-
2016 оны 6 сарын 19
Монгол Улсын Засгийн газраас Төр нийгэм, цэргийн нэр зүтгэлтэн Юмжаагийн Цэдэнбалын мэндэлсний 100 жилийн ойг энэ онд орон даяар тэмдэглэн өнгөрүүлэх тогтоолыг энэ сарын 16-ны өдөр гаргажээ. Ингэснээр олон жил яригдаж, Увс аймгийнханы чих давин хүлээж байсан ойг тэмдэглэн өнгөрүүлэхээр боллоо.
-
2016 оны 6 сарын 18
УИХ-ын дарга, Ардчилсан намын дарга З.Энхболд, Монгол Улсын Засгийн газрын гишүүн, Эрүүл мэнд, спортын сайд С.Ламбаа, Монгол Улсын Хөдөлмөрийн баатар, Гавьяат тамирчин Асашёрюү Дагвадорж нар өнөөдөр /2016.06.18/ Баян-Өлгий аймагт ажиллаж, тус аймгийн иргэд, сонгогчидтой уулзалт хийлээ.
З.Энхболд: Бүгд уул уурхай руу хошуурч байхад А.Бакей нь
мал аж ахуйн үнэ цэнийг мартаагүй, үнэлж чадсан гишүүн
УИХ-ын дарга, Ардчилсан намын дарга З.Энхболд уулзалтын эхэнд Ардчилсан нам Баян-Өлгий аймгаас УИХ-ын сонгуулийн 4 дүгээр тойргоос УИХ-ын гишүүн, Төрийн байгуулалтын байнгын хорооны дарга А.Бакейг нэр дэвшүүлж байна. Тэрээр УИХ-ын хамгийн чухал байнгын хорооны нэг болох Төрийн байгуулалтын байнгын хороог даргалж байгаа гишүүн. Монголчууд бүгд уул уурхай руу хошуурч байхад А.Бакей гишүүн мал аж ахуйн үнэ цэнийг өндрөөр үнэлж, мал аж ахуйг эдийн засгийн гол тулгуур байлгах ёстой гэдгийг байнга хэлж ирсэн хүн. Түүний хийж бүтээсэн ажил их төрийн түшээ мөн гэлээ.
Авто замын салбарт хийгдсэн бүтээн байгуулалтад
Х.Ержаны гүйцэтгэсэн үүрэг их
УИХ-ын сонгуулийн 5 дугаар тойргоос Монгол Улсын Ерөнхий сайдын зөвлөх Х.Ержаныг нэр дэвшүүллээ. Өнгөрсөн жилүүд бол Монгол Улсын зам тээврийн сүлжээнд шинэчлэл хийгдсэн он жилүүд байлаа. Авто замын сүлжээг сүүлийн 4 жил урьд өмнө нь байгаагүй их хэмжээгээр тэлж чадсан ажлын ард Зам тээврийн дэд сайд асан Х.Ержан байсан, өөрөөр хэлбэл авто замын салбарт хийгдсэн бүтээн байгуулалтад Х.Ержаны гүйцэтгэсэн үүрэг их. Хэрвээ түүнийг Баян-Өлгийчүүд сонговол Баян-Өлгий аймгийг Улаанбаатартай нэн тэргүүнд холбох ажлыг тэрээр хийж чадна. Тэрээр энэ чухал ажлыг амаараа биш, гараараа, гардан гүйцэтгэх хүн гэлээ.
Д.Мурат бол зөвхөн Баян-Өлгийг гэлтгүй бусад аймгийн
олон айлыг “дулаан байлгаж” буй хүн
УИХ-ын сонгуулийн 6 дугаар тойргоос Д.Муратыг нэр дэвшүүллээ. Түүнийг Монголчууд “Зуухны Мурат” гэдгээр нь сайн мэднэ. Учир нь тэрээр Монгол Улсынхаа олон айлыг дулаан байлгахын тулд, өөрийн бор зүрхээрээ хөдөлмөрлөж буй хүн. Тэрээр хөдөө орон нутагт нам даралтын зуухыг суурилуулан орон сууц барьж буй зэрэг түүний ажлуудыг Баян-Өлгийчүүд сайн мэднэ. Үнэлж ч байгаа. Тэрээр мөн орон нутгийнхаа дэд бүтцийн ажилд өөрийн үнэтэй хувь нэмрийг оруулж байгаа, барьж байгуулсан зүйлийг нь Баян-Өлгийчүүд мэднэ. Иймээс бид энэхүү бүтээлч залуу боловсон хүчнээ УИХ-ын сонгуульд нэр дэвшүүлж байна гэв.
Үүний дараа УИХ-ын дарга, Ардчилсан намын дарга З.Энхболд, өнгөрсөн 4 жилд хийсэн ажлууд, ирэх 4 жилд хийх ажлуудаа танилцуулан, мэдээлэл өгч, иргэдтэй харилцан санал солилцов.
Үүний дараа УИХ-ын дарга, Ардчилсан намын дарга 2012-2016 онд хийсэн ажлуудаа танилцуулав. Тус хугацаанд Ардчилсан нам ганц тулгууртай эдийн засгаа олон тулгууртай болгох шаардлага гарсан гэв. Бид энэ хугацаанд мөнгөний бодлогын шинэчлэл хийж, 8 болон 5 хувийн ипотекийн зээлийг иргэдэд олгож, малчдад 10 хувийн малчны зээл, гэрийн хороололд амьдарч буй иргэдэд “Сайн хашаа” хөтөлбөрийн 5 хувийн зээлийг олгох зэргээр иргэд рүү хандсан олон чухал ажлуудыг хэрэгжүүлж чадсан, цаашид ч үргэлжилнэ. Амаргүй дөрвөн жилд амжуулсан 10 ажлын хувьд, 1680 үйлдвэрийн төслийг дэмжиж, үйлдвэржилтийг эрчимжүүлж, эхлэлийг тавилаа. Мөн 82 мянган өрх орон сууцанд орж, 573 мянган хүн ажилласан жилээ нэмэгдүүлсэн. Нийслэлийн эрчим хүчний хүчин чадлыг 521 мВт-ээр нэмэгдүүлснээр 163 мянган айл өрхийг цахилгаан дулаанаар шинээр хангах боломж бүрдээд байна гэлээ.
