-
2016 оны 3 сарын 15
Мөн тэрбээр ГХЯ-наас зохион байгуулахаар төлөвлөж буй гурван том арга хэмжээний талаар мэдээлэл өглөө.
ГХЯ-ны дэргэдэх Олон талт хамтын ажиллагааны сангаас энэ сарын 16-17-нд “Байгалийн нөөцийг ашигтай зарцуулах нь” сэдэвт олон улсын семинар зохион байгуулахаар төлөвлөсөн байна. Уг семинарт Киргиз, Афганистан зэрэг орны Уул уурхайн сайд нар оролцох аж. Семинарын үеэр Монгол Улс уул уурхайн салбарын бодлогоо танилцуулахаас гадна эдгээр орнуудтай харилцаа, хамтын ажиллагаагаа өргөжүүлэх томоохон ач холбогдолтой болно хэмээн ГХЯ үзэж байгаа юм.
Монгол Улс Зүүн Хойд Азид тулгамдаж байгаа аюулгүй байдлын асуудлыг эв зүйгээр зохицуулах Олон улсын хамтын нийгэмлэгийн үйл ажиллагаанд хувь нэмрээ оруулах зорилгоор Ерөнхийлөгч Ц.Элбэгдорж “Улаанбаатарын яриа хэлэлцээр”-ийг санаачилсан билээ. Уг санаачилгын хүрээнд энэ сарын 17-18-нд “Зүүн Хойд Азийн Эрчим хүчний хэлхээ холбоо” олон улсын семинар болно. Семинарт БНАСУ, БНСУ, БНХАУ, Япон Улсын судлаачид оролцох юм.
Түүнчлэн энэ сарын 21-22-нд “Ази дахь ардчилсан шилжилт” олон улсын семинар зохион байгуулах юм байна. Уг хуралд Афганистан, Лаос зэрэг 10 орны төлөөлөгч оролцох аж. Монгол Улс энэ онд Ардчилал, сонгуульд дэмжлэг үзүүлэх олон улсын хүрээлэнг даргалж байгаа юм. Энэ хүрээнд Монгол Улсын ардчилсан нийгмийн өмнө тулгамдаж буй асуудлуудыг ардчиллын замаар хөгжиж буй орнуудтай хуваалцах, туршлага солилцох зорилгоор уг семинарыг зохион байгуулах болжээ.
-
2016 оны 3 сарын 15
1500 бизнес эрхлэгчид МАН-ын бүлэгт хандлаа
-
2016 оны 3 сарын 15
УИХ-ын гишүүн О.Баасанхүү өнөөдөр /2016.03.15/ мэдээлэл хийв. Тэрбээр Монгол Улсын Ерөнхий сайд Ч.Сайханбилэгийг халз мэтгэлцээнд дуудсан талаараа өмнө нь мэдээлж байснаа дурдаад, “ТВ5” телевизийн зүгээс Хот тосгоны эрх зүйн байдлын тухай болон бусад хуулийн төслүүдийн талаар мэтгэлцээн явуулахад татгалзах зүйлгүй хэмээн мэдэгдсэнийг сэтгүүлчдэд дуулгалаа.
-
2016 оны 3 сарын 15
Ерөнхий сайд Ч.Сайханбилэг “Шийдлийн цаг”-аар Мэдээллийн технологи, шуудан, харилцаа холбооны газарт ажиллах үеэрээ интернэтийн үйлчилгээг ижил, үнэ тарифаар хүргэх нөхцөлийг бүрдүүлж, орон нутгийн иргэдийн мэдээлэл авах эрхийг хангах талаар холбогдох арга хэмжээ авч, энэ сарын 15-ны дотор хэрэгжүүлж эхлэхийг тус газрын дарга Ц.Жадамбаад даалгасан.
