Өнөөдөр Сүхбаатар дүүргийн Засаг даргын Тамгын газрын Худалдаа, үйлчилгээний хэлтсээс Хотын стандарт, хяналтын газартай хамтран сургалт зохион байгууллаа.
Улаанбаатар хотын эрх зүйн байдлын тухай хууль шинэчлэн батлагдсантай холбогдуулан иргэдийн эрүүл, аюулгүй орчинд амьдрах эрхийг хангах зорилтын хүрээнд, Нийслэлийн Иргэдийн Төлөөлөгчдийн Хурлын 2022 оны 03дугаар сарын 24-ний өдрийн хуралдаанаар хэлэлцүүлэн баталсан худалдаа, үйлчилгээний байгууллагуудын дагаж мөрдөх Худалдаа үйлчилгээний газрын гадна орчны ерөнхий шаардлага UCS 1201B, Худалдаа үйлчилгээний газрын гадна сурталчилгааны байгууламжид тавигдах ерөнхий шаардлага UCS 1202B, Хог хаягдлын менежментUCS 1701A:2022 зэрэг стандартуудыг танилцуулав.
Сургалтад дүүргийн зах худалдааны төв, зочид буудал, амралтын газар, сүлжээ дэлгүүрүүд, ахуйн үйлчилгээ, авто засвар үйлчилгээний чиглэлээр худалдаа, үйлчилгээ эрхлэгч 80 гаруй ААНБ-ын төлөөлөл оролцож, шинээр батлагдсан хотын стандартуудын талаар санал бодлоо солилцож, дэлгэрэнгүй мэдээлэл авлаа.
Хотын стандартын тогтолцоог бий болгон хөгжүүлэхэд шаардлагатай стандартуудын төсөлд мэргэжлийн байгууллага, иргэд, олон нийтээс санал авах ажил үргэлжилж байгаа бөгөөд дээрх стандартууд 2022 оны 10 дугаар сарын 01-ний өдрөөс эхлэн мөрдөгдөж эхэлнэ.