Зам тээврийн салбарын хувьд өнгөрсөн 4-н жил бол үсрэнгүй хөгжлийн, бүтээн байгуулалтын жил байлаа. Замын ажил дээр МАН болон Ардчилсан намын ялгаа харагдана. Энэ хоёр намд ялгаа байхгүй ээ. МАНАН ш дээ гэж хэлэх хүн бий. Гэтэл бодит байдал бид их ялгаатай. 1921-2012 он хүртэлх 91 жилд МАН 2,964 км зам барьсан. Харин Ардчилсан нам засаг барих хугацаандаа 2013-2015 оны хоорондох 3 жилд 2,720 км зам барьсан бол 2016 онд 1,284.05 км замын ажил хийгдэж байна. Ингээд бодохоор МАН жилдээ 32,6 км зам барьж байхад Ардчилсан нам нэг жилд 1000 км зам барьж байна. Энэ бол МАН болон АН-ын авто замын салбарт хийсэн ялгаа. Баян-Өлгий аймгаас УИХ-ын сонгуульд нэр дэвшигч Х.Ержан дэд сайд ажиллаж байх хугацаандаа 2720 км замыг ашиглалтад оруулж чадсан гэв.
Ардчилсан нам “Таван сайн” хөтөлбөрөө үргэлжлүүлнэ
Үргэлжлүүлэн, УИХ-ын дарга, Ардчилсан намын дарга “Таван сайн” хөтөлбөрийг танилцуулав. Эдгээр хөтөлбөрүүд өнгөрсөн хугацаанд биелэлээ олж үр дүнгээ өгсөн. Үүнд, сайн малчин, сайн хашаа, сайн оюутан хөтөлбөрүүд хэрэгжээд эхэлсэн. Харин сайн бизнес, сайн экспорт хөтөлбөрүүдийг энэ жилээс хэрэгжүүлэхээр мөрийн хөтөлбөртөө тусгажээ.
Сайн малчин.... эрүүл малтай, үйлдвэрлэгч малчин,
“Сайн малчин” гэдэг нь малаа эрүүл байлгасан, малчны данс ашигладаг, эрүүл мэнд, нийгмийн даатгал төлдөг малчныг сайн малчин хэмээн тодорхойлж, тэдэнд 10 хувийн хүүтэй малчны зээл олгож эхэлсэн. Энэ нь үйлдвэрлэгч, бүтээлч малчныг дэмжиж, тэдний орлогыг нэмэгдүүлэх зорилготой юм. Энэ хөтөлбөр өөрөө махны экспортоос эхэлсэн. УИХ-ын гишүүн Р.Бурмаа сайд малын мах экспортлох гэрээ хийгээд ирсэн. Гэтэл эрүүл мал нийлүүлэх аймгийн тоо ердөө 6 байсан. Харин цаашид энэ 6 гэдэг тоог нэмэгдүүлэхийн тулд “сайн малчин” хөтөлбөр эхэлсэн түүхтэй гэлээ. Үүний тулд Ардчилсан намынхан малыг яаж эрүүлжүүлэх вэ гэдэг асуудлаа ярилцаж эхэлсэн. Ингээд бид 2015 оны сүүлээр малаа эрүүл байлгаж чаддаг малчдыг дэмжиж, малчны зээлийг 10 хувь болгон бууруулая, харин малаа эрүүлжүүлээгүй бол өмнөх шигээ 30 хувийн хүүгээр зээл авдаг байг гэж бид шийдсэн гэв. Мөн Баян-Өлгийгөөс Арабын орнууд руу өмнө нь мах экспортлодог байсан. Үүний дагуу малчид малаа эрүүлжүүлснээр, бид гадаад улсууд руу махны экспортоо нэмэгдүүлэх боломж нэмэгдэнэ гэв.
“Сайн оюутан” ...эцэг эхийнхээ нураан дээрх ачааг хөнгөвчлөе
УИХ-ын дарга, Ардчилсан намын дарга З.Энхболд хэлэхдээ, Сайн оюутны зээл нь оюутан өөрөө зээл авч суралцах боломжийг бүрдүүлж байна. Одоо эцэг эхээ зовоохоо больцгоо оюутнуудаа. 9 сарын нэгний өдөр бүгд банк руу явж байхаар өнөөдөр банкин дээрээ очоод эртхэн зээлээ хөөцөлдөх хэрэгтэй. 18 хувийн хүүтэй биш, харин 5 хувийн хүүтэй зээл авах боломжтой болсон Цаашид эцэг эхийнхээ нуруун дээрх ачааг хөнгөвчлөн оюутнууд сургалтын төлбөрийн зээлийг 10 жил хүртэлх хугацаатай авах боломжтой болж байна. Сургалтын төлбөрт зориулан авсан цалин, тэтгэврийн зээлийн үлдэгдлийг шинэ нөхцөлтэй оюутны зээлд шилжүүлж болно гэв.
“Сайн хашаа” сонгосон газартаа амьдрах таатай орчноо бүрдүүлцгээе
УИХ-ын дарга “Сайн хашаа” хөтөлбөрийн талаар танилцуулахдаа, хүн болгон өндөр үнэтэй орон сууцанд орохыг хүсдэггүй. Зарим иргэд хашаанд өөртөө тохитой байшин бариад амьдрахыг хүсдэг. Энэхүү хөтөлбөрийн хүрээнд иргэдэд төрийн банкнаас хөнгөлөлттэй зээлийг олгож эхэллээ. Ингэснээр иргэд инженерийн хэсэгчилсэн болон төвлөрсөн дэд бүтэцтэй, амины орон сууцтай болно. Мөн эрүүл, аюулгүй амьдрах нөхцлийг бий болгож, орчны бохирдлыг бууруулах ач холбогдолтой гэлээ.
