-
2017 оны 11 сарын 27
Нийслэлийн Тээврийн газрын Автотээврийн хяналтын улсын байцаагч нар, Замын цагдаагийн албаны НЗХХГ-ын ЗХЗХ, дүүргүүд дэх замын цагдаагийн хэлтсийн бие бүрэлдэхүүн хамтран нийтийн тээврийн хэрэгслийн зогсоолуудад дүрэм зөрчин зогсож байгаа зөрчлийг таслан зогсоох, хөдөлгөөний аюулгүй байдлыг хангах, нийтийн тээврийн хэрэгслийн хурдан шуурхай зорчих нөхцлийг бүрдүүлэх, зам тээврийн осол, зөрчлөөс урьдчилан сэргийлэх зорилгоор нэгдсэн хяналт, шалгалтын ажлыг эхлүүлээд байна. Тус шалгалтыг 2017 оны арваннэгдүгээр сарын 21-нээс арванхоёрдугаар сарын 5-ны өдрийн хооронд явуулах бөгөөд зөрчил илрүүлэх теле камер, холбооны хэрэгсэл, шалгах төхөөрөмжтэйгөөр нийслэлийн 6 дүүрэгт үүрэг гүйцэтгэн ажиллаж байна.
Шалгалтын хүрээнд энэ сарын 21-ээс 26-ны өдөр нийтийн тээврийн хэрэгслийн хөдөлгөөнд саад учруулсан 843 зөрчил илрүүлж, 294 автомашины жолоочид газар дээр нь 4.455.000 төгрөгийн торгууль оногдуулах, 177 автомашины жолоочид сануулах, 12 автомашины бичиг баримтыг хураан авах, 11 автомашиныг ачуулах, нийтийн тээврийн хэрэгслийн зогсоолд автомашинаа байршуулж саад учруулсан 349 автомашины зөрчлийг баримтжуулан Замын хөдөлгөөний Удирдлагын төв рүү шилжүүлэн гэрийн хаягаар торгуулийн хуудас хүргүүлэх арга хэмжээг тус тус аваад байна.
Иймд иргэд та бүхэн нийтийн тээврийн хэрэгслийн зогсоолуудад замын хөдөлгөөний дүрэм зөрчиж зогсохгүй байх, зөвхөн зориулалтын зогсоолд автомашинаа зогсоож, замын хөдөлгөөнд соёлтой оролцохыг анхааруулж байна гэжнийслэлийн Тээврийн газраас мэдээллээ.
-
2017 оны 11 сарын 27
Монгол Улс анхдугаар Үндсэн хуулиа баталж, тусгаар тогтнолоо тунхагласны 93 жилийн ойн баяртай давхцан манай улсын агаарын замаар дамжин өнгөрөх нислэгийн тоо 100 мянгад хүрсэн түүхт үйл явдал тохиолоо.
“DLH726”аялалын дугаартай “A340-600”агаарын хөлөг 2017.11.26-ны өдрийн 11.45 минутад манай улсын хилээр нэвтрэн орж ирснээр агаарын тээврийн түүхэн дэхь дамжин өнгөрөлт анх удаа зургаан оронтой тоо давж байгаа нь энэ юм.
