-
2015 оны 12 сарын 08
УИХ-ын гишүүн С.Ганбаатар Ерөнхий сайд Ч.Сайханбилэгт асуулга тавив.
-
2015 оны 12 сарын 08
Монгол Улсаас Оросын Холбооны Улсад суух Онц бөгөөд Бүрэн эрхэт Элчин сайдаар Б.Дэлгэрмааг томилохыг гишүүд дэмжжээ.
-
2015 оны 12 сарын 08
Засгийн газрын ээлжит хуралдаан өчигдөр болсон. Хуралдаанаар хэлэлцсэн асуудлын талаар Ерөнхий сайдын хэвлэлийн төлөөлөгч Ц.Мөнхтөр мэдээлэл хийлээ. Тэрбээр:
-Засгийн газрын хуралдаанд Сангийн сайд Б.Болор Эдийн засгийн ил тод байдлыг дэмжих тухай хуулийн хэрэгжилтийн явцын талаар танилцуулга хийлээ. 2015 оны наймдугаар сарын 7-нд Эдийн засгийн ил тод байдлыг дэмжих тухай хууль батлагдсан. Энэ хуулийг хэрэгжүүлэх журмыг Засгийн газар наймдугаар сарын 31-ны өдрийн хуралдааны 348 дугаар тогтоолоор баталсан юм.
Иргэдийн болон хуулийн этгээдийн нуун дарагдуулсан хөрөнгө орлого, үйл ажиллагааг ил тод болгох байдлыг дэмжих зорилготой. Тодорхой хэмжээгээр орлого, хөрөнгөө нуун дарагдуулснаа тайлагнасан нөхцөлд захиргааны болон хуулийн оногдох арга хэмжээ, татвараас чөлөөлөх юм. Дээрээс нь далд эдийн засгийг ил болгох үүднээс энэ хуулийг санаачилсан. Энэ хуулийг хэрэгжүүлэх зорилгоор Сангийн яамнааас шат дараатай арга хэмжээ авсан байна. Хуулийг хэрэгжүүлэх бэлтгэл ажлыг хангаж, арга зүйн зөвлөгөө өгч, олон нийтэд сурталчилжээ. Энэ хугацаанд нийтдээ 5600 гаруй хүмүүс тайланг ирүүлснийг Сангийн яам хүлээн авчээ. Бэлтгэл ажлын хүрээнд иргэдийн мэдүүлэх мэдүүлгийн маягтыг бэлэн болгож, Монголын татварын алба.мн сайт ажиллуулсан аж. Иргэдэд хуулийн зөвлөгөө өгөх, сурталчлан танилуулах сургалт зохион байгуулах ажлыг удаа дараа явуулсан байна гэлээ.
Сангийн яаманд аж ахуйн нэгжүүд төвлөрч байгаа бөгөөд нийтдээ 860 гаруй тэрбум төгрөгийн хөрөнгө орлого, үйл ажиллагаа ил болжээ. Харин ТЕГ-т нийт 3.5 их наяд төгрөгийн хөрөнгө орлогын үйл ажиллагаа ил болсон аж.
Эдийн засгийн ил тод байдлыг дэмжих тухай хуулийн үйлчлэх хугацаа энэ оны 12 дугаар сарын 31-нд дуусна. Сүүлийн долоо хоногийн байдлаар мэдүүлэх хөрөнгийн хэмжээ 8 тэрбум төгрөгөөр нэмэгджээ. Хууль үйлчлэх хугацааны сүүлийн хоногуудад иргэд хөрөнгөө мэдүүлэх гэж яарч байгаа. Сангийн яам, ТЕГ-ын мэдээлж байгаагаар сүүлийн 21 хоногт хөрөнгөө мэдүүлэх иргэдийн тоо нэмээд өсч, хөрөнгө орлого ил болох үйл ажиллагаа нийт 5 их наяд төгрөгт хүрэх болов уу гэсэн тооцоотой байгаа юм байна.