-
2016 оны 3 сарын 15
МАХН-ын нарийн бичгийн дарга Э.Эрдэнэжамъяан дөнгөж сая сэтгүүлчдэд мэдээлэл хийлээ. Тэрээр намынхаа дарга Н.Энхбаярын ялтай тооцох хугацаа нь хууль эрх зүйн хувьд дуусгавар болсон бөгөөд АТГ-аас гаргасан бичиг нь хууль зөрчсөн гэж мэдэгдлээ. АТГ-аас МАХН-ын дарга Н.Энхбаярын ял 2017 оны 9-р сард дуусгавар болно гэж мэдэгдсэн. Гэвч 2009 болон 2015 оны өршөөлийн хуулиар Н.Энхбаярт холбогдсон хэргийг өршөөлд хамруулж ялтнаар тооцох хугацааг нь хэрэгсэхгүй болж байгаа гэлээ. Мөн энэ үеэр Г.Шийлэгдамба болон Л.Цогийг намаасаа урвасан хор хутгагч шулмас гэсэн юм. МАХН-ын нарийн бичгийн дарга Э.Эрдэнэжамъяан хэлэхдээ “Г.Шийлэгдамба өөрийнхөө арьсыг хамгаалах гэж авсан авилгалаа Н.Энхбаяр дарга руу бухсан адгийн авилгач, харин Л.Цог Н.Энхбаяр даргаас өөрөө нэг сая доллар нэхчихээд өөрөөс нь нэхсэн мэтээр гүтгэж байгаа арчаагүй шантаачлагч” гэлээ.
-
2016 оны 3 сарын 15
Засгийн газрын ээлжит хуралдаанаар дараах асуудлуудыг хэлэлцэн шийдвэрлэлээ
-
2016 оны 3 сарын 14
Монгол Улсын Их Хурлын Аюулгүй байдал, гадаад бодлогын байнгын хорооны 2016 оны 02 дугаар тогтоолоор байгуулагдсан Монгол Улсын батлан хамгаалах бодлогын үндсийг батлах тухай Улсын Их Хурлын тогтоол батлагдсантай холбогдуулан батлан хамгаалах салбарын эрх зүйн орчныг боловсронгуй болгох үүрэг бүхий ажлын хэсэгт мэргэжил, арга зүйн туслалцаа үзүүлэх ажлын дэд хэсэг 2016 оны 03 дугаар сарын 14-ний өдөр хуралдлаа.
-
2016 оны 3 сарын 14
Монгол Улсын Их Хурал Ази, Европын Дээд түвшний 11 дүгээр уулзалт (АСЕМ)-ын хүрээнд Ази, Европын парламентын түншлэлийн 9 дүгээр уулзалтыг Улаанбаатар хотноо ирэх 04 дүгээр сарын 21-нээс 23-ны өдрүүдэд зохион байгуулна.
-
2016 оны 3 сарын 14
Монгол Улсын Их Хурлын дарга Зандаахүүгийн Энхболдод Монгол Улсын Засгийн газрын тухай хуульд өөрчлөлт оруулах тухай хуулийн төслийг өнөөдөр /2016.03.14/ Монгол Улсын Ерөнхийлөгчийн Хүний эрх, хуулийн бодлогын зөвлөх Ч.Өнөрбаяр өргөн мэдүүлэв.
-
2016 оны 3 сарын 14
С.Ганбаатар, Б.Найдлаа нарын хэн нь ХҮ намын дарга болохыг баасан гаригт шийднэ
-
2016 оны 3 сарын 14
Монгол Улсын Засгийн газар өнөөдөр 16.00 хуралдана.
-
2016 оны 3 сарын 11
Эдийн засгийн түншлэлийн хэлэлцээрийн баримт бичгийг биелүүлснийг Японы талд мэдэгдлээ
-
2016 оны 3 сарын 11
http://www.ub.life/newsfeed/7/102
-
2016 оны 3 сарын 11
“Нэг Монгол” төрийн бус байгууллагаас “Ардчиллын хямрал ба Үндсэн хуулийн цэц” сэдвээр бодлогын халз мэтгэлцээнийг өнөөөдөр зохион байгуулахаар болсон талаар мэдээлсэн. Өөрөөр хэлбэл уг халз мэтгэлцээнд УИХ-ын дарга З.Энхболд, Гадаад хэргийн сайд асан, Стэнфордын судлаач Г.Занданшатар нар “оюуны нүүдэл” хийхээр болсон талаар юм.
