ХАМГИЙН ТОМ НОМЫН ОРОН

Нэг номын садан залуу анд маань ”Гималайн нурууны ариун дагшин газруудад бясалгал үйлдвээс адис жанлав ихтэй гэнэ лээ.” хэмээн ярихыг сонсов. Үнэндээ аливаа бясалгалч нарын хувьд Монгол оронд маань ч гэсэн эртний том дияанч бясалгалч нарын сууж байсан ариун дагшин номын оронгууд хаа сайгүй байж л байгаа шүү дээ.

”Миний санахад бясалгал дияаны хамгийн том номын орон ”Цээжний хөндийд” оршдог бус уу?” хэмээн хэлэхэд тэрхүү залуу номын садан ямар нэгэн зүйлийг сэрхийтэл ухаарсан мэт учиртай харчихаад инээвхийлнэ билээ. Бурхан багш маань ”Сэтгэл ариусваас Бурханы орон ариусмой.” хэмээн зарлиг болсон байдгийг та лав сонсоо байлгүй. Энэ ёсонг онож ухаарах бөгөөс заавал алс холын Гималайн нурууны ариун дагшин газрыг зорих шаардлага үгүй болох юм.

Энэ бүхний урьдач нөхцөл нь ”Өчигдрийн би өнөөдрийн би биш болсон.”, ”Хоосон чанар хэмээгч бидний вакуум шахуугаар хялбарчлан ойлгодог энгийн ухагдхуун огт биш.”, ”Нөгөө эрэг дээр заавал үхлийн дараа хүрээд гэтлэлийг олно гэдэг эндүү төөрөгдөл болой. Гол нь орчлонгийн буюу зовлонгийн далайд цаг наргүй тасралтгүй хөвөөд байдгийн шалтгааныг онож ухаад тэрхүү шалтгаанаас ангид байж чадах бөгөөс сууж байгаа газар дээрээ ч нөгөө эрэг дээр хүрч болдог.” хэмээх гүн нарийн ёсонг судлаж бясалгахаас эхтэй хэмээн мунхагланам.

Өнөөдөр ”Амьдрал тэтгэх арван санамж” нэрт бичлэг оруулсан нь уншигчдын сэтгэлд маш хурдан хүрч байгаа бололтой. Ер нь энэ мэт хэрэгтэй зөвлөмжүүд олон байдаг л даа. Би нэлээд хэдэн жилийн өмнө Америкад байхдаа ”Хөргөгчний бохирдол” нэртэй нэг өгүүллийг уншиж байсан нь хэн хүний хувьд ихээхэн анхаарууштай зүйлийг хөндөн бичсэн байж билээ. Танай гэрийн хөргөгчинд сар жилээр удсан сав баглаа боодолтой хүнсний зүйл хадгалагдсаар байгаа юм биш биз дээ? Түүнийг айхтар арвич хямгач хүн болох гэж хэрэглээд харамсалтай үр дагаварт хүрч мэдэх юм шүү гэдэг санааг тэрхүү өгүүлэлд бичсэн нь хэн хүний хувьд бодууштай хэрэг юм. Түүнээс гадна сэтгэлд хургасан хэрэгтэй хэрэггүй элдэв дэмий бодол аливаа хүний хувьд ”Хөргөгчний бохирдлоос” ч илүү хөнөөлтэй байдаг тул болж өгвөл сэтгэлээ тиймэрхүү дэл сул хэрэгтэй хэрэггүй бодлоос чөлөөлөн цэвэрлэж байх нь бие сэтгэлийн эрүүл ахуйд хамгаас тустай гэдэг утгаар өглөөний бичлэгийг оруулсан юм шүү. Ингэж чадвал ”Аз жаргал гэдэг одоо” хэмээх үгийн цаад утга чанарыг ойлгоход төвөггүй. Түүнчлэн ”Өчигдрийн би өнөөдрийн би биш болсон” гэдэг үгийг байнга бодож явах нь сэтгэлээ цэвэрлэх энгийн хялбар арга байж болох тул та ч гэсэн өөр дээрээ хэрэгжүүлэх гэж оролдоод үзээрэй.

Ойрдоо зав чөлөө тун багатай байгаа болохоор энэ мэт бичлэг оруулсан чинь сайхан байна шүү.

2-р сарын 15-нд Сингапур улс Японы түрэмгийлэгчдэд эзлэгдсэний 75 жилийн ой тохиов. Сингапур дахь Хятадын худалдааны нийгэмлэгээс Японы түрэмгийллийн үед амь үрэгдсэн ард иргэдийн дурсгалын хөшөөнд цэцэг өргөж, ёслол үйлдэн, Японы түрэмгийллийн үед амь үрэгдсэн ахан дүүсийнхээ араас эмгэнэн гашуудав. Сингапурын Соёл, дүүрэг, залуусын яамны сайд Grace Fu, Хятадаас Сингапурт суугаа элчин сайд Чэн Шяодүн нарын 200 гаруй зочид болон Сингапурын бага дунд сургуулиудаас ирсэн 1100 гаруй сурагч энэ удаагийн дурсгалын ёслолд оролцсон байна.

