Бурхан багшийн их эрдэнийн ринсрэл /чандар/-ыг Монгол Улсад залж буй үйл явдлын талаар мэдээлэл хийж байна. Энэ үеэр Хамба лам Д.Чойжамц мэдээлэл өглөө. Тэрбээр "Зургаадугаар сарын 14-ны өдөр Бурхан багшийн их дүйцсэн өдөр болно. Бурхан багш их дүйцсэн өдөр бол бурхан багш эхийн хэвлийд орсон, төгс гэгээрсэн, нирваан дүрийг үзүүлсэн гурван өдөр давхацдаг. Энэ өдөр буян чуулганыг үйлдэж, нүглийг тэвчиж өнгөрүүлдэг. Орон хийдүүд ном судраа уншиж, иргэд сүм хийддээ ирж бие, хэл, сэтгэлээрээ буян хураадаг. Хойшдоо миний амьдралд сайн сайхан эргэлт гарна гэсэн бодол сэтгэлээр энэхүү өдрийг тэмдэглэдэг.

Сүүлийн үед НҮБ-ын тусгай чуулган хуралдаж, энэ өдрийг дэлхий даяараа тэмдэглэдэг болсон. НҮБ-ын тэр сайхан ногоон чулуун индэр дээрээс хуралд ороолцож, үг хэлэх нь их буянтай зүйл боллоо хэмээн бодож байсан юм. Одоо орон болгонд тэмдэглэдэг. Дэлхий нийтийн баяр өдөр болсон өдөр юм. Манай Засгийн газар энэ өдрийг баярын өдөр болгосон. Тиймээс баярын яг ёсоор нь тэмдэглэцгээе. Үүнд үлгэр жишээ болох үйл явдлууд болдог. Энэ жилийн хувьд хоёр сарын өмнөөс олон төрлийн ажлуудыг Нийгэмд, хүүхэд багачуудад зориулан зохион байгуулж ирлээ.

Энэ жил Энэтхэг улсаас Бурхан багшийн ариун чандар морилж ирж байгаа. Бурхан багшийн чандрыг таалал төгссөний дараа найм хуваан улс орнуудад тараасан байдаг. Энэтхэгийн эх оронд нь Бурхан багшийн хэд байдаг. Үүний дөрвөн эрэн сэрэл манай улсад залрах гэж байна. Энэ бол буянтай үйл болж байна. Энэ цэвүүн цагт Бурхан багшийн ариун чандар заларсан газар амгалан, жаргалан үүсэж сайн сайхан байдаг гэдэгт бид итгэдэг. Төгс гэгээрсэн бурхны лагшинд мөргөх ийм сайхан боломж гарч байгаа. Тиймээс та бүхэн өргөнөөр ирж мөргөөрэй” гэв.