-
2016 оны 6 сарын 29
Нийслэлийн Сонгуулийн хорооноос сонгуулийн санал хураалтын ирцийн мэдээг 17:00 цагийн байдлаар танилцууллаа.
-
2016 оны 6 сарын 29
Сонгуулийн саналын ирц 17.00 цагийн байдлаар 55 хувьтай байгааг СЕХ-ны дарга Ч.Содномцэрэн мэдэгдлээ. Тэрбээр энэ үеэр сэтгүүлдчийн сонирхсон асуултад хариуллаа.
-
2016 оны 6 сарын 29
Сонгуулийн ерөнхий хорооноос УИХ болон аймаг, нийслэлийн сонгуулийн ирцийн мэдээг 17.00 цагийн байдлаар хүргэж байна. Сонгогчдын ирц 50-70 хувьтай байна. Хамгийн өндөр ирцтэй тойрог нь 31 дүгээр тойрог буюу Увсын тойрог байна.
-
2016 оны 6 сарын 29
Шуурхай: Улсын хэмжээнд 55 хувийн ирцтэй байна
-
2016 оны 6 сарын 29
Нийслэлийн Сонгуулийн хорооноос сонгогчдын ирцийн мэдээлэл болон үүсч байгаа нөхцөл байдлын талаар 18.00 цагт мэдээлэл хийнэ.
-
2016 оны 6 сарын 29
Европын Парламентын төлөөлөгчид бараалхав
-
2016 оны 6 сарын 29
Ерөнхийлөгч Германы Элчин сайд Герхард Тийдеманныг хүлээн авч уулзлаа
-
2016 оны 6 сарын 29
МАН-ын сонгуулийн штабаас дөнгөж сая мэдээлэл хийлээ.
УИХ-ын гишүүн Су.Батболд батлагдаж нотлогдоогүй асуудлаар Ардчилсан нам мэдээлэл хийж, зарим нэр дэвшигчийн эрхэнд халдлаа. Иймээс үнэн зөв бодитой мэдээллийг мөн хийхээс аргагүй боллоо гэдгээ хэллээ.
Тэрбээр “Архангай аймгийн Их тамир сумын сонгогчдод архи тараах гэж байна” гэсэн дуудлага цагдаагийн байгууллагад ирж, очиж шалгахад “УБМ” дугаартай автомашинд нэр дэвшигч Д.Ганхуягийн сонгуулийн сурталчилгаа, архи ачсан байсан. Энэ хэргийг аймгийн Цагдаагийн байгууллагад шалгаж байна.
Архангай аймагт нэр дэвшин өрсөлдөж байгаа МАН-ын ерөнхий нарийн бичгийн дарга Ж.Мөнхбатын сонгуулийн сурталчилгааны хаалтын үйл ажиллагаанд УИХ-ын дарга асан Төмөр-Очир оролцохдоо “Р.Гончигдоржийн сонгуулийн штабынхан Ж.Мөнхбатын штабынханд халдсан” гэдэг зүйл ярьж хууль зөрчсөн гэсэн. Энэ асуудлыг бид утсаар ярьж тодруулахад “Ийм зүйл яриагүй” гэдэг тайлбар хийлээ.
Гэхдээ сонгуулийн сурталчилгаа хараахан дуусаагүй байх үед нэр дэвшигч Ж.Мөнхбатын сонгуулийн штабт ажиллаж байсан хүний биед халдсанаас хоёр хавирга хугарч бэртэл авсныг эмнэлгийн байгууллага тогтоосон, эмчлүүлж байна.
УИХ-ын сонгуулийн 64 дүгээр тойрог/Чингэлтэй дүүрэг/-т нэр дэвшин өрсөлдөж байгаа Г.Баярсайхан нэр дэвшигчийг дэмжиж саналаа өгөхийг уриалсан хууль зөрчсөн үйлдэл болсон.
Ардчилсан намын ерөнхий нарийн бичгийн даргын үүрэг гүйцэтгэгч Л.Эрхэмбаяр сонгуулийн сурталчилгаа явж байгаа энэ үед нэр дэвшигч Д.Оюунхоролын бүрэн эрхэд, нэр хүндэд халдсан ноцтой мэдэгдлийг хийлээ. Нэрийг нь татах хэмжээний ноцтой зөрчил гаргалаа гэсэн. Гэтэл Д.Оюунхорол нэр дэвшигчийн нэр дээр шүүхийн шийдвэр ирээгүй байгаа. Мөн Сонгуулийн ерөнхий хорооноос “Нэр дэвшигч Д.Оюунхоролыг нэр дэвшигчээс хасах шийдвэр гаргаагүй” гэдэг тайлбарыг ирүүлсэн” гэж хэллээ.
Мөн Увс аймагт нэр дэвшин өрсөлдөж байгаа УИХ-ын гишүүн Ч.Хүрэлбаатарын авто машин руу цагдаагийн байгууллага хууль бусаар нэвтэрч нэгжлэг хийсэн. Нэгжлэг хийх үед нь хувийн хэрэгцээний 200 мянган төгрөг байсан. Үүнийг нь биедээ их хэмжээний мөнгө авч явсан, түүнийгээ сонгогчдод тараах гэж байсан гэж сошиалаар хуурамч мэдээлэл тарааж ташаа ойлголт төрүүлж байгаад харамсаж байна.
