамгаалах үүргээ нэр төртэй биелүүлсээр байна.
Эх сурвалж: ”Соёмбо” сонин, дэслэгч А.Алтанхуяг