-
2015 оны 11 сарын 12
Эзэн богд Чингис хааны мэндэлсэн өдөр арваннэгдүгээр сарын 12-ны өдөр буюу маргааш тохиож байна. Их Эзэн Чингис хааны мэндэлсэн өдөр буюу “Монгол бахархлын өдөр” –ийг ”Нийтээр тэмдэглэх баярын болон тэмдэглэлт өдрүүдийн тухай” хуулийн дөрөвдүгээр зүйлийн 1.8-д жил бүрийн өвлийн тэргүүн сарын шинийн 1-ны өдөр хэмээн тэмдэглэж байхаар заасан билээ. Мөн Чингис хаан-Тэмүжиний мэндэлсэн ойг билгийн тооллын гуравдугаар жарны усан морин жил буюу 1162 оны өвлийн тэргүүн сарын шинийн 1-ний өдөр хэмээн тогтоож, ёслон тэмдэглэж байхаар болсон байдаг. Өөрөөр хэлбэл, хуульд зааснаар энэ өдөр бүх нийтээр амрах юм.
-
2015 оны 11 сарын 12
Монгол Улсаас БНХАУ-ын Эрээн хотод суух Дэд консул А.Баярсайхан дипломат машинтай Эрээн рүү буу, сум, их хэмжээний галт зэвсэг гаргах гэж байгаад баригдсан талаарх мэдээлэл хэвлэл мэдээллийн хэрэгслээр цацагдсан. Гэвч энэхүү мэдээллийг баттай эх сурвалж үгүйсгээд байна.
-
2015 оны 11 сарын 12
Тухайн өдөр бар, туулай, бич, тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр усан балин гаргах, газар лус тахих, эм найруулах, бурхан, лус тахих, мөндөр буулгах, хариулга хийх, төмөр урлахуй үйл, өлзий хутгийг үйлдэх, засал хийлгэх, бурхныг тахих, номын явдлыг үйлдэх, амарлингуй, дэлгэрэнгүй, эрхшээх үйл, гэрийн үйл хийгээд угаал үйлдэх, хувцас шинээр өмсөх, эсгэх тэргүүтэнд сайн. Газар ухах, мод огтлох, цөөрөм, худаг малтах, их ус гатлах, догшин газрыг номхотгох, тангараг тавих, нүүдэл хийх, суваг татахад муу. Өвдвөл найм, арав хоногтоо хүчир, түүнээс хэтэрвэл амархан амирлана. Зам гарвал эд олно, тус бүхэн бүтнэ. Зүүн нүд татвал хувцас олно, баруун бол жуулчин ирнэ. Баруун чих хангинавал баясгалантай, зүүн бол муу. Дашнямтай өдөр. Дашнямыг өлзий хутгийн маш сайн өдөр хэмээдэг. Эл өдрүүдэд хохимой өдөр тэргүүтэн газрын эздийн гүйлт таарсан ч гэм болохгүй хэмээн номлосон. Өдрийн сайн цаг нь могой, бич, тахиа, гахай, бар, луу болой. Үс шинээр үргээлгэх буюу засуулбал нас ахар болно.
-
2015 оны 11 сарын 12
2015 оны 11 дүгээр сарын 11-ний 20 цагаас 11 дүгээр сарын 12-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлшинэ. Нутгийн хойд хэсгээр цас орно. Салхи баруунаас зарим газраар секундэд 12-14 метр хүрч ширүүснэ. Увс, Завхан, Говь-Алтай, Баянхонгорын хойд хэсгээр шөнөдөө 13-18 градус, өдөртөө 1-6 градус, Ховд, Баянхонгор, Говь-Алтайн өмнөд хэсгээр шөнөдөө 3-8 градус хүйтэн, өдөртөө 4-9 градус дулаан, бусад нутгаар шөнөдөө 8-13 градус хүйтэн, өдөртөө 2 градус хүйтнээс 3 градус дулаан байна.
