Япон Улсын Гадаад хэргийн сайд Хаяши Ёшимаса-гийн Монгол Улсад хийсэн айлчлал өндөрлөв
Айлчлалын хүрээнд Япон Улсын Гадаад хэргийн сайд Ё.Хаяши Монгол Улсын Ерөнхийлөгч У.Хүрэлсүх, Ерөнхий сайд Л.Оюун-Эрдэнэ нарт бараалхаж, Гадаад харилцааны сайд Б.Батцэцэгтэй албан ёсны хэлэлцээ хийв. Энэхүү айлчлал нь “Гуравдагч хөрш” Япон Улстай тогтоосон Стратегийн түншлэлийн харилцааг бэхжүүлэхэд чухал ач холбогдолтой боллоо.
Бүгд Найрамдах Солонгосын улсын жуулчдыг визгүй зорчуулах шийдвэрийг гаргав
Өнөөдрийн байдлаар манай улсад бүх төрлийн паспорттой 25, дипломат албан паспорттой 37 гадаад улсын иргэд визгүй зорчиж байгаа бөгөөд өмнө нь манай талаас 2010 онд Япон Улс, 2013 онд Канад Улс болон Герман Улсын иргэдийг тус тус 30 хүртэлх хоногийн хугацаатай визээс чөлөөлөх шийдвэрийг дангаараа гаргаж байсан.
УИХ-ын гишүүн Т.Доржханд намын нөхөдтэйгээ Сүхбаатарын талбайд жагсав
Тэд "Амьдралын чанараа дээшлүүлье", "Өөрсдөө өөрчил, үгүй бол тар" гэсэн уриатайгаар жагсаж байгаа юм. Мөн "Бид тогтолцооны гажуудлаас болж 30 жил буруу амьдарлаа. Одоо өөрөөр амьдръя гэсэн агуулгаар жагсаж байна. Иргэнийхээ журмаар тайван жагсаал зохион байгуулж байна. Мөн "УИХ өөрсдөө өөрчил, үгүй бол тар" гэж шаардаж байгаа. УИХ-ын төлөөлөл бидний шаардлагыг хүлээн авах ёстой" гэв.
Хиймэл зүлэг
Ерөнхийлөгч У.Хүрэлсүхийн ивээл дор хэрэгжих "Нийтийн хөл бөмбөг" төслийн хүрээнд Улаанбаатар хотын хөл бөмбөгийн аварга шалгаруулах “UB cup” тэмцээн болох гэж байна. Үүнтэй холбогдуулан бэлтгэл ажлыг эхлүүлж, Сүхбаатарын талбайд хөл бөмбөгийн талбай зассан. Энэхүү хиймэл зүлэг дээр ногоон байгууламж, цэцэрлэг хүрээлэнгээр ангаж цангасан нийслэлчүүд хиймэл зүлэг засахад нийслэлийн зарим иргэд алжаалаа тайлж, хэсэг зуур тухлав.
УИХ-ын гишүүн асан Ж.Батзандан эх орондоо эргэн эрлээ
Австрали улсад суух Элчин зөвлөхөөр томилогдоод тус улсад ажиллаж байсан УИХ-ын гишүүн асан Ж.Батзандан эх орондоо эргэн иржээ. Тэрбээр үүрэгт ажлаасаа чөлөөлөгдөх өргөдлөө Ерөнхий сайд Л.Оюун-Эрдэнэ, Гадаад харилцааны сайд Б.Батцэцэгт хүргүүлсэн бөгөөд үүнээс хойш чөлөөт иргэний МАНАН дэглэмийн эсрэг тэмцэлээ үргэлжлүүлнэ гэдгээ мэдэгдсэн юм.
МҮБХ: Хоёр бөхөөс допинг илэрлээ
Монголын Үндэсний Допингийн Эсрэг Байгууллагаас 2022 оны гуравдугаар сарын 17, 19-ний өдрийн барилдаануудад шөвгөрсөн 14 бөхөөс допингийн явцын шинжилгээг авсан. Дээрх бөхчүүдийн шинжилгээний хариу Олон Улсын Допингийн Эсрэг Байгууллагын итгэмжилсэн БНСУ-ын лабораториос 2022 оны дөрөвдүгээр сарын 25-ны өдөр МҮДЭБ-д ирсэн байна. МҮДЭБ мөн өдөр Монголын Үндэсний Бөхийн Холбоонд дээрх хариуг хүлээлгэн өгсөн бөгөөд нийт 14 шинжилгээнээс 12 нь сөрөг буюу зөрчилгүй, 2 шинжилгээнээс хориотой эм бэлдмэлийн жагсаалтад багтсан нэг төрлийн бодис илэрсэн хариу ирсэн.
