Энэ долоо хоногт ордуудын амьдрал хэрхэн өрнөх вэ? 

Хонь

Энэ долоо хоногт ажил мэргэжлийн хувьд ирээдүй тань бүрхэг санагдаж магадгүй. Ажил дээрх төслүүдээ дуусгахын тулд бодож байснаас удаан хугацаа зарцуулна. Аль эсвэл энэ нь таны хүссэн зүйл биш юм шиг санагдана. Гэхдээ хүмүүс таны талд байна. Хүмүүсийн дэмжлэгийг дутуу үнэлэх гээд байдаг дутагдал танд байна. Танд хэрэгтэй өөрчлөлт бол тав тухтай бүсээсээ гарах. Найз нөхөд, харилцаа холбоогоо шинэчлэх. Хамгийн их үнэлдэг харилцаагаа хадгалж үлдэхийн тулд бага зэрэг хүчин чармайлт гаргах хэрэгтэй болно. Хайр дурлалын харилцаанд сэтгэл хөөрлөөр хандаад амжилт олохгүй. Үл хөдлөх хөрөнгө зарахаар зэхэж байсан бол одоо тохиромжтой цаг. Та энэ гэрээнээс багагүй ашиг олох магадлалтай. Үнэ өөрчлөгдөж магадгүй тул ирээдүйд найдаад хэрэггүй.

Үхэр

Дараа дараагийн үйл ажиллагааныхаа талаар бодохын тулд бага зэрэг завсарлага авч, ганцаараа цагийг өнгөрөө. Дотоод мэдрэмж, хүсэл тэмүүллээ ойлгохын тулд өөртөө хангалттай хугацаа өг. Оюун санааг тань тайвшруулах янз бүрийн арга хэмжээнд оролцвол тустай. Ажлын талбарт бусдаас шүүмжлэл хүлээж авна. Энэ нь таны өөрийгөө үнэлэх үнэлэмжийг алдагдуулах болно. Гэхдээ уурлаж бухимдахын оронд шүүмжлэлийг үр дүнтэйгээр ашигла. Гэр бүлийнхнийхээ эрүүл мэндэд анхаарал хандуулаарай. Хайртай хүмүүсээ үл тоомсорлохгүй байхыг зөвлөе. Хөрөнгийн зах зээл танд богино хугацааны ашиг авчрах болно. Гэсэн хэдий ч хий хоосон таамаглалд автаж, том алдагдал хүлээхээс сэрэмжил. Тогтмол дасгал хөдөлгөөнөө үргэлжлүүлэн хийсээр байгаарай. Янз бүрийн зүйлд сатаарч, дэглэмээ алдах хэрэггүй.

Ихэр

Энэ долоо хоногт таны зөн совин онцгой хурц байна. Тод томруун зүүдэлсэн зүүд биелэх магадлалтай. Аливаа зүйлд хэт мэдрэмтгий хандаж, түгшүүрт автаж магадгүй. Ажил болон хувийн амьдралдаа шинэ зүйл туршина. Карьерын хувьд та яг одоо зөв газраа байна. Тиймээс одоогийн хичээл зүтгэлээ үргэлжлүүлэн хадгалаарай. Өөрийн арга барилдаа итгэлтэй бай. Бусад хүмүүстэй зөрчилдөж болох ч энэ нь хурдаа сааруулж, чиглэлээ өөрчил гэсэн үг биш гэдгийг санаарай. Хайртай хүнтэйгээ цагийг сайхан өнгөрүүлнэ. Эерэг, аз жаргалтай харилцааг хадгалахад таны гүйцэтгэх үүрэг нэн их. Санхүүгийн байдал сайн байх ч гэлээ хэт их догдолж, илүү зардал гаргах хэрэггүй. Хадгаламж таныг хэцүү цагт аварна.

Мэлхий

Та энэ долоо хоногт эмзэг, мэдрэмтгий байна. Хэдийгээр та бусдад тусалж байгаа ч гэсэн өөртөө анхаарал тавихаа бүү мартаарай. Заримдаа ирээдүйн зорилгоо мэдэхээ байж, төөрч, бухимдах үе гарна. Ажил олгогчдоо хандан цалингаа нэмэгдүүлэх хүсэлт тавихад тохиромжтой. Ажил мэргэжлийн талбарт үргэлж үнэнийг баримтал. Өчүүхэн төдий худал хуурмаг ч илрэх магадлалтай. Хайртай хүмүүс, гэр бүл, найз нөхөдтэйгөө ямар нэгэн хөгжилтэй үйл ажиллагаа зохион байгуулж, харилцаагаа бэхжүүлэхэд анхаарал хандуулаарай. Хайр дурлалын харилцаа романтик байна. Багахан хэмжээний нэмэлт орлого танд ихээхэн нэмэр болно. Урьдчилан тооцоолоогүй орлоготой холбоотойгоор санхүүгийн байдал сайн байна. Хэт их сэтгэл хөдлөлөө хянахын тулд йог, бясалгал зэргийг хийгээрэй.

