Нийслэлийн цагдаагийн газраас иргэдийн амар тайван байдлыг хангах, гудамж талбайд үйлдэгдэж буй гэмт хэрэг, зөрчлийг илрүүлэх, таслан зогсоох, урьдчилан сэргийлэх зорилгоор 2017 оны 04 дүгээр сарын 18-ны өдрөөс “Эргүүл” нэгдсэн арга хэмжээг Цагдаагийн ерөнхий газрын Нийтийн хэв журам хамгаалах газартай хамтран зохион байгуулж байна.


Арга хэмжээний хүрээнд эхний 14 хоногийн байдлаар захиргааны зөрчил үйлдсэн 9741 иргэнийг 48.705.000 төгрөгөөр торгох, шүүхийн шийдвэрээр 389 иргэнийг баривчлуулах захиргааны шийтгэл ногдуулж, согтууруулах ундаа хэтрүүлэн хэрэглэж бусдын амгалан тайван байдлыг алдагдуулсан 1849 иргэнийг эрүүлжүүлэх байранд хүргэж, биеэ авч явах чадваргүй 513 иргэнийг ар гэр асран хамгаалагчид хүлээлгэн өгч, гудамж талбайд үйлдэгдсэн 60 гэмт хэргийг шуурхай илрүүлжээ.

Мөн тус цагдаагийн газраас эргүүлийн үйл ажиллагаанд орчин үеийн техник, технологийг нэвтрүүлэх, алба хаагчдын ажлын ачааллыг багасгах, зохион байгуулалтыг сайжруулах зорилгоор нийслэлийн хэмжээнд хэрэгжүүлэх “Эргүүл” дэд хөтөлбөрийг боловсруулан Нийслэлийн Иргэдийн төлөөлөгчдийн Тэргүүлэгчдийн 2017 оны 04 дүгээр сарын 18-ны өдрийн хурлаар хэлэлцүүлж, 62 дугаар тогтоолоор батлуулан ажиллаж байна.

2017 оныг “Иргэдийн оролцоотой эрх зүйн шинэтгэлийн жил” болгон зарласантай холбогдуулан нийслэлийн Засаг даргын нийт агентлаг, харьяа газрууд Сүхбаатарын талбайд нээлттэй хаалганы өдөрлөг зохион байгуулж байгаа билээ.

П.Н Шастины нэрэмжит улсын III төв эмнэлгийн үүдний хэсгийн 818 м.кв талбайн тохижилтын ажил дуусч, холбогдох албаныхан өнөөдөр албан ёсоор хүлээн авлаа. Тус арга хэмжээнд нийслэлийн Засаг дарга бөгөөд Улаанбаатар хотын Захирагч С.Батболд, Улаанбаатар хотын Ерөнхий менежер болон бусад албаныхан оролцов. Энэ үеэр хотын дарга С.Батболд “Би 14 хоногийн өмнө энэ хэсгийн тохижилтын ажилтай танилцаад явсан. Өнөөдөр бэлэн болоод нээлтийг хийж байгаадаа баяртай байна. Шастины нэрэмжит улсын III төв эмнэлэг бол нийслэлчүүд төдийгүй Монгол Улсын өнцөг булан бүрээс иргэд ирж үйлчлүүлдэг газар. Өнгөрсөн аравдцугаар сард авто машины зогсоолын асуудлыг шийдсэн. Өнөөдрийн энэ тохижилтын ажил 2017 оны хаврын хот тохижилтын хамгийн эхнийх нь учраас бид ийнхүү ач холбогдол өгч албан ёсоор нээж байгаа юм. 2017 онд эмнэлэг болон сургууль, цэцэрлэгийн гаднах тохижилтод анхаарч ажиллана. Бидний дараагийн тохижуулах газар бол Гэмтэл согог судлалын үндэсний төв, Сонгинохайрхан дүүргийн нэгдсэн эмнэлэг байх болно. Түүнчлэн X хороолол орчмын авто замын хойд талын талбайг авто машины зогсоол, явган хүний зам, ногоон байгууламж бүхий иж бүрнээр тохижуулах ажлыг эхлүүлсэн. Мөн энэ гудамж дагуу байрлах албан байгууллага, аж ахуйн нэгжүүдэд гаднах тохижилт, хаягжилтын нэгдсэн стандарт мөрдүүлнэ. Уг ажлыг ирэх зургаадугаар сарын 10-нд дуусгахаар төлөвлөн ажиллаж байгаа” гэв.