ТӨВИЙН АЙМГУУДЫН НУТГААР: Үүлшинэ. Шөнөдөө цас орохгүй. Өдөртөө нутгийн хойд хэсгээр цас орно. Салхи баруунаас секундэд 6-11 метр. Дархадын хотгороор шөнөдөө 19-24 градус, өдөртөө 10-15 градус, Хангай, Хэнтэйн уулархаг нутаг, Туул, Тэрэлж голын саваар шөнөдөө 13-18 градус, өдөртөө 1-6 градус, бусад нутгаар шөнөдөө 7-12 градус хүйтэн, өдөртөө 1 градус хүйтнээс 4 градус дулаан байна.
ЗҮҮН АЙМГУУДЫН НУТГААР: Үүлшинэ. Цас орохгүй. Салхи баруунаас секундэд 6-11 метр. Шөнөдөө 8-13 градус хүйтэн, өдөртөө 4-9 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР Үүлшинэ. Цас орохгүй. Салхи баруун өмнөөс секундэд 6-1 метр. Шөнөдөө 11-13 градус хүйтэн, өдөртөө 3-5 градус дулаан байна.
ГОВИЙН АЙМГУУДЫН НУТГААР: Багавтар үүлтэй. Цас орохгүй. Салхи баруунаас секундэд 7-12 метр. Шөнөдөө Дундговийн нутгаар 8-13 градус, бусад нутгаар 4-9 градус хүйтэн, өдөртөө бүх нутгаар 7-12 градус дулаан байна.
УЛААНБААТАР ХОТ: Үүлшинэ. Цас орохгүй. Салхи баруунаас секундэд 5-10 метр. Шөнөдөө Яармаг-Сонгины орчмоор 12-14 градус, бусад хэсгээр 7-9 градус хүйтэн, өдөртөө 3-5 градус дулаан байна.
-
2015 оны 11 сарын 11
Баянзүрх дүүргийн Онцгой байдлын хэлтсийн Аврах гал унтраах 35 дугаар ангийн дэд ахлагч Г.Амарбатад Монгол эсгий үйлдвэрлэдэг “Жонон Мөнх” ХХК-иас давхар бүрээстэй, шалтай таван ханатай монгол гэр бэлэглэжээ.
-
2015 оны 11 сарын 11
“Иргэний андгай өргөх ёслол”-ын ажиллагаа Монгол Улсын Ерөнхий сайдын ивээл дор энэ сарын 14-ний өдрийн 11:00 цагаас Төрийн ордонд болох юм байна.
-
2015 оны 11 сарын 11
Шүүх байгуулах тухай хуулийн зарим заалт Үндсэн хууль зөрчсөн эсэх тухай маргааныг Үндсэн хуулийн цэцийн дунд суудлын өнөөдрийн хуралдаанаар хэлэлцэж дүгнэлт гаргалаа.
-
2015 оны 11 сарын 11
Баян-Өлгий аймгийн 100 гаруй цэрэгтэй цэргийн ангид улаанбурхан өвчний сэжигтэй тохиолдол бүртгэгджээ.
-
2015 оны 11 сарын 11
Монгол Улсын Ерөнхийлөгчийн баталсан ”Цэргийн цол олгох журам”-ын дагуу ЗХЖШ-ын дарга, хошууч генерал Д.Даваагийн тушаалаар есөн дэд хурандаад цол ахиулан хурандаа цол олголоо.