1993 онд өнгөрөлтийн нислэгийн тоо жилд 3220 байжээ. Харин энэ тоо жил бүр нэмэгдсээр өнгөрсөн онд 99.210-д хүрсэн байна. Цаашдаа ч техник, технологийн шинэчлэлийг хийж, цар хүрээгээ өргөжүүлснээр нэмэгдүүлэх бүрэн боломж байгааг албаныхан хэлж байна. ИНЕГ-ын дарга Л.Бямбасүрэн “Улс тунхагласны баярын өдөртэй зэрэгцэн манай улсын дээгүүр 100 мянга дахь агаарын тээвэр дамжин өнгөрсөн давхар баяр тохиолоо. Энэ нь 100 мянга дахь нислэг өнгөрөхөд Иргэний нисэхийн салбарт ажиллаж байсан олон мянган ажилтнууд болон үе үеийн удирдах албан тушаалтнуудын бодлогоор тавигдсан тоног төхөөрөмжийн шинэчлэл нөлөөллөө. Мөн бид өнгөрсөн нэг жилд навигацийн орлогын бодолтыг өөрчилж, агаарын тээвэрлэгч нартайгаа уулзан, тэдэнд өөрсдийн аюулгүй байдлын хангалтаа танилцуулсны үр дүнд нислэг нэмэгдлээ гэж үзэж байгаа. Өнгөрсөн гуравдугаар сард бид Монгол Улсаар дамжин өнгөрч байгаа нислэгээ чиг шулуун болгосон. Энэ нь агаарын тээвэрлэгч нарт эдийн засгийн ашигтай дэм болж байгаа юм. Учир нь тойрог замд цаг алдаж, шатахуун их зарцуулдаг байсан. Харин чиг шулуун болсноор манай улс дээгүүр арай бага хугацаанд, бага шатахуунаар дамжин өнгөрөх бололцоогоор хангагдсан” гэв.
Нислэгийн хөдөлгөөн удирдлагын төвд дөрвөн бүсийн бодит ажиглалтын нислэгийн удирдлагын сектор бий. Тус төвийн гол зорилго нь дамжин өнгөрч байгаа нислэгийг аюулгүй, үр ашигтай, найдвартай удирдлага үйлчилгээгээр хангах юм. Мөрөн секторын Бүсийн ажиглалтын нислэгийн удирдагч Б.Хашцолмон “А340” агаарын хөлгийг аюулгүй удирдлагаар хангаж, зөвшөөрөл өгөн хилээр нэвтрүүлсэн. Тэрбээр “Сая ХБНГУ-ын Мьюнхэнээс Шанхай хотын чиглэлд нисч байгаа агаарын хөлөг дамжин өнгөрлөө. Манай улсын хилээр нэвтрэхээс 10-15 минутын өмнө нэвтрэх онгоц зөвшөөрөл авах ёстой байдаг. Мөн хилийн бүс дээр хэдэн цагт ямар өндөртэй ирж байгаагаа илтгэнэ. Хэрэв нөгөө талын нислэгийн удирдлага манай улсад нэвтрэх эрхгүй байвал зөвшөөрөл олгоддоггүй” хэмээв.
Өмнө нь нислэг хоорондын зай 150 км буюу 10 минутын зайтай байдаг байсан. Харин 1992 оноос 90 км болсон бол 2015 оноос 30 км болсон байна. 30 км гэдэг нь онгоц хооронд таван минут гаруйхан хугацааны зайтай агаарын замд зорчино гэсэн үг юм. Түүнчлэн өнгөрөх нислэгийн тоо нэмэгдэж өдгөө хоногт дунджаар 400 орчим онгоц энэ төвийн удирдлаганд дор дайран өнгөрдөг. Эдгээр онгоцны 70-80 хувь нь шөнийн цагаар буюу 02.00- 06.00 цагийн хооронд өнгөрдөг байна. Ийм өндөр ачаалалтай, хариуцлагатай ажил хийдэг учир нислэгийн удирдагч нарт маш өндөр шаардлага тавьдаг. Тэднийг өмнө нь зөвхөн ОХУ-д бэлтгэдэг байсан бол сүүлийн жилүүдэд Швейцарь, Тайланд, Англи, БНХАУ, Украйн Улсад бэлтгэдэг болсон гэнэ. Мөн мэргэжлийн өндөр төвшнөөс гадна Англи хэлний олон улсын иргэний нисэхийн байгууллагын IVболон түүнээс дээш төвшний мэдлэгтэй байх шалгуурыг тавьж байна.
