Баянгол дүүргийн 7, 8 дугаар хорооны 1.5 километр замыг дөрвөн эгнээ болгож өргөтгөн шинэчлэх ажлын талаар тус дүүргийн Засаг дарга Ө.Сумъяабаатар, “Хөвчийн зам” ХХК-ийн удирдлагууд мэдээлэл хийж байна. Энэ үеэр БГД-ийн Засаг дарга Ө.Сумъяабаатар мэдээлэл өглөө.

Тэрбээр "Манай дүүрэгт 2021 оноос хойш он дамжин улсын төсвийн хөрөнгө оруулалтаар буюу 28,2 тэрбум төгрөгийн санхүүжилтээр нийт зургаан багц төсөл, арга хэмжээг хэрэгжүүлж байна. Өнгөрсөн жил 70 гаруй хувьтай байсан бол энэ жил 30 хувийн ажлыг хийж буйгаас хамгийн том нь Гэмтлийн эмнэлэг хүртэлх 1,5 км урттай энэхүү зам юм. Энэ нь 2,7 км дөрвөн эгнээ, хоёр талаараа явган хүний замтай байх юм. Энэ нь нийслэлдээ нэлээн хөдөлгөөн ихтэй гудамжинд тооцогддог бөгөөд  замын хөдөлгөөний ачааллыг тодорхой хэмжээгээр бууруулахад нэмэр болох болно гэж найдаж байна. Гүйцэтгэгч компани аравдугаар сар гэхэд дуусгахаар ажиллаж байна. Энэ зам дагуу байсан зөвшөөрөлгүй барьсан хашаа, хайсыг буулгаж газар чөлөөлсөн тул замын ажил торох зүйлгүй явна" гэв. 

Д.Батчулуун