Зэвсэгт хүчний Хяналт, шалгалт үнэлгээний газрын Хэмжил зүй, мэргэжилийн хяналтын хэлтсийн дарга-хэмжил зүйч, Улсын ахлах байцаагч дэд хурандаа З.Баярмагнай, Зэвсэгт хүчний Ерөнхий зориулалтын цэргийн командлалын Бэлэн байдал, ажиллагааны хэлтсийн инженерийн ахлах офицер дэд хурандаа Ц.Ганхөлөг, Зэвсэгт хүчний 011 дүгээр ангийн захирагч дэд хурандаа О.Жамбажамц, Зэвсэгт хүчний 325 дугаар ангийн захирагч дэд хурандаа Ж.Одсүрэнд Хурандаа цол олголоо. БХИС-ийн Дэмжлэгийн хэлтсийн дарга, дэд хурандаа С.Түвшинжаргал, Баян-Өлгий аймгийн Засаг даргын тамгын газрын Цэргийн штабын дарга, дэд хурандаа Г.Лхагвасүрэн, Дундговь аймгийн Засаг даргын тамгын газрын Цэргийн штабын дарга, дэд хурандаа Б.Амаржаргал, ХХЕГ-ын Зэвсэг, инженер, техникийн хэлтсийн дарга дэд хурандаа Н.Баасан, ХХЕГ-ын Сургалт, албаны зохион байгуулалтын хэлтсийн мэргэжилтэн дэд хурандаа Ц.Эрдэнэ нарт Хурандаа цол хүртээлээ.
-
2015 оны 11 сарын 11
Бага оврын тээврийн хэрэгслийн эрхийг хязгаарлаж байна гэв
Зам, тээврийн яам, автотээврийн үндэсний төв, Замын цагдаагийн газар, Нийслэлийн тээврийн газар, Нийслэлийн зорчигч тээврийн үйлчилгээ эрхлэгч аж ахуй нэгж байгууллагуудын хамтарсан уулзалт өнөөдөр боллоо.
Тус уулзалтаар аж ахуйн нэгж байгууллагуудад тулгамдаад байгаа асуудлуудыг төрөөс хэрхэн шийдвэрлэж болох, мөн төрийн бодлого зохицуулалтад зөрчилтэй асуудлууд, цаашид хийж хэрэгжүүлэх шаардлагатай ажлуудын талаар харилцан араах санал солилцлоо.
Хурлын үеэр нийслэл дэх зорчигч тээврийн үйлчилгээ эрхлэгч аж ахуйн нэгжүүдийн зүгээс дараах саналууд гарсан юм.
Тухайлбал,
“Хүдэртулга” ХХК-ийн захирал Алтантулга “Тээврийн хэрэгслийн насжилт болон хяналтын талаар асуудал их гарч байгаа бөгөөд бага оврын тээврийн хэрэгслүүд нь 2016.01.01-нээс эхлэн нийтийн тээвэрт явах боломжгүй болж хасагдаж байгаа, үүнтэй уялдуулаад бага оврын тээврийн хэрэгслээр тээвэрлэлт гүйцэтгэж байгаа бид бүхэн цаашид тээвэрт оролцох боломжгүй болж байна” хэмээн саналаа хэллээ.
Харин Зорчигч тээврийн нэгтгэлээс “Зорчигчийн аюулгүй байдлыг хангах талаар яригдаж байна. Тээврийн салбар өнөөдөр зах зээлд орж чадахгүй байна. Насжилт тогтоож өгснөөр тээврийн хэрэгслийн аюулгүй байдал хангагдах ёстой ба насжилтийг арлаар тооцох нь чухал. Аж ахуйн нэгж байгууллагуудад зээлээр парк шинэчлэлт хийх биш, төрөөс энэ асуудлыг шийдвэрлэж өгөх шаардлагатай” гэв.
Энэ үеэр Зам, тээврийн сайд М.Зоригт “Оруулж ирж байгаа 300 автобусыг хэрхэн хуваарилах асуудлыг АТҮТ, НТГ-тай хамтран шийдвэрлэнэ. Тээвэрлэлтэд явж байгаа бүх тээврийн хэрэгслийг GPS-ээр хангах, зээлээр олгох боломжтой эсэх асуудлыг судалж шийдвэрлэнэ.