“Сайн экспорт” хадаас байтугай нарны
зай үйлдвэрлэдэг болсон Монгол
Ардчилсан нам үйлдвэржилтийг энэ тэргүүнд тавин ажиллаж ирсэн. Цаашид үйлдвэржилтийг хот хөдөөгүй, орон даяар эрчимтэй өрнүүлэх бодлого барьж байна. Уул уурхайн бус экспортыг 2 дахин нэмэгдүүлж, 2 ТЭРБУМ ДОЛЛАРТ хүргэнэ. Бид өмнө нь уул уурхайн бүтээгдэхүүнийг түүхийгээр нь экспортлодог байсан. Харин цаашид түүхий эдээ боловсруулан бүтээгдэхүүн үйлдвэрлэж экспортлох бодлогыг барьж байгаа. Би энэ сарын эхээр Япон Улсад ажлын айлчлал хийгээд ирсэн. Японд байхдаа хэд хэдэн үйлдвэрийн газраар орсон. Тэнд гурван монгол залуу эх орондоо нарны панель үйлдвэрлээд Япон Улс руу экспортлон, эрчим хүч түгээж ажиллаж байна. Энэ бол сайн экспортын жишээ юм гэлээ. Япон улсад цаашид тус улсын өндөр технологийг сургахаар дадлагажигч ажилтнуудыг гаргах гэж байна. Хоёр улсын яамд хооронд санамж бичигт гарын үсэг зурагдсан гэлээ.
“Сайн бизнес” нь орон сууцны ипотекийн зээлийн үргэлжлэл мөн
“Сайн бизнес” хөтөлбөрийн хүрээнд орон сууцны ипотекийн үргэлжлэл юм. хамгийн эхний ээлжинд энэ ондоо Улаанбаатар хотын барилга, орон сууцны нэгдүгээр давхарт худалдаа эрхэлж буй жижиг, дунд бизнесийг дэмжинэ. Бизнес эрхлэгч үл хөдлөх хөрөнгөө барьцаалан 5 хувийн хүүтэй зээлийг авах боломж бүрдэнэ.ингэснээр өрх бүр үйлдвэрлэгч, баялаг бүтээгчид болж чадна гэв. Мөн УИХ-ын дарга цаашид ахиулан хийх ажлуудаа Баян-Өлгий аймгийн иргэдэд танилцуулсан юм.
УИХ-ын даргын дараа Засгийн газрын гишүүн, Эрүүл мэнд, спортын сайд С.Ламбаа үг хэллээ. Тэрээр хэлэхдээ, хөгжил нь жижиг зүйлээс эхэлдэг. Эрүүл мэндийн сайдын албан тушаалд 2008 онд томилогдоод Баян-Өлгийгөөс анхны ажлын томилолтоо эхэлж байв. Багаар нь сонгож байж хөгжил ирдэг. 2012 онд ихэнх баруун аймгуудад Ардчилсан нам ялсан. Үүний үр дүнд тус аймгуудын хөгжил замаасаа эхэлсэн. 2016 оны Ардчилсан намын мөрийн хөтөлбөр бол 2012 оны Ардчилсан намын мөрийн хөтөлбөрийн үргэлжлэл юм. Ардчилсан нам алс хэтийг хардаг. Ардчилсан нам бол сэтгэлгээний хурдтай, ярьж хэлж буй зүйл нь бодитой, боловсруулж танилцуулж буй хөтөлбөр нь алсын хараатай, утга агуулгатай байдаг. Баян-Өлгий аймагт миний дотнын андууд нэр дэвшиж байна. Баян-Өлгийчүүд та бүхэн энэ жилийн сонгуулиар УИХ болон Аймгийн ИТХ-ын сонгуульд Ардчилсан намаас нэр дэвшигчдийг багаар нь дэмжээрэй, тэгэж байж хөгжил хурдасна. Х.Ержан өнгөрсөн хугацаанд баруун бүсийн замын холболтын 100 км-ийг нь тавьчихсан байгаа. Ардчилсан намынхан цаашид энэ ажлаа үргэлжлүүлэх ёстой гэлээ.Баян-Өлгийгөөс нэр дэвшиж байгаа А.Бакей, Х,Ержан, Д.Мурат болон аймгийн ИТХ-д нэр дэвшигчид бол цэвэр бүтээгч хүмүүс, тиймээс бүтээлч сэтгэлгээгээр нь тэднийг парламентад сонгох ёстой, Өлгийчүүддээ итгэж байгаа гээд тус аймагт эрүүл мэндийн салбарын шинэчлэлийн бодлогын талаар мэдээлэл өгсөн юм.
Үргэлжлүүлэн Монгол Улсын Хөдөлмөрийн баатар, Гавьяат тамирчин Асашёрюү Дагвадорж хэлэхдээ, УИХ-ын сонгуулийн өмнө УИХ-ын дарга, Ардчилсан намын дарга З.Энхболд Япон Улсад ажлын айлчлал хийсэн. Энэ айлчлалаар Монгол Улсын хөгжлийн түүхэнд гайхамшигтай гэрээ хийгдсэн. Монгол Улсын Хөдөлмөрийн яам болон Уул уурхайн яам Япон Улсын холбогдох яамдуудтай санамж бичгийг үзэглэсэн. Энэхүү санамж бичиг Япон Улсын Ерөнхий сайдын албан өрөөнд хийгдсэн. Гэрээгээр Япон Улсад монголчууд олон мянган дадлагажигчдыг бэлтгэхээр болсон. 1960-1990 он хүртэл хуучнаар ЗХУ руу 100 мянга гаруй инженер болон мэргэжилтнүүдийг бэлтгэж байсан. Яг энэ жишгээр бид Японд дадлагажигчдаа бэлтгэх гэж байна. Мөн 06 дугаар сарын 07 ны өдрөөс эхлэн Монгол Японы Эдийн засгийнг хэлэлцээрийн дагуу хоёр орны хооронд 9000 гаруй төрлийн бараа бүтээгдэхүүн татваргүй болсон. Мөн хоёр улсын хооронд дадлагажигч илгээх үүд хаалга нээгдсэн. Япон Улсад очсоноороо Монгол залуус маань хөдөлмөрч япончуудаас их зүйл сурна гэж энэ ажлыг эхлүүлсэн болохыг тодотгов.