Техник, технологийн шинэчлэл хийж, 2012 онд нислэгийн бодит ажиглалтын систем суурилуулсан, агаарын замын бүтэц зохион байгуулалтаа шинэчилсэн зэрэг нь дамжин өнгөрөх нислэгийн тоо нэмэгдэхэд мөн нөлөөлсөн. Нислэгийн хөдөлгөөний үйлчилгээний албаны дарга П.Мөнхжаргал “Бид 1997 оноос хойш агаарын зайн багтаамжийг нэмэгдүүлэхээр эрчимтэй ажилласан. ИНЕГ-аас олон төрлийн шат дараалсан ажлыг хийсний үр дүнд Монгол Улсын агаарын зайн багтаамж тууш зайчлалыг тав дахин, босоо зайчлалын зайг 40 хувиар ихэсгэсэн. Иймээс бид 100 мянга байтугай 200 мянга, цаашдаа 400 мянган нислэгийг өнгөрүүлэх хүчин чадал бүхий агаарын зайтай болсон гэсэн үг. Энэ нь маш олон мэргэжилтний олон жилийн хүч хөдөлмөр, тухай бүрт авч хэрэгжүүлсэн ажлын үр дүн” гэлээ. Түүнчлэн цаашид хийхээр төлөвлөсөн зүйлсээ тэрбээр “Ирэх онд болон ойрын таван жилдээ төлөвлөсөн ажил их бий. Нислэг нэмэгдэхийн хэрээр нислэгийн удирдагч нараас гарах ур чадварыг өндөр төвшинд байлгах шаардлага тулгарна. Мөн Монгол Улсын агаарын зайн зохион байгуулалтыг шинэчлэх ажил төлөвлөгдөөд явж байна. Одоогоор манай бодит ажиглалтын дөрвөн сектор, процедурын ажиглалтын нэг сектор ажиллаж байгаа. Бид цаашдаа бодит ажиглалтын үйлчлгээтэй найман сектор болгож, ачааллыг жигд хуваарилах ажлыг хийнэ” хэмээв.
Одоогоор манай улсын агаарын зайг 87 улсын 180 гаруй компани ашиглаж, өнгөрөлтийн нислэг гүйцэтгэдэг. Цаашдаа он дуустал сар гаруйн хугацаанд 10 мянга гаруй нислэг өнгөрүүлэх тооцоо байгаа юм. Ингэснээр нийтдээ 110-115 мянган олон улсын нислэгийн дамжин өнгөрөлт хийх төлөвлөгөөтэй байна. Ингэснээр Монгол Улсад орох навигацийн орлого 50 тэрбумаар нэмэгдэх нөхцөл бүрдэж байна.
Навигацийн үйлчилгээний орлогоос 2011 онд Улсын төсөвт 40.8 тэрбум төгрөг төвлөрүүлж байсан бол 2015 онд 98.5 тэрбум, өнгөрсөн онд 130 гаруй тэрбум төгрөг төвлөрүүлжээ.
-
2017 оны 11 сарын 27
Нийслэлийн Иргэдийн Төлөөлөгчдийн Хурлын ээлжит бус II хуралдаан өнөөдөр Хангарди ордонд хуралдаж байна. Өнөөдрийн хуралдаанаар НИТХ-ын Тэргүүлэгчдийн баталсан тогтоолын дагуу “Нийслэлийн 2018 оны төсөв батлах тухай”, “Нийслэлийн 2018 оны газар зохион байгуулалтын төлөвлөгөө батлах тухай”, “Нийслэлийн өмчөөс 2018 онд хувьчлагдах эд хөрөнгийн жагсаалт батлах тухай” хэлэлцэх юм. Төлөөлөгчдөөс санал оруулсны дагуу нэмэлтээр, нэгдүгээрт Агаар, орчны бохирдлыг бууруулах бодлого чиглэлийн тухай хэлэлцэхээр боллоо. гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 11 сарын 27
Санхүүгийн зохицуулах хорооны ээлжит хуралдаан баасан гарагт болж, хэд хэдэн хувьцаат компанийн үнэт цаасны бүртгэлд өөрчлөлт орууллаа.
Үүнд, “АПУ” ХК-ийн 742,877,000 ширхэг хувьцааг тус компанид нэгдэж буй “Эвэргрийн Инвестмент” ХХК-ийн хөрөнгөд ногдох 321,304,553 ширхэг энгийн хувьцаагаар нэмэгдүүлэн, нэг бүр нь 10 мөнгөний нэрлэсэн үнэ бүхий нийт 1,064,181,553 ширхэг болгон, нийтэд санал болгохыг зөвшөөрсөн үнэт цаасны бүртгэлд бүртгэв.
