УИХ-ын гишүүн Ш.Раднаасэд Эрүүгийн хуульд хөөн хэлэлцэх хугацааг хэрхэн тусгасан талаарх мэдээллийг сэтгүүлчдэд өглөө. Тэрбээр “Хуулийн хуучин төслөөр гэмт хэргийг хөөн хэлэлцэх хугацаа гэмт хэрэг үйлдсэн өдрөөс эхлэн яллагдагчаар татах өдрийг хүртэл тоолно. Яллагчаар татсан тохиолдолд гэмт хэргийг хөөн хэлэлцэх хугацааг зогсооно” гэж байсан. Харин санал гаргаж өөрчлөгдсөн байдал нь “Гэмт хэргийг хөөн хэлэлцэх хугацаа гэмт хэрэг үйлдсэн өдрөөс эхлэн анхан шатны шүүхийн шийдвэр хүчин төгөлдөр болоход зогсоно” гэж өөрчлөгдсөн. Энэ нь нэг нь хуучин “яллагчаар татна” нөгөөх нь “шүүхийн шийдвэр хүчин төгөлдөр болно” гэдгээрээ ялгаатай” гэсэн юм.
Яагаад ингэж өөрчилсөн бэ гэхээр
Хөөн хэлэлцэх хугацааг яагаад ийн өөрчилсөн талаараа “Тухайн үед прокурорын байгууллагаас миний тарааж өгсөн тэмдэглэлтэй холбогдуулж асуусан. Тэр нь “Хүнийг удаан хугацаагаар яллагдагчаар татаад хорьж мөрддөг. Бүх насаараа яллагдагчаар татаад хөөн хэлэлцэх хугацааг Цагдаагийн байгууллагын Мөрдөн шалгах хэлтэст очоод зогсдог учраас хөөн хэлэлцэх хугацаанд нь багтаж мөрдөх ажиллагааг яаравчлуулах хэрэгтэй. Тэгэхгүй бол одоогийн оруулж ирсэн хорьж мөрдөх хугацаа 24 сар нэртэй боловч Ерөнхий прокурорын шийдвэрээр цааш хугацаагүй хорих заалт” гэсэн.
Хоёрдугаарт, 2002 оны болоод 1986 оны Эрүүгийн хуульд бидний өөрчилснөөр буюу шүүхийн шийдвэр хүчин төгөлдөр болтол хөөн хэлэлцэх хугацааг тоолно гэсэн өөрчлөлт байсан.
Үүнийг 2008 онд өөрчилснөөс болж 10 мянга гаруй хэрэг түдгэлзсэн. Хэрэг түдгэлзсэнээс болж яллагдагчаар татсан, хөөн хэлэлцэх хугацаа зогсдогтой холбоотойгоор хэргийн оролцогчдын хэн нэгэн нь алга болох эсвэл хэн нэгэн нь оргон зайлах, гадна, дотнын байгууллагаас тайлбар мэдээлэл ирээгүйгээс болж насаараа яллагдагчаар явах, насаараа мөрдөн шалгуулах нөхцөл байдал руу орсон. 10 мянга гаруй хэрэг гэдэг бол 10 мянга гаруй хүн байна гэсэн үг. Үүнийг хүний эрх талаас нь дээрдүүлэх зорилгоор анх энэ санал гарч ингэж өөрчилсөн” гэлээ.
Р.Хишигжаргал
Сэтгэгдэл (26)