Мөн Япон Улсын Ерөнхий сайдын өргөөнд болсон ёслолын дараа бид Ерөнхий сайд Абе Шинзотой өдрийн зоог хамт барьсан. Энэ үеэр бид маш чухал ажлуудыг ярилцсан. Хоёр орны хооронд хийгдсэн санамж бичиг нь гэрээ, протоколоор баталгаажсан байгаа. Гэтэл үүнийг үгүйсгэх гэсэн зарим оролдлогууд гарч байна. Сонгуулийн өдөр ойртох тусам бие биенээ үгүйсгэсэн, бодит хийж хэрэгжүүлсэн ажлыг харлуулсан мэдээлэл гарч буйд харамсаж байна гээд ажлын айлчлалын талаарх фото зургаар харууллаа. Үүний дараа Баян-Өлгийчүүд Ардчилсан намын хийж бүтээж буй ажилд сэтгэл хангалуун байгаа, бидний нүдэн дээр илт байдаг, цаашдаа хийж эхлүүлсэн ажлаа үргэлжлүүлэх ёстой хэмээн хэлж байв. Мөн монгол залуусын боловсролыг дээшлүүлэх чиглэлээр хийх ажлуудын талаар иргэд санал хэлж, Ардчилсан намд амжилт хүсч байв.
Түүнчлэн Засгийн газраас 1072 хувьцааны 30 хувийг худалдан авахтай холбоотой асуултыг УИХ-ын даргаас асуулаа. УИХ-ын дарга, Ардчилсан намын дарга хариулахдаа, 1072 хувьцааны 30 хувийг Засгийн газарт худалдах нь сайн дурын ажил. Та заавал хувьцааныхаа хувийг зарах ёстой гэж ойлгож болохгүй, та хувьцаагаа зарахгүй байж ч болно. Энэ үйл ажиллагаанд улсын төсвөөс нэг ч төгрөг зарцуулахгүй байгаа, та хувьцаагаа зарах хүсэлтээ илэрхийлсэн мэдээллийг бөглөж өгснөөс хойш таны мэдээллийг 7 хоногийн хугацаанд шалгаад таны данс руу 3 хувааж хийх журмын дагуу явагдаж байгаа ажил. Хэрвээ энэ үйл ажиллагааг сонгуультай холбоотой гэж үзвэл хувьцаагаа зарахгүй байх хэрэгтэй, эсвэл та сонгуулийн дараа ч хувьцааныхаа хувийг авч болно. Энэ нь сонгуультай холбоогүй, сайн зүйлсэд садаа мундахгүй гэдэг. Энэ ажлыг харлуулах хэрэггүй гэв.
-
2016 оны 6 сарын 18
Нийслэлийн Засаг дарга бөгөөд Улаанбаатар хотын захирагч Э.Бат-Үүл Баянзүрх дүүргийн иргэд, сонгогчидтой яг одоо уулзалт хийж байна. Уулзалтад нийслэлийн ИТХ-ын 14 дүгээр тойрог буюу 23, 28, 20, 11 дүгээр хороонд АН-аас нэр дэвшигч Б.Отгонбаяр хамтран оролцлоо.
Энэ үеэр нийслэлийн Засаг дарга Баянзүрх дүүрэгт сүүлийн дөрвөн жилд хийсэн гол ажлын талаар танилцууллаа. Энэ хугацаанд тус дүүргийн гол замыг шинэчилсэн байна. Мөн өдөрт 23 мянган шоо метр ус гаргах хүчин чадал бүхий цэвэр усны байгууламж барьжээ. Түүнчлэн Амгалангийн дулаан станц ашиглалтад оруулсан. Эдгээр бүтээн байгуулалт нь гэр хорооллыг орон сууцжуулах хөрсийг бүрдүүлж өгсөн гэсэн үг. Ингэснээр иргэд ирэх дөрвөн жилд иргэд хашааны газраараа хоршин орон сууцаа барих боломжтой болжээ. Түүнчлэн Засгийн газраас гаргасан “Сайн хашаа” хөтөлбөрийн хүрээнд амины орон сууцтай болох боломжтой болсон гэдгийг хэлэв.
ТОСК жилд 1200 орчим айлын орон сууц ашиглалтад оруулж байна. Хэрвээ ТОСК-ын барьсан барилгаар Улаанбаатарыг орон сууцжуулна гэвэл 200 жил шаардлагатай. Харин иргэд өөрсдөө орон сууцаа барьвал 10-20 жил л шаардлагатай гэдгийг Нийслэлийн Засаг дарга Э.Бат-Үүл хэллээ. Баянзүрх дүүргийн иргэд ч шинэ Улаанбаатар хотыг бүтээлцэхэд нэгдэнэ гэдгээ илэрхийллээ.
НИЙСЛЭЛИЙН АРДЧИЛСАН НАМЫН СОНГУУЛИЙН ШТАБ
-
2016 оны 6 сарын 18
х
-
2016 оны 6 сарын 18
Увсаас төрсөн хоёр дахь Ерөнхий сайддаа хүндэтгэл үзүүллээ. Монголчууд бид, Ардчиллынхан бид Ж.Батмөнх гуайд талархаж явах учиртай юм аа.
-
2016 оны 6 сарын 18
Б.Энхболд: Дотуур байрны тоог хоёр дахин нэмэгдүүлнэ
-
2016 оны 6 сарын 18
Төр, төрийн албан хаагчдаа дэмжинэ
-
2016 оны 6 сарын 18
УИХ-ын дарга, Ардчилсан намын дарга З.Энхболд Ховд аймагт ажиллав
-
2016 оны 6 сарын 18
Б.Цэрэн: Э.Бат-Үүл ээ, хүүгийнхээ оффшортой холбоотой асуудалд зоригтой хариулт өгөөч
-
2016 оны 6 сарын 18
НИЙСЛЭЛИЙН МАН-ЫН ХОРООНЫ МЭДЭГДЭЛ
-
2016 оны 6 сарын 18
А.Сүхбат, Т.Энхсайхан нарын хайрын романс
-
2016 оны 6 сарын 18
Үүнтэй холбоотойгоор ИЗНН-ын дарга С.Оюун сөрөг сурталчилгаа хийж буй намынхаа залуучуудын өмнөөс уучлал гуйж, сонгуульд шударга өрсөлдөхийг уриалсан юм.