Улаанбаатар хотын Ерөнхий менежер Т.Гантөмөр “Явган хүний зам, ус зайлуулах шугам, гэрэлтүүлэг, авто машины зорчих хэсгүүдийг цогцоор нь шийдэж, тохижуулж байна. Энэ жил Улаанбаатар хотын ногоон байгууламжид цогц бодлого гарган ажиллаж байгаа. Ногоон байгууламжийг аль болох байгалийн шилмүүст, өндөр модоор сэлгүүлэн тарьж байгаа юм. Энхтайваны өргөн чөлөөнөөс Таван шар, Бага тойруу, Сансарын тойрог, Соёлын төв өргөө орчмын гудамж талбайг ийнхүү цогцоор нь тохижуулахын зэрэгцээ төвийн 6 дүүргийн нэг орон сууцыг сонгоод бичил тохижилтыг хийнэ” гэлээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

МАН-ын бага хурал маргааш болно. Хуралдаанаар 2017 оны Ерөнхийлөгчийн сонгуульд нэр дэвшигчээ тодруулан батламжлах юм.

Үндсэн хуулийн цэцийн хуралдаан маргааш болно. Хуралдаанаар Шүүгчийн эрх зүйн байдлын тухай хуулийн зарим заалт Үндсэн хууль зөрчсөн эсэхийг хэлэлцэнэ.

Монгол Улсын Ерөнхийлөгч Ц.Элбэгдорж Орхон аймгийн Эрдэнэт хотод ажиллаж байна.

Сурагчдын шатрын дэлхийн аварга шалгаруулах тэмцээн Румын улсын Яси хотноо дөрөвдүгээр сарын 21-30-ны өдрүүдэд боллоо. Тэмцээнд 42 орны 500 гаруй өсвөрийн шатарчид, 12 насны ангилалд 36 медалийн төлөө өрсөлдөхөд Монголын баг тамирчид гурван алт, гурван мөнгө, нэг хүрэл медаль хүртэж багаараа түрүүлсэн бол Узбекстан, Турк, Румын, Молдавын багууд удаах байрт оржээ. Дэлхийн аваргад эх орноо төлөөлөн оролцсон манай шатарчдаас 11 нас хүртэлх ангилалд Төрийн банкны элч тамирчин Д.Мөнхзул амжилтаа бататгаж, дэлхийн хос алтан медальтан болсон байна.
Оюуны спортыг дэмжигч Төрийн банк 2015 оноос эхлэн Д.Мөнхзулыг дэмжин ажиллаж байгаа юм. Энэ хугацаанд тэрбээр АНЭУ-д болсон Олон улсын тэмцээнээс алтан медаль, Тайландын Паттаяа аралд болсон Сурагчдын Дэлхийн аварга шалгаруулах тэмцээнээс мөнгөн медаль хүртэж байсан бол өнгөрсөн жил Монгол Улсын Өсвөрийн аварга, 2016 онд Ази тивийн хошой аварга болж байжээ.

Цэрэг-спортын “Дөл” цогцолбор тэмцээнийг Нийслэлийн Ерөнхий боловсролын сургуулийн ахлах ангийн сурагчдад цэрэг эх оронч үзэл, хүмүүжил олгох, эх орноороо бахархах үзлийг төлөвшүүлэх, тэдэнд бие бялдар, сэтгэл зүйн бэлтгэл, тэвчээр хатуужил олгох зорилгоор 2 үе шаттайгаар зохион байгууллаа.

Тэмцээний хоёрдугаар шатны шалгаруулалт 2017 оны 4 дүгээр сарын 29-ны өдөр Үндэсний батлан хамгаалахын их сургууль дээр зохион байгуулагдсан бөгөөд нэгдүгээр шатны шалгаруулалтад оролцсон нийслэлийн ерөнхий боловсролын 103 сургуулийн 2000 гаруй сурагчдаас дүүргээсээ шалгарсан дараахь 9-н багийн тамирчид оролцлоо. Үүнд:



- Баянгол дүүргийн 38 дугаар сургуулийн “Сүлд” баг

- Баянзүрх дүүргийн 68 дугаар сургуулийн “Дуулга” баг

- Сонгинохайрхан дүүргийн 124 дугаар сургуулийн “Цасны барс” баг

- Сүхбаатар дүүргийн 11 дүгээр сургуулийн “Цэгц-11” баг

- Хан-Уул дүүргийн 60 дугаар сургуулийн “Цэгц” баг

- Чингэлтэй дүүргийн 24 дүгээр сургуулийн “Хар сүлд” баг

- Багануур дүүргийн 66 дугаар сургуулийн “Соёмбо” баг

- Налайх дүүргийн Чандмань сургуулийн “Чандмань” баг

- Багахангай дүүргийн Багахангай цогцолбор сургуулийн “Ялалт” багууд дүүргээсээ шалгарч, нийслэлийн Засаг даргын баталсан удирдамжийн дагуу хурд хүч, тэсвэр хатуужил, авхаалж самбаагаа сорьсноос дараах багууд эхний байруудад шалгарлаа.



Тэргүүн байранд Сонгинохайрхан дүүргийн 124 дугаар сургуулийн “Цасны барс” баг

Дэд байранд Баянгол дүүргийн 38 дугаар сургуулийн “Сүлд” баг

Гутгаар байранд Чингэлтэй дүүргийн 24 дүгээр сургуулийн “Хар сүлд” баг

Тусгай байранд Сүхбаатар дүүргээс 11 дүгээр сургуулийн “Цэгц-11” багууд шалгарч, цом, өргөмжлөл, алт, мөнгө, хүрэл медалиар энгэрээ мялааж, мөнгөн шагналаар шагнууллаа гэж нийслэлийн ЗДТГ-ын Цэргийн штабаас мэдээлэв.

Нийслэлийн 9 дүүргийн хорооны Засаг дарга, хэсгийн ахлагч нарын “Хотын хөгжил-Хамтын хүч” зөвлөгөөн өнөөдөр боллоо. Зөвлөгөөнд. Монгол Улсын Засгийн газрын Хэрэг эрхлэх газрын дарга Ж.Мөнхбат, НИТХ-ын дарга Ц.Сандуй, Нийслэлийн Засаг дарга бөгөөд Улаанбаатар хотын Захирагч С.Батболд болон бусад албаныхан оролцсон юм.



“Хотын хөгжил-Хамтын хүч” зөвлөгөөнийг нээж НИТХ-ын дарга Ц.Сандуй “Нийслэлийн нутгийн захиргааны байгууллагын анхан шатны нэгжид ажиллан, нийслэл хотын хөгжлийн төлөө чин сэтгэлээр зүтгэж байгаа хорооны Засаг дарга, хэсгийн ахлагч та бүхэнд гүн талархал илэрхийлье. Улаанбаатар хот маань улсын нийслэлийн үүргээ чанд биелүүлж, иргэнээ дээдэлсэн хот төлөвлөлт, байгуулалт өрнүүлж, ДНБ-ий дийлэнх хувийг үйлдвэрлэж, хот бүрдүүлэгч салбаруудаа хөгжүүлсэн нь төрийн бодлогын үр дүн, иргэд, төрийн ажилтан бид бүхний хамтын бүтээл, зүй ёсны бахархал билээ. Нийслэлийн иргэдийн Төлөөлөгчдийн Хурал баталж, нийслэлийн Засаг дарга бөгөөд Улаанбаатар хотын захирагчийн хэрэгжүүлж буй “Аз жаргалтай хот” хөтөлбөрийн амин сүнс нь иргэн юм. Нийслэл, дүүрэг, хороо, хэсгийн ажилтнууд иргэддээ амалсанаа биелүүлж, хариуцлага сахилга батыг өндөржүүлж, төрийн үйлчилгээг чирэгдэлгүй хүргэхийн төлөө онцгой анхааран ажиллаж байна. Нийслэлийн МАН-ын сонгуулийн мөрийн хөтөлбөрт туссан “Хороо бүрт цэцэрлэг”, “Хороо бүрт төрийн үйлчилгээг хүргэх” ажлуудыг шат дараалан хэрэгжүүлэхэд хэсгийн ахлагч та бүхний хүчин чармайлт их юм.