Дурсгалын ёслол эхлэх үед, Сингапурын Иргэний Батлан хамгаалах хүчин сэрэмжийн дохиог цуцлах хөгжим дуугаргав. Хөтлөгч хэлэхдээ: ”Энэ хөгжмөөр дамжуулж аюултай байдал цуцлагдсныг олон түмэнд мэдэгдэж байна. Ард түмэн хэвийн амьдралаа сэргээж болно. Гэвч энхийн цагт ч гэсэн сонор сэрэмжтэй байх ёстой” гэжээ.

Дэлхийн II дайнд, Сингапур улс Японы түрэмгийлэгчдэд эзлэгджээ. Тэр үед Японы түрэмгийлэгчид маш олон хүнийг хайр найргүй хядсан юм. 1967 оноос хойш жил бүрийн 2-р сарын 15-нд, Сингапур дахь Хятадын худалдааны ерөнхий нийгэмлэгээс Японы түрэмгийллийн үед алтан амиа алдсан ард иргэдийн дурсгалын хөшөөнд цэцэг өргөж, гашуудлын ёслол зохион байгуулан, амиа алдсан ахан дүүсээ дурсан санадаг болжээ. Энэ үйл ажиллагааг 50 жилийн турш зохион байгуулж байгаа гэнэ. Сингапур дахь Хятадын худалдааны ерөнхий нийгэмлэгийн дарга Цай Чишэн ингэж ярьж байна.

”50 жилийн турш зохион байгуулсаар ирсний зорилго бол түүхээс сургамж авч, энхийн цагт ч сонор сэрэмжтэй байх итгэл үнэмшлээ орхихгүйн төлөө юм. Сингапур хэзээд төр түвшин, түмэн амгалан байхыг бид хүсэж байна. Хүүхэд залуус маань ямар үнээр энх тайван тогтсоныг сайтар ойлгож, энх тайвныг сахин хамгаалах ёстой. Сингапурчууд эе эвтэй байж, улс ардын аж ахуйгаа бүтээн байгуулж, энх тайван, тогтвортой байдлыг хамгаалахыг бид хүсэж байна” гэжээ.

Япончууд Сингапурыг түрэмгийлэх үедээ, орон нутгийн хятадуудыг ямар муухай харгис аргаар дарлаж байсныг маш олон сингапурчууд одоо хэрнээ мартдаггүй юм. Ноён Линь жил бүрийн энэ өдөр дурсгалын ёслолд оролцож, төрөл төрөгсдөө дурсан, тэнгэрт даатгаж, эмгэнэн гашууддаг юм байна. Япончуудын үйлдсэн их хядлагын үеэр түүний аав амиа алдсан гэнэ.

1942 онд Япончууд Сингапурыг эзлэн авах үед, ноён Линь дөнгөж 12 настай, түүний аав 33 настай байжээ. Япончууд 12-оос дээш настай хятад эрэгтэй хүүхдүүдийг ”шалган гэрчлэх” хэмээх арга хэмжээнд оролцуулж, удам судар, нэр хаягаа тодруулах тухай тогтоол гаргажээ. Энэ тухай ноён Линь ярьж байна.

”Япон даргад илтгэсний дараа, аавыг маань гадаа байгаа ачааны машинд суу гэв. Би аавыгаа дагаж гарсан. Гадаа байсан япон цэрэг намайг хүүхэд гэж мэдээд татан зогсоож, дотор байсан нөгөө даргаасаа асуусны дараа, намайг гэр лүү минь буцаасан юм. Аав маань тэр машинд сууж явснаас хойш сураг тасарсан. Хүмүүс: Changi-гийн далайн хөвөөний элсэнд хэдэн мянган хүнтэй хамт буудуулж амь үрэгдсэн гэдэг. Одоо хүртэл япончуудыг харахаар миний нүд хорсдог.”

Японы түрэмгийллийн үед амиа алдсан ахмадуудаа дурсан, эмгэнэн гашуудсаны дараа, тэнд очсон сурагчдадахмад дайчид тэр үеийн түүхийг ярьж, өнгөрсөн түүхээ үргэлж санаж явахыг түмэн олонд сануулж байлаа. Тэр үеийн тухай нэгэн ахмад дайчин дурсаж байна.

”Шалган гэрчлэх ажиллагаар батлагдсан хүмүүсийн хацар, хувцсан дээр тамга дардаг байлаа. Тэд бол золгүй хүмүүс. Харин Японыг эсэргүүцсэн этгээд гэж нотлогдсон хүмүүсийг Сингапурын алс зайдуу дүүрэгт аваачиж, буудан хороож, тэнд нь булшилдаг байсан юм. Дайны дараа, япончуудын хийсэн бүртгэлээр 5000 хүн амиа алдсан гэдэг. Энэ тоо баримт бол худал. Бидний хийсэн бүртгэлээр наад зах нь 50 мянга гаруй хүн амиа алдсан.”

Ахмад дайчид хэлэхдээ: Үе үеийн сингапурчууд энэ түүхийг мартаж болохгүй, бас Сингапурын төлөө халуун амиа өргөсөн ахмад үеийнхнийг мартаж болохгүй гэдгийг золоор амьд үлдсэн сингапурчууд ойлгосон юм” гэжээ. Ёслолд оролцсон Сингапурын Соёл, дүүрэг, залуусын яамны сайд Grace Fu хэлэхдээ,

”Бид жил бүрийн дурсгалын ёслолын арга хэмжээгээр дамжуулж түүхээ санаж, ард түмнээ сонор сэрэмжтэй байхыг хүсдэг. Ялангуяа Сингапурын залуу хойч үеийнхэнд эх орноо хамгаалахын чухлыг ойлгуулахыг зорьдог. Эх орноо хамгаалах нь хүн бүрийн үүрэг хариуцлага. Залуус дүү нар минь бодит үйл хэргээр Сингапурын нийгэмд өөрийн хүчин зүтгэл, хувь нэмрээ оруулаасай хэмээн бид хүсэж байна.”

2016 оны УИХ-ын намрын чуулган завсарлаад хэд хонож байна. Намрын чуулганы нэгдсэн үеэр гишүүд нийт 34 удаа 166 цагийн хугацаатай хуралджээ. Энэ хугацаанд 85 хуулийн төсөл баталж, 190 гаруй хуульд нэмэлт, өөрчлөлт оруулсан аж. УИХ-ын гишүүдийн намрын чуулганы хугацаан дахь ажлын идэвхийг дүгнэсэн баримт мэдээллийг УИХ-ын Тамгын газраас гаргадаг билээ. Тэгвэл энэхүү мэдээлэл болон олон нийтийн сүлжээгээр гишүүдийг тодорсон хамгийн хамгийнийг 24 баримтаар хүргэж байна.

...Тѳртэй холбоотой олигтой юм үлдсэнгүй. Энэ удаагийн парламент энэ тал дээр арай гэхэд дэндүү байгаа, тэр хэмжээгээр ард олны хүндлэл холдсоор байна. Ард түмэнгүй тѳр гэж юу байхав дээ! Тулгуураа алдсан нѳхцѳлд улс оронд үймээн самуун дэгдэж зарим оронд иргэний дайн болж байна...

Саяхан БНХАУ-ын Шанхай хотноо Монгол улсын урлагийн гавьяат зүтгэлтэн, найруулагч Ч.Найдандорж тэргүүтэй Монголын уран бүтээлчид, Манжуур хотын дэд дарга Рэн Гүөфэн тэргүүтэй тус хотын захиргааныхан, Шанхай хотын Жями компанийн төлөөлөгчид ”Дэлхийн Манжуур” төслийг хамтран хэрэгжүүлэхээр санамж бичигт гарын үсэг зурлаа.

Монгол, Орос, Хятад гурван улсын хил залгах Манжуур хот бол БНХАУ-ын хуурай газрын хамгийн том боомт, гурван улсын эдийн засгийн чөлөөт бүс билээ. Манжуурт зундаа 5-7 сая жуулчин ирдэг бөгөөд тус хотын захиргаа жуулчдад мартагдашгүй дурсамж үлдээх урлагийн тоглолт хийж, Манжуур хотын брэнд шоутай болох замаар улам олон жуулчин татах санаачилга гаргасан нь энэ оны 6 дугаар сараас эхлэн хэрэгжихээр болоод байна.

”Дэлхийн Манжуур” төслийн монгол талын удирдагчаар найруулагч Ч.Найдандорж ажиллаж байгаа юм. Тэрээр: ”Энэ тоглолтын зохиолыг урлагийн гавьяат зүтгэлтэн Ш.Гүрбазар маань бичсэн. Г.Ган-Очир бүжиг дэглэж, Д.Эрдэнэжаргал ерөнхий зураачаар ажиллаж байна. Монголын талаас 20 гаруй уран сайханчид голлон тоглож, орон нутгийн жүжигчид туслах дүр бүтээх юм. Тоглолтын үйл явдлын хувьд эртний тэнгэр шүтлэг, бөө мөргөл, аян дайн, нүүдэл суудал, ан ав, хурим найрын сэдэвтэй. Энэ шоуны үзэгчид олон газраас ирсэн жуулчид байх учир харилцан яриа оруулахгүй, өөрөөр хэлбэл үггүй жүжиг байна гэсэн үг. Үйл явдлыг хөгжим, бүжиг, хөдөлгөөн, дуу авиа, нүүрний хувирал, тайз гэрлийн шийдлээр илэрхийлнэ. Гэхдээ уртын дуу, үндэсний хөгжим, хөөмий гэх мэт язгуур урлагийн элемент оруулна” хэмээн ярьж байлаа.

БНХАУ-ын төрийн шагналт хөгжмийн зохиолч, Бүх Хятадын дуу хөгжмийн клубийн дэд тэргүүн Д.Энхбаяр: Миний бие ”Дэлхийн Манжуур” төслийн хятад талын удирдагч, хөгжмийн зохиолчоор ажиллаж байгаа юм. Манай шоу тоглолт хөгжмийн хувьд симфониор гол болгоно. Мөн киноны болон тайзны хөгжмийн хэв маягийг хослуулж, хөөмий, уртын дуунаас улируулж өнөөгийн рок поп хөгжмийг ч оруулах юм. Бид жүжгийн хувьд ч, хөгжмийн хувьд ч, тайз гэрлийн хувьд ч Лас Вегасын шоу шиг дэлхийн хэмжээний шоу хийх зорилго тавьсан. Одоо бүх боломж бүрдчихлээ. Манай багийн уран бүтээлчид тавьсан зорилгодоо хүрэхийн тулд хамаг ур ухаан, авьяас чадвар, хүч чадлаа дайчлан ажиллах болно” гэсэн юм.

Харин Жями компанийн захирал Юй Цун-И: ”Бид театрыг орчин үеийн 4D, 5D технологийн дагуу тоноглоно. Тайзны тоноглол, гэрлийн шийдэл, шинэ технологиор үзэгчдийг алмайруулж, үзэж байгаа дүрс нь бодит байдал уу, хуурмаг үзэгдэл үү гэдэгт эргэлзэхэд хүргэнэ. Тоглолтын хөдөлгөөн, өнгө дүрс ганц тайзаар хязгаарлагдахгүй, зрител дундуур, үзэгчдийн дэргэд ч үйл явдал өрнөх юм” хэмээн ярьж байлаа.

Энэ төслийг санаачлагч Манжуур хотын захиргааныхан тус хотод аялал жуулчлалын үйл ажиллагаа эрхэлдэг компаниудаар дамжуулан жуулчдад тасалбар борлуулах, уран сайханчдын виз, орон сууц, нийгмийн асуудлыг бүх талаар шийдвэрлэх үүрэг хүлээж байгаа юм. Манжуурын театр 3000 хүний суудалтай бөгөөд нэг тогтлолтыг наад зах нь 2000 хүнд үзүүлнэ гэж төлөвлөөд байгаа юм байна.

До.Болдхуяг

10.00 цагт ”Монгол Улсын хөрөнгө оруулалтын хоёр талт гэрээний эрх зүйн орчин, тулгамдаж буй асуудал, шийдвэрлэх арга зам” сэдэвт хэлэлцүүлэг ГХЯ-нд болно.

11.00 цагт Татварын ерөнхий газарт НӨАТ-ын урамшуулал, буцаан олголт болон татварын зарим асуудлаар мэдээлэл хийнэ.

11.00 цагт Төмөр замын чуулгын байранд Монгол- Оросын хувь нийлүүлсэн “УБТЗ” нийгэмлэг оны ажил мэргэжлийн аваргуудаа шалгаруулж, шагнал гардуулна.

13.30 цагт Хууль зүйн үндэсний хүрээлэнд ЕБС-ийн сурагчдад зориулсан гэмт хэргээс урьдчилан сэргийлэх сургалт болно.

15.00 цагт Засгийн газрын II байранд төрийн өндөр, дээд одон медаль гардуулах ёслол болно.

“Монгол Ньюс” мэдээллийн төвд

11.00 цагт МУИС-ын багш нарын холбооноос цаг үеийн асуудлаар мэдээлэл хийнэ.

12.00 цагт УБТЗ-ын удирдлагын бүтцийн өөрчлөлтийн талаар Төмөр замчдын үйлдвэрчний эвоэоийн хорооноос мэдээлэл хийнэ.

Монгол Улсын Их Хурлын дарга М.Энхболд Монгол Улсын Ерөнхийлөгчийн зарлигаар Монгол Улсын Алдарт, Манлай, Тод манлай цол хүртсэн уяачдыг хүлээн авч уулзаж, баяр хүргэлээ.


Энэ жил Монгол Улсын Тод манлай уяач цолоор тав, Манлай уяач цолоор долоо, Алдарт уяач цолоор 11, нийт 23 хүн шагнагджээ.

Тэдний дотор ах, дүү хоёр байгаа бөгөөд Ононгийн Батбилэг Тод манлай уяач, Ононгийн Батболд Алдарт уяач цол хүртсэн байна. Нэг зарлигаар ах дүүс улсын цолд хүрсэн ийм тохиолдол урьд нь гарч байгаагүй юм. Түүнчлэн аав, хүү хоёр (Дамбадаржаагийн Онон, Ононгийн Батбилэг) Тод манлай уяач болж байгаа нь бас анхны тохиолдол аж.

Өвөрхангай аймгийн Хайрхандулаан сумын уугуул Бат-Өлзийн Отгоннасанд энэ жил давхар баяр тохиож байгаа юм байна. Тэрбээр “Монгол Улсын аварга малчин” хэмээх цолыг хэдхэн өдрийн өмнө гардан авсан бол өнөөдөр ийнхүү “Тод манлай уяач” болжээ.

УИХ-ын дарга М.Энхболд дараа нь 2016 оны шилдэг салбар холбоод, гал уяа, уяач, уралдаанч хүүхдүүдэд баяр хүргэж, шагналыг нь гардууллаа.


Монголын морин спорт, уяачдын холбооны 2016 оны “Шилдгийн шилдэг уяач”-аар Дорнод аймгийн Баянтүмэн сумын уугуул Ононгийн Батбилэг, “Шилдэг залуу уяач”-аар Дундговь аймгийн Хулд сумын уугуул Баярсайханы Лхагва-Очир, “Шилдгийн шилдэг уралдаанч хүүхэд”-ээр нийслэлийн ХУД-ийн 59-р сургуулийн V ангийн сурагч, “Түмний эх” гал уяаны уралдаанч Гүндэгмаагийн Отгонбаяр, “Шилдгийн шилдэг салбар холбоо”-гоор Хэнтий аймгийн “Сэцэн ханы хүлэг” холбоо, “Шилдэг гал уяа”-гаар Дамбадаржаагийн Ононгийн ахалсан “Түмний эх” гал уяа, “Шилдэг салбар холбоо”-гоор Өвөрхангай аймгийн “Аравгар хээр” холбоо, “Сумын шилдэг салбар холбоо”-гоор Архангай аймгийн Өндөр-Улаан, Завхан аймгийн Яруу, Өмнөговь аймгийн Манлай, Булган аймгийн Сайхан, Дорноговь аймгийн Дэлгэрэх сум, Налайх дүүргийн холбоод шалгарчээ.


Түүнчлэн “Шилдэг уралдаанч хүүхэд”-ээр 29 хүүхэд, “Шилдэг уяач”-аар нэр бүхий 28 уяач шалгарсан байна.

УИХ-ын дарга цол хүртсэн, шилдгээр шалгарсан уяач, унаач хүүхэд, салбар холбоодод баяр хүргэж, уясан морь нь хурдан, унасан хүүхэд нь золбоолог байхыг хүсэн ерөөж, Сар шинэдээ сайхан шинэлэхийн ерөөл дэвшүүлэв.

УИХ-ын дарга М.Энхболд Монголын морин спорт, уяачдын холбооны ерөнхийлөгчөөр ажилладаг билээ гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

йслэлийн Иргэдийн Төлөөлөгчдийн хурлын Тэргүүлэгчдийн хуралдаан өнөөдөр боллоо. Хуралдаанаар 13 асуудал хэлэлцэхээр төлөвлөсөн байна.

Бичил бизнесийг дэмжих нийслэлийн сангийн журамд нэмэлт, өөрлөлт оруулах тухай
Нийслэлийн нутаг дэвсгэрт нохой, муур тэжээх, устгах, худалдаа, аж ахуй эрхлэх журам
Нийслэлийн нутаг дэвсгэрт түргэн үйлчилгээний цэг ажиллуулахад дагаж мөрдөж журам батлах тухай
Нийслэлийн нутаг дэвсгэрт гадна зар сурталчилгаа байршуулахад дагаж мөрдөх журам батлах тухай
Тээврийн хэрэгслийн төлбөртэй зогсоол ажиллуулах шинэчилсэн журам батлах тухай
Нийслэлийн өмчид хөрөнгө бүртгэж авах тухай
Хурлын байгууллагын үйл ажиллагаатай холбоотой лүрэм журмыг нийслэлийн Иргэдийн төлөөлөгчдийн хурлаар хэлэлцүүлэх тухай
Нийтийн биеийн тамирыг дэмжих тухай
Шашны чиглэлээр үйл ажиллагаа явуулж буй байгууллагуудын зөвшөөрлийг сунгах тухай
ОСНААГ-ын дүрэмд өөрчлөлт оруулах тухай болон бусад асуудлыг хэлэлцэх юм байна.

Мэдээлэл холбооны сүлжээ төрийн өмчит компани нь Монгол улсын 21 аймаг 285 сумдын өргөн уудам нутаг дэвсгэрийг хамарсан 17435 км

ХОНЬ (3/21-4/19)

Та хэт өөртөө эрдвэл ажил дээр чинь таагүй уур амьсгал хүлээж байна. Удирдах ажил хийдэг бол та эргэн тойрныхныхоо таны талаар төсөөлөлд өөрчлөлт оруулахыг хичээ. Таны дүрсхийсэн байдал ажил дээрээ таагүй асуудал үүсэхэд нөлөөлөх болно. Иймд хөнгөн эрч хүчтэй, хэт албархуу бус бай.
ҮХЭР (4/20-5/20)

Таны санхүүгийн байдал тогтворгүй байна. Тогтворжуулахын тулд нэмэлт орлого мөд байхгүй тул зардлаа тана. Хайр дурлалын элдэв асуудалд бүү орооцолд. Гэр бүлийнхээ бат бэх байдалд илүү анхаар. Та гал голомтоо сахин хамгаалагч тул гэр бүлийн амар амгалан нөхөрсөг байдал танаас хамаарна. Дэмий зарлага гэр бүлд тань хэрүүл маргаан гаргана.
ХАМТАТГАХ (5/21-6/21)

Од эрхэсийн байрлал танд авьяас чадвараа нээн илрүүлэх боломж олгож байна. Энэхүү чадвараа үр дүнтэй ашиглаж чадвал бүхий л салбарт амжилт олно. Гэхдээ амжилтад хүрэхийн тулд авьяасаас гадна тавьсан зорилготой, сэтгэлийн тэнхээтэй байх хэрэгтэй.
МЭЛХИЙ (6/22-7/22)

Эелдэг, боловсон аашийг тань бусдын зөрүүд, үгэнд орохгүй байдал үгүй хийнэ. Олонх мэлхийнхэн зөрүүд, ёс зүйгүй байдлаас болж зовно. Гэвч сэтгэлээр унаж арга бүү тасар. Хэд хоногийн дараа бүх юм сайнаар эргэнэ. Шинэ ажил орох болон хувийн амьдралдаа чухал шийдвэр гаргахын өмнө бүрэн мэдээлэл цуглуулж, туршлагатай хүмүүсийн зөвлөгөөг ав.
АРСЛАН (7/23-8/22)

Танилуудын өргөн хүрээ танд шаардлагатай мэдээлэл цуглуулж зөв шийдвэр гаргахад тусална. Худалдаа наймааны үйл ажиллагаа амжилттай болно. Хэт их ашиг хонжоо бүү хар. Гэр бүлийн чухал асуудлуудаа ярилцаж эхэл. Зөрчлөө тайван замаар, энхийн аргаар шийд.
ОХИН (8/23-9/22)

Өөрөө бие даан олон асуудлыг шийдэх боломжтой өдөр. Бусдаас хараат бусаар бие даан шийдэх ажил хэргийн эсвэл хувийн хэрэгцээний асуудлууд ар араасаа цуварсан завгүй байна. Ажилд орох анкетууд өгсөн газруудаас холбогдоно. Сонирхолтой, нэр хүндтэй, өндөр цалинтай ажилд орж чадна. Аахар шаахар асуудлуудад цаг алдалгүй чухлыг барьж ав. Томоохон чухал ажил эхлэхийг эрмэлз. Таныг гэр бүлээ, эсвэл ойр дотно хүмүүсийнхээ сэтгэлийг харлуулах гэнэтийн үйл отож байгааг анхаар. Гэнэтийн ашигтай ажил эрсдэл дагуулна.
ЖИНЛҮҮР (9/23-10/22)

Бүх талаараа дундаж өдөр. Ажил хэргээ эрчимжүүлж үүрэг даалгавраа шалгах, урт хугацааны төлөвлөгөө боловсруулах, аж ахуйн асуудал шийдэхэд тохиромжтой. Гэр бүлийн харьцаа, сэтгэл санаа, хайр сэтгэлийн холбоо таарамжтай байна. Болгоомжлол, эрүүл саруул санаа бодол аливаа саадыг даван туулахад тань тусална.
ХИЛЭНЦ (10/23-11/21)

Хайхрамжгүй хувцаслалтаас болж салхинд цохиулж болзошгүй. Өвчний үндэс нь санаа сэтгэл тавгүй байснаас болно. Чийрэгжүүлэх, эрүүлжих дасгал сайн хийх хэрэгтэй. Анхаарлаа сайн төвлөрүүлж сур. Хүнд хэцүү ачаалалтай үе болно. Албаны харилцаанд хувийнхаа хандлагыг бүү хутгалдуул.
НУМ (11/22-12/21)

Олон хүмүүс цугласан газарт очих нь танд аюул тулгарах магадлалтай болно. Иймд ийм газраас холуур явж тэдний дунд зайлшгүй орох бол туйлын сонор сэрэмж, болгоомжтой байхыг танд зөвлөж байна. Мөн харанхуй газар ганцаар явах хэрэггүй. Сайн танихгүй хүнтэй хоёулханаа бүү уулз.
МАТАР (12/22-1/19)

Маш их ачаалалтай өдөр. Өглөөгүүр ажил илүү бүтээмжтэй байна. Од эрхэсийн нөлөөгөөр та уужим саруулаар сэтгэж, өргөн цар хүрээтэй харж, боломж чадлынхаа хирээр сайн ажиллах бололтой. Туршлагатай хүмүүсээс зөвлөгөө авахад сайн өдөр. Анхаарлаа төвлөрүүлж, хичээнгүйлэн ажиллаж, шинэ сорилтонд бэлдэхэд энэ өдрийг зориул.
ХУМХ (1/20-2/18)

Хэцүү өдөр. Долоо хоногийн сүүл рүү та их ядарснаа мэднэ. Идэвх, эрч хүч илт буурна. Өөртөө бага зэрэг амралт өгч, спортоор хичээллэ. Та ажил хэргээсээ түр хөндийрөх хэрэгтэй. Хамтрагч хүмүүсийнхээ өмнө бардам зан, түрэмгий байдал бүү гарга. Гадуур ганцаар гараад хэрэггүй. Хулгай дээрмээс болгоомжил.
ЗАГАС (2/19-3/20)

Ажлуудаа жигд хуваарилах өдөр. Шинэ ажил эхлэхэд хамаг хүчээ бүү зарцуул. Энэ ажил хүссэн үр дүнг чинь авч ирэхгүй. Бусад ажлаа ч анхаарлын гадна орхиж болохгүй. Амжилтаа давтах хүсэлд бүү авт. Хэлэлцүүлэг, маргаан, зөрчилд оролцохоос эайлсхийх хэрэгтэй. Тэвчээртэй байж, буулт хий. Бусдын үгийг сайн сонс.

ЗУРХАЙ: Үс шинээр үргээлгэх буюу засуулахад тохиромжгүй

2017 оны 02 дугаар сарын 23-ны 08 цагаас 20 цаг хүртэл: Нутгийн зүүн хэсгээр солигдмол,бусад нутгаар багавтар үүлтэй. Цас орохгүй. Салхи баруун аймгуудын нутгаар баруун өмнөөс, бусад нутгаар баруун хойноос секундэд 6-11 метр, зүүн зүгийн нутгаар явган шуурга шуурна. Увс нуур болон Дархадын хотгор, Хүрэн бэлчир, Идэр, Тэс, Ерөө голын хөндийгөөр 12-17 хэм, Монгол Алтайн нурууны өвөр хэсэг болон Хангай, Хөвсгөлийн уулархаг нутаг, Орхон-Сэлэнгэ, Эг, Хараа, Туул, Тэрэлж, Хэрлэн, Онон, Улз, Халх голын хөндийгөөр 5-10 хэм, говийн бүс нутгаар 3 хэм хүйтнээс 2 хэм дулаан, бусад нутгаар 1-6 хэм хүйтэн байна.

УЛААНБААТАР ХОТ: Багавтар үүлтэй. Цас орохгүй. Салхи баруун хойноос секундэд 5-10 метр. 5-7 хэм хүйтэн байна.

2017 оны 02 дугаар сарын 25-наас 03 дугаар сарын 01-нийг хүртэлх
цаг агаарын урьдчилсан төлөв

25-нд Хангай, Хөвсгөлийн уулсаар, 26-нд төв болон зүүн аймгуудын нутгийн зарим газраар, 27-нд нутгийн зүүн өмнөд хэсгээр, 28-нд нутгийн зүүн хагаст цас орж, зөөлөн цасан шуурга шуурна. Салхи 28-нд нутгийн зүүн хэсгээр секундэд 12-14 метр хүрч ширүүснэ. Увс нуур болон Дархадын хотгор, Идэр, Тэс голын хөндий, Хүрэн бэлчир орчмоор шөнөдөө 26-31 хэм, өдөртөө 10-15 хэм, Хангай, Хөвсгөл, Хэнтийн уулархаг нутаг, Орхон-Сэлэнгэ, Эг, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 17-22 хэм, өдөртөө 5-10 хэм, говийн бүс нутгийн өмнөд хэсгээр шөнөдөө 8-13 хэм хүйтэн, өдөртөө 4-9 хэм дулаан, бусад нутгаар шөнөдөө 13-18 хэм хүйтэн, өдөртөө 2 хэм дулаанаас 3 хэм хүйтэн байна.

Өвөрхангай аймгийн Арвайхээр сумын иргэн Д.Ганбат энэ сарын 22-нд тус суманд амьдардаг иргэн Д.Ууганбаярын өвлийн байшин шатаж байгаатай таарч гэрт орж 2-3 настай хоёр хүүхдийг амийг гал түймрийн аюулаас аварсан байна.

Өнөөдөр Орос орон даяар «Эх орноо хамгаалагчдын өдрийг» тэмдэглэж байна. ОХУ 2-р сарын 23нд эх орныхоо төлөө дайнд үрэгдсэн баатруудаа дурсан тэмдэглэдэг. Оросын бүх бүс нутаг, хотууд, цэргийн тойргуудад аугаа Их эх орны дайн, Афганы болон Чечений дайнд оролцсон ахмад дайчид, интернационалч үүргээ гүйцэтгэгчид, байлдааны ажиллагаанд оролцогчдын алдрыг дурсаж амь үрэгдсэн цэрэг дайчдын дурсгалыг хүндэтгэдэг.
Энэ өдрийг тохиолдуулан Зайсан толгой дахь Зөвлөлтийн дайчдын хөшөө болон ЗХУ-ын дөрвөн удаагийн баатар, БНМАУ-ын баатар, ЗХУ-ын Маршал Г.К.Жуковын хөшөөнд цэцэг өргөх ёслол болов. Энэхүү арга хэмжээнд ОХУ-ын ЭСЯ, Беларусь Улсын ЭСЯ, Монгол Улсын БХЯ, Монголын ЗХЖШ-ын төлөөлөгчид оролцов.

Алтан унжлагат гал тахиа жилийг угтан Монгол Улсын Ерөнхийлөгч маргааш салбар салбартаа өндөр дээд амжилт гаргасан, бүтээл туурвисан, урлаг, спортод онцгой авьяас гаргасан шилдэг, тэргүүний хүмүүст төрийн дээд одон, медаль гардуулах гэж байна.

Нийслэлийн Засаг даргын Нийгмийн асуудал хариуцсан орлогч Ш.Анхмаа Турк Улсын Истанбул хотын Хурлын төлөөлөгч, Захирагчийн ахлах зөвлөх Хакки Турунч тэргүүтэй зочдыг хүлээн авч уулзлаа. Турк улсын буцалтгүй тусламжаар Улаанбаатар хотод 10 эмнэлгийн барилга барих төслийн талаар ярилцав. Тодруулбал, манай улсын нийслэлд 9 өрхийн эрүүл мэндийн төв, 1 Диализын төв барихаар төлөвлөж байгаа юм.

Нийслэлийн Засаг даргын Нийгмийн асуудал хариуцсан орлогч Ш.Анхмаа Турк улсын зүгээс Улаанбаатар хотод энэхүү төслийг хэрэгжүүлэхээр болсонд талархал илэрхийлээд “Монгол Улсад гадны хөрөнгө оруулалтаар хэрэгжиж байгаа төсөл олон бий. Түүний дотроос буцалтгүй тусламжаар хэрэгжих цөөн төслийн нэг нь энэ юм. Улаанбаатар хотод 152 хорооны 152 өрхийн эрүүл мэндийн төв бий. 9-ийг нь шинэчилж барина гэдэг маш том тус гэж бид үзэж байна.” гэлээ. Төслийг 4 дүгээр сарын эхээр буюу барилгын улирал эхэлмэгц эхлүүлэх төлөвлөгөөтэй байгаагаас гадна эмнэлгийн барилгын ажлыг монголын компаниудаар гүйцэтгүүлэхийг Истанбул хотын Захирагчийн ахлах зөвлөх Хакки Турунч хэллээ. Мөн Диализын төв 10 аппараттай байхаар төсөлд тусгажээ.

Өрхийн эрүүл мэндийн төв болон Диализын төвийн барилга барих газрыг нийслэлийн зүгээс бэлдсэн байна. Тодруулбал, Диализын төвд Хан-Уул дүүрэгт 5000 м2 талбай, 9 өрхийн эрүүл мэндийн төв тус бүрт 1000 м2 талбай захирамжилсан гэв. Өрхийн эрүүл мэндийн төвийн хувьд 600 м2 талбайд төвийн барилга, 400 м2 нь ногоон байгууламж бүхий орчны талбай байна гэж тооцсон байна.

Туркын талын тооцоолсноор нэг өрхийн эрүүл мэндийн төв 6 эмчтэй. Эмч тус бүр 1800-2000 иргэн буюу нийт 12 мянган иргэнд үйлчлэх хүчин чадалтай гэж тооцоолжээ. Истанбул хотын төлөөлөгчид сонгогдсон газартай очиж танилцаад Улаанбаатар хотын удирдлагатай дахин ярилцахаа хэллээ. Төслийг хурдан хугацаанд эхлүүлж, хэрэгжүүлэхэд хотын зүгээс бүхий л талаар дэмжлэг үзүүлнэ гэдгийг Нийслэлийн Засаг даргын Нийгмийн асуудал хариуцсан орлогч Ш.Анхмаа хэллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монгол Улсын Засгийн газрын тогтоолоор Монгол Улсын “Хошой аварга малчин”, “Аварга малчин” цол хүртсэн Төв аймгийн Алтанбулаг сумын малчдад Монгол Улсын Их Хурлын дарга М.Энхболд Засгийн газрын гишүүн, Хүнс, хөдөө аж ахуйн сайд П.Сэргэлэнгийн хамт өчигдөр цол, шагналыг нь гардуулж баяр хүргэлээ.

Нийслэлийн иргэдийн Төлөөлөгчдийн Хурлын дарга Ц.Сандуй Истанбул хотын Хурлын Төлөөлөгч, Захирагчийн ахлах зөвлөх Хакки Турунч болон бусад албаныхныг хүлээн авч уулзлаа. Уулзалтын эхэнд НИТХ-ын дарга Ц.Сандуй өөрийн хамт уулзалтанд оролцож буй төлөөлөгчдийг танилцуулаад “Улаанбаатар хот Истанбул хотын хамтын ажиллагаа улам өргөжин хөгжиж байгаад баяртай байна. Бид Станбул хоттой гэр хорооллын дахин төлөвлөлт, хот байгуулалт, боловсрол, эрүүл мэнд, хөдөө аж ахуй зэрэг салбарт өргөн хүрээнд хамтран ажиллах хүсэлтэй байгаа. Мөн Улаанбаатар хот Туркийн Анкара, Газиентил хоттой ах дүүгийн харилцаатай байдаг. Хэдийгээр Засгийн эрх солигдсон ч манай хоёр хотын өмнө нь хийж хэрэгжүүлж байсан ажил цаашид үргэлжлэх болно. Буруу бодлого, төсөв улс орны эдийн засаг, хөгжлийг хэрхэн дордуулдгийг өмнөх эрх барьж байсан эрхэмүүдийн туршлагаас бид мэднэ. Тиймээс хамтран ажиллах төсөл хөтөлбөр амжилттай хэрэгжихэд та бүхний дэмжлэг хамгаас чухал билээ” гэсэн юм.

Харин Истанбул хотын Хурлын Төлөөлөгч, Захирагчийн ахлах зөвлөх Хакки Турунч “Юуны өмнө биднийг хүлээн авч уулзсанд талархал илэрхийлье. Би Монгол Улсад 3 дахь удаагаа айлчилж байна. Танай хотод хэрэгжүүлэх төсөл хөтөлбөр бүгд хүмүүнлэгийн чиглэлийнх юм. Энэ төсөл Улаанбаатар хотод хэрэгжихэд Станбулд суух Ерөнхий консул Э.Мөнх-Очирын хүчин чармайлт их нөлөөлсөн гэдгийг хэлэх нь зүйтэй байх. Манай улсын одоогийн ерөнхийлөгч 1994 онд Станбул хотын Захирагчаар сонгогдож байсан. Тухайн үед хот хогондоо дарагдаж, агаарын бохирдол маш өндөр хэмжээнд хүрсэн байсан юм. Үүнд хотын дарга маш богино хугацаанд оновчтой төслийг боловсруулж, амжилттай хэрэгжүүлснээр уг асуудлаас гарч чадсан. Та бүхнийг манай хотод айлчилж туршлага солилцохыг урьж байна” гэлээ.

Сар шинийн баяр ойртсонтой холбоотойгоор томоохон зах, худалдааны төвүүд энэ долоо хоногт амралтгүй ажиллаж байна.

Өнгөрсөн долоо хоногт Малайзийн тал Ким Жон Намын гэр бүлийнхнийг Куала Лумпурт ирж, талийгаачийг мөн гэдгийг батлахын тулд ДНХ шинжилгээ өгөх хүсэлт явуулжээ. Гэвч аюулгүй байдлын улмаас тэд Малайзад очих боломжгүй гэдгийг мэдэгдсэн байна.