Нийслэлийн Засаг даргын А/740 тоот захирамж гарч, Дархан цаазат Богдхан уулын тэнцвэрт байдал, ой, ургамалд сөрөг нөлөөтэй байгууламжуудыг буулгасан. Тухайлбал, Хан-Уул дүүргийн 11 дүгээр хорооны нутаг Ар Зайсангийн гудамжинд байрлах хийц бүтээцэд нь ан цав, цууралт үүсэж, ноцтой эвдэрч гэмтсэн барилга байгууламжуудыг албадан буулгасан юм. Олон жилийн өмнө барьсан 49 шавар гэрийг буулгаж, хогийг ачих гэтэл тус гэрийг барьсан компанийн зүгээс хүсэлт гаргасан тул түр харзнасан боловч компани хогийг ачиж зөөвөрлөөгүй төдийгүй хууль зөрчсөн үйлдлээ өмгөөлсөн мэдээллийг олон нийтэд цацсан. Тиймээс өнөөдөр Нийслэлийн Засаг даргын Захиргаа, хууль эрх зүйн асуудал хариуцсан ахлах зөвлөх Д.Мөнх-Эрдэнэ хэвлэлийн хурал хийж, дараах мэдээллийг өглөө.
Тэрбээр, "“Мүис”-тай хамаарал бүхий төрийн бус байгууллагийн нэр дээр 38,2 га газар ашиглуулахаар олгосон энэ газар дээр байгаль орчны сайд Н.Цэрэнбатын үед 2019 онд газрыг нь ашиглахийг цуцалсан. Энэ байгууллага шиг хуулийн дээгүүр гардаг, хууль зөрчдөг энэ үйлдлийг таслан зогсоох зайлшгүй шаардлагатай байна. Зөвхөн эдний хамааралтай жишээ ярихад дөрвөн газар баянгол дүүргийн нутаг дэвсгэрт, барилгийн ажил эхлэх зөвшөөрөлгүй ийм обьектууд байна. Өөрөөр хэлбэл эд хуулийг зөрчиж сурсан байна. Эднийг хамгаалдаг хамтран ажилладаг улс төрчид бас байна. Иймээс нийслэлийн зүгээс дахин ийм нөхцөл байдлыг гаргуулахгүйн төлөө тууштай тэмцэнэ. 1,6 сая нийслэлийн оршин суугчдынхаа эрх ашгийг нэгдүгээрт тавьж хуулийн дагуу шийднэ. Хотын удирдлагын зүгээс дахиж ийм алдаа гаргахүйн тулд ажиллана" гэв.
-38,2га газар нь хэн гэдэг тушаалтай ямар дарга сайдын тушаалтай ийм газрууд байгаа вэ? Зөрчилтэй гэдэг үндслэл нь энэ дугуй цагаан дээр яаж гарж ирсэн бэ? Бусад байршлуудын зөвшөөрлийн талбай, ашиглалтын хөдөлмөр хураамж татвартай холбоотой мэдээлэл өгөөч?
-Өмнө нь ийм байсан, одоо байгаа нөхцөл байдлыг засах арилгах хууль бус үйлдлийг таслан зогсоож болохгүй гэсэн үг биш. Төрийн албан хаагчид нийслэлийн зүгээс хууль хүн бүрийг алагчилгүй үйлчлэх үүрэгтэй. Бид боломжтой газраа нийслэлийн оршин суугчид иргэдийн төлөө зохион байгуулж газраа чөлөөлөн арга хэмжээ авна. Нэгэнт хаус баригдцан гэж байна, одоо байгаа тэр сул талбай чөлөөтэй байгаа газруудыг засаж янзлан байгаа бүх боломжтой асуудлыг авч хэлэлцэнэ. Өмнөх хүмүүсийн алдааг давтаж болохгүй. Улаанбаатар хотод байгаа зам талбай иргэдийнхаа төлөө оршин суугчдийн эрх ашгийн төлөө зориулах ажлыг хийнэ. Хашааны арга хэмжээ, зөвшөөрөлгүй грашуудыг албадан буулгах зэрэг ажлууд хийгдээд явж байгаа.
-Ашиглах төлбөр хураамжтай ямар зөрчлүүд үүссэн бэ?
