Монгол Улсын Ерөнхийлөгч Х.Баттулга ирэх зургадугаар сарын эхээр Хятадын Циндао хотноо болох Шанхайн хамтын ажиллагааны байгууллагын гишүүн орнуудын тэргүүнүүдийн дээд хэмжээний уулзалтын үеэр ОХУ-ын ерөнхийлөгч Владимир Путин, БНХАУ-ын дарга Си Зиньпин нартай уулзахаар төлөвлөж байна гэж Монгол Улсын Гадаад хэргийн сайд Д.Цогтбаатар ОХУ-ын Гадаад хэргийн сайд Сергей Лавровтой уулзсан тухай хэвлэлийн бага хурал дээр мэдэгдлээ гэж ТАСС агентлаг дамжууллаа.
“Орос Монгол хоёр улсын харилцаа 2014 онд манай улсын санаачилсан Орос, Монгол, Хятадын гурван талт хамтын ажиллагааны хүрээнд эрчимтэй хөгжиж байна. Энэ гурван орныг дамжсан эдийн засгийн хонгил байгуулахад бид их ач холбогдол өгч байна. Манай гурван улсын төрийн тэргүүн нарын ээлжит уулзалтыг Циндаод болох Шанхайн хамтын ажиллагааны байгууллагын дээд хэмжээний уулзалтын үеэр зохион байгуулахаар төлөвлөж байна” гэж сайд тэмдэглэжээ.
Сэтгэгдэл (3)