Тэрээр “Нийслэлийн ИЗНН-ын удирдлага гэх залуучууд хотын дарга Э.Бат-Үүл болон түүний баг руу дайрсан сөрөг мэдээлэл цацаж байгаад харамсаж байна. Бас эсэргүүцэж байна. Сонгуульд бодлогоороо, хийсэн ажлаараа өрсөлддөг болохоос биш явцуу сонирхолд хөтлөгдсөн сөрөг сурталчилгаагаар явж болохгүй ээ залуучуудаа. Тэдгээр залуучуудын өмнөөс уучлал гуйж байна. Хэдийгээр би ИЗНН-ын дарга ч гэсэн Э.Бат-Үүл дарга болон түүний баг өнгөрсөн дөрвөн жилд урд өмнө нь байгаагүйгээр хотыг сэтгэл гарган удирдаж, маш амжилттай ажилласан гэж дүгнэдэг. Тиймээс улс төрчийн хувьд нийслэлийн Засаг дарга болон түүний багийг дэмжиж байгаа.
-
2016 оны 6 сарын 18
Хар машины баталгаажуулалт энэ сарын 20-нд дуусна
-
2016 оны 6 сарын 18
18-39 насны залуус Японы өндөр технологийн салбарын зах зээл дээр хөдөлмөр эрхлэн эргээд их орондоо мэргэжилтэй боловсон хүчин болон ирж хамтдаа хөгжих сайхан боломж бүрдэж байна
-
2016 оны 6 сарын 17
УИХ-ын дарга, Ардчилсан намын дарга З.Энхболд, Засгийн газрын гишүүн, Эрүүл мэнд, спортын сайд С.Ламбаа, Монгол Улсын Хөдөлмөрийн баатар, Гавьяат тамирчин Асашёрюү Дагвадорж нар өнөөдөр /2016.06.17/ Өвөрхангай, Баянхонгор аймагт ажилласны дараа Говь-Алтай аймагт хүрэлцэн ирж, тус аймгийн иргэд сонгогчидтой уулзалт хийлээ.
Уулзалтын эхэнд УИХ-ын дарга хэлэхдээ, УИХ-ын сонгуулийн 11 дүгээр тойрогт Аймгийн Засаг дарга О.Амгаланбаатарыг нэр дэвшүүллээ. Ардчилсан нам даргын цүнх барьж гүйж байгаад албан тушаал авахыг зорьдог хүмүүсийг бус харин аймаг, орон нутагтаа ажиллаж, хийж бүтээж байгаа боловсон хүчнээ дэвшүүлж байна. О.Амгаланбаатар аймгийн Засаг дарга болсны дараа ямар өөрчлөлт гарсныг та бүхэн мэдэж байгаа. Тэрээр хамгийн түрүүнд иргэдийн эрүүл амьдралын үндэс болсон гол асуудлыг шийдсэн. Өөрөөр хэлбэл Алтай хотын иргэдийг ундны цэвэр усаар хангаж чадсан. Иймээс Говь-Алтай аймгийн иргэдийн өвчлөл буурч байна. Бид мөн Говь-Алтай аймгаа мэддэг, нутаг усандаа амьдардаг, амьдрал мэддэг хүнийг дэвшүүлсэн нь О.Амгаланбаатар мөн. Тэрээр маш шударга, хэлье гэснээ хэлж чаддаг хүн учраас Ардчилсан нам УИХ-д ийм хүн шударга залуус орж ирэх ёстой гэж үзэн УИХ-ын сонгуульд нэр дэвшүүллээ гэв.
Үргэлжлүүлээд, 2012-2016 онд хийж, хэрэгжүүлсэн болон ирэх 4 жилд хийж бүтээх Ардчилсан намын мөрийн хөтөлбөрөө танилцуулав. Ардчилсан намын 2016 оны сонгуулийн мөрийн хөтөлбөр нь өнгөрсөн 4 жилд дэвшүүлж, хэрэгжүүлж ирсэн “Монгол Хүн-2020” мөрийн хөтөлбөрийн шууд үргэлжлэл юм. Өнгөрсөн хугацаанд Ардчилсан намын хийж, хэрэгжүүлсэн ажлын хувьд, эдийн засгийн бүтцийн шинэчлэл хийх шаардлага тулгарсан тул уул уурхай гэх ганц тулгууртай эдийн засгаа олон тулгууртай болгох эхлэлийг зоригтой тавьсан. Мөнгөний бодлогын шинэчлэл хийж, 8 болон 5 хувийн ипотекийн зээл, 10 хувийн малчны зээл, Сайн хашаа 5 хувийн зээл гэх мэт хөтөлбөрийг тус тус хэрэгжүүлж эхэллээ. Амаргүй дөрвөн жилд амжуулсан 10 ажлын хувьд, 1680 үйлдвэрийн төслийг дэмжиж үйлдвэржилтийг эрчимжүүллээ. 1680 үйлдвэрийн төслийг санхүүжүүлэхэд эдийн засаг хүндрэлтэй байсан юм бол хаанаас зээл өгөөд байна гэсэн асуулт гарна. Энэхүү хөрөнгийг Монгол Улсын Засгийн газар Чингис бондоос 419.7 тэрбум төгрөгийн зээл олгосон юм гэв. Мөн 82 мянган өрх орон сууцанд орж, 3405 км авто зам тавигдсан. 573 мянган хүн ажилласан жилээ нэмэгдүүлснээс гадна, сайн оюутан хөтөлбөр, эрчим хүчийг нэмэгдүүлсэн, орон нутаг эрх мэдлийг олгосон зэрэг ажлуудын талаар дэлгэрэнгүй мэдээлэл өгөв.
1921-1996 оны хооронд нийт 100 мянган өрх орон сууцанд орж байсан бол өнөөдөр нэг жилд 25 мянган өрх шинээр орон сууцанд орж байна. Ипотекийн зээл нь зөвхөн шинээр байранд орж буй иргэдийн асуудал огт биш. Араасаа асар олон чиргүүлийг дагуулж явдаг вагоны зүтгүүртэй адил гэлээ. Гэтэл иргэдийг ямар ч хүндрэлгүйгээр байртай болгох энэ бодлогыг МАН “Нүгэл” гэж хэлж байсан. Дэлхий нийт тэр чигээрээ ипотекийн зээлээр иргэдээ орон сууцжуулдаг. Гэтэл МАН л ипотекийн зээлийг нүгэл гэж үзээд дэмжихгүй байгаа юм хэмээн графикаар статистик харуулав. Мөн Ардчилсан нам ирэх 4 жилд дахин 100 мянган өрхийг шинэ орон сууцтай болгоно гэлээ.