Арслан

Арслангийн ордныхон энэ долоо хоногт та ажил дээрээ асуудалд орж магадгүй. Шинэ ирээдүйтэй төсөл дээр хамтрах эсэхээ шийдэж чадахгүй эргэлзэнэ. Таныг дутуу үнэлсэнд гомдож туниж магадгүй. Амархан ажил гэж хаана ч байхгүй тул болих, буцах шалтаг хайж суухын оронд өөрийгөө хурцал. Сорилтод бэлэн бай. Ажил мэргэжлийн талбарт харилцдаг бараг бүх хүнтэйгээ зөрчилдөж магадгүй тул болгоомжтой байгаарай. Хүссэн үр дүндээ хүрэхийн тулд илтгэх ур чадвар дээрээ илүү их ажиллах хэрэгтэй. Хөрөнгө оруулалт хийхдээ маш болгоомжтой байх хэрэгтэй. Хэрэв та өөрөө сайн мэдэхгүй бол мэргэжлийн хүнд хандах нь зөв. Томоохон худалдан авалт хийхээс зайлсхий. Хотоос гарч аялах юм уу олон нийтийн арга хэмжээнд оролцож магадгүй.

Охин

Энэ долоо хоногт таны бүтээлч сэтгэхүй өндөр байна. Урлагийн чиглэлээр суралцах юм уу соёлын арга хэмжээнд оролцож магадгүй. Бусдын хэлсэн үгийг хэт өөр дээрээ тусгаж авах хэрэггүй. Өөрт оногдсон үүрэг даалгаврыг хурдан дуусгахын тулд нүглийн нүдийг гурилаар хуураад яваад байсан бол энэ долоо хоногт наад аргаасаа татгалзсан нь дээр. Үнэн эцэстээ илчлэгдэх тул бэлтгэлтэй байсан нь дээр. Гэр бүлтэйгээ хангалттай цаг хугацааг өнгөрүүлээрэй. Ажил, амьдралын тэнцэвэрээ олж чадахгүй байх хооронд гэр бүлийн асуудал овоорсон байх вий. Тайван байдлаа хадгалж, эерэг өөрчлөлтийг хий. Та үрэлгэн төрлийн хүн юм. Энэ нь санхүүгийн тогтвортой байдалд хүрэх явцыг удаашруулдаг. Өнөөдөр хуримтлуулж чадвал ирээдүйд тустай гэдгийг санаарай. Мөн сүүлийн үед эрүүл мэндээ үл тоомсорлож байгаа эсэхээ нэг анзаараарай.

Жинлүүр

Ажил мэргэжил, карьерын хувьд эргэн тойрныхоо хүн бүхэнтэй нийцтэй байна. Та өөртөө итгэлтэй байж, арга барилаа бусдад ойлгуулж чадвал амжилтад хүрэх боломжтой. Мөн шагнал, тэтгэлэг авах магадлалтай байна. Гэр бүлийн амьдралын тухайд хань ижилтэйгээ таарамж муутай байна. Гэхдээ хайртай хүнийхээ хүссэн амьдралын хэв маягийг нэг удаа сонгоод үзвэл эцэст нь бүх зүйл сайхан болно. Нүүх, засвар хийх гэх мэт ар гэрийн төлөвлөгөө нуран унах магадлал өндөр байна. Амьдралд тань тохиолдож буй элдэв асуудал, тэмцлээс болоод уур уцаартай байна. Хүчтэй сэтгэл хөдлөл эрүүл мэндэд муугаар нөлөөлөх магадлалтай. Урлаг, уран сайхнаар амьсгалж, бүтээлч байснаар сэтгэлээ засах боломжтой. Өөртөө найдаж, хариуцлагыг өөртөө хүлээснээр олон зүйлийг амжуулж чадна.

Хилэнц

Бусдад хэт хатуурхаж хандах хэрэггүй. Хүн бүхэн дасан зохицох өндөр чадвартай, уян хатан байдаггүй. Хэрэв та ажил мэргэжлээрээ амжилтад хүрэхийг хүсч байгаа л бол бусадтай аль болох ойлголцохыг хичээгээрэй. Бүтээлч, урам зоригтой байж, шинэ төсөл хэрэгжүүлэх санаачлага гаргана. Өөрийгөө бусадтай харьцуулах хэрэггүй. Хайртай хүнтэйгээ харилцахдаа хэлэх үгээ зөв сонго. Ам алдвал барьж болдоггүй гэдгийг сана. Хожим үр өгөөж өгөх ашигтай гэрээ хэлэлцээр хийж магадгүй. Стресс, түгшүүртэй тэмцэхийн тулд дасгал хөдөлгөөн сайн хийгээрэй. Бясалгал хий. Яг одоо танд тогтвортой эрүүл мэндийн дэглэм хэрэгтэй байна. Бага зэрэг хайхрамжгүй байдал ноцтой үр дагаварт хүргэх эрсдэлтэй.