Өчигдрийн Засгийн газрын хуралдаанаар дээрх мэдээлэл танилцуулгатай холбогдуулан шийдвэр гаргасан байна.
“2015 оны дөрөвдүгээр сарын нэгнээс өмнө орлогоо болон үйл ажиллагаа нуун дарагдуулсан нөхцөлд ил болгож, мэдүүлэгчийн энэ оны II, III, IV улирлын тайлан Эдийн засгийн ил тод байдлыг дэмжих хуульд хамаарагдах учраас ямар нэг хариуцлага хүлээлгэхгүй хууль мөрдөж ажиллахыг холбогдох байгууллагад даалгалаа.
2015 оны дөрөвдүгээр сарын нэгнээс өмнө нуун дарагдуулсан хөрөнгөө хэрхэн бүртгүүлэх тал дээр УБЕГ-т үүрэг өгсөн. Энэ нь нотиаратийн баталгаажуулсан бичиг баримтаар бүрдүүлнэ. Эдийн засгийн ил тод байдлын хууль хэрэгжих цөөн хугацаа үлдэж байна. Үүнд иргэд, олон нийтийг өргөнөөр хамрагдан оролцохыг, Сангийн яам, ТЕГ, УБЕГ-ын зүгээс ард иргэдэд хандаж суртал ухуулгаа сайн хийхийг Засгийн газрын зүгээс даалгасан шийдвэрийг гаргалаа хэмээн Ерөнхий сайдын хэвлэлийн төлөөлөгч онцлов.
-
2015 оны 12 сарын 08
3,5 их наяд төгрөгийн хөрөнгө, орлого
-
2015 оны 12 сарын 08
УИХ-ын Хууль зүйн байнгын хорооны хуралдаанын үеэр Өршөөл үзүүлэх тухай хуулийг хэрэгжүүлэх ажлыг зохион байгуулах комисс мэдээлэл хийв.
-
2015 оны 12 сарын 08
Ардчилсан намын зүгээс Ш.Түвдэндоржийг УИХ дахь АН-ын бүлгийн дэд даргаар дахин томилжээ.
-
2015 оны 12 сарын 08
Эрүүл мэнд, спортын сайд асан Г.Шийлэгдамба өнгөрсөн баасан гаригийн шөнө Цагдан хорих 461 дүгээр ангиас Н.Шастины нэрэмжит III эмнэлгийн Сэхээн амьдруулах тасагт хүргэгдсэн. Тэрээр зүрхний эмгэгтэй бөгөөд сар гаруйн хугацаанд цагдан хоригдохдоо биеийн байдал нь эрс муудсан байна.
Тэгвэл Г.Шийлэгдамба өчигдөр сэхээн амьдруулах тасгаас гарсан байна. Биеийн байдал нь сайжирч, эмчилгээгээ хийлгэж байгаа аж. Түүнтэй ар гэрийнхнийг нь уулзуулахгүй байгаа аж.
-
2015 оны 12 сарын 08
АН-ын ҮЗХ хуралдана
-
2015 оны 12 сарын 08
С.Дэмбэрэл: АН-тай нэгдвэл бат, бэх хүчирхэг болно
-
2015 оны 12 сарын 08
Ерөнхий сайдын хэвлэлийн төлөөлөгч Ц.Мөнхтөр мэдээлэл хийнэ.
-
2015 оны 12 сарын 08
Өнөөдөр УИХ-ын Хууль зүйн байнгын хорооны хуралдаан 09.00 цагаас “А” танхимд болно. Тус хуралдаанаар дараах асуудлуудыг хэлэлцэнэ.
Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай хуулийг хэрэгжүүлэх ажлыг зохион байгуулах комиссын тайлан;
Албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийн маягт, түүнийг бүртгэх, хянах, хадгалах журамд өөрчлөлт оруулах эсэх асуудал.