Мөн “Жинст-Увс” ХК-ийн 53,223 ширхэг хувьцааг тус компанид нэгдэж буй “Хөрөнгө оруулагч үндэстэн” хаалттай ХК-ийн хөрөнгөд ногдох 1,612,715 ширхэг энгийн хувьцаагаар нэмэгдүүлэн, нэг бүр нь 1,000 төгрөгийн нэрлэсэн үнэ бүхий нийт 1,665,938 ширхэг хувьцаа болголоо.
“Даваанбулаг” ХК-ийн хаалттай хүрээнд нэмж гаргаж буй 100 зуун төгрөгийн нэрлэсэн үнэтэй 1,788,500 ширхэг энгийн хувьцааг нийтэд санал болгохыг зөвшөөрч, “Ногоон хөгжил үндэсний нэгдэл” ХК-ийн нэг бүр нь 100 төгрөгийн нэрлэсэн үнэ бүхий 52,056 ширхэг хувьцааг нэг бүр нь 1 төгрөгийн нэрлэсэн үнэ бүхий 5,205,600 ширхэг энгийн хувьцаа болгон 100 хувааж бүртгэв.
“Ард даатгал” ХХК-ийн хувьцаа эзэмшигчдийн нэг “Блью Планет” ХХК өөрийн эзэмшлийн 153 310 ширхэг энгийн хувьцааг “Ард санхүүгийн нэгдэл” ХК-д арилжсантай холбоотой асуудлыг хэлэлцээд, “Ард даатгал” ХХК-ийн хувь нийлүүлсэн хөрөнгийн бүтэц, хувьцаа эзэмшигчдийн бүрэлдэхүүнд өөрчлөлт оруулж, бүртгэлд зохих өөрчлөлтүүдийг оруулахаар тогтлоо. Ингэснээр “Ард даатгал” ХХК гурван хувьцаа эзэмшигчтэй болж, нийт хувьцааны 93.3 хувийг “Ард санхүүгийн нэгдэл” ХК эзэмших болж байна.
-
2017 оны 11 сарын 27
Авлигатай тэмцэх газрын Мөрдөн шалгах хэлтсийн дарга, эрхэлсэн комиссар Э.Идэрцогоор
-
2017 оны 11 сарын 27
Улаанбаатар хотын Захирагчийн ажлын алба, Удирдлагын академи, Туркийн хамтын ажиллагаа, зохицуулалтын агентлаг (TIKA)-ийн хамтран зохион байгуулж буй “Хатуу хог хаягдлын менежмент” сургалт энэ сарын 21-24 хооронд Удирдлагын академийн төв байранд амжилттай болж өндөрлөлөө.
Сургалтаар Истанбул хотын Захиргааны хог хаягдлын асуудал хариуцсан мэргэжилтэн, инженерүүд Ахмет Эмин Илдирим, Хакки Сари, Ирже Дидем Карабиек нар Истанбул хотын хог хаягдлын менежментийн бодлого, үйл ажиллагааг танилцуулж, туршлага хуваалцахын зэрэгцээ дэлхий дахины хог хаягдлын менежмент, технологийн хөгжил, хандлагын талаар мэдлэг, мэдээлэл олгох сургалт болж өнгөрсөн юм.
“Хатуу хог хаягдлын менежмент” сургалтад ХХААХҮЯ, НЗДТГ, Улаанбаатар хотын Захирагчийн ажлын алба болон харьяа дүүргүүдийн алба хэлтсийн дарга, мэргэжилтнүүд, Улсын төв эмнэлэг, ТББ-ийн төлөөлөгч нийт 55 хүн оролцсон байна. Нийт 4 өдрийн 32 цагийн уг сургалтад оролцогчдод сертификат гардуулах үйл ажиллагаа боллоо гэж Улаанбаатар хотын Захирагчийн ажлын албанаас мэдээллээ.
-
2017 оны 11 сарын 27
Сар бүрийн 25-ны өдөр АТГ-аас мэдээлэл хийж буй.
-
2017 оны 11 сарын 27
2017 оны 11 дүгээр сарын 25, 26-ны амралтын өдрүүдэд Замын цагдаагийн албаны ЖШУХ нийт 577 дуудлага, мэдээ мэдээлэл хүлээн авснаас зам тээврийн ослын 407 дуудлага бүртгэгдсэн бөгөөд осол хэргийн улмаас 1 хүн гэмтэж бэртсэн.
Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 82 жолоочийг илрүүлэн саатуулж ажиллаа.
Бүртгэгдсэн зам тээврийн осол, хэргийг хэлбэрээр нь авч үзвэл явган зорчигч мөргөж гэмтээсэн 10 осол, мөргөлдөх хэлбэрээр 15 осол, үл хөдлөх зүйл мөргөсөн 2 осол тус тус бүртгэгдсэн бөгөөд энэ өдөр согтууруулах ундааны зүйл хэрэглэсэн үедээ зам тээврийн осолд холбогдсон жолооч 2, явган зорчигч 3 бүртгэгджээ.
Орон нутагт ноцтой зам тээврийн ослын улмаас 2 хүний амь нас хохирсон.
Тухайлбал:
1. Сэлэнгэ аймгийн Алтанбулаг сумын сайханы хөтөл гэх газар Hyundai Porter маркийн автомашин онхолдож, жолооч Т нь нас барсан хэргийг шалгаж байна.
2. Баянгол дүүргийн Жамсранжавын гудамж, “Номин” их дэлгүүрийн арын 14а-байрны баруун замд амины Kia Bongofrontier маркийн автомашины жолооч нь Toyota Toyoace маркийн автомашины М жолоочтой мөргөж ослын газрыг орхиж зугтаасан хэргийг шалгаж байна.
-
2017 оны 11 сарын 27
Өнөөдөр улс орон даяар нэгэн зэрэг өрнөсөн Цэргийн тангаргын баяр ёслол төгөлдөр болж өнгөрлөө. УИХ, Засгийн газрын гишүүн, Батлан хамгаалахын сайд Н.Энхболд Төрийн торгон цэрэг гэгдэж ирсэн Зэвсэгт хүчний 032 дугаар ангийн дайчдын тангаргын баярт оролцон баяр хүргэлээ.
Хурандаа генерал Ж.Ёндонгийн нэрэмжит Цэргийн гавьяаны улаан тугийн одонт ЗХ-ний 032 дугаар анги нь Төрийн болон, ёслол хүндэтгэлийн арга хэмжээ, Батлан хамгаалах яам, Зэвсэгт хүчний жанжин штабын харуул хамгаалалт, Улаанбаатар цэргийн хүрээнд ёс журам сахиулах үндсэн үүргүүдээ нэр төртэй гүйцэтгэж ирсэн анги юм. Цэргийн тангарга өргөнө гэдэг агуулгын хувьд ээж аавын хүү, эх орны хүү болж байгаа ч ач холбогдлын хувьд иргэнийхээ хамгийн хариуцлагатай үүргийг насан туршдаа эх орон, ард түмнийхээ өмнө хүлээж байгаа гэсэн үг юм.
Батлан хамгаалахын сайд Н.Энхболд цэрэг эрсийн тангарагийн баярт оролцож “Хүн амьдралдаа олон үүрэг амлалт авдаг байх. Гэхдээ цэргийн тангараг шиг хатуу, зөрчвөл хатуу цээрлэл хүлээдэг, эр хүнийг жиннхэнэ эр хүн болгодог ийм тангараг бол хүний амьдралд ганцхан байдаг. Энэ тангарагаа та бүхэн өнөөдөр эх орон, ард түмэн, аав ээж, ханийнхаа өмнө өргөлөө. Энэхүү тангарагтаа үнэнч явж, цэргийн албаа нэр төртэй хаахыг хүсэж баяр хүргэе” гэлээ.
Зэвсэгт хүчний 032 дугаар ангид хугацаат цэргийн алба хааж буй залуусын хувьд алба хаах хугацаандаа Монгол Улсын эрх чөлөө, тусгаар тогтнол, бүрэн эрхт байдлын билэг тэмдэг болж Монгол Улсад хүрэлцэн ирж буй гадаад улсын Төрийн өндөр дээд албан тушаалтнуудтай хамгийн түрүүнд нүүр тулан мэндчилж, Монгол Улсын төр цэргийн сүр хүчийг дэлхийд таниулж ирсэн өндөр үүрэг хариуцлага хүлээж ирсэн.
Э.Пүрэвбаатар /Зэвсэгт хүчний 032 дугаар ангийн байлдагч/
- Би Дундговь аймгийн Дэрэн сумынх. Өмнө би цэргийн албыг сайхан гэж боддог байсан. Энд ирээд цэргийн алба миний бодож байснаас илүүнэр хүндтэй, үүрэг хариуцлагатай, сайхан байдгийг мэдлээ. Үеийн олон залуустай найз нөхөр боллоо.
Эцэг эхийн төлөөлөл
-Би Сэлэнгэ аймгийн Алтанбулаг сумаас ирсэн. Хүүгээ эр цэргийн албанд нэр төртэй зүтгэж тангарагаа өргөж байгаад ээж нь баяртай байна. Хүүгээ эх орны хүү болж байгаад баярлаж албаа нэр төртэй хаагаад ирээрэй гэж хэлнэ дээ.
-Миний ууган хүү цэргийн тангарагаа өргөлөө. Төрийн ёслол хүндэтгэлд 032 дугаар ангид цэргийн албаа хаах болсон хүүгээ бахархаж байна. Энэ анги улс орны нүүр царай болж байдаг нэр хүндтэй анги. Тиймээс хүү минь эх орныхоо өмнө томоохон үүрэг хүлээлээ шүү гэж захиж байна.
Ийнхүү Монгол Улсынхаа үндсэн хуулийг эрхэмлэн дээдэлж иргэний цэргийн үүргээ биелүүлэхээр хугацаат цэргийн албанд татагдан тангаргаа өргөсөн шинэхэн дайчид эх орноо хайрлах үзэлтэй, албаа нэр төртэй хааж, эрдэм мэдлэг, оюун ухаанаа боловсруулан тэлэх их амжилтын үүд хаалгаа нээлээ.
-
2017 оны 11 сарын 27
09.00 цагт Хангарди ордонд НИТХ-ын хуралдаан болно.
09.00 цагт “Эрүүл мэндийн ажилтны ажлын чанар, хүртээмжийг сайжруулах” уулзалт ЭМЯ-нд болно.
10.00 цагт Уран зургийн галeрейд болно. “Цахлай” хүүхэд хамгаалал, хөгжлийн төслийн нээлт болно.
10.00 цагт Нийслэлийн ерөнхий боловсролын 52 дугаар сургуульд Кубын Элчин сайдын яамнаас ном хандивлах арга хэмжээ болно.
10.00 цагт Архивийн ерөнхий газарт “Үндэсний төв архивт хадгалагдаж байгаа хосгүй үнэт гэрэл зураг, баримт бичиг” үзэсгэлэнгийн нээлт болно.
11.00 цагт АТГ-ын дэргэдэх ”Олон нийтийн төв”-д тус байгууллагын удирдлагууд цаг үеийн асуудлаар мэдээлэл хийнэ.
11.00 цагт Төрийн ордонд “Төрийн мэдээлэл” эмхэтгэлийн 1000 дахь дугаарыг Төрийн түүхийн музейд хүлээлгэн өгөх ёслол болно.
11.30 цагт Тусгаар тогтнолын ордонд МАН-ын 28 дугаар Их хурлын зохион байгуулагчид мэдээлэл хийнэ.
12.00 цагт “Монгол ньюс” мэдээллийн төвд СУИС-ийн Бүжгийн урлагийн сургуулиас “Монгол Улсын Гавъяат жүжигчин, СУИС-ийн хүндэт профессор Д.Нанжид бүжгийн урлагт 70 жил” үйл ажиллагааны талаар мэдээлэл хийнэ.
12.00 цагт БСШУСЯ-нд дохионы хэлний сургалтыг сайжруулах ”Ярьдаг гар-1” төслийн танилцуулга болно.
12.00 цагт ЭМЯ-нд хөнгөлөлттэй үнээр олгох эмийн жагсаалтын талаар мэдээлэл хийнэ.
Нийслэлийн хэвлэл мэдээллийн төвд
10.30 цагт Чингэлтэй дүүргийн удирдлагууд цаг үеийн асуудлаар мэдээлэл хийнэ.
11.00 цагт “Шинэ санаа-Шилдэг инноваци” сэргээгдэх эрчим хүчний шилдэг бүтээгдэхүүн, төслийн уралдааны зохион байгуулагчид мэдээлэл хийнэ.
“Live conference center“-т
11.00 цагт Хөгжлийн бэрхшээлтэй иргэдийг ажлын байраар хангах “Lead Mongolia” төслийн багаас мэдээлэл хийнэ.
12.00 цагт “Хилийн Чанад дахь Монголчуудын Зөвлөл” ТББ-аас ОХУ-д суугаа Онц бөгөөд Бүрэн эрхт Элчин сайд Б.Дэлгэрмааг эгүүлэн татахыг шаардаж, мэдээлэл хийнэ.
-
2017 оны 11 сарын 27
Дохио!! Цаг агаарын аюултай үзэгдлээс сэрэмжлүүлэх мэдээ:
27-нд Сэлэнгийн нутаг, Төв, Хэнтийн хойд хэсгээр цасан шуурга шуурна.
-
2017 оны 11 сарын 27
Мэргэжлийн сумогийн их аварга Харумафүжи Д.Бямбадорж нутаг нэгт бөх
-
2017 оны 11 сарын 27
2017.11.27, Даваа гараг / Билгийн тооллын: 9
Өвлийн эхэн цагаагчин гахай сар
-
2017 оны 11 сарын 27
2017 оны 11 дүгээр сарын 26-ны 20 цагаас 11 дүгээр сарын 27-ны 20 цаг
-
2017 оны 11 сарын 26
Агаарын бохирдлын сөрөг нөлөөллөөс эрүүл мэндээ хамгаалж, хэрхэн урьдчилан сэргийлэх талаар Нийслэлийн эрүүл мэндийн газраас зөвлөж байна.
-
2017 оны 11 сарын 26
ймгийн Засаг дарга нарын орлогч нар өнөөдөр ОБЕГ-ын харьяа Нийслэлийн иргэдийг гамшгаас хамгаалах сургалт, арга зүйн төвийн үйл ажиллагаатай танилцлаа.
Энэ үеэр ОБЕГ-ын дэд дарга, хурандаа Б.Ууганбаяр, засаг даргын орлогч дарга нарт Онцгой байдлын албаны үйл ажиллагааг танилцуулсан юм.
Гамшгаас хамгаалах үйл ажиллагааг орон нутагт хэрэгжүүлэх, гамшгийн үед шаардагдах хөрөнгийн эх үүсвэрийг бүрдүүлэх, түүнийг захиран зарцуулах, төлөвлөх, гамшгийн үед үүрэг гүйцэтгэх дадлага, чадварыг хүн амд эзэмшүүлэх, нутаг дэвсгэрийн хэмжээнд хүн хүч, техник хэрэгслийг дайчлан гаргах зэрэг үүргийг бүх шатны Засаг дарга хуулиар хүлээсэн байдаг.
Хуулиар хүлээсэн энэхүү үүргийг орон нутагт гардан хэрэгжүүлэх, хүн амд гамшгаас хамгаалах дадлага олгох, эзэмшүүлэхэд чиглэгдсэн сургалт, дадлагуудыг орон нутагт тогтмол зохион байгуулах, ирэх онд Онцгой байдлын ерөнхий газраас орон нутагт зохион байгуулах Гамшгаас хамгаалах иж бүрэн болон команд штабын сургуулийн бэлтгэл ажлыг хангах, зохион байгуулахад анхааран ажиллахыг ОБЕГ-ын дэд дарга, хурандаа Б.Ууганбаяр аймгийн Засаг даргын орлогч нарт үүрэг болголоо.
Мөн 2017 онд орон нутагт зохион байгуулсан Гамшгаас хамгаалах иж бүрэн болон команд штабын сургуулийн талаар танилцуулга хийлээ. Энэ онд Архангай, Баян-Өлгий, Говь-Алтай, Дорноговь, Хөвсгөл аймагт Гамшгаас хамгаалах иж бүрэн болон команд штабын сургуулийг зохион байгуулсан. Харин энэ онд Булган, Хэнтий, Төв, Сүхбаатар, Увс аймгуудад Гамшгаас хамгаалах иж бүрэн болон Команд штабын сургууль, Ховд аймагт “Говийн чоно-2018” олон улсын сургалт, дадлага сургууль зохион байгуулах юм гэж Онцгой байдлын ерөнхий газраас мэдээллээ.
-
2017 оны 11 сарын 26
Өвлийн улиралтай давхцаад утааны улирал ч ирлээ. Тиймээс бяцхан үрсээ болон өөрийгөө ханиад томуунаас урьдчилан сэргийлж вакциндаа хамрагдахыг Нийслэлийн эрүүл мэндийн газраас зөвлөж байна.
-
2017 оны 11 сарын 26
Цэргийн Төв эмнэлэг, Энэтхэгийн BLK Super Specialty эмнэлгийн эмч нарын хамтарсан үзлэг 2017 оны 12-р сарын 5-7ны өдрүүдэд Цэргийн төв эмнэлэг дээр хийгдэх бөгөөд Энэтхэг улсын Хавдрын Төвийн Захирал / Ахлах Зөвлөх эмч Панкаж Панде ҮНЭГҮЙ төлбөргүй үзлэг хийнэ.
-
2017 оны 11 сарын 26
Нийслэлийн эрүүл мэндийн газраас томуу, томуу төст өвчний үед авч хэрэгжүүлэх арга хэмжээ, бэлэн байдлыг хангах ажлын хүрээнд улирлын томуугийн вакцинаар дархлаажуулах ажлыг зохион байгуулж байна. Энэ сарын 24-ний байдлаар, нийслэлийн хэмжээнд улирлын томуугийн вакцинд нийт 51361 хүн хамрагджээ.
Тухайлбал, улирлын томуугийн вакцинаар өндөр настан, архаг өвчтэй хүн 11213, эрсдэлт бүлгийн хүүхэд 1091, жирэмсэн эмэгтэй 1550, сонгогдсон цэцэрлэгийн хүүхэд 21107, цэцэрлэгийн багш 3533, сургуулийн багш 6344, эрүүл мэндийн байгууллагын ажилчид 3596, бусад байгууллагын албан хаагчид 2339, сайн дурын дархлаажуулалтанд 588 иргэнийг хамруулсан байна.
НИЙСЛЭЛИЙН ЭРҮҮЛ МЭНДИЙН ГАЗАР
-
2017 оны 11 сарын 26
Жил бүрийн 12-р сарын 10-нд тэмдэглэдэг “Олон улсын хүний эрхийн өдөр”-ийг угтан, өнөөдрөөс эхлэн охид, эмэгтэйчүүдийн хүчирхийллийн эсрэг 16 хоногийн аян эхэлж байна.
Жендэрт суурилсан хүчирхийллийг таслан зогсооход бүх нийтийн оролцоог дэмжих, чиглүүлэх зорилгоор “Хүчирхийлэлд үгүй гэж хэлье!” уриан дор энэхүү аянг зохион байгуулах юм.
11 сарын 25- Эмэгтэйчүүдийн эсрэг хүчирхийллийг устгах олон улсын өдөр
11 сарын 25- Цагаан туузтаны хөдөлгөөн
11 сарын 29- Хүний эрхийн төлөө тэмцэгч эмэгтэйчүүдийн өдөр
12 сарын 1- ДОХ-той тэмцэх өдөр
12 сарын 2- Боолчлолыг таслан зогсоох өдөр
12 сарын 3- Хөгжлийн бэрхшээлтэй хүний эрхийн өдөр
12 сарын 5- Сайн дурынхны өдөр
12 сарын 10- Хүний эрхийн өдөр
