Үүд хаалгаа нээгээд удаагүй байгаа "Уян боулинг" төвөөс энэ удаагийн сурвалжилгаа бэлтгэлээ. "Уян боулинг" төв нь болиунгаас гадна байт харваа, хийн буу, гольф, биллиард, дартс, ширээний хоккей зэрэг спортын олон төрлүүдийг 550 м2 талбайд нэг дор байгуулсан гэдгээрээ онцлог юм. Мөн гэр бүл, найз нөхөд, ажлын хамт олонтойгоо чөлөөт цагаа үр бүтээлтэй өнгөрүүлж, стресстэй байдлаасаа ангижирах гайхалтай орчинг Уян боулинг төв бүрдүүлж чаджээ. Тус төв оны эхний үйл ажиллагаагаа зохион байгуулж, Монгол Улсын гавъяат тамирчид, спортын нөлөө бүхий хүмүүстэй нэг оройг өнгөрүүлэх боломжийг олгосон юм. Тухайлбал, тус үйл ажиллагаанд Уян боулинг төвийн хамтран үүсгэн байгуулагч МУГТ Х.Цагаанбаатар болон МУГТ М.Бундмаа, Д.Төмөрхүлэг нарын тамирчид оролцлоо. 

МУГТ Х.Цагаанбаатар: Олон хүүхэд Уян боулинг төвөөр үйлчлүүлж, спортоор хичээлэж эрүүл байвал бидний зорилго оршино

Тэрбээр "Уян спорт төвийг нээсэн бидний хамгийн том зорилго бол Монгол хүүхдүүд эрүүл мэнд юм. Тэр ч утгаараа хүүхдүүд спортод дурлаж, спортоор хичээллэвэл эрүүл өсөх болно. Тийм учраас бид гэр бүлээрээ спортоор хичээллэх нөхцөл боломжийг бий болгож, спорт төвийг нээсэн. Энэхүү спорт төвийг нээхэд тусалж дэмжсэн хүмүүстээ талархал илэрхийлье. Олон хүүхдүүд Уян боулингаар үйлчлүүлж, спортоор хичээлэхэд бидний зорилго оршино" гэв. 

"Уян боулинг" спорт төвийн захирал Г.Мөнхбат: Тогтоосон гэрэл, хадсан хадаас бүрд бидний хөдөлмөр, хичээл зүтгэл шингэсэн учир маш үнэ цэнэтэй санагдаж байна

Тэрбээр "Бид анхны хүүхдээ өлгийдөн аваад удаагүй байхдаа өөрсдийн бизнесийг эхлүүлье, гэр бүлийн бизнестэй болъё гэдэг зорилгоор спорт төв нээх санааг гаргасан. Нийслэлд гэр бүлээрээ, найз нөхдөөрөө цагийг зөв боловсон өнгөрүүлэх газар хамгийн чухал хэрэгтэй байдаг шүү дээ. Үүнийг л хамгийн түрүүнд зорилгоо болгосон. "Уян боулинг" төвд орж ирээд гарахдаа ширээний хоёр талд сууж байгаад л гардаг биш илүү дурсамжтай цагийг өнгөрөөдөг байгаасай гэдэг үүднээс дан ганц боулингаас гадна олон спортын төрлийг нэг дор цогцлоосон" гэв. 

Жүжигчин А.Өнөржаргал: Хүүхэд, залуучуудын чөлөөт цагаа өнгөрүүлэх газар нэгээр нэмэгдсэнд баяртай байна

Тэрбээр "Шинэ оны босгон дээр хүүхэд, залуучуудын чөлөөт цагаа өнгөрүүлэх газар нэгээр нэмэгдсэнд баяртай байна. Миний хувьд анх удаа боулинг спортыг сонирхож, тоглож үзлээ. Маш сонирхолтой юм. Гэхдээ тийм амархан спорт биш байна. Уян боулинг төвийн хамт олонд баяр хүргэе" гэв. 

Г.Баяржавхлан: Утаа, униартай үед яг ийм газарт гэр бүлээрээ очмоор санагддаг

Тэрбээр "Юуны өмнө Уян боулинг төвийн хамт олонд халуун баяр хүргэе. Спортын гавьяатууд маань ирсэн байна. Хүүхдүүд, залуучуудын чөлөөт цагаа зөв боловсон өнгөрөөх газар нэгээр нэмэгдсэнд баяртай байна. Утаа униартай үед яг ийм газарт гэр бүлээрээ очмоор санагддаг. Энэ төв байт харваа, боулинг,буудлага зэрэг нэг цогц байгаа нь таалагдаж байна" гэв. 

Д.Батчулуун