УИХ-ын чуулганы үдээс хойшхи хуралдаанаар Монгол Улсын эдийн засаг, нийгмийг 2014 онд хөгжүүлэх үндсэн чиглэлийн хэрэгжилтийг хангахад авах зарим арга хэмжээний тухай УИХ-ын тогтоолын төслийг хэлэлцлээ. Гишүүд асуулт асууж, санал хэлж дууссаны дараа тогтоолын төслийг батлах эсэхээр санал хураахад гишүүдийн олонх нь дэмжсэнгүй. Тиймээс уг асуудлыг дахин байнгын хороодоор ярилцаж байж оруулж ирэхээр боллоо.

Сүхбаатар аймгийн Түмэнцогт, Дорнод аймгийн Хөлөнбуйр сумын нутгийг дамнан тархсан Түймрийг унтраахаар 700 гаруй хүн ажиллаж байгаа.

Мэргэжлийн хяналтын байгууллагын удирдах ажилтны зөвлөгөөн Засгийн газрын XI байранд болж байна. Мэргэжлийн хяналтын талаар баримтлах бодлого, зорилтын талаар Монгол Улсын Шадар сайд У.Хүрэлсүхийн илтгэлийг ахлах зөвлөх Д.Батбаатар тавилаа.

Мэргэжлийн хяналтын байгууллагаас 2014 онд хийсэн ажил, үр дүнгийн талаар дэд дарга Б.Эрдэнэбилэгт, энэ оны зорилт, хэрэгжүүлэх арга замын тухай МХЕГ-ын дарга Ш.Раднаасэд танилцуулав.

Монгол Улс 2003 оноос хойш ДОХ, сүрьеэ, эрүүл мэндийн тогтолцоог бэхжүүлэх чиглэлээр 11 удаагийн нийт 50 сая ам долларын төсөл батлуулан хэрэгжүүлсний 16,5 сая ам.долларыг ДОХ-оос сэргийлэх үндэсний арга хэмжээнд зарцуулаад байна.

Нийслэлийн Засаг Даргын Тамгын Газар, “Мишээл Групп” ХХК хамтран “Монголын өдрүүд - 2015” үзэсгэлэн худалдааг энэ сарын 23-наас 25-ны хооронд ОХУ-ын Улаан-Үд хотноо зохион байгуулах гэж байна.

БНСУ-ын Чанвон хотод болсон буудлагын Дэлхийн цомын өчигдөр явагдсан 25 метрийн гар бууны хурдан буудлагын эрэгтэйчүүдийн дасгалд нийт 41 буудагчаас

Нийслэлийн Баянзүрх дүүргийн Цагдаагийн I хэлтсээс Улаанбаатар хотын цагдаагийн газрын даргын баталсан төлөвлөгөөний дагуу Хөдөлгөөнт хяналтын цэгийг энэ сарын 13-ны өдрөөс ажиллуулж эхлээд байна.

Өнөөдрийн байдлаар улсын хэмжээнд төллөвөл зохих эх малын 54.4 хувь буюу 11670.8 мянга нь төллөж, 11500.2 мянган төл буюу 25.3 мянган ботго, 92.2 мянган унага, 299.0 мянган тугал, 5895.6 мянган хурга, 5190.0 мянган ишиг хүлээн аваад байна. Мал төллөлт өмнөх долоо хоногоос 2.2 саяар нэмэгдэж, төл бойжилт 98.7 хувьтай байна.

Монголын нийгэм, улс төрийн байдлыг олон нийтийн санаа бодлоо танддаг Сант Марал төвийн судалгаа гарчээ.

Гадаад хэргийн яам хилийн чанадад амиа алдсан Монголчуудынхаа асуудалд анхаарч байна

Гадаад хэргийн яамны Консулын газрын захирал Н.Батаа мэдээлэл хийлээ. Гадаад хэргийн яамнаас 2014 онд хилийн чанадад байгаа Монгол иргэдийнхээ эрх ашгийг хамгаалах чиглэлээр хийж гүйцэтгэсэн болон 2015 гарсаар хийж гүйцэтгээд байгаа ажлуудынхаа талаар мэдээлэл өгч, консулын газрын үйл ажиллагаатай холбоотой бусад асуудаар сэтгүүлчдийн асуусан асуултад хариулав.

Газар тариалангийн бүс нутгуудад ХХАА-н яамнаас тариаланчдын зөвлөгөөнийг зохион байгуулж тэдэнд тулгамдаж байгаа болон шийдвэрлэх ёстой асуудалтай газар дээр нь танилцаж байгаа билээ.

