-
2016 оны 2 сарын 16
Засгийн газрын өчигдрийн хуралдаанаар Монгол улсын 2016 оны Төсвийн тухай хууль батлагдсантай холбогдуулан Улсын бүртгэлийн Ерөнхий газар, Статистикийн газрыг нэгтгэн Бүртгэл, Статистикийн газар болгон өөрчлөн зохион байгуулсан. Үүнтэй холбогдуулан Засгийн газрын тухай хууль болон холбогдох бусад хуулинд нэмэлт, өөрчлөлт оруулах хуулийн төслийг хэлэлцэн дэмжээд УИХ-д өргөн мэдүүлэхээр болсон байна. Уг хуулийн төсөлд Тахарын болон Статистикийн газрыг Хууль зүйн сайдын эрхлэх асуудлын хүрээнд нэмж тусгахаар оруулсан байна.
-
2016 оны 2 сарын 16
АТГ-руу
-
2016 оны 2 сарын 16
Засгийн газрын өчигдөрийн хуралдаанаар зарим томилгоог хийсэн байна. Гаалийн Ерөнхий газрын даргыг жинхэлсэн байна. Үүнээс гадна Мал, эмнэлгийн үржлийн газрын дарга Галбадрахыг үүрэгт ажлаас нь чөлөөлжээ.
-
2016 оны 2 сарын 16
02 дугаар сарын 18-ны Пүрэв гарагт 09.00 цагаас:
Улсын Их Хурлын ээлжит бус чуулганы нээлт;
Үндсэн хуулийн цэцийн гишүүнийг эгүүлэн татах талаарх Улсын дээд шүүхийн санал үргэлжилнэ.
НЭГ.БАЙНГЫН ХОРООНЫ ХУРАЛДААН:
02 дугаар сарын 18-ны Пүрэв гарагт:
1.Хууль зүйн байнгын хорооны хуралдаан 14.00 цагаас “Их Эзэн Чингис хаан танхим”-д:
Хэлэлцэх асуудал:
Эрүүгийн хэрэг шалган шийдвэрлэх тухай /шинэчилсэн найруулга/ болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/;
Хууль сахиулах тухай болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/;
Шүүхийн шийдвэр гүйцэтгэх тухай /шинэчилсэн найруулга/ болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/;
Үндсэн хуулийн цэцэд маргаан хянан шийдвэрлэх ажиллагааны тухай хуульд өөрчлөлт оруулах тухай хуулийн төсөл /Улсын Их Хурлын гишүүн Ш.Түвдэндорж 2016.02.08-ны өдөр өргөн мэдүүлсэн, хэлэлцэх эсэх/;
Эрүүгийн хуульд нэмэлт оруулах тухай хуулийн төсөл /Улсын Их Хурлын гишүүн Ш.Түвдэндорж 2016.02.08-ны өдөр өргөн мэдүүлсэн, хэлэлцэх эсэх/;
Монгол Улсын иргэний харьяаллын тухай /шинэчилсэн найруулга/ болон холбогдох бусад хуулийн төслүүд /Монгол Улсын Ерөнхийлөгч 2016.02.08-ны өдөр өргөн мэдүүлсэн, хэлэлцэх эсэх/.
2.Төсвийн байнгын хорооны хуралдаан 14.00 цагаас “Жанжин Д.Сүхбаатар танхим”-д:
Хэлэлцэх асуудал:
Татварын ерөнхий хууль /шинэчилсэн найруулга/-ийн төсөл /Засгийн газар 2016.02.05-ны өдөр өргөн мэдүүлсэн, хэлэлцэх эсэх/;
Аж ахуйн нэгжийн орлогын албан татварын тухай /шинэчилсэн найруулга/ хуулийн төсөл /Засгийн газар 2016.02.05-ны өдөр өргөн мэдүүлсэн, хэлэлцэх эсэх/;
Хувь хүний орлогын албан татварын тухай /шинэчилсэн найруулга/ хуулийн төсөл /Засгийн газар 2016.02.05-ны өдөр өргөн мэдүүлсэн, хэлэлцэх эсэх/;
Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай хуулийн төслүүд /Засгийн газар 2016.02.05-ны өдөр өргөн мэдүүлсэн, цахилгаан эрчим хүчийг татвараас чөлөөлөх тухай, хэлэлцэх эсэх/.