-Ерөөсөө та бүхэн нэг л зүйлийг мэднэ. Богд ууланд барилга байгууламж барьж болохгүй ээ тэр барилга нь ямар ч хамгаалалт байхгүй өнөө маргаашгүй нурж унах дөхсөн, балгас болцон ийм нөхцөл байдалтай байгаа. Тэгэхээр үүнийг бид шуурхай арга хэмжээ авч ажиллах нь зөв байсан гэмт хэрэг зөрчлөөс урьдчлан сэргийлэх ажлыг нийслэлийн орчинд зохион байгуулах нь хотын удирдлагын үүрэг хүн гэмтэж бэртсэний дараа та нар юу хийж байсан юм бэ хүмүүс асууна тиймээс бид шуурхай арга хэмжээ авахаас өөр арга байхгүй.
-Хүн гэмтэж бэртсэн гэх тоо баримт байгаа юу? Ашиглагдах газраасаа хугацаа нь хэтэрсэн газруудийг нураахаар төлөвлөгдсөн газрууд бий юу?
-Цагдаагийн байгууллагаас өгсөн мэдээлэлд 2017 оноос 2022 оны байдлаар гэмт хэрэг зөрчлийн мэдээллийн талаар 150 нь мэдээлэл ирсэн. Өнгөрсөн гурван жилийн хооронд covid-ийн нөхцөл байдалтай байсан өөрөөр хэлбэл үйл ажиллагаа явуулаагүй энэ тоо бол нилээн өндөр тоо энэнээс өмнө статистик мэдээллийг харж болно. Маш олон сэтгэл эмзэглүүлмээр,онц ноцтой хэргийн талаарх мэдээллүүд өнөөдөр ч гэсэн шар мэдээнээс арилаагүй байгаа. Өмнөх дархан цаазат газрын хамгаалалтын горим тусгай хамгаалалтын тухай хуулийг зөрчсөн үйл явдлыг дуугүй хараад өнгөрөөсөн энэ үйлдлыг үр дагавар нь одоогийн Богд Хан Дархан цаазат газар юм. Нийслэлийн зүгээс Улаанбаатар хотын эрх зүйн байдлын хуульд заасан чиг үүргийн хүрээнд дархан цаазат газрыг иргэдийнхаа, оршин суугчдын амрах тав тухтай байдлыг тохижуулах ажлыг хийнэ.
Байгаль орчин аялал жуулчлалын сайд иргэдийн амрах зугаалах, тав тухтай байдлыг бүрдүүлэхийн төлөө тохижуулах ажлыг хийнэ гэж зарласан байсан. Тэгэхээр энэ дээр бол Байгаль орчны сайдтай бид хамтарч ажилланаа гэж ойлгож болно.
Дахин нэг зүйл тодруулан хэлэхэд, өмнө нь ийм байсан гээд одоо ажиллаж байгаа бидэнд хамаагүй, бид өмнөх алдааг гаргахгүйн тулд Улаанбаатар хотын дархан цаазат газар эзэмшлийн зам талбайг яг зориулалтаар нь ашиглуулахын төлөө, тохижуулахын төлөө, бүх үйл ажиллагааг зохион байгуулна. Энэ дээр бидний үйл ажиллагаанд саад болох гэж байгаа бол тийм зүйл байхгүй.
"МҮИС"-тай хамааралтай зөрчлийн талаарх мэдээллийг та бүхэнд хүргэе. Нийслэлийн засаг даргын хуулийн хэрэгжилтийг хянах зарим арга хэмжээний тухай 2021 оны дөрөвдүгээр сарын 19-ны “А/...” тоот руу захирамж гарсан, энэ захирамжийн хүрээнд хот төлөвлөлтийн норм, дүрэм зөрчсөн А даалгавар байхгүй, барилгын ажил эхлэх зөвшөөрөл үгүй, объектуудын жагсаалт гарсан. Баянгол дүүргийн 11-р хороо, гандан руу уруудах замд, гандангийн автобусны буудлын хойд талд гэх нийт дөрвөн объект МҮИС, Нигмо ХХК, иргэн н.Хонгорзул гэсэн этгээдүүд барилгын ажил явуулж байна. Энэ хүмүүсийг хотын даргын хэрэгжилт дээр түр түтгэлзүүлсэн. Энэ түтгэлзсэн хүмүүс барилгын ажил эхлүүлээд яваад байна. А даалгавар байхгүй, барилгын норм дүрэм зөрчсөн байгууллага нь ашиглалтанд ороод иргэд үйлчлүүлээд хохироод байдаг. Дахиад нэг жишээ, тусгай хамгаалалттай газар нутгын тухай хуулиараа газар ашиглаж байгаа этгээд ашиглаж байгаа газрынхаа унаган төрхийг хадгалах ёстой.
Д.Бат-Эрдэнэ, М.Балжинням