Монголын сайтууд “Цахим хандив сан” гэсэн нэгэн шинэ сангаар бүл нэмлээ. Шинэхэн сайт мэдээ мэдээлэл, нийтлэл, тоймоор уншигчдын оюуныг цэнэглэдэг бусад сайтаас өвөрмөц онцлогтой юм.

Ерөнхий сайдын мэдээлэл хойшилжээ

32 минутын өмнө

УИХ-ын чуулганы үдээс хойшхи хуралдаан товлосон цагтаа эхэлсэнгүй. Учир нь Ерөнхий сайдын мэдээлэл хойшилжээ. Тиймээс УИХ-ын чуулганы хуралдааныг 15.00 цагт эхлүүлэхээр болсон байна. Хуралдаанаар эхлээд Монгол Улсын эдийн засаг, нийгмийг 2014 онд хөгжүүлэх үндсэн чиглэлийн хэрэгжилтийг хэлэлцэх юм байна.

Өргөдлийн байнгын хороонд 2013 онд 393, 2014 онд 512 гомдол ирж байсан бол энэ оны эхний улирлын байдлаар гэхэд 229 өргөдөл гомдол хүлээж авчээ. Эдгээрийн 129 нь ажлаас үндэслэлгүй халсан, бүтцийн өөрчлөлтөд орсон гэх өргөдөл эзэлж байгаа аж. Өргөдлийн байнгын хороо ойрын өдрүүдэд халаа сэлгээний асуудлаар нээлттэй хэлэлцүүлэг зохион байгуулж, гэнэт халагдсаны тэтгэмжид 20-30 тэрбум төгрөг зарцуулах тооцоо үнэн бодитой эсэхийг Сангийн яамны төлөөллийг байлцуулан асуух юм байна. Мөн төрийн албан хаагчийг ажлаас хоморголон халсан гэх асуудлаар Эрүүл мэнд, спортын яам, Хөдөлмөрийн яам, Байгаль орчин, ногоон хөгжил, аялал жуулчлалын яамны удирдлагаас тайлбар авах гэнэ. Одоогоор Гадаад хэргийн яамны дарга нарыг дуудаж оролцуулах тухайд хараахан шийдвэр гараагүй байгаа бөгөөд Төрийн албаны зөвлөлөөс гаргасан төрийн мэргэшсэн албан хаагчдыг халахгүй байх тухай заавар зөвлөмжийн биелэлтээр дээрх яамныхнаас асуулга авах аж. УИХ-ын гишүүн Ж.Батзандан “Манай улсын парламент хянан магадлах үйл ажиллагаагаа сүүлийн 20 гаруй жил орхигдуулж ирсэн. Олон улсын парламентууд хянан магадлах, мөрдөн шалгах чиг үүргээ маш сайн биелүүлдэг. Хянан магадлах чиг үүргийн зорилго нь албан тушаалтнуудыг хариуцлагатай болгоход чиглэж байгаа юм” гэлээ. Тус өрөөнд болж буй хянан магадлах хэлэлцүүлгийг телевизүүдээр шууд цацахаар төлөвлөж байгаа ба хэвлэл мэдээллийнхний оролцоог нэмэгдүүлэх үүднээс Төрийн ордон дахь сэтгүүлчдийн өрөөтэй холбож, тэдний бичиж нийтлэх бололцоог бүрдүүлэх гэнэ.

Мексик хотод зохион байгуулагдаж байгаа Mercedes Benz-ийн загварын долоо хоногт танилцуулсан загваруудыг танилцуулж байна.

Фото: Гайхалтай нүүр будалт

З.Энхболд: Бондын төлбөр 2017, 2022 онд төсвийн ачаалал болох нь

Сүхбаатар аймгийн Түмэнцогт суманд энэ сарын 13-ны өдөр хээрийн түймэр гарч нэлээд их хэмжээний хохирол учруулаад байгаа тухай бид өмнө нь мэдээлсэн.

Хүүхдийн төлөө үндэсний газрын Хүүхэд хамгааллын үйлчилгээний газар, НҮБ-ын Хүүхдийн сан хамтран Хүүхэд хамгааллыг бэхжүүлэх стратегийн хүрээнд хүүхэд хамгааллын талаар орон нутгийн мэргэжилтнүүдийг мэргэшүүлэх, практик арга зүйг түгээх, туршлага хуваалцах, мэдээлэл солилцох зорилгоор “Хүүхэд хамгааллын үндэсний сургалт”-ыг 2015 оны 04 сарын 16-наас 17- ны өдрүүдэд Улаанбаатар хотод зохион байгуулж байна.

М.Бадамсүрэн: Төрийн албанд 6 жил 9 сар ажилласан гэдгийг ТАЗ-өөс тогтоосон
2015 оны 04-р сарын 17. 11 цаг 00 минут

Аймгийн ИТХ-ын өнөөдрийн хуралдаанаар аймгийн Засаг даргад нэр дэвшүүлэх тухай хэлэлцлээ. Нэр дэвшүүлэх санал авахад Монгол ардын намын бүлгээр санал таслагдлаа. Намын бүлгийн дарга С.Мөнгөнбат аймгийн Засаг даргад М.Бадамсүрэнг нэр дэвшүүллээ. Мягмарсүрэнгийн Бадамсүрэн нь Монгол улсын Засаг захиргаа, нутаг дэвсгэрийн нэгж, түүний удирдлагын тухай хуулийн 26 дугаар зүйлийн 26.5-д заасан 5 шаардлагыг хангасан хэмээн танилцууллаа.

М.Бадамсүрэн нь:

1. Дээд боловсролтой. 1996-2000 онд Монгол улсын Техникийн их сургуулийг нефтийн инженер мэргэжлээр төгссөн.

2. 2001 оны 9 дүгээр сараас 2002 оны 8 дугаар сард “НИК” ТӨХК-ийн Дорнод аймаг дахь Нефть хангамжийн газар, Онцгой байдлын Ерөнхий газрын харьяа Улсын нөөцийн газарт Шатахуун түгээх станцын түгээгч, эрхлэгч,
2009 оны 1 дүгээр сараас 2012 оны 8 дугаар сард Дорнод аймгийн Монгол ардын намын хорооны орон тооны дэд дарга,
2008-2012 онд аймгийн ИТХ-ын төлөөлөгч, Тэргүүлэгч,
2012 оны 11 сараас 2013 оны 11 сард Хэрлэн сумын Засаг даргын орлогч, аймгийн Засаг даргын Зөвлөх,
2013 оны 12 сараас одоог хүртэл аймгийн Засаг даргын орлогчоор ажиллаж байна
Төрийн албанд 6 жил 9 сар ажиллажээ.

3. Шүүхийн шийдвэрээр тогтоогдсон зээл, батлан даалтын болон бусад гэрээгээр хүлээсэн хугацаа хэтэрсэн өргүй

4. Шүүхийн шийдвэрээр тогтоогдсон татварын өргүй

5. Ялгүй

Нэр дэвшигчийг танилцуулсны дараагаар асуух асуулттай төлөөлөгчид асуултаа асууж, нэр дэвшигч хариулт өглөө.

Тэрээр асуултад хариулахдаа: Төрийн албанд албан ёсоор 6 жил 9 сар ажилласан гэдгийг Төрийн албаны зөвлөлөөс тогтоосон. Энэ тал дээр хэвлэл мэдээллийн хэрэгслүүдээр дайралт хийж, нэр хүндэд маш ихээр халдаж байгааг хэлсэн юм.

Мөн аймгийн Засаг даргын орлогчоор ажиллаж байхдаа намын болон улс төрийн үүднээс асуудал хандаж байсан удаа байгаагүй, шударга ёс байж эв нэгдэл тогтоно хэмээн хэллээ.

Үүний дараагаар төлөөлөгч Л.Хишигтогтох, Д.Ганцогт, Н.Батзориг, Д.Урансувд, Ц.Ганбат, Н.Энхболд, Ж.Энхболд, С.Ганбат, Т.Төмөрбаатар, Б.Өлзийбаян, П.Мөнхтөр нар үг хэллээ. Төлөөлөгч Д.Ганцогт: “…Нэр дэвшигчид татгалзах зүйл байхгүй. Өнгөрсөн хугацаанд хамтарсан засагт ажилласнаар олон ажил хийсэн. Цаашид энэ бүх зүйлээ үргэлжлүүлээрэй…”. Төлөөлөгч С.Ганбат нэр дэвшигчийг дэмжиж буйгаа илэрхийлэн нэг зүйлийн ихэд онцоллоо. “…Шүүмжлэл гэдэг өөр, гүтгэлэг доромжлол гэдэг бас өөр! Намайг ажиллаж байх хугацаанд маш их гүтгэлэг доромжлол ирдэг байсан. Энэ хүн дээр бас гарч байна. Гүтгэлэг гэдэг хүндээ биш аймгийн Засаг дарга гэдэг энэ албан тушаалд байдаг юм байна…” хэмээлээ.

Бусад төлөөлөгчид үг хэлж, аймгийн Засаг даргад нэр дэвшигч М.Бадамсүрэнг дэмжиж буйгаа илэрхийллээ. Ийнхүү аймгийн Засаг даргад нэр дэвшигч М.Бадамсүрэнг хуралдаанд оролцсон 29 төлөөлөгчдийн 100 хувийн саналаар дэмжиж, Монгол улсын Ерөнхий сайдад санал болгохоор тогтоолын төсөл баталлаа.