“Чингис хаан” ОУНБ-ын гадна талбайд хувиараа такси үйлчилгээ эрхэлж буй иргэдтэй уулзах уулзалт зохион байгуулахаар төлөвлөж байна. Ингэхдээ хувиараа тээвэр эрхэлж байгаа иргэдийг холбоонд нэгтгэх, нэгдсэн зохион байгуулалтад оруулах талаар Такси холбоо, Замын цагдаагийн газартай хамтран ажиллана” гэлээ.
АВТОТЭЭВРИЙН ҮНДЭСНИЙ ТӨВ
Бага оврын тээврийн хэрэгслийн эрхийг хязгаарлаж байна гэв
-
2015 оны 11 сарын 11
НМХГ-ын дэд даргын баталсан “Шалгалт хийх тухай” удирдамжийн дагуу нийслэлийн зургаан дүүргийн хэмжээнд үйл ажиллагаа явуулж буй хүнсний дэлгүүрүүдэд худалдаалагдаж буй эх орны хүнсний үйлдвэрийн бүтээгдэхүүний шошгын мэдээлэлд үндэслэн шалгалт хийжээ. Шалгалтын явцад давхардсан тоогоор 175 үйлдвэрийн шошгын зөрчилтэй бүтээгдэхүүнийг илрүүлэн зөрчлийг арилгуулахаар аж ахуйн нэгж иргэдэд мэргэжил арга зүйн зөвлөгөө өгсөнөөс гадна зөрчлийг арилгаж ажиллах талаар албан тоот хүргүүлсэн байна.
Тиймээс НМХГ-аас аж ахуйн нэгж иргэдээс нийлүүлж буй хүнсний бүтээгдэхүүний аюулгүй байдал болон хаяг шошгон дээр анхаарч байх, бүтээгдэхүүнийг хадгалах хадгалалтын горим дээр анхаарах, хугацаа дууссан бүтээгдэхүүнийг үйлчилгээний заалнаас өөр газарт тусад нь хадгалах, даруй буцаалт хийж хэвших, үйлчлүүлэгч хэрэглэгчид худалдан авч буй буй бараа бүтээгдэхүүнийхээ үйлдвэрлэсэн болон дуусах хугацааг тогтмол харж авах, хаана хэн үйлдвэрлэснийг тодруулж хэвших хэрэгтэйг иргэд, аж ахуй нэгжүүдэд анхаарууллаа.
-
2015 оны 11 сарын 11
Энэ сарын 27-29-ний өдрүүдэд Говь-Алтай аймгийн төв Алтай хотод Их говийн тэмээний баяр-2015, баруун бүсийн тэмээчдийн зөвлөгөөн зохион байгуулагдана.
УИХ-ын гишүүн Ц.Дашдорж анх 2005 онд санаачлан жил бүр уламжлал болгон хийж ирсэн Их говийн тэмээний баярыг энэ жил баруун аймгуудыг хамруулан бүсийн хэмжээнд зохион байгуулж, тэмээчдийн зөвлөгөөнийг хамтатган хийхээр боллоо.
10 дахь жилдээ болох энэхүү арга хэмжээ нь тэмээн сүргийн тоо толгойг өсгөх, ашиг шимийг сайжруулахад малчид тэмээчдийн идэвхи сонирхлыг өрнүүлэх, тэмээний соёл, зан үйлийг нийтэд сурталчлахын зэрэгцээ тэмээчдээ харилцан туршлага солилцуулах зорилготойгоор орон нутагт хийгддэг юм. Их говийн тэмээний баярт Говь-Алтай аймгийн 18 сумдаас тэмээчид тус бүр нэг баг болон оролцох бол бусад аймгууд тус бүр нэг баг болж оролцоно.