-
2015 оны 12 сарын 08
Өнөөдөр УИХ-ын дараах ажлын хэсгүүд хуралдана. Үүнд:
Барилгын тухай /шинэчилсэн найруулга/ болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 10.00 цагаас “Г” танхимд;
“Юмжаагийн Цэдэнбалын мэндэлсний 100 жилийн ойг тэмдэглэн өнгөрүүлэх тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын хэсгийн хуралдаан 14.00 цагаас 334 тоот өрөөнд;
Олон улсын зах зээлд гаргасан Засгийн газрын үнэт цаасны арилжаагаар төвлөрсөн хөрөнгийн зарцуулалт, эргэн төлөлт болон санхүүжүүлсэн төсөл хөтөлбөрийн сонголт, хэрэгжилтийн явц байдлыг шалгасан Эдийн засгийн болон Төсвийн байнгын хорооны хамтарсан ажлын хэсгийн хуралдаан 14.00 цагаас “А” танхимд.
-
2015 оны 12 сарын 07
АСЕМ-ын Дээд түвшний уулзалтыг зохион байгуулах Үндэсний Зөвлөлийн 12 дахь удаагийн хурал боллоо
2015-12-02 16:33
Print Zasag and PDF
2016 оны долдугаар сард Монгол Улсад зохиогдох АСЕМ-ын Дээд түвшний 11 дэх уулзалтыг зохион байгуулах Үндэсний Зөвлөлийн 12 дугаар хуралдаан өнөөдөр Ерөнхий сайдын өрөөнд боллоо.
Ерөнхий сайд Ч.Сайханбилэгийн даргалж буй Үндэсний зөвлөлийн энэ удаагийн хуралдаанаар АСЕМ-ын Дээд түвшний уулзалтын бэлтгэл ажил, санхүүжилттэй холбоотой асуудлыг хэлэлцлээ.
Дээд түвшний уулзалтыг зохион байгуулахад бэлтгэх болон уулзалтын үеэр гарах зайлшгүй зардлыг улсын төсвийн хөрөнгөөс гадна гадаадын зарим орны тусламж дэмжлэг, хөнгөлөлттэй зээлийн хүрээнд шийдэх юм.
Уулзалтыг угтан хийж буй бүтээн байгуулалтын ажлын хүрээнд Их Монгол Улсын гудамж, Гандийн гудамж болон Жапан таун хотхоны автозамыг Удирдлагын академийн хойд талаар Зайсангийн автозамтай холбох, Богд-уулын арын авто замын гэрэлтүүлэг зэрэг ажлыг ирэх хавар хийхээр төлөвлөж байна.
АСЕМ-ын Дээд түвшний 11 дэх уулзалтад 50 гаруй орны төр засгийн тэргүүн, олон улсын байгууллагын удирдлага, хэвлэл мэдээлэл, ёслол хамгаалалт зэрэг бусад асуудал хариуцсан 4000 орчим зочин төлөөлөгч ирэх төлөвтэй байна гэж Засгийн газрын Хэвлэл мэдээлэл, олон нийттэй харилцах албанаас мэдээллээ
-
2015 оны 12 сарын 07
УИХ дахь МАХН-МҮАН-ын ”Шударга Ёс” эвслийн бүлэг 2015 оны 12 дугаар сарын 07-ны өдрийн ээлжит хуралдаанаар дараах асуудлыг хэлэлцлээ.