Энэ асуудалтай холбоотойгоор нэр дэвшигч Ч.Хүрэлбаатар Увс аймгийн Цагдаагийн байгууллагад хандсан байгаа” гэдэг мэдээллийг мөн хийлээ.
-
2016 оны 6 сарын 29
Улс төрийн намын удирдлагууд СЕХ-нд шаардлага хүргүүллээ
-
2016 оны 6 сарын 29
Ардчилсан намын ерөнхий нарийн бичгийн даргын үүрэг гүйцэтгэгч Л.Эрхэмбаяр дөнгөж сая сэтгүүлчдэд мэдээлэл хийлээ.
Тэрбээр “Увс аймагт нэр дэвшин өрсөлдөж байгаа УИХ-ын гишүүн Ч.Хүрэлбаатарын сонгуулийн штаб иргэдэд мөнгө тараах гэж байгаад баригдсан нь одоо аймгийн Цагдаагийн байгууллагад шалгагдаж байгаа.
Дорнод аймагт нэр дэвшин өрсөлдөж байгаа Х.Болорчулууны сонгуулийн штаб нь сонгогчдыг автобусаар зөөвөрлөн саналыг нь өгүүлж, хууль зөрчсөн.
Архангай аймагт нэр дэвшин өрсөлдөж байгаа МАН-ын ерөнхий нарийн бичгийн дарга Ж.Мөнхбатын сонгуулийн хаалтын үйл ажиллагааны үеэр МАН-ын гишүүн Б.Төмөр-Очир “Архангай аймгийн Ардчилсан намын сонгуулийн штабаас хууль бус үйлдэл хийж, Ж.Мөнхбатын сонгуулийн штабт ажиллаж байсан хүний биед халдсан” гэж нотлогдоогүй зүйл ярьсан.
“Эрдэнэт” үйлдвэртэй холбоотой ташаа мэдээллийг МАН-аас зохион байгуулалттайгаар тараасан зэрэг асуудлаар хууль хяналтын байгууллагад хандах болсноо тэрбээр хэллээ.
-
2016 оны 6 сарын 29
Сонгинохайрхан дүүргийн 71 дүгээр тойргийн гуравдугаар хэсгийн хороонд сонгогч саналын хуудсыг хар машинд уншуулахгүйгээр шууд саналын хуудсын хайрцагруу хийсэн асуудал үүссэн байна. Мөн яг ийм тохиолдол Баянгол дүүргийн 64 дугаар тойргийн 14 хэсгийн хороонд гарчээ. Тухайн үед сонгуулийн санал авах байранд ажиллаж байсан ажилтнууд ямар нэгэн арга хэмжээ авч чадаагүй бөгөөд энэ хэргийг Тагнуулын ерөнхий газар болон Цагдаагийн ерөнхий газрын алба хаагчид шалгаж, мөрдөн байцаалт хийж эхэлсэн байна.
Энэхүү тохиолдол нь хоёр өөр газарт болсон ч гэлээ яг нэг ижил үйлдэл байсан тул зохион байгууллалттай, зориудаар бэлтгэсэн хууль бус үйлдэл байсан гэж хуулийн байгууллагынхан сэрдэж байгаа гэнэ.
-
2016 оны 6 сарын 29
Өчигдөр 09:00-20:00 цагийн хооронд нийт 4691 иргэнээс зөөврийн битүүмжилсэн хайрцгаар саналаа авахаас 4412 сонгогчийн саналыг авсан байна.
-
2016 оны 6 сарын 29
НИТХ-ын дарга Д.Баттулга саналаа өглөө
-
2016 оны 6 сарын 29
УИХ болон аймаг, нийслэлийн 2016 оны ээлжит сонгууль өглөө 07.00 цагт орон даяар эхэлж өдгөө сонгуулийн ирж, улсын хэмжээнд 23,2 хувьтай үргэлжилж байна. Тэгвэл төрийн гурван өндөрлөг саналаа өгч, иргэд сонгогчидоо сонгуульдаа идэвхитэй оролцохыг уриаллаа.
-
2016 оны 6 сарын 29
Автомат машинтай холбоотогоор СХД-ийн нэг иргэн саналын хуудсыг уншуулахгүйгээр шуур хайрцаг руу нь хийсэн байна. яг ийм үйлдэл Баянгол дүүрэг дээр мөн гарсан байна. Санал тоолох автомат машинтай холбоотой гомдол санал ирээгүй гэв.
-
2016 оны 6 сарын 29
12 цагийн байдлаар нийслэлийн 164 449 сонгогч буюу нийт сонгогчдын 18.20 хувь нь саналаа өгчээ
-
2016 оны 6 сарын 29
Нийслэлийн Засаг дарга бөгөөд Улаанбаатар хотын захирагч Э.Бат-Үүл 45 дугаар сургууль дээр очиж, саналаа өглөө.
-
2016 оны 6 сарын 29
Улсын Их Хурлын болон Аймаг, нийслэлийн ИТХ-ын 2016 оны ээлжит сонгуулийн санал хураалтын үйл ажиллагаа улс орон даяар үргэлжилж байна.
-
2016 оны 6 сарын 29
аааа
-
2016 оны 6 сарын 29
Шуурхай: Сонгуулийн Ерөнхий хорооны мэдээлэл хойшиллоо