Улаанаар тэмдэглэсэн нь МАН-ын үед баригдсан орон сууцны хэмжээ, цэнхэр нь Ардчилсан намын үед баригдсан орон сууцны хэмжээг графикаар харуулав.Мөн Ардчилсан намын хийж, хэрэгжүүлсэн бүтээн байгуулалтын ажлууд, дэд бүтэц, зам тээвэр, төрөөс орон сууцжуулах хөтөлбөр, цахилгаан эрчим хүч, өндөр настнуудын тэтгэвэр тэтгэмж болон бусад асуудлаар статистик дүн судалгаа бүхий танилцуулга хийв. Түүнчлэн орон нутагт ажиллаж буй учраас “Орон нутгийн хөгжлийн сан”-ийн талаар мэдээлэл өгөв. Тэрээр хэлэхдээ, “Орон нутгийн хөгжлийн сан”-г байгуулснаар, УИХ-ын гишүүдийн тойрогт мөнгө олгодог байсныг болиулсан . Ингэснээр тухайн аймаг, нийслэл, орон нутгийн иргэдийн оролцоотойгоор иргэн бүр амьдарч буй орчноо хөгжүүлэхэд хамтдаа шийдвэр гаргах эрхзүйн орчин бүрдсэн, та бүхэн амьдран суугаа орон нутгийн төсвөө юунд зарцуулахаа шийдэх эрх нь танд олгогдсон хэмээн онцлов.
Эдгээрээс авто замын асуудлыг онцлов. 1921-2012 оны хооронд 91 жилд 2,964 км зам барьж байсан бол Ардчилсан нам Засгийн эрх авснаас хойш 2013-2015 он хүртэлх 3 жилд 2,720 км зам барьсан 2016 онд 1,284.05 км зам барихаар төлөвлөгдсөн. Өнгөрсөн хугацаанд барьж буй эдгээр замаар иргэн бүр зорчиж байгаа. Гэтэл МАН Ардчилсан намыг бондоос санхүүжүүлэн, зам тавьсан нь буруу гээд байгаа. МАН-ынхан 91 жилийн хугацаанд барьж байсан замын тэр удаашралтай хурдаараа зам тавихгүйгээр байх бодолтой явдаг. Статистикаас харахад, МАН нэг жилд 32,5 км зам тавьсан харин Ардчилсан нам нэг жилд 1000 км зам тавьсан. Үүнийг хөгжил гэдэг. Бид хөгжлийг хурдасгасан. Үүнийг МАН-ынханы шүүмжлээд байгаа Чингис бондын зээлээр барьсан, үүний үр дүнд маш олон замын компаниуд ажилтай, монгол иргэд орлоготой байсан. Энэ замаар иргэн бүр зорчиж байгаа гэв.. Бид үргэлжлүүлэн замаа барина, мөн бондын зээлээ графикийн дагуу эргүүлэн төлөх бүрэн боломж Засгийн газарт бий байгаа хэмээн онцлов.
Мөн Ардчилсан намаас ирэх дөрвөн жил хийх ажлаа танилцуулав. Ирэх 4 жилийн хугацаанд Ардчилсан нам сайн малчин, сайн хашаа, сайн оюутан хөтөлбөрийг үргэлжлүүлж, сайн бизнес, сайн экспорт хөтөлбөрийг эхлүүлэн ажиллана гэв. Хөдөө аж ахуйн салбарыг хөгжүүлэх цогц бодлого бизнесийн моргэйжийн эрх зүйн орчинг бүрдүүлнэ. Мөн үндэсний үйлдвэрлэлийг дэмжиж, экспортыг тал бүрээр өсгөхийн зэрэгцээ боловсролын зээлийн тогтолцоог бий болгож өргөн хүрээнд хэрэгжүүлэхээ танилцуулав. Гэр хорооллыг дэд бүтэцжүүлэх хөтөлбөрийг үргэлжлүүлэн хийх нь Ардчилсан намын мөрийн хөтөлбөрт туссан байна. Мөн монгол хүний бүтээмжийг өсгөж, орлогыг хоёр дахин нэмэгдүүлэхээр “Монгол хүн-2020” хөтөлбөрт тусгажээ. Ажилтай орлоготой монгол хүн, эрдэм боловсролтой монгол хүн, эрх чөлөөтэй, эрүүл чийрэг, аюулгүй орчинтой монгол хүн гэх мэт 2012 оны Ардчилсан намын сонгуулийн мөрийн хөтөлбөр цаашид ч үргэлжилнэ. Мөн 2016-2020 онд экспортын баримжаатай аж үйлдвэрийн хөгжил, ХАА-н салбарыг эрчимтэй хөгжлийг дэмжиж, Монгол хүний бүтээмжийг өсгөхийн зэрэгцээ орлогыг хоёр дахин нэмэгдүүлнэ хэмээн Дундговь аймгийн иргэдэд танилцуулав.
Хөдөлмөр эрхлэлтийн хувьд, МСҮТ-д суралцаж байгаа Монгол оюутнуудыг өндөр хөгжилтэй улс орнуудад дадлагажуулж, мэдлэг ур чадварыг нь сайжруулан, нийт 100 мянган дадлагажигчийг хамруулах эрхзүйн орчинг бүрдүүлэхээр ажиллах болохоо УИХ-ын дарга, Ардчилсан намын дарга З.Энхболд танилцуулав.
З.Энхболд: Ардчилсан нам Монгол Улсын нутаг дэвсгэрт цөмийн
хог хаягдал булахгүй байх хуулийг батална
Танилцуулгынхаа үеэр УИХ-ын дарга, Ардчилсан намын дарга З.Энхболд мөн иргэдийн дунд асуулт үүсгээд буй цөмийн хаягдал булна, булахгүй гэдэг дээр Ардчилсан нам цэг тавьсан, Монгол Улсын нутаг дэвсгэрт хэзээ ч цөмийн хаягдал булахгүй гэлээ. Яг энэ асуудлыг цэгцэлж Монгол Улсын нутаг дэвсгэрт цөмийн хог хаягдал булахгүй байя гэдэг агуулгатай хуулийн төслийг энэ парламентын хугацаанд хэлэлцэх ёстой байсан боловч МАН-ынхан хуралдаа сууж, ирцээ бүрдүүлээгүйн улмаас төслийг хэлэлцэж амжаагүй. Ардчилсан нам энэ сонгуульд олонх болвол шууд маргааш нь тус хуулийг батална хэмээн мэдэгдлээ.
