ЭМЯ: Эрүүл мэндийн яамнаас иргэдийн санал, хүсэлттэй холбоотой дараах мэдээллийг өглөө. Иргэд, олон нийттэй харилцах төвийн 11-11 утсанд өнгөрсөн тавдугаар сард 354 иргэн эмнэлгийн тусламж үйлчилгээтэй холбоотой хандсанаас 60.9 хувь нь гомдол байсан бол 17.6 хувь нь талархал байжээ. Харин иргэдээс ирсэн өргөдөл гомдлыг 78.8 хувьтай шийдвэрлэсэн байна. Шийдвэрлэсэн гомдолын агуулгаар авч үзвэл Эмчилгээ, үйлчилгээний хүртээмжтэй байдлын тухай 26.3 хувь, Эмчилгээ, үйлчилгээний чанар 16.8 хувь байсан бол Эрт илрүүлэгийн талаарх гомдол санал 25.2 хувьтай иржээ. Эрт илрүүлэгт хамрагдсан байдлыг авч үзвэл улсын хэмжээнд 144.997 хүн хамрагдсанаас 52.2 хувь нь Улаанбаатар хотод, 48.8 хувь нь орон нутагт хамрагджээ.

Харин хүүхдийн ханиад, томуугийн дэгдэлтийн талаар ЭХЭМҮТ-ийн захирал Т.Болормаа мэдээлэл өглөө. Тэрбээр “ЭХЭМҮТ-ийн хувьд  өнгөрсөн гурван сарын хугацаанд ачаалал өндөр ажиллаж байна. Хүүхдийн зөвлөх поликлиник долоо хоногт 5000 гаруй хүүхдэд үйлчилдэг, яаралтай тусламжийн тасгаар 1600-1800 орчим хүүхдэд үйлчилж байна. Мөн ХӨСҮТ-өөс гаргадаг долоо хоног тутмын мэдээг авч ажиллаж байгаа. Сүүлийн мэдээгээр хүүхдүүдийн дунд томуугийн “А” хүрээний H3N2, Sars CoV2, болон бусад томуу төст өвчний вирусууд идэвхтэй дэгдэлттэй байна. Иймд хүүхдүүдэд өндөр халуурах шинж тэмдэгээр илэрч байгаа төдийгүй ковидоос өмнөх үетэй харьцуулахад буураагүй, үргэлжлэх шинжтэй байна” гэв.

Т.Мөнхжаргал