БАРИМТ 1
Тэрбээр 1992 оны наймдугаар сарын 06-нд төрсөн.
БАРИМТ 2
Ховд аймгийн Буянт сумын уугуул.
БАРИМТ 3
"Ховд" дэвжээ, "Алдар" спорт хороо, ЗХ-034 анги, Баатарван Транс групп, Хан Хур Холдинг ХХК-ийн бөх.
БАРИМТ 4
Биеийн өндөр 181 см.
БАРИМТ 5
Биеийн жин 125 кг.
БАРИМТ 6
2011 онд 19 насандаа Сумын заан болж байв.
БАРИМТ 7
2012 онд Сумын заан цолоо баталжээ.
БАРИМТ 8
2018 онд Ховд аймгийн баяр наадамд зургаа давж шөвгөрөн "Аймгийн харцага" цол хүртсэн.
БАРИМТ 9
2019 онд Ховд аймгийн баяр наадамд зургаа давж шөвгөрөн харцага цолоо баталж, чимэг нэмсэн.
БАРИМТ 10
2016 онд Тулгар төрийн 2225 жилийн ой, Их Монгол улс байгуулагдсаны 810 жилийн ой, Ардын хувьсгалын 95 жилийн ой, үндэсний их баяр наадмын хүчит бөхийн барилдааны нэгийн даваанд Баянхонгор аймгийн Шинэжинст сумын харьяат аймгийн арслан Маамуугийн Төмөртогоогоор давж хоёрын даваанд Хөвсгөл аймгийн Тосонцэнгэл сумын харьяат улсын харцага Цэдэвийн Содномдоржид өвдөг шороодсон.
БАРИМТ 11
Тэрбээр Аймгийн харцага цолноос шууд Улсын начин болсон ховор амжилтын эзэн.
БАРИМТ 12
2022 онд АХ-ын 100, 101 жилийн ойн баяр наадамд улсын гарьд Ө.Бат-Оршихоор дөрөв, улсын начин Ж.Ням-Эрдэнээр тав давж "Монгол улсын начин" цолыг хүртсэн.
БАРИМТ 13
Өнөө жил АХ-ын 105 жилийн ойн баяр наадамд аймгийн арслан Ш.Мөнх-Одоор дөрөв, улсын өсөх идэр начин Б.Түмэндэмбэрэлээр тав даван шөвгөрч начин цолоо батлан "Өсөх идэр" чимэг нэмсэн.
БАРИМТ 14
Ингэснээр тэр Сумын заан, Аймгийн харцага, Улсын начин цолуудаа тус бүр нэг удаа баталжээ.
БАРИМТ 15
Тэрбээр 2018 онд Таравлин хийдийн нэрэмжит сумын цолтой бөхийн барилдаанд түрүүлж байжээ.
БАРИМТ 16
Үүнээс гадна тэр сумын заануудын ээлжит барилдаанд гурван удаа тав, нэг удаа долоо давж байсан.
БАРИМТ 17
2022 онд Аймгийн харцага цолтойдоо Хэнтий аймгийн Цэнхэрмандал сумын харьяат, улсын начин Бадарчийн Батбаярын нэрэмжит барилдаанд их шөвөг шалгарсан нь түүний аймаг, цэрэгт гаргасан хамгийн том амжилт юм.
БАРИМТ 18
Улс, аймгийн цолтны барилдаанд түрүүлж, үзүүрлэж үзээгүй тэрбээр энэ оны зургаадугаар сард болсон Өмнөговь аймгийн Манлай сумын харьяат, БНМАУ-ын арслан Г.Дэмүүлийн нэрэмжит, Наадмын сорилго барилдаан зургаа даван их шөвөгт шалгарч байжээ.
БАРИМТ 19
Түүнийг бөхийн хүрээнд "Ганган Со" гэдэг.
БАРИМТ 20
Тэрбээр Буянт сумаасаа төрөн гарсан тав дахь улсын цолтон юм. Түүнээс өмнө Улсын заан П.Ванчигжав, Улсын арслан Ш.Ванчинхүү, Улсын заан Д.Мягмар, Улсын аварга О.Хангай нар төрөн гарчээ.
БАРИМТ 21
Түүнчлэн тэр Буянт сумаасаа мэндэлсэн цорын ганц Улсын начин юм.
БАРИМТ 22
Тэр бол Ховдын 18 Улсын начин цолтны нэг.
БАРИМТ 23
Тэр мөн Ховдоос Улсын начин цолоо баталж байгаа гурав дахь хүчтэн. Түүнээс өмнө Ч.Дорлиг, Ц.Лхагвасүрэн нар цолоо баталж байжээ.
БАРИМТ 24
Түүнтэй адил "Сосорбарам" нэртэй өөр хоёр улсын цолтон байдаг нь Улсын арслан Лувсанчимэдийн Сосорбарам, Улсын начин Самдангийн Сосорбарам нар юм.