Нум

Ажил мэргэжлийн хувьд хөгжин дэвжиж, хүн хоорондын харилцаанаас ашиг хүртэх боломжтой. Өөртөө хэт их ачаалал авах хэрэггүй. Тайван бөгөөд тогтвортой урагшил. Нийгэм дах таны нэр хүнд сайн байна. Эргэн тойрныхоо бүх хүмүүст сайхан сэтгэгдэл төрүүлнэ. Хайр дурлалын харилцаа тогтворгүй. Таны сэтгэл санаа тогтворгүйтэж, сонголт хийж чадахгүй эргэлзэнэ. Ирээдүйд үр өгөөжөө өгөх гайхалтай бизнест хөрөнгө оруулах боломж гарч ирнэ. Зорилго нэгтэй хүмүүстэй хамтарч шинэ санаа, төсөл төлөвлөгөө боловсруулан долоо хоногийн завгүй, үр бүтээлтэй өнгөрүүлнэ. Цаг хугацаа өнгөрөх тусам эрүүл амьдралын хэв маягийг хадгалахад хэцүү болно. Тиймээс яг одоо эхэлж, өөртэйгөө тулж ажилла. Сул дорой байдлынхаа шалтгааныг ол.

Матар

Энэ долоо хоногт та харилцааны ур чадвараа сайжруулах болно. Бусадтай үл ойлголцсон байсан бол үүнийгээ залруулж, дотны найздаа заавар зөвлөгөө өгч, дэмжлэг үзүүлнэ. Мөн мөнгөө хэрхэн ухаалаг зарцуулах талаар суралцана. Ажил дээрээ бухимдах шалтгаан багагүй гарна. Таны хайхрамжгүй хандлагаас болж хүмүүс бухимдах магадлалтай. Тэдэнд аль болох буулт хийхийг хичээ. Жижиг асуудлуудыг үл тоомсорлож, гол зүйлдээ анхаарлаа хандуул. Ганц бие хүмүүс энэ долоо хоногт гайхалтай хүнтэй учирч магадгүй. Та тэр хүндээ онцгой сэтгэгдэл төрүүлнэ. Гэсэн хэдий ч хэт их зүйл хүлээх хэрэггүй. Ур чадварынхаа хүчээр их мөнгө олох боломжоос атгаж авна. Боломж гараад ирэхийн цагт ашиглахад бэлэн бай. Нойроо зохицуул.

Хумх

Ирээдүйд ашиг тусаа өгөх шинэ зүйл эхлүүлнэ. Боломж бүрийг алдалгүй ашиглаарай. Зөн совиндоо итгэхэд алдах зүйлгүй. Хайртай хүнтэйгээ үл ойлголцож магадгүй. Энэ нь ялангуяа мөнгө санхүүтэй холбоотой асуудлаас болно. Тиймээс хурц сэтгэл хөдлөлөөр хандалгүй асуудалд уян зөөлөн хандахыг хичээгээрэй. Мөн хайр дурлалын харилцаа тань нэгэн хэвийн уйтгартай болсон бол хэн хэн нь санал санаачлага гаргах хэрэгтэй болжээ. Ойрхон зуур аялах юм уу айлд зочилж магадгүй. Мөн хүнд тусалж, буяны үйлсэд оролцоно. Үл хөдлөх хөрөнгөтэй холбоотой аливаа наймаа байгаа бол энэ долоо хоногт хийгээрэй. Чухал шийдвэр гаргахын өмнө бичиг баримтаа сайтар нягтлаарай. Хоолны дэглэмээ хянаж, сахар, давс, даршилсан ногоо зэргээс татгалз.

Загас

Ажил дээр таагүй зүйлс тохиолдоно. Элдэв хэрүүл маргаантай, эмзэг нөхцөл байдал үүссэн газраас холхон байхыг хичээ. Олон юм ярихын оронд бусдыг анхааралтай сонс. Ажил мэргэжлийн хувьд ахиж дэвшмээр байгаа бол өөртөө илүү их үүрэг хариуцлага хүлээ. Урт хугацааны зорилгоо дахин нэг хар. Агаар салхинд гарч, аяллыг бясалгал болго. Хайртай хүнтэйгээ эв найртай байна. Таны сэтгэл санаа сайхан байвал цаад хүн тань ч бас өөдрөг байдаг. Хэдийгээр таны энэ долоо хоногт хийх хөрөнгө оруулалт маш ашигтай байж болох ч долоо хэмжиж нэг огтлохыг зөвлөе. Аливаа санал ирэхэд давуу болон сул талуудыг нь сайтар тунгаан бодоорой. Амьдралын хэв маягаа өөрчилье гэвэл хаа хамаагүй зүйлсэд санаа зовдогоо зогсоо. Хамгийн чухлыг нь хий. Түргэн хоолноос татгалз.