Өнөөдөр дээрх мэтгэлцээнд УИХ-ын даргыг оролцох эсэхийг УИХ-ын Хэвлэл мэдээлэл олон нийттэй харилцах хэлтсийн дарга О.Батхандаас тодруулахад “Юуны түрүүнд мэтгэлцээн хийх тухай хүсэлтээ УИХ-ын Олон нийттэй харилцах хэлтэст албан ёсоор ирүүлэх ёстой. Одоогийн байдлаар манайд энэ тухай нэг ч хүсэлт, албан бичиг ирүүлээгүй байна. Өнөөдөр УИХ-ын дарга З.Энхболд халз мэтгэлцээнд оролцоно гэдэг мэдээлэл нь ташаа юм” гэлээ.
-
2016 оны 3 сарын 11
”Төрийн мэдээлэл” эмхэтгэлийн 2016 оны 10 дахь дугаарын тойм
-
2016 оны 3 сарын 10
М.Зоригт: Ирэх сараас “Аэро Монгол” компани баруун аймгууд руу нислэг үйлдэнэ
-
2016 оны 3 сарын 10
ХҮН-ын дарга асан, дэд дарга С.Боргил Үндсэн хуулийн цэцэд өргөдөл гаргажээ.
-
2016 оны 3 сарын 10
Монгол Улсын Их Хурлын Тамгын газрын Ерөнхий нарийн бичгийн дарга, Ази, Европын парламентын түншлэлийн 9 дүгээр уулзалтыг зохион байгуулах ажлын бэлтгэл ханган ажиллах үүрэг бүхий Ажлын хэсгийн ахлагч Б.Болдбаатар өнөөдөр /2016.03.10/ сэтгүүлчдэд мэдээлэл хийв.
-
2016 оны 3 сарын 10
Улсын Их Хурлын Аюулгүй байдал, гадаад бодлогын байнгын хорооны хуралдаан өнөөдөр /2016.03.10/ 12 цаг 10 минутад 52.6 хувийн ирцтэй эхэлж, Монгол Улс Цөмийн аюулгүй ажиллагааны тухай 1994 оны конвенци, Ашигласан түлшний болон цацраг идэвхт хаягдлын менежментийн аюулгүй ажиллагааны тухай 1997 оны конвенцид тус тус нэгдэн орох, Цөмийн материалыг биечлэн хамгаалах тухай 1980 оны конвенцийн 2005 оны нэмэлт, өөрчлөлтийн тухай протокол, Бага хэмжээний цөмийн материалын шинэчилсэн протоколыг тус тус соёрхон батлах тухай асуудлыг зөвшилцөв.
-
2016 оны 3 сарын 10
-Ипотекийн зээлийн хүүг 5 хувь руу оруулсан нь эдийн засагт улам эрсдэл авчирна гэж зарим эдийн засагчид үзэж байгаа. Үүнийг тайлбарлахгүй юу?
-Өнөөдөр өмнөх онуудтай харьцуулахад инфляци 2 хувьтай байна. Энэ нь бодлогын хүүг бууруулах тааламжтай орчин болж байна. Мөн гаднаас орж ирэх хөрөнгө оруулалтын хэмжээ нэмэгдэх боломжтой. Тиймээс эхлээд шууд хөрөнгө оруулалтууд хараахан орж ирээгүй, улсын гүйцэтгэл 100 хувь гарч амжаагүй байгаа энэ үед 8 хувийг 5 руу шилжүүлэх үе шатыг хоёр хэсэгт ангилж байгаа юм. Эхний удаад алслагдсан дүүрэг, 21 аймагт баригдсан орон сууцны хөтөлбөрийг хамруулахаар тусгасан. Монголбанк, Сангийн яам, салбар яам, холбогдох мэргэжлийн байгууллагууд судалгаа хийж үзсэн. Ингээд “Хэрэгжих бүрэн боломжтой” гэж үзсэн учраас хамтарсан шийдвэр гаргаад байна. Дөнгөж сая Монголбанкны Ерөнхийлөгч, Засгийн газрыг төлөөлж миний бие, мөн арилжааны банкуудтай ипотекийн зээлийг үргэлжлүүлэх үйл ажиллагааны гэрээнд гарын үсэг зурлаа.