Их говийн тэмээний баярын хүрээнд хүндэтгэлийн тэмээн парадаар эхэлж нээлтийн арга хэмжээ, сайхан тэмээтэй ганган хосын тэмцээн, үржлийн шилмэл ингэ буур шалгаруулалт, буйл зорох бурантаг томох, тэмээчдийн буухиа тэмцээнүүд явагдахаас гадна хурдан ат болон торомны уралдаанууд зохион байгуулна. Мөн тэмээний гаралтай сүүн болон ноосон бүтээгдэхүүн, ганган хэрэгслийн үзэсгэлэн худалдаа, тэмээ, тэмээчин, говь нутгийн тухай дуу, бүжиг, хөгжим, ерөөл магтаалын уралдаанууд зэрэг уламжлалт 12 төрлөөр зохион байгуулагдах юм.
-
2015 оны 11 сарын 11
МҮЭ-ийн салбарын ҮЭ-ийн холбоодын удирдлагууд өнөөдөр мэдээлэл хийлээ.
-
2015 оны 11 сарын 11
Таксины жолоочийг дээрэмдсэн хэрэг дахин гарчээ.
-
2015 оны 11 сарын 11
Иргэн Б.Цогтгэрэл Хөгжлийн банкны гүйцэтгэх захирал Н.Мөнхбатыг АТГ-т шалгуулах хүсэлтийг өнөөдөр АТГ-т хүргүүлжээ.
-
2015 оны 11 сарын 11
Өнгөрсөн долоо хоногт Говь-Сүмбэр аймгийн цагдаагийн хэлтэс, Дорноговь аймгийн цагдаагийн газрын алба хаагчдын ажил амьдралын талаар сурвалжлага бэлтгээд ирлээ.
Энэ чиглэлд Улаанбаатар-Говьсүмбэр, Говь-Сүмбэр- Сайншанд, Сайншанд Замын-Үүд гэсэн хатуу хучилттай босоо тэнхлэгийн авто зам ашиглалтанд орсноор хөдөлгөөн эрс нэмэгджээ. Үүнийг дагаад хурд хэтрүүлэн осол гаргах тохиолдол буурахгүй байна. 2015 оны эхний 10-н сарын байдлаар нийтдээ 64 осол гарч 29-н хүний амь нас эрсэджээ.
Мөн Хамрын хийд, Ханбаянзүрх хайрхан нь аялал жуулчлалын төв бүс болсон тул дотоодын зорин ирэх иргэдийн хөдөлгөөн ихэссэнтэй холбоотой энэ төрлийн гэмт хэрэг гарсаар байна.
Иймээс иргэд та бүхэн хүйтэн сэрүүний улирал ихэссэнтэй холбоотой орон нутгийн замд хурд хэтрүүлэлгүй хөдөлгөөнд оролцохыг сэрэмжлүүлж байна.
-
2015 оны 11 сарын 11
Нийслэлийн хэмжээнд автомашины худалдаа эрхэлж байгаа нийт 101 иргэн, аж ахуйн нэгж, байгууллага байдгаас Нийслэлийн Мэргэжлийн хяналтын газраас явуулсан үзлэг шалгалтаар нийтийн эзэмшлийн зам талбай, ил зогсоол, зориулалтын бус газарт худалдаа эрхэлж буй 68 иргэн, аж ахуйн нэгж, байгууллага байгаа нь тогтоогдсон байна. Тиймээс нийслэлийн Өмчийн харилцааны газар, Улаанбаатар хотын Цагдаагийн газар, дүүргүүдийн цагдаагийн хэлтсүүд хамтран эдгээр иргэн, аж ахуйн нэгжүүдэд газраа зориулалтын дагуу ашиглахыг сануулж, хууль зөрсчсөн аж ахуйн нэгжүүдийн газрыг чөлөөлөх хүртэл арга хэмжээ авах тухай албан мэдэгдэл өгөөд байгаа юм.