Өнгөрсөн хугацаанд нийслэлийн хороодыг бэхжүүлэх, нэгдсэн цогцолбор байртай болгох, техник хэрэгслээр хангах, хороонд ажиллаж буй ажилтнуудыг чадавхжуулах зэрэг арга хэмжээ авч “Хороо” хөтөлбөрийг хэрэгжүүлж, иргэдэд үйлчлэх төрийн үйлчилгээний хүртээмжийг сайжруулж ажиллалаа. Өнөөдөр нийслэлийн 152 хороонд 1400 гаруй хэсгийн ахлагч ажиллаж байна.

Нийслэл хотын тохижилт, ногоон байгууламжийг нэмэгдүүлэх, төрийн үйлчилгээг иргэдэд хүргэх, иргэдийн оролцоо, эрэлт, саналыг нийслэл, дүүргийн бодлого, шийдвэрт тусгуулахад анхан шатны нэгжид ажиллаж буй та бүхний санаачлага, үүрэг, оролцоо ихээхэн чухал байна.

Улаанбаатар хотын иргэдийг хоггүй цэвэр орчинд амьдруулах, замын халтиргаа гулгаанаас сэргийлэх, зам талбай, гудамжийг гэрэлтүүлэх зэрэг уламжлалт ажил төдийгүй, хотоо хөгжүүлэх ажилд та бидний хамтын хүч, чармайлт хамгийн чухал.

Хотын хөгжлийг хамтын хүчээр бүтээцгээе. Сайн үйлсийн төлөө бүгдээрээ хамтдаа зүтгэцгээе” хэмээв.



Үүний дараагаар нийслэлийн Засаг дарга бөгөөд Улаанбаатар хотын Захирагч С.Батболд “Улаанбаатар хотын хөгжлийн чиг хандлага” сэдвээр илтгэл тавилаа. Тэрбээр “Нийслэл Улаанбаатар хотын нэг сая 360 мянган иргэнтэй хамгийн ойр ажилладаг хүмүүс бол хороодын Засаг дарга, хэсгийн ахлагч нар юм. Та бүхэнтэйгээ өнөөдөр Засгийн газрын гишүүн болон холбогдох албан тушаалтнуудын хамт уулзаж байгаадаа баяртай байна. Би та бүхэнд нийслэлийн хөгжлийн чиг хандлагын талаар товчхон мэдээлэл өгөх болно. Учир нь, НИТХ-аас баталсан нийслэлийн Засаг даргын мөрийн хөтөлбөрийг хэрэгжүүлэх хамгийн анхан шатны хүмүүс бол та бүхэн юм. Бид “Аз жаргалтай хот” үйл ажиллагааны хөтөлбөрийн хүрээнд нийслэл хотоо иргэнээ дээдэлсэн, өндөр технологид суурилсан үйлдвэрлэл, бие даасан эдийн засагтай, бизнест ээлтэй, ногоон хөгжлийн үзэл баримтлал бүхий олон улсад өрсөлдөх чадвартай, Монгол үндэсний хэв маяг, өвөрмөц дүр төрхтэй, Зүүн хойд Азийн санхүү, бизнес, аялал жуулчлалын төв хот болгон хөгжүүлэхээр зорин ажиллаж байна. Засаг дарга миний бие алслагдсан 3 дүүргийн нөхцөл байдалтай газар дээр нь очиж танилцсан. Ойрын хугацаанд төвийн 6 дүүрэгт ажиллахаар төлөвлөсөн байгаа. Бид бүхэн энэ онд нийслэлийн эрх зүйн байдлыг тодорхой болгох, үр нөлөө, хүртээмжтэй хотын засаглалыг бэхжүүлэх нийслэлээс үзүүлж байгаа төрийн үйлчилгээний чанар хүртээмжийг дээшлүүлэх, шийдвэр гаргах ажиллагаанд олон нийтийн ажиллагааг нэмэгдүүлэх зорилгоор 2017 оныг “Иргэдийн оролцоотой эрх зүйн шинэтгэлийн жил” болгон зарласан. Энэ жил бид нийт 35 багц ажил хэрэгжүүлэхээр төлөвлөсөн.

Тухайлбал, эдийн засгийн өсөлтийг хангахын тулд хотын засаглалын хүрээнд бизнес эрхлэхэд таатай эрх зүйн орчныг бүрдүүлж, хөрөнгө оруулалтын бодлогыг хэрэгжүүлэхэд төр, хувийн хэвшлийн түншлэлийн зарчимд тулгуурлан, санхүүжилтийн шинэлэг тогтолцоог нэвтрүүлнэ.