-Нийслэлийн төвийн зургаан дүүргийн нутаг дэвсгэр дэх орон сууцны барилгуудыг хэзээ 5 хувь руу шилжүүлэх бол?
-Улсын төсвийн гүйцэтгэл 100 хувь гараад, Оюутолгойн хөрөнгө оруулалт орж ирээд, хөрөнгө оруулалтын бусад эх үүсвэр шийдэгдээд эхлэх юм бол төвийн дүүргүүд дэх орон сууцыг таван хувь руу шилжинэ. Энэ онд багтааж шийдэх зорилт тавьж байна.
-Хүүхдийн мөнгө, халамжийн мөнгө хэвийн олгогдож байгаа юу?
-Хүүхдийн мөнгө цаг хугацаандаа олгогдож байна. Халамжийн сангийн тухайд одонтой ээжүүдийн мөнгө, халамжийн тэтгэвэр, ахмадын тэтгэвэр, нийтийн тээврийн зардал багтдаг. Эдгээр нь бүгд хэвийн олгогдож байна. Бусад халамжийн үйлчилгээ үзүүлж байгаа төсөв бол аймаг нийслэлийн Засаг даргын багцад байдаг учир орон нутгийн эх үүсвэрээс бүрддэг юм.
-Тэтгэврийн зээлийн хүүг бууруулах уу?
-Тэтгэврийн зээлийг нийгмийн хамгааллын салбартай холбох шаардлагагүй. Энэ бол манайд хамаагүй. Хувь хүн өөрөө тэтгэврээ барьцаалаад, арилжааны банкнаас зээл авч байгаа асуудал. Тэрнээс манайд хамаарал байхгүй. Ер нь энэ бол сайн зээл биш. Бусад улс оронд энэ зээлийг хар зээл гэдэг. Тэтгэврийг эрсдэлд орсон хүмүүст өгч байгаа тэтгэмж юм. Гэтэл энэ тэтгэмжээ барьцаалаад зээл авахаар эрсдэлд орно. Тиймээс тэтгэврийн зээлийг төрөөс дэмжээд байх зөв бодлого биш. Нөгөө талдаа тэтгэврийн зээлийг зохицуулсан хуультай болох ёстой. Энэ хуулийн төсөл дээр ажлын хэсэг гараад ажиллаж байна. Зарим тохиолдолд тэтгэврийн зээл хүчирхийллийн асуудал болж хувирч байгаа жишээ байна. Учир нь тэтгэврийн зээл аваад юунд зарцуулж байгаа талаар судалгаа хийж үзсэн. Зээл авсан ахмадын 70 гаруй хувь нь өөртөө огт хамааралгүй зүйлд зарцуулдаг. Жишээ нь: машин, байшин, сургалтын төлбөр гэх мэт зүйлсэд зарцуулсан судалгаа байдаг. Энэ асуудлыг хуульчилж өгөх ёстой. Хоёрдугаарт арилжааны банкууд тэтгэврийн зээл олгохдоо шууд хүүгээ урьдчилаад авчихдаг. Гэтэл нөгөө хүний авч байгаа нийт мөнгөний 30-40 хувь нь хүүнд суутгагдчихдаг. Энэ нь зээл авч байгаа иргэдэд хохиролтой. Тиймээс тэтгэврийн зээлийг хуульчилж өгөхгүй бол нэлээд эрсдэл үүсэх магадлалтай байна.