1. “Зарим газар нутгийг улсын тусгай хамгаалалтад авах тухай” Улсын Их Хурлын тогтоолын төсөл /Засгийн газар 2015.10.23-ны өдөр өргөн мэдүүлсэн, хэлэлцэх эсэх/;
2. “Гацууртын ордын төрийн эзэмшлийн хувь тогтоох тухай” Улсын Их Хурлын тогтоолын төсөл /Засгийн газар 2015.10.23-ны өдөр өргөн мэдүүлсэн, хэлэлцэх эсэх/;
3. “Авлигатай тэмцэх, хариуцлага, шударга ёсыг бэхжүүлэх үндэсний хөтөлбөрийг батлах тухай” Улсын Их Хурлын тогтоолын төсөл /Монгол Улсын Ерөнхийлөгч 2015.11.19-ний өдөр өргөн мэдүүлсэн, хэлэлцэх эсэх/;
4. Гааль, татварын ерөнхий газрын эрх зүйн байдлын тухай болон холбогдох бусад хуулийн төслүүд /Засгийн газар 2015.11.27-ны өдөр өргөн мэдүүлсэн, хэлэлцэх эсэх/;
-
2015 оны 12 сарын 07
1.8 тэрбум ам.долларыг МАН зүгээр л цацаж байсан
-
2015 оны 12 сарын 07
Европын аюулгүй байдал, хамтын ажиллагааны байгууллага (ЕАБХАБ)-ын Сайд нарын зөвлөлийн 22 дугаар уулзалтад оролцож буй Гадаад хэргийн сайд Л.Пүрэвсүрэн Бүгд Найрамдах Серби Улсын Гадаад хэргийн сайд Ивица Дачичтай хоёр талын уулзалт хийж, хамтын ажиллагааны асуудлаар санал солилцов.
-
2015 оны 12 сарын 07
УИХ-ын гишүүн Ш.Түвдэндорж:
-АН, Засгийн газар 2012 оноос өнөөдрийг хүртэл хийсэн ажлуудаа иргэдэд танилцуулж ирсэн. 2012 оноос өмнө 1.8 тэрбум ам.долларыг МАН зүгээр л цацаж байсан. Яг энэ хэмжээний мөнгөөр АН олон болоод юу хийсэн бэ гэдгийг иргэд мэдэж байгаа. Баруун аймгуудад шатахууны үнэ 230-270 төгрөгөөр, зүүн аймгуудад 130-160 төгрөгөөр буурч байгаа. Үүнийг дагаад өргөн хэрэглээний барааны үнэ ч буурч байгаа. 2012 онд Шинэчлэлийн Засгийн газар гарсныхаа дараа нефтийн үнийг тогтвортой байлгах арга хэмжээ авч эхэлсний үр дүн одоо гарч байна. Дотоодын валютын ханшийн савалгаанд өртөхөөргүй. Ийм тогтвортой байдалд оруулсан нефтийн үнийг. Валютын ханшийн өөрчлөлт, Засгийн газраас явуулсан бодлогын үндсэн дээр нийтдээ 60 орчим хувийн татварын үйл ажиллагаан дээр тоглолт хийгээд үнийн тогтвортой байдлыг барьж байгаа.
Энэ бол 2012 оны сонгуульд ард түмний хийсэн сонголтын гавьяа гэж хэлмээр байна. Монголын зүүн талаас баруун тал хүртэлх замын хэмжээнээс илүү гарсан хар замыг энэ гурван жилд хийсэн. Энэ бол ард түмний сонголтын гавьяа. Одоо хар зам Солонготын даваа давж байгаа. Цаашдаа баруун аймгуудыг холбоход ойрхон болсон. Өнгөрсөн долоо хоногт хамтын тэтгэврийн тухай хууль батлагдсан. Мөн Эрүүгийн болон Зөрчлийн хуулиа баталлаа. 2003 оноос хойш өөрчлөгдөөгүй байсан. Нэлээн хар, шоронжсон хууль гэж нэрлэгдэж байсан. Энэ хуулийг хүмүүнлэг, хүний эрхийн тал руу хандуулсан хууль болгосон. Хүнийг барьж хорихоос илүү, нийгэмшүүлэх, олон гэмт хэргүүдийг зөрчлийн хуулиар шийддэг болгож байгаа.