Улаанбаатар хотыг 2020 он хүртэл хөгжүүлэх ерөнхий төлөвлөгөө, 2030 он хүртэлх хөгжлийн чиг хандлагын дагуу нийслэлийн ирээдүйн хөгжлийг хангасан дэд бүтцийг сайжруулж, иргэдийн ажиллаж амьдрах таатай орчныг бүрдүүлэхэд хот байгуулалтын үйл ажиллагааг чиглүүлж ажиллана.

Улаанбаатарын бүсийн түвшинд хэт төвлөрлийг сааруулахаар үйлдвэр, худалдаа үйлчилгээ дагнан тэнцвэртэй хөгжсөн, оршин суугчдын амьдралын аятай орчин бүрдүүлсэн дагуул хаяа хот, тосгод, шинэ суурьшлын бүсүүдийг эрчимтэй хөгжүүлнэ.

Тээврийн салбарын олон улсын хамтын ажиллагааг хөгжүүлж, бүс нутгийн дэд бүтэц, тээврийн интеграцид нэгдэх замаар Улаанбаатар хотын ачаа тээврийн нэгдсэн ложистик төвүүдийг хотын баруун, зүүн хэсэгт байгуулна.

Авто замын хөдөлгөөний түгжрэлийг багасгах, нийтийн тээврийн үйлчилгээний чанар хүртээмжийг сайжруулах, иргэдийн аюулгүй, тав тухтай зорчих нөхцөлийг бүрдүүлэхийн тулд Азийн хөгжлийн банкны 274,4 сая ам долларын хөнгөлөлттэй зээлээр Нийтийн тээврийн үйлчилгээнд тусгай замын автобусыг Энхтайваны өргөн чөлөө, III, IV хороолол – Их тойруу, 7 буудал – Нисэх чиглэлд нэвтрүүлэх BRT төслийг эхлүүлнэ.

Төв цэвэрлэх байгууламжид технологийн шинэчлэлийг хийж, 250 мянган м3 хүчин чадалтай цэвэрлэх байгууламжийг барьж саарал усыг цахилгаан станцад хэрэглэнэ. Азийн хөгжлийн банкны 13.7 тэрбум төгрөгийн санхүүжилтээр Зүүн хойд бүсийн усан сангаас Баруун бүсийн насос станц хүртэлх 600-900мм 7,2 км цэвэр, 8.6 км бохир усны шугамыг барьж ашиглалтад оруулна.

Хотын ус хангамжийн нөөцийг нэмэгдүүлэх “Туул усан цогцолбор” төсөл хэрэгжүүлж, цэвэр усны доод эх үүсвэрийн нөөцийг шинэчлэн тогтоож хотын усан хангамжийн эх үүсвэрүүдийг нэмэгдүүлнэ” хэмээн онцоллоо.



Түүнчлэн нийслэлийн “ Шилдэг хороо” шалгаруулах уралдааныг нийт 152 хороонд эхлүүлж буй талаар НЗДТГ-ын дарга М.Отгонбаяр танилцуулсан юм. Тэрбээр “Засаг захиргааны үндсэн нэгжид ажиллаж, төр иргэдийг холбогч гүүр нь болж, нийслэлийн нутгийн захиргааны байгууллагаас хэрэгжүүлж байгаа бодлого, шийдвэрийг айл өрх бүрт хүргэж, түүнийг сурталчлан таниулахын зэрэгцээ, төрийн үйлчилгээний чанар хүртээмжийг нэмэгдүүлэхэд өөрийн оюун ухаан, мэдлэг чадвараа дайчлан, ажиллаж байгаа та бүхэнтэй хамтран ажиллаж байгаадаа таатай байна. Сайн засаглалыг бэхжүүлэгч анхдагч үндэс суурь бол хүнлэг, чадварлаг, ажил хэрэгч хэсгийн ахлагч, мөн хариуцлагатай төрийн үйлчилгээний эх үндэс нь чадварлаг, мэргэшсэн албан хаагч бүхий хороо байдаг билээ. Цаашид хороодын хөгжлийг бодит хөрөнгө оруулалтаас гадна, төрийн албаны өндөр ёс зүйтэй, мэдлэг боловсрол, ур чадвартай хорооны ажилтан, хэсгийн ахлагч нараар тодорхойлох он жилүүдэд бид ажиллаж, амьдарч байна. Өнөөдөр нийслэлийн 152 хороодын Засаг дарга нарын 50 хувь нь багш, инженер, эрх зүйч, эдийн засаг мэргэжилтэй, 13 хувь нь 6-аас дээш жил хорооны Засаг даргаар ажилласан, дунджаар 43 настай байгаа бол хороодын 1479 хэсгийн ахлагч нарын 65 хувь нь дээд, бүрэн дунд боловсролтой, 19 хувь нь 6-аас дээш жил ажилласан, дундаж нас 45 байгаа нь 2012 онтой харьцуулахад 6 насаар залуужсан байна.