Мөн хүнс, хөдөө, аж ахуйн бодлогын хувьд хүнсний ногоогоо дотоодоос 100 хувь хангана, үүнийг даган ажлын байр шинээр нэмэгдэнэ гэв. Малын буянг малчинд нь үлдээхийн тулд “Сайн малчин” хөтөлбөрийг хэрэгжүүлж эхэлсэн. Мах махан бүтээгдэхүүний экспортыг жилд 1 тэрбум ам долларт хүргэх зорилттой байгаан зэрэгцээ 21 аймагт махны үйлдвэр байгуулахаар төлөвлөсөн гэлээ.
Мөн Монгол Улсын Засгийн газрын гишүүн, Эрүүл мэнд, спортын сайд С.Ламбаа Говь-Алтай аймгийн иргэд, сонгогчдод хандан үг хэллээ. Тэрээр хэлэхдээ, Говь-Алтай аймгаас УИХ-д нэр дэвшиж байгаа О.Амгаланбаатар маш тэмүүлэлтэй зорьсон, төлөвлөсөн зорилготой хүн гэж үнэлдэг. Асуудалд шийдвэртэй ханддаг хүн парламентад хэрэгтэй. О.Амгаланбаатарыг би Говь-Алтайчуудын төлөө ажиллах тийм эрч хүчтэй, шийдэмгий залуу гэж дүгнэж байгаа. Ардчилсан намаас нэр дэвшигч О.Амгаланбаатар Алтайчуудыг ундны цэвэр усаар хангахаас өмнө энэ аймагт халдварт шар өвчин болон дотрын өвчлөл маш их хэмжээгээр гардаг байлаа. Та бүхэн статистикаа харж болно. Алтайчууд “Эрүүл ус” хэрэглэж эхэлснээс хойш энэ өвчлөлийн тоо эрс буурсан. Энэ их ажлыг барьж авч, гардан хэрэгжүүлнэ гэдэг бол хэн бүхэн хийж чадахгүй ажил шүү. Амгаланбаатараар бахархах хэрэгтэй. Түүнийг Засаг даргаар сонгогдсоноос хойш ямар их ажлууд хийгдсэн нь түүнийг сонгосон Говь-Алтайчуудын зөв сонголт байсан хэмээн Эрүүл мэнд, спортын сайд С.Ламбаа онцлов.
Түүний дараа Монгол Улсын Хөдөлмөрийн баатар, Гавьяат тамирчин, Асашёрюү Дагвадорж үг хэллээ. Өнгөрсөн хугацаанд би Говь-Алтай аймгийн талаар ийм бодол тээж ирснээ нуухгүй ээ. Энэ сайхан нутгаас сонгогдож байсан УИХ-ын гишүүд яагаад нутаг орноо хөгжүүлдэггүй юм бэ гэж боддог, харамсдаг байсан. Халуун ус байхгүй, хот хөдөөнөөс иргэд ирье гэхээр зочид буудал ч байхгүй тийм л байсан. Гэтэл О.Амгаланбаатар Засаг дарга болсноос хойш үнэхээр аймгийнхаа өнгийг зассан. Тэрээр 4 жилд нутаг орондоо байсан, та бүхний төлөө ажилласан, нутгийнхаа төлөө сэтгэлтэй хүн. Харин гэнэт хотоос ирсэн, эндэх амьдарлыг мэдэхгүй хүн Алтайн төлөө ажиллаж чадахгүй. Би ийм эрч хүчтэй, эрс шийдэмгий энэ залууг харахаар сэтгэл омогшиж байна. Тэрээр буух эзэнтэй буцах хаягтай, энд ажил хөдөлмөр эрхэлж ирсэн, эр хүн шиг эр хүн хэмээн Монгол Улсын Хөдөлмөрийн баатар, Гавьяат тамирчин, Асашёрюү Дагвадорж онцоллоо.
-
2016 оны 6 сарын 17
Ардчилсан намыг засгийн эрх барих үед шүүхийн шинэтгэлийн давалгаа эхэлсэн гэж хэлж болно. Шүүхийн багц хууль батлагдаж, арав гаруй жил гар хүрээгүй Эрүүгийн хуулийг шинэчилсэн. Шүүхийн шинэтгэл иргэн рүүгээ хандсан хүнлэг, энэрэнгүй болсноороо онцлог юм. Тухайлбал, Эрүүгийн хуулийг шинэчлэн баталснаар хорих ял биечлэн эдлэх нь багасаж, гэмт хэрэг үйлдсэн этгээдэд хорих ял оногдуулахгүйгээр бусад эрх чөлөөг хязгаарлах, нийтэд тустай ажил хийлгэх ял болон хянан харгалзах, өсвөр насны хүнд хүлээлгэх албадлагын арга хэмжээнүүдийг хэрэгжүүлэх эрх зүйн орчин бүрдсэн билээ. Мөн Өршөөлийн хуульд 100 гаруй мянган иргэнээ хамрууллаа.
-
2016 оны 6 сарын 17
УИХ-ын сонгуулийн 74-р тойрогт Ардчилсан намаас нэр дэвшигч Б.Ургамалцэцэгийн ард иргэдтэй хийх уулзалтын үеэр хамгийн их хөндөгдөж байгаа сэдэв бол “Сайн хашаа” хөтөлбөр.
Хөтөлбөр ямар боломжуудыг гэр хорооллын иргэдэд олгохов, яаж дэмжлэг авч болохов гэх мэт иргэдийн асуултад нэр дэвшигч Б.Ургамалцэцэг хариулт өгч байна.
Ардчилал, зах зээлийн шилжилтээр малыг малчдад нь, орон сууцыг оршин суугчдад нь үнэгүй хувьчилсан. Иргэн бүрээ өмчтэй болгох энэ шилжилтээр нийгмийн нэг том бүлэг орхигдсон нь гэр хорооллын оршин суугчид байсан юм.
Өнгөрсөн 4 жилд нийслэлийн гэр хорооллын тодорхой байршлуудыг дэд бүтэцжүүлэх, орон сууцжуулах хөтөлбөрүүд хэрэгжсэнийг манай иргэд сайн мэднэ.