Мөн эдийн засгийн ил тод байдлын хууль хэрэгжээд Монгол Улсад хоёр тэрбум орчим төгрөг орж ирсэн байна. Энэ хууль бүрэн хэрэгжихэд 3-4 их наяд төгрөгөөр тэлнэ гэж байна. Сонгуулийн хуулийг ярилцлаа. Сонгуулиа нэг өдөр явуулья гэсэн санал гаргасныг Ардын нам дэмжихгүй байна. Мөн хар машинаасаа татгалзья гэдэг нь гар утаснаасаа татгалзья гэдэгтэй утга нэг байна. Тиймээс Сонгуулийн хуулиасаа урьтаж намуудын тухай хуулиа эхэлж ярилцья гэж намын бүлэг үзэж байна.
Ийнхүү мэдээлэл хийсний дараа сэтгүүлчдийн асуултад хариулсан юм.
-УИХ-ын гишүүн Р.Амаржаргал АН-ыг нэг компанийн хэмжээнд ажиллаж байна гэж мэдээлсэн байсан. Энэ асуудлыг хэлэлцсэн үү?
УИХ-ын гишүүн С.Одонтуяа -Р.Амаржаргал гишүүний нийтлэлийн талаар тодорхой яриагүй. Ер нь АН хийсэн бүтээсэн зүйлээ ард түмэндээ таниулж, сурталчилж байя, алдаа оноогоо залруулж байя гэж байнга ярьдаг. Өнөөдөр АН-ын үнэт зүйлийн талаар гишүүд ярьсан. Үнэт зүйлгүй байх, Ардчилал шударга ёсны төлөө тэмцэж явснаа мартахгүй байх зэргийг ярьсан. Хийсэн бүтээснээ их бага ярьж байна гэсэн шүүмжлэлд өртсөн. Р.Амаржаргал гишүүн намууд хэтэрхий их хөрөнгөжиж байна. Эдийн засгийн хувьд асуудал хөндсөн байсан. Ерөнхийлөгчийн Улс төрийн намын хуулийг бүлгийн хурал дээр нэлээд ярьсан. Намууд өмчтөй, байртай байх нь буруу юм. Ерөнхийлөгчийн оруулж ирсэн улс төрийн намын тухай хуулийг дэмжиж байгаа. Зарим намууд өөрсдийнхөө намын байрыг хураалгахаасаа эмээж энэ хуулийг дэмжихгүй байх зүйлүүд нэлээд байна. Зарим намын байр улсын төсвийн хөрөнгийн баригдсан хэрнээ бизнесийн хэрэгсэл болчихсон, зээлийн барьцаанд орчихсон байгаа. Тиймээс үүнд шүүмжлэлтэй хандаж байгаа.
УИХ-ын гишүүн Ш.Түвдэндорж -Манай намын хувьд ил тод байдаг. Сул тал нь фракцын зөрчил мэтээр харагдаж байгаа боловч эндээс шийдвэр нь эрүүл, үр дүнтэй гардаг. Үүний хүчинд манай нам 2012 оноос хойш ямар үйл ажиллагаа явуулж, ямар үр дүнд хүрснийг 2016 онд ард түмэн сонгуулиар харуулах байх.
-Ард нийтээс асуулга асуусан гэж байна. Ямар замаар, аль компани энэхүү судалгааг хийсэн бэ?
УИХ-ын гишүүн С.Одонтуяа -Судалгааг ямар компани хийсэн талаар мэдэхгүй байна. Миний ойлгож байгаагаар 2000 орчим хүнээс авсан юм шиг байна лээ. Судалгаан дээр гол дүгнэлт гарсан. АН-ын цаашид ярих гол луужин болж байна гэсэн үг.
-Улс төрийн намуудын тухай хуулийг хэлэлцэнэ гэхээр Сонгуулийн тухай хуулийг хэлэлцэж амжих юм уу?
