"Big show"-ныхан Хавдар судлалын үндэсний төвд хавдрын аппарат хандивлалаа. Энэ үеэр жүжигчин Г.Алтаншагай мэдээлэл өглөө.

Тэрбээр “Энэ өдөр тайз дэлгэцийн олон уран бүтээлчид нэгдэн нийлж, сайн үйлсийн аяныг зарласан. Бид Хавдар судлалын үндэсний төвд хүрэлцэн ирээд байна. Хэвлэл мэдээлэл, видео сангуудаар “Big show" цацагдаж, үзэгчдийн хүртээл болоод удаагүй. Энэ шоу хандивын аянд зориулагдсан. Тодруулбал, жүжигчин Ганбаагийнхаа эмчилгээний зардалд зориулсан. Хоёр сарын хугацаанд 400 мянга гаруй хүн үзсэн. Уран бүтээлчдийнхээ зүгээс талархаж буйгаа илэрхийлж байна. Ганбаа маань элэгний хорт хавдар гэх аюулт өвчнийг тусаад БНСУ-д эмчлүүлэх шаардлагатай болсон.

Ингээд эмчилгээний зардлыг босгохын тулд эв санаа нэгдсэн. Харамсалтай нь найзыгаа аварч үлдэж чадсангүй. Найз маань мөнх бусыг үзүүлж, бидэнд уй гашуу тохиолдсон. Монголын ард түмэн маань энэ уй гашууг хамт хуваалцсан.

"Big show"-ны үзэлтээс орж ирсэн мөнгөний тодорхой хувийг ар гэрт нь зориулсан. Үлдсэн хэсгээр нь 269 сая төгрөгийн үнэтэй хавдрын аппаратыг хандивлаж байна. Хорт хавдар маш их болсон энэ цаг үед олон хүмүүст тус буян, амьдрал бэлэглэх үүднээс эрт үед нь элэгний хорт хавдрыг оношлох, илрүүлэх хавдрыг аппаратыг Хавдар судлалын үндэсний төвийг сонгон хандивлаж байна" гэв. 

Д.Батчулуун