Тэгвэл дараагийн давалгаа нь “Сайн хашаа” хөтөлбөр байх юм. Энэ хөтөлбөрт гэр хорооллын дахин төлөвлөлтөд багтаагүй бүсийн айл өрхүүд хамрагдана. Өөрөөр хэлбэл, хотын төвөөс алслагдсан аль ч бүсийн хашаа байшинтай айл цэвэр бохирын систем, халуун ус, боловсон бие засах газартай болох боломж бүрдүүлнэ.
Одоогийн байдлаар Улаанбаатар хотод 107 мянган өрх хашаа байшинд амьдарч байна. Үүний 70 мянга нь гэр хорооллын дахин төлөвлөлтөөр орон сууцжуулах бүсэд хамрагдаагүй айл өрхүүд байна. Эдгээр 70 мянган айлын хашаа байшинг хувийн хаус болгох хөтөлбөрт Засгийн газар 200 тэрбум төгрөгийн санхүүжилт гаргах юм.
Энэ төсвөөс гэр хорооллын айл өрхүүдэд дэд бүтцээ шийдэхэд нь зориулж зээл олгоно. Зээл бага хүүтэй, 5 жилийн хугацаатай, 10 сая хүртэлх төгрөг байхаар шийдвэрлэсэн. Зээлийн эргэн төлөлтөд сард 100 мянган төгрөгөөс доош буюу хоёр оронтой тоонд багтсан төлбөр төлөх зохицуулалтыг холбогдох яамд хийж байна.
Өнгөрсөн зуунд “Соёлын хувьсгал”-аар монголчууд соёлжиж хотожсон бол энэ зуунд хашаа байшингаа хувийн хаус болгох “Сайн хашаа” хөдөлгөөн өрнөх нь ээ гэж иргэд ам сайтай байна.
-
2016 оны 6 сарын 17
Өнгөрсөн дөрвөн жилийн хугацаанд аймаг сум, хот тосгоны ногоон байгууламжийг нэмэгдүүлэх, ”Бүх нийтээр мод тарих өдөр”-ийн хүрээнд 9.155.400 ширхэг мод тарив. Цаашид ч ногоон хөгжлийг дэмжих бодлого баримтална гэдгийг Ардчилсан намынхан хэлж байна. Байгалийн унаган төрх, биологийн олон янз байдлыг хамгаалж, ногоон хэрэм байгуулах ажлыг эрчимжүүлж экосистемийн үйлчилгээний тогтвортой байдлыг хадгална. Ойгоор бүрхэгдсэн талбайг нийт газар нутгийн 8.5 хувьд хүргэнэ. Хангайн бүс, говийн бүс тус бүрд нэг шилмэл үр, өндөр хүчин чадалтай мод үржүүлгийн аж ахуйг хувийн хэвшлийг дэмжих замаар бий болгох аж.
-
2016 оны 6 сарын 17
Хөгжлийн бэрхшээлтэй хүүхэд, иргэд бие даан чөлөөтэй явахад тохиромжтойн дээр хэрэгцээ шаардлагаа хангахад ямар нэгэн саад болохооргүй гудамж талбай, барилга байгууламжийн дэд бүтцийн орчин нэн чухал юм. Хөгжлийн бэрхшээлтэй хүүхэд, иргэд нийгмийн харилцаанд бусдын нэгэн адил эрх тэгш оролцох нөхцөл боломжийг бүрдүүлэх, сайжруулах, тэдэнд тулгарч байгаа дэд бүтцийн хүртээмжийн саад бэрхшээлийг багасгах, арилгах нь нэн тэргүүний асуудал байдаг.
Өнгөрсөн дөрвөн жилийн хугацаанд хөгжлийн бэрхшээлтэй 6737 иргэн байнгын ажлын байртай боллоо. Байнгын асаргаатай хүүхдийн тэтгэмж хоёр дахин өсөв. Хөгжлийн бэрхшээлтэй сурагчид ногдох зардлыг гурав дахин нэмэгдүүллээ. Тусгай хэрэгцээ шаардлагатай хүүхдүүдэд зориулсан сургалтын хөтөлбөр болон сурах бичгийг анх удаагаа боловсруулан ашиглаж байна. Харин ирэх дөрвөн жилд хөгжлийн бэрхшээлтэй хүмүүст зориулсан сэргээн засах, хөгжлийн цогцолбор төвүүдийг байгуулна. “Хөгжлийн бэрхшээлтэй иргэдийн хөгжлийн корпораци” бизнес инкубатор төвийг байгуулах юм байна.
-
2016 оны 6 сарын 17
Залуучуудын хөгжил 2013-2017 төслийн хүрээнд өсвөр үе, залуучуудын чөлөөт цагаа үр бүтээлтэй өнгөрөөж, хөгжих орчин нөхцлийг бүрдүүлсэн 9 хөгжлийн төвийг Баян-Өлгий, Баянхонгор, Дархан-Уул, Дорноговь, Дорнод, Завхан, Орхон, Увс, Ховд аймгуудад байгууллаа. Орон нутагт залуучуудын хөгжлийн төвтэй болсоноор өсвөр үеийн хүүхэд, залуучуудад нөхөн үржихүйн эрүүл мэндийн боловсрол олгох, тэдний бие бялдар, оюун ухааны хөгжилд эерэг хандлагыг төлөвшүүлэх ач холбогдолтой юм. Мөн хүүхэд залуучууд чөлөөт цагаа зөв боловсон өнгөрүүлэх, тэдэнд интернет номын санд сууж, хүссэн номоо унших, цахим ертөнцөөр чөлөөтэй аялах, хичээл даалгавраа хийх, урлаг уран сайхны төрөл бүрийн арга хэмжээ зохион байгуулах сургалтын танхимуудаар хүссэн цагтаа үйлчлүүлэх боломжийг бүрдүүлж юм. Цаашид Ардчилсан нам залуучуудын эрхийн тухай шинэ хуулийг боловсруулан баталж, “Монгол залуу хүн” үндэсний хөтөлбөр хэрэгжүүлнэ. Шинэ бизнес эхлэл (старт-ап), залуучуудын бизнес санаачилгыг дэмжих юм байна.