-Сонгуулийн хууль дээр хэд хэдэн удаа ажлын хэсэг уулзсан. Энэ уулзалтаас санал тоолох автомат машин, бусад сонгуулийг хамт явуулах гэсэн хоёр асуудал дээр санал нийлэхгүй юм шиг байна лээ. Энэ асуудал нэг тийш шийдэгдэхгүй бол сонгуулийн хууль өөрчлөгдөхгүй байх магадлал өндөр. Автомат машинд итгэхгүй бол бүх намын бүлгүүдийг суулгаж байгаад, хэвлэлийнхэний өмнө тест явуулаад үзэж болно. Ер нь автомат машин ашиглаж сонгуулиар гарч ирчихээд одоо энэ машин буруу гээд яриад сууж байх нь хэр зөв зүйтэй асуудал юм бол. Харин хяналтын тооллогын тоог нэмж болох юм гэдэг дээр намын бүлгүүд санал нийлж байгаа юм.
-АН-ын Ерөнхий нарий бичгийн дарга Л.Эрхэмбаяр ИЗНН-тай нэгдэхэд болохгүй юм байхгүй гэж ярьж байна. АН сууриараа ийм байр суурь бариад байгаа юм уу?
-Албан ёсны нийлнэ нийлэхгүй гэсэн мэдээлэл ирээгүй. Өнөөдөр бүлгийн хурлаар ийм асуудал яриагүй.
-
2015 оны 12 сарын 07
Засгийн газрын хуралдаанаар 16 асуудал хэлэлцэнэ
-
2015 оны 12 сарын 07
<iframe width=”560” height=”315” src=”https://www.youtube.com/embed/eENf3OLzA4M” frameborder=”0” allowfullscreen></iframe>
-
2015 оны 12 сарын 07
МАН болон МАХН нэгдэх сургаар Ардчилсан намынхан яаж дутах вэ гэсэн шиг ИЗНН-тай нэгдэх асуудлыг Л.Эрхэмбаяр генсекээс эхлээд хөндөх болсон. Тэрбээр “ИЗНН-тэй нэгдэхэд буруудахгүй, нэгдэхгүй байлаа гээд алдах юмгүй” хэмээн хэвлэлд өгсөн ярилцлагадаа дурдсан байсан. Тэгвэл АН-ын нэгдэх, нийлэх тухай мессежийнх нь хариуг өнөөдөр ИЗНН-ынхан өглөө. Тус намынхан хэлэхдээ “Иргэний зориг ногоон намыг Ардчилсан намтай нэгдэх гэж байгаа мэтээр АН-ын удирдлагууд хэвлэл мэдээллийн хэрэгслээр мэдээлэл тараасан нь үндэслэлгүй зүйл. ИЗНН-ын хувьд АН-тай нэгдэх талаар албан ёсны ямар нэгэн яриа хэлцэл хийгээгүй болно. Тэгээд ч ИЗНН Ардчилсан намтай нэгдэхгүй” гэдгээ онцолсон юм. Мөн энэ асуудлаар ИЗНН-ынхан Ардчилсан намынханд шаардлага хүргүүлэхээр болсон байна. Уг шаардлагад “Засгийн эрхийг барьж байгаа АН улс төрийн бусад намуудын дотоод хэрэгт хууль бусаар оролцох биш 2012 оны сонгуульд амалсан амлалтаа биелүүлэхийн төлөө ажиллах хэрэгтэй” байгааг сануулжээ. Мөн бусад намын бие даасан үйлдэлд эрээ цээргүй халдах бүдүүлэг байдлаа зогсоохыг шаардсан байна. Уг шаардлагыг хүлээж авахгүй бол хуулинй дагуу холбогдох байгууллагад хандана гэдгээ мэдэгджээ.
Ийнхүү МАН, МАХН-ыг нэгдэх, эвсэх тухай яриа өдлөнгүүт ИЗНН-тэй нэгдэхээр болсон гэх шум дэгдээсэн Ардчилсан намынхан бусад намын дотоод асуудалд бүдүүлгээр оролцсон хэрэгт унаж, худал цуурхал тарааснаасаа болоод хуулийн байгууллагад дуудагдаж магадгүй нь байна.
ИЗНН-ын зүгээс эрх баригчдын үйлдэлд тун дургүй байгаагаа, АН-ынхан 2012 онд өгсөн амлалтаа биелүүлэх ёстойг сануулсан юм.