Иргэдийн тасралтгүй өсөн нэмэгдэж байгаа хэрэгцээ, оролцоог хангахуйц төрийн үйлчилгээг хүргэхэд чадварлаг, мэргэшсэн, өндөр чадавхтай төрийн албан хаагчдыг бэлтгэх шаардлагатай болжээ. Тиймээс энэхүү ажлын эхлэл болгон хороодын ажилтан, хэсгийн ахлагч нарын ур чадварыг дээшлүүлэх, сургалтад хамруулах хөтөлбөрийг боловсруулан Швейцарын хөгжлийн агентлагийн санхүүжилтээр Азийн сангийн “Хотын засаглал” төслийн хүрээнд хэрэгжүүлж байна. Энэхүү хөтөлбөрийн дагуу 2017 оны 04 сарын 26 өдрөөс нийслэлийн 152 хорооны 1479 хэсгийн ахлагч нарт зориулсан сургалт эхлүүлээд байна” гэлээ.

Түүнчлэн уг арга хэмжээий үеэр хичээл зүтгэл, ажил хөдөлмөрөөрөө бусдыгаа манлайлан ажилласан хэсгийн ахлагч, хорооны дарга нарт Улаанбаатар хотын хүндэт иргэн, нийслэлийн Тэргүүний ажилтан, Нийслэлийн Засаг даргын Жуух бичиг зэргээр шагнаж урамшууллаа гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Ерөнхийлөгчийн Тамгын газрын дарга асан П.Цагаан өнөөдөр Шастины нэрэмжит III төв эмнэлэгт түргэн тусламжийн машин хүлээлгэн өглөө. Автомашиныг Япон улсад үйлдвэрлэж,

Нийл Сакер: Ирэх 2-3 долоо хоногт багтаагаад ОУВС-ийн хөтөлбөрийг батална

Г.Уянга: Тэмцэл их өргөжиж байна

Б.Жаргалсайхан Ерөнхийлөгчид нэр дэвшихээр бүртгүүллээ

Өчигдөр буюу 5-р сарын 1-ний өдрөөс 5-р сарын 2-ны өдрийн 05:00 цагийн хооронд нийслэлийн хэмжээнд нийт 78 гэмт хэрэг зам тээврийн ослын 350 хэрэг бүртгэгджээ. Эдгээрээс айлын гэр сууц шатсан гэх дуудлага мэдээлэл дөрөв иржээ.

