IELTS гэдэг нь олон улсад хамгийн нийтлэг хүлээн зөвшөөрөгдсөн Англи хэлний түвшин тогтоох шалгалтуудын нэг бөгөөд өдгөө АНУ, Канад, Австрали тэргүүтэй дэлхийн 140 гаруй улсад хүлээн зөвшөөрөгдөж байна. Өнөөдрийн байдлаар гадаадын их дээд сургуульд суралцах хүсэлтэй залуусын хувьд хамгийн эхний даваа бол IELTS шалгалтын оноотой болох явдал билээ.
Хэрэв таны 2024 төлөвлөгөөнд IELTS шалгалтыг өгч олон улсад хүлээн зөвшөөрөгдөх англи хэлний оноотой болох тухай багтсан байгаа бол шалгалтаа хэзээ хаана, ямар хэлбэрээр шалгалтаа өгөхөө урьдчилж сайн төлөвлөж байгаад шалгалтын суудлаа захиална.
Одоогоор Монгол Улсад үйл ажиллагаа явуулдаг JET Албан ёсны IELTS шалгалтын төвд 2024 оны IELTS шалгалтын бүртгэл явагдаж эхэлсэн байгаа бөгөөд зарлагдсан суудлуудаас өөрт тохиромжтой өдрөө сонгоод, онлайнаар бүртгүүлэх боломжтой.
JET IELTS шалгалтын төвийн хувьд IELTS-ийг компьютер дээр авч эхэлсэн Монгол дах хамгийн анхны төв бөгөөд өдгөө 4 дэх жилдээ тасралтгүй үйл ажиллагаагаа явуулсаар байна.
IELTS шалгалтыг компьютер дээр өгөхийн давуу талуудаас товч дурдвал:
-
Шалгалтын хариу 3-5 хоногийн дотор гарна
-
Бичгийн шалгалтын хэсэг дээр үгээ тоолж цаг алдах шаардлагагүй
-
Зөвхөн компьютер дээр шалгалт өгсөн хүмүүсийн хувьд оноондоо сэтгэл хангалуун биш байвал “One Skill Retake” буюу оноо нь хангалтгүй байгаа аль нэг чадвараа дахин өгөх боломжтой
-
Шалгалтын явцад асуултууд хооронд шилжих, цаг харах, үг үсгээ copy paste хийж болох тул ажиллахад харьцангуй хялбар
ONE SKILL RETAKE ШАЛГАЛТЫН ТУХАЙ
Мөн төдийгүй шалгалтдаа хүссэн оноогоо хараахан авч чадаагүй шалгуулагч нартаа зориулж аль нэг чадварын хэсгээ дахин өгөх боломж JET шалгалтын төв дээр шалгалт өгсөн хүмүүст нээлттэй байгаа юм. Энэ нь хэрэв та үндсэн шалгалтаа өгсөн хэдий ч аль нэг хэсгийн чадварын тань оноо хангалтгүй байгаа бол дахин бүх шалгалтаа өгөхгүйгээр зөвхөн оноо нь хангалтгүй байгаа хэсгийнхээ шалгалтаа дангаар нь өгөх боломжтой болж байгаа юм.
“One Skill Retake” буюу “Нэг чадварын дахин шалгалт”-ын тухай зарим онцлох зүйлсээс дурдвал:
-
Зөвхөн компьютер дээр IELTS (Computer-delivered IELTS) шалгалтыг өгсөн хүмүүст боломжтой
-
Үндсэн шалгалт өгснөөс хойш 60 хоногийн дотор тус хүсэлтийг гаргаж шалгалтаа өгөх
-
Зөвхөн анхны шалгалтаа өгсөн шалгалтын төв дээрээ нэг чадвараа дахин өгөх боломжтой
-
Дахин шалгалт өгөхийг хүсэж буй зөвхөн нэг чадвар дээр энэхүү хүсэлтийг гаргана