Энэхүү мэдэгдлийн хүрээнд “Мөнгөн хүлэг” ХХК, “Хан-Өндөр” ХХК, “Баттогтох”, “Хосхүлэг” ХХК, “Баянзүрх моторс” ХХК, Роял моторс ХХК, “Поп карс” ХХК зэрэг аж ахуйн нэгжүүд шаардлагыг хүлээн авч гадна талбайдаа авто машин худалдахаа зогсоосон байна. Мөн Үндэсний соёл амралтын хүрээлэн, “Сарны титэм үзэсгэлэн” ХХК, “Таван богд смарт электроникс” ХХК, “Материал импекс” ХХК, “Эс Энд Эй” ХХК, “Богц оюут” ХХК, “Метро моторс” ХХК-иуд гадна талбайдаа машин худалдаалах үйл ажиллагаагаа зогсоожээ.
Нийслэлд үйл ажиллагаа явуулж байгаа авто захуудын эзэмшиж байгаа газар нь орон сууц, сургууль, цэцэрлэг, гэр бүлийн хэрэгцээний болон нийтийн эзэмшлийн зам, талбайн зориулалтаар ашиглаж, эзэмшихээр заасан газрууд байдаг гэж Нийслэлийн өмчийн харилцааны газраас мэдээлж байгаа юм. Тиймээс энэхүү шалгалтыг цаашид үргэжлүүлж зориулалтын дагуу газраа ашиглаагүй аж ахуйн нэгжүүдэд албан мэдэгдэл хүргүүлэх юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтээс мэдээллээ.
-
2015 оны 11 сарын 11
Улаанбаатар хотын хэмжээнд 11-р сарын 10-ны өдрийн 05:00 цагаас 11-р сарын 11-ний өдрийн 05:00 цагийн хооронд иргэд, байгууллагаас Нийт 4280, удаа холбогдсоноос, гэмт хэргийн 142 , зөрчлийн 1621, Зам тээврийн ослын 309, мэдээлэл шалгахад, гэмт хэргийн шинжтэй 65-н үйлдэл бүртгэгдсэнийг холбогдох нэгжүүд шалгаж байна.
-
2015 оны 11 сарын 11
Онцгой байдлын ерөнхий газрын даргын 2015 оны 11 дүгээр сарын 02-ны өдрийн “Галын аюулгүй байдлын тухай хуулийг сурталчлах өдөрлөг зохион байгуулах” ажлын удирдамжийг хэрэгжүүлэн нийслэлийн онцгой байдлын газрын даргын 2015 оны 11 дүгээр сарын 04-ний өдрийн баталсан Өдөрлөг зохион байгуулах ажлын төлөвлөгөөний дагуу нийслэлийн онцгой байдлын газрын бүрэлдэхүүн, 9 дүүргийн Онцгой байдлын хэлтэс, нийслийн аврах анги, гал унтраах, аврах ангийн бие бүрэлдэхүүн 201 алба хаагч, 27 хорооны 52 ажилтан, дүүргүүдийн улаан загалмайн хорооны 74 идэвхтэн, 19 аж ахуйн нэгж байгууллагын 130 хүн, нийгэмийн халамжийн хэлтсийн 10 ажилтан, Дэлхийн зөн Монгол олон улсын байгууллагын 16 ажилтан нийт 483 ажилтан албан хаагчид 2015 оны 11 дүгээр сарын 06-ны өдөр хууль сурталчлах өдөрлөгийг зохион байгууллаа.
Өдөрлөгийн үеэр гал түймрийн аюулаас урьлчилан сэргийлэх чиглэлээр 3800 ширхэг санамж материал, галын аюулгүй байдлын тухай хуулийн гарын авлага 1800 ширхэгийг тээврийн хэрэгсэлийн жолооч, худалдаа эрхэлж байгаа иргэд, оюутан сурагчид, иргэдэд тараан нийт 5600 гаруй хүн хамрагдсан байна.
55 44 33 22 11
-
2015 оны 11 сарын 11
овь-Алтай аймгийн Цогт суманд газар хөдөлжээ. Өчигдөр 16:35:00 цагт тус сумын төвөөс зүүн зүгт 20 км