Л.Бямбажаргал: Дорлигжавын яриад байгаа Ерөнхийлөгчийн засаглалтай ардчилсан улсыг дэмжих нь зөв
Ардчилсан хөдөлгөөний ахмад партизан, физикч, улс төр судлаач Л.Бямбажаргалтай ярилцлаа.
-Сүүлийн 27 жил бүх л буруу зүйлийг тогтолцоо руу чихлээ. Өнөөгийн тогтолцооны аль хэсэгт гажуудал гарчихсан юм вэ?
-Төрийн тогтолцоог анхааралтай ажиглаж байдаг хувь хүний хувьд хэлэхэд 1990 оны Цагаан морин жилийн ардчилсан сонголт гарцаагүй зөв. Эргэлзэх хэрэггүй. Улс төрийн нам нь зөв. Хууль тогтоох байгуулага УИХ нь зөв. 1990 онд эрх мэдлийн хувиарлалт хийхдээ хэтэрхий хашир хийснээс болоод алдаа гаргасан. Тухайлбал УИХ-ыг ийм эрх мэдэлтэй, фракци бүлэглэлийн төлөөлөл болчихно гэдгийг төсөөлөөгүй. Нэг хүнээс айх хуучин цагийн айдас их байсан учраас аль нэг интитуцид давуу байдал өгөөгүй. Сонгуулиар болгоноор нам гэж хуваагдаж өрсөлдөж олон нийтээс санал авчихаад маргааш нь МАНАН болчихдог байдлыг төсөөлөөгүй. Олимпийн наадамд хоёрдугаар байрт орсон тамирчинд алтан медаль олгодоггүй шүү дээ. Энэ мэт намаар дамжсан компанийн төлөөлөл улс орныг удирдаж, асуудал шийддэг тогтолцооны гажуудлыг засах тохиргоо “Үндсэн хууль”-д байгаа юм.
-Энэ бүхний эх үүсвэр гэж буруутгагдаад байгаа “Үндсэн хуулийг” батлах ажлын хэсэгт та байсан шүү дээ?
-Социалдемкрат намын Ерөнхий нарийн бичгийн даргын хувиар ажлын хэсэгт орсон л доо.Ардын Их хурлын нэгдүгээр тойргоос С.Баяр, 430 дугаар тойргоос Эрдэнэтийн Тогооч гэж мэт улс цуглаж байлаа. Өнөөдөр УИХ-ыг хоёр танхимтай болгоно гэхэд халуун сэтгэлтэй, мөнгө төгрөг, эрх мэдлийн шунал үгүй эдгээр хүмүүс шиг улс цуглах уу. Сумаас хүн авчирлаа гэхэд аль нэг намын угшилтай, ноолуурын ченж л ирнэ. МАН-ын “Үндсэн хуулийг” өөрчлөх төслийг харсан. Сумандаа таван жил ажилласан, төрийн албанд ажиллаагүй гэхээр компанийн захирал, дэлгүүрийн эзэн л ирнэ.1990 оны Ардын Их хурлын төлөөлөгч шиг хүмүүс зүрх сэтгэлээрээ ирэх үү, олдох уу гэдэг асуудал байгаа юм. Сүүлийн үеийн үйл явцыг хараад эрх баригчид ард түмний санал асуулга нэрээр бамбай хийн ямар асуудал баталгаажуулах хардлага төрүүлэх боллоо. Уг нь манай намаас Э.Бат-Үүл хоёр танхимтай УИХ, Д.Дорлигжав Ерөнхийлөгчийн засаглалтай, ардчилсан улс больё гэж яриад байгаа юм. Эдгээр санаачилгууд юунаас үүдэн гарав гэхээр парламентийн эрх мэдэл хэт их болсон. Нам төвтэй засаглал бий болсонтой үүдэлтэй. Цаг үе шийдэл, өөрийн баатруудыг төрүүлж байдаг шүү дээ. Манай нөхдийн санал санаачилга дээр дөрөөлөөд эрх баригч улс төрийн хүчин “Үндсэн хууль”-ийг дордуулсан өөрчлөлт орох вий гэсэн болгоомжлол бас байна.
-Эрх баригчид Э.Бат-Үүл, Д.Дорлигжав нарын яриад байгаа засаглалын аль нэгийг сонгох гээд “Зөвлөлдөх ардчилал” гэж яриад байна уу даа?
-Уг нь бол намууд мөрийн хөтөлбөрөө библи шиг мөрдөж ажиллах ёстой. Сонгуулийн маргааш мөрийн хөтөлбөрийнхөө эсрэг ажиллаад явчихна шүү дээ. Тэгэхээр хэн хариуцлага хүлээх ёстой юм бэ. Миний харж байгаагаар Д.Дорлигжавын яриад байгаа шиг Ерөнхийлөгч засаглал зөв юм. Эрх мэдлээ ч ав, хариуцлагаа ч хүлээ гэсэн санаа л даа. Үндсэн хуулийн санал асуулгад ард түмнээс тодорхой асуух хэрэгтэй. Бүх нийтээс сонгогдсон Ерөнхийлөгч нь засгаа бүрдүүлээд явах хэрэгтэй.
-Нэг хүн дээр их эрх мэдэл төвлөрч, дарангуйлал төрнө гэсэн болгоомжлол байгаа юм?
-Дарангуйлагч төрөх хөрс суурь байхгүй. Тийм эрх мэдэлтэнд дарлуулаад байх ард түмэн биш болсон. Эрх чөлөөний мэдрэмж өндөртэй ард түмэн эзэнтэй байх, Шийдэмгий байхыг л шаардаж байгаа юм. Дарангуйлаад эхлэх гэвэл дөрвөн жилийн дараа тэр нөхрийг аваад хаячихна. Аймаг, сумын Засаг даргатай нь аваад хаячихна. Босоо тогтолцоотой учраас Ерөнхийлөгч сумын засаг даргаа хүртэл сонгоод явчихна шүү дээ. Хамгийн гол нь хариуцлага хүлээх эзэн нь тодорхой болно гэдгийг санах хэрэгтэй.
-“Үндсэн хуулиа” өөрчлөөгүй цагт Путин, Трампыг авчраад улс орон хөгжихгүй гэх юм билээ?
-Хүнээс хамаарахгүй системийг чухалчилдаг хүн би. Хуулийн хүрээнд ажилладаг хүнийг сонгоно. Ерөнхийлөгчийн засаглалтай хөгжсөн орон ч бий, сүйрч байгаа улс бий. Гэхдээ өнөөгийн нөхцөл байдалд Ерөнхийлөгчийн засаглалаас өөр сонголт алга.
-Хүчтэй Ерөнхийлөгч гарч ирээд оффшорчдыг, авилгачдыг шоронд хийгээд өгөөсэй нийгмийн хандлага яваад байна. Энэ хандлагын тухай..?
-Эрх баригчид санал асуулгаа тодорхой явуулах хэрэгтэй байлаа. Парламентаас Ерөнхийлөгчөө сонгоно гэцгээж байна лээ. Тийм зүйл байж болохгүй шүү дээ. УИХ дахиад нэг боолтой болно гэсэн үг. Намын бага хурлаас сонгогддог Ерөнхий сайд дээр эрх мэдэл төвлөрүүлэх юм бол хуучин систем рүүгээ явж байгаа юм. Засаглалын хэлбэр нь Улс төрийн товчоо болчихно.