3.Аюулгүй байдал, гадаад бодлогын байнгын хорооны хуралдаан 14.00 цагаас “В” танхимд:
Хэлэлцэх асуудал:
“Санхүүгийн хамтын ажиллагааны Ерөнхий хөтөлбөрийн тухай” Монгол Улсын засгийн газар, Унгар Улсын засгийн газар хоорондын хэлэлцээрийг соёрхон батлах тухай хуулийн төсөл /Засгийн газар 2016.02.08-ны өдөр өргөн мэдүүлсэн, соёрхон батлах/;
Монгол Улсын Засгийн газар Азийн хөгжлийн банк хооронд байгуулах “Зээлийн батлан даалтын системийг дэмжих замаар эдийн засгийг төрөлжүүлэх ажлын байр бий болгох” төсөл, “Ургамал, малын эрүүл ахуй, хүнсний аюулгүй байдлыг хангах арга хэрэгслийг шинэчлэн сайжруулах” төсөл соёрхон батлах тухай хуулийн төслүүд /Засгийн газар 2016.02.12-ны өдөр өргөн мэдүүлсэн, соёрхон батлах/;
Монгол Улс байнга төвийг сахих тухай /Монгол Улсын Ерөнхийлөгч 2015.10.20-ны өдөр өргөн мэдүүлсэн, хэлэлцэх эсэх үргэлжилнэ/.
ХОЁР.ЧУУЛГАНЫ НЭГДСЭН ХУРАЛДААН:
02 дугаар сарын 19-ний Баасан гарагт 09.00 цагаас:
Эрүүгийн хэрэг шалган шийдвэрлэх тухай /шинэчилсэн найруулга/ болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/;
Хууль сахиулах тухай болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/;
Шүүхийн шийдвэр гүйцэтгэх тухай /шинэчилсэн найруулга/ болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/;
Үндсэн хуулийн цэцэд маргаан хянан шийдвэрлэх ажиллагааны тухай хуульд өөрчлөлт оруулах тухай хуулийн төсөл /Улсын Их Хурлын гишүүн Ш.Түвдэндорж 2016.02.08-ны өдөр өргөн мэдүүлсэн, хэлэлцэх эсэх/;
Эрүүгийн хуульд нэмэлт оруулах тухай хуулийн төсөл /Улсын Их Хурлын гишүүн Ш.Түвдэндорж 2016.02.08-ны өдөр өргөн мэдүүлсэн, хэлэлцэх эсэх/;
Монгол Улсын иргэний харьяаллын тухай /шинэчилсэн найруулга/ болон холбогдох бусад хуулийн төслүүд /Монгол Улсын Ерөнхийлөгч 2016.02.08-ны өдөр өргөн мэдүүлсэн, хэлэлцэх эсэх/;
Татварын ерөнхий хууль /шинэчилсэн найруулга/-ийн төсөл /Засгийн газар 2016.02.05-ны өдөр өргөн мэдүүлсэн, хэлэлцэх эсэх/;
Аж ахуйн нэгжийн орлогын албан татварын тухай /шинэчилсэн найруулга/ хуулийн төсөл /Засгийн газар 2016.02.05-ны өдөр өргөн мэдүүлсэн, хэлэлцэх эсэх/;
Хувь хүний орлогын албан татварын тухай /шинэчилсэн найруулга/ хуулийн төсөл /Засгийн газар 2016.02.05-ны өдөр өргөн мэдүүлсэн, хэлэлцэх эсэх/;
Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай хуулийн төслүүд /Засгийн газар 2016.02.05-ны өдөр өргөн мэдүүлсэн, цахилгаан эрчим хүчийг татвараас чөлөөлөх тухай, хэлэлцэх эсэх/;“Санхүүгийн хамтын ажиллагааны Ерөнхий хөтөлбөрийн тухай” Монгол Улсын засгийн газар, Унгар Улсын засгийн газар хоорондын хэлэлцээрийг соёрхон батлах тухай хуулийн төсөл /Засгийн газар 2016.02.08-ны өдөр өргөн мэдүүлсэн, соёрхон батлах/;
Монгол Улсын Засгийн газар Азийн хөгжлийн банк хооронд байгуулах “Зээлийн батлан даалтын системийг дэмжих замаар эдийн засгийг төрөлжүүлэх ажлын байр бий болгох” төсөл, “Ургамал, малын эрүүл ахуй, хүнсний аюулгүй байдлыг хангах арга хэрэгслийг шинэчлэн сайжруулах” төсөл соёрхон батлах тухай хуулийн төслүүд /Засгийн газар 2016.02.12-ны өдөр өргөн мэдүүлсэн, соёрхон батлах/;
Монгол Улс байнга төвийг сахих тухай /Монгол Улсын Ерөнхийлөгч 2015.10.20-ны өдөр өргөн мэдүүлсэн, хэлэлцэх эсэх/.
-
2016 оны 2 сарын 16
УИХ-ын ээлжит бус чуулганыг пүрэв гариг буюу энэ сарын 18-нд нээхээр УИХ-ын даргын зөвлөлөөс шийдвэрлэжээ.
-
2016 оны 2 сарын 16
УИХ дахь Ардчилсан намын бүлэг өнөөдөр үдээс хойш Төрийн ордонд хаалттай хуралдав.
Бүлгийн хуралдаанаар үүсээд байгаа нөхцөл байдлын талаар хэлэлцэж, байр сууриа нэгтгэжээ.
Өнгөрсөн долоо хоногийн баасан гаригт УИХ-ын даргын дэргэдэх зөвлөл хуралдаж, ээлжит бус чуулганыг зарлан хуралдуулах нь зөв хэмээн үзэж, чуулганыг хоёрдугаар сарын 15-26-нийг хооронд хуралдуулахаар шийдвэрлэсэн. Тиймээс ээлжит бус чуулган өнөөдөр нээлтээ хийх байсан ч нэг өдрөөр хойшлоод байна.
Эх сурвалжийн мэдээлж буйгаар, тус хуралдаанаар ”Ээлжит бус чуулганыг хуралдуулах нь зүйтэй” хэмээн үзсэн аж.
-
2016 оны 2 сарын 16
Хэдийгээр тэрбээр өөрийгөө фракц байгуулаагүй зөвхөн санаачилга гаргасан гэж өнөөдрийг хүртэл ярьж ирсэн ч түүнийг АН дотор шинээр бүлэг байгуулсан гэдгийг эх сурвалж хэлж байгаа. Түүгээр зогсохгүй түүний байгуулсан шинэ фракц одооноос хүчээ авч, үйл ажиллагаагаа идэвхтэй явуулж эхэлж байгаа гэнэ. Хэвлэл, мэдээллийн хэрэгсэлд түүнийг “Чандмань” нэртэй фракц байгуулсан хэмээн бичиж байсан. Тус фракцийн нэр эцсийн байдлаар тодорхой болж олон нийтэд тараагүй ч ихээхэн нууцаар үйл ажиллагаагаа явуулж байгаа сурагтай. Тэд сонгуулийн үеэр улам идэвхжиж ажиллахаар бэлтгэж явна.
-
2016 оны 2 сарын 16
Засгийн газрын ээлжит хуралдаан өчигдөр 16 цагт болсон.
Хуралдаанаар Монгол, Болгарын Засгийн газар хоорондын протокол батлах тухай, Барааны гарал үүслийн дүрэм батлах тухай, 2016 онд цэргийн албыг дүйцүүлэн хаах иргэдийн тооны дээд хязгаар, мөнгөн төлбөрийн хэмжээ тогтоох тухай зэрэг асуудлыг хэлэлцсэн байна. Мөн Монгол Улсын Ерөнхийлөгчийн Давосын чуулга уулзалтад оролцсон дүнгийн тухай танилцуулгыг Гадаад хэргийн сайд Л.Пүрэвсүрэн хийжээ.
Тус хуралдаанаас гарсан шийдвэрийн талаар Засгийн газрын Хэвлэл мэдээлэл, олон нийттэй харилцах албаны дарга Б.Цээпил өнөөдөр албан ёсны мэдээлэл хийх юм.
-
2016 оны 2 сарын 16
УИХ-ын нэгдсэн чуулган хуралдана
-
2016 оны 2 сарын 15
Засгийн газрын хуралдаан одоо болж байна. Хуралдаанаар нийт долоон асуудал хэлэлцэхээр төлөвлөсөн юм.
-
2016 оны 2 сарын 15
УИХ дахь Ардчилсан намын бүлэг УИХ-ын дарга З.Энхболдын өрөөнд хаалттайгаар хуралдаж байна. Бүлгийн хуралдаанаар үүсээд байгаа нөхцөл байдлын талаар хэлэлцэж буй бололтой.
Өнгөрсөн долоо хоногийн баасан гаригт УИХ-ын даргын дэргэдэх зөвлөл хуралдаж, ээлжит бус чуулганыг зарлан хуралдуулах нь зөв гэж үзсэн. Энэ дагуу УИХ-ын дарга захирамж гарган ээлжит бус чуулганыг хоёрдугаар сарын 15-26-нийг хүртэл хуралдуулахаар шийдвэрлэсэн билээ. Тиймээс ээлжит бус чуулганы нээлт өнөөдөр 09.00 цагт эхлэх ёстой байсан ч ирц бүрдэхгүйгээс хойшилсоор буй. Тэгвэл ямар гарц байгааг УИХ дахь олонхын бүлэг хайж буй нь энэ бололтой.
-
2016 оны 2 сарын 15
Тэрээр Үндсэн хуулийн Цэцтэй холбоотой улс төржилтийг зогсоож, хуулиа барьж ажиллацгаая, асуудалд нухацтай хандъя, ээлжит бус чуулган зарлаж яаран шийдэх асуудал биш хэмээн үзэж байгаагаа илэрхийллээ.
Мөн ойрын хугацаанд гурван хуулийг санаачилж өргөн барихаар төлөвлөөд байгаа юм байна. Эдгээр хуулийн гол утга санаа нь, ашигт малтмалын нөөц ашигласны төлбөрийг бүрэн авдаг болох, хайгуулын нэгж талбайд хийгдэх хайгуулын ажлын зардлын доод хэмжээ хэт доогуур байгааг нэмэх, гадаадын иргэдийг ажиллуулсан ажлын байрны нөхөн төлбөрт туслан гүйцэтгэгчийг хамруулах, ашигт малтмалын тусгай зөвшөөрөл олгоход орон нутгийн иргэдийн саналыг авдаг болох, тусгай зөвшөөрлийг хууль зөрчиж олгосон бол хүчингүй болгуулах, ашигт малтмалын ордын төрийн эзэмшлийн хувь, хэмжээг ашигт малтмалын нөөц ашигласны талбараар орлуулдаг байдлыг зогсоох, газрын кадастрын бүртгэлийг боловсронгуй болгож, солбицлын давхардал хийдлээс үүсдэг хүнд суртал зөрчлийг арилгах зорилготой хуулийн төслүүдийг санаачлан өргөн барихаар бэлдэж байгаа юм байна.
-
2016 оны 2 сарын 15
УИХ дахь МАН-ын бүлгийн дарга С.Бямбацогт мэдээлэл хийлээ. Өнөөдөр 09.00 цагт УИХ-ын ээлжит бус чуулганыг нээх товтой байсан ч гишүүдийн ирц бүрдээгүйгээс хойшлогдсоор байгаа. Гэхдээ эрх баригч намын гишүүд ирвэл чуулганы танхимд орж ирцийг бүрдүүлэн хуралдцаанд оролцохоо мэдэгдлээ. УИХ дахь МАН-ын 26 гишүүнээс 22 нь Төрийн ордонд албан өрөөндөө ажлаа явуулж байгаа аж.
УИХ дахь МАН-ын бүлэг ээлжит бус чуулганыг хуралдуулах шаардлагагүй гэж үзжээ. Намрын чуулганаар 24 асуудал хэлэлцэхээр төлөвлөснөөс 11-ийг нь хэлэлцжээ. Намрын чуулган 4 сар 120 хоног үргэлжилдэг. Харин ээлжит бус чуулганы 10 хоногийн хугацаанд 20 гаруй хуулийн төсөл хэлэлцэхээр төлөвлөсөн нь халтуурдсан зүйл болж, улс орны хийгээд ард иргэдийн амьдралд сөргөөр нөлөөлнө гэж МАН-ын бүлэг гэсэн байр суурьтай байна. Тэрбээр мэдээлэл хийснийхээ дараа сэтгүүлчдийн сонирхсон асуултад хариулсан юм.
-Танай намын бүлэг УИХ-ын даргыг огцруулах асуудлыг тавина гэж байсан. Энэ нь төр тогтворгүй байхад нөлөөлөх юм биш үү?
-УИХ-ын дарга ёсзүйн биш хууль зөрчсөн олон удаагийн үйлдэл гаргасан. Тийм ч учраас УИХ-ын даргын асуудал яригдаж байна. ҮХЦ-ийн гишүүнийг хууль бусаар чөлөөлөх гэж байгаатай МАН-ын бүлэг эвлэрэхгүй. Ээлжит бус чуулганаар ч ҮХЦ-ийн гишүүнийг хууль бусаар огцруулах асуудал орсон. Асуудлыг олонхиороо хүч түрж шийдэж болохгүй. Хүч түрж, хууль зөрчдөг байдал газар авсан. Тийм болохоор хуулийн хүрээнд асуудлыг тавина.
-Шадар сайдаар Н.Энхбаярыг томилохтой холбогдуулан танай бүлгийн гишүүдийг эсэргүүцэж байгаа гэсэн яриа байна. Энэ талаар?
-Засгийн газрын томилгооны асуудалд МАН-ын бүлэг хөндлөнгөөс оролцох боломжгүй. Эрх баригч АН, “Шударга ёс” эвслийн бүлгийн шийдвэрлэх асуудал. Бид Засгийн газрын гишүүнээр нэрийг нь дэвшүүлсэн эрхмүүдийг дэмжээд явна. Харин ажлаа сайн хийх хэрэгтэй. Хийж чадахгүй бол хариуцлага тооцно. ЭМС-ын сайдыг томилоогүй байна. Хэрвээ Шадар сайдад МАХН-ын дарга Н.Энхбаярын нэрийг дэвшүүлбэл дэмжээд явна.
-
2016 оны 2 сарын 15
УИХ-ын ээлжит бус чуулган өглөө 09:00 цагт нээлтээ хийх хуваарьтай байсан ч одоог хүртэл эхлээгүй байна. 12.00 цагийн байдлаар 76 гишүүнээс 30 гишүүн бүртгэгдээд байна. Тодруулбал, Ардчилсан намын 26, “Шударга ёс” эвслийн хоёр, ИЗНН-ын нэг, бие даагчдаас нэг гишүүн байгаа аж. Ардчилсан намын бүлгийн гишүүдээс дөрөв нь гадаад, дотоодод томилолттой байгаа. Харин МАН-ын бүлгийнхэн эрх баригчид өөрсдөө ирцээ бүрдүүлэх ёстой хэмээн чуулганы танхимд орж ирэхгүй байгаа талаар эх сурвалж мэдээллээ. Тус бүлгийн тухайд нэгдсэн чуулган болон байнгын хороодын хуралдаануудад Ардчилсан намын бүлэг 100 хувь ирцээ бүрдүүлсний дараа танхимд орж ирэх нь гэм биш зан болсоор удаж байгаа. Уг нь УИХ-ын гишүүд аль бүлэгт хамаарч байгаагаас шалтгаалахгүйгээр ирцээ бүрдүүлж, парламентын үйл ажиллагааг хэвийн явуулах үүрэгтэй. Гэтэл ууган намынхан энэ мэт жижиг асуудлаар хууль тогтоох үйл ажиллагаанд санаатайгаар саад учруулдаг байдлаа хэзээ зогсоож, төлөвших юм бол доо
-
2016 оны 2 сарын 15
Ж.Амарсанааг огцруулах асуудлыг маргааш хэлэлцэнэ
-
2016 оны 2 сарын 15
Их санасан газар есөн шөнө хоосон
МАХН-ын лидерүүдийг ард түмний судалгаагаар нэрлэжээ. Энэхүү судалгаанд МАХН-ын дарга Н.Энхбаяр нэгдүгээрт эрэмблэгдсэн бол түүний араас УИХ-ын гишүүн О.Баасанхүү нэрлэгджээ.
Хэдийгээр О.Баасанхүүгийн үнэлгээ нилээн дээгүүрт яваа хэдий ч тэрбээр намынхаа даргын хавчлага дарамтаас болж 2016 оны сонгуульд тойрогч үгүй үлдэж магадгүй байгаа юм.
Мөн Шударга ёс эвслийн бүлгийн даргыг томилохыг О.Баасанхүүгийн зүгээс шаадраж байсан. Магадгүй өөрөө ч бүлгийн дарга болохыг хүсч байсан нь дамжиггүй. Гэвч бүлгийн даргаар Ч.Улааныг томилж, харин Төсвийн байнгын хороог Д.Тэрбишдагвад өгөхөөр шийдээд байгаа сурагтай.
Тэгэхээр энэ удаад ч Н.Энхбаяр түүнийг хоосон үлдээжээ. Шударга ёс эвслийнхний хувьд 2-3 албыг хашсан байхад О.Баасанхүү гурван удаа унаж байж арай гэж Өргөдлийн байнгын хороог авсан. Гэвч Н.Энхбаярын үгэнд орохгүй, шударга царайлж, даргаа шүүмжилсэнийхээ хариуд байнгын хороогоо бусдад булаалгаад байгаа.
О.Баасанхүү хэт туйлшрамтгай, Н.Энхбаярыг шүүмжилдэг байдлаасаа болж ийн ирэх сонгууль болтол УИХ-ын гишүүн гэдгээс өөр албан тушаал хашихгүй нь нэгэнт тодорхой болжээ.
Дашрамд хэлэхэд, О.Баасанхүү төрсөн өдрөөрөө “Шударга байна гэдэг заримдаа асар их ганцаардлыг төрүүлдэг” хэмээн жиргэжээ.
Түүний энэхүү жиргээ ч намын дарга, нөхдийнхөө талаар нэгийг хэлээд байгаа бололтой.
-
2016 оны 2 сарын 15
Ээлжит бус чуулганы хуралдааны нээлт өнөөдөр өглөөний 9.00 цагт эхлэх ёстой байсан.
-
2016 оны 2 сарын 15
УИХ-ын ээлжит бус чуулганы нэгдсэн хуралдаан өнөөдөр 09.00 цагт нээлтээ хийж, байнгын хороодын хуралдаанаар үргэлжилнэ.
-
2016 оны 2 сарын 15
Монгол Улсын Их Хуралд суудалтай нам, эвслийн бүлгүүд болон УИХ-ын ажлын хэсгийн хуралдаан өнөөдөр Төрийн ордонд болно.
-
2016 оны 2 сарын 14
Монгол Улсын Засгийн газрын энэ оны 10 дугаар хуралдаан ирэх даваа гаригт буюу 2016 оны хоёрдугаар сарын 15-ны өдрийн 16.00 цагт Засгийн газрын хуралдааны танхимд болно. Тус хуралдаанаар дараах асуудлуудыг хэлэлцэх аж.