УИХ дахь МАН-ын бүлэг өнөөдөр хуралдлаа. Хуралдаанаараа ОУВС-гийн Захирлуудын зөвлөл ”Өргөтгөсөн санхүүжилтийн хөтөлбөр”-т хамрагдах Монгол Улсын хүсэлтийг хэлэлцэхийг хойшлуулсантай холбоотой асуудлыг хэлэлцсэн байна.

Н.Алтанхуяг Ерөнхийлөгчид нэр дэвшихээр бүртгүүллээ

Баянзүрх дүүргийн Засаг даргын Тамгын газар, Гэмт хэргээс урьдчилан сэргийлэх ажлыг зохицуулах салбар зөвлөл, дүүргийн Прокурорын газар хамтран 28 хорооны Засаг дарга нарт “Захиргааны хариуцлагын тухай хууль болон бусад хууль, эрх зүйн актаар иргэн, хуулийн этгээдэд хариуцлага оногдуулах зохицуулалт” сэдвээр сургалт зохион байгууллаа. Сургалтаар дүүргийн эрх зүйн мэргэжилтнүүд “Захиргааны хариуцлагын тухай хууль болон бусад хуулиар иргэн, хуулийн этгээдэд хариуцлага оногдуулах эрхийн зохицуулалт, практик”, Зөрчлийн тухай хуулийн зохицуулалт сэдвээр мэдээлэл, арга зүйн зөвөлгөөг өгсөн юм. Түүнчлэн хороодын Засаг дарга нарын зүгээс захиргааны зөрчлийн тэмдэглэл хэрхэн хөтлөх, практик дээр иргэд, аж ахуйн нэгж, байгууллагат арга хэмжээ авахад тулгардаг асуудал, бэрхшээлийн талаар нээлттэй санал бодлоо солилцов хэмээн Баянзүрх дүүргийн Хэвлэл мэдээллийн албанаас мэдээлэв.

Х.Баттулга Ерөнхийлөгчид нэр дэвшихээр бүртгүүллээ

Ардчилсан Ерөнхийлөгчийн буухиаг таслахгүй үргэлжлүүлэх хариуцлагатай цаг үеийн өмнө Ардчилсан нам тулж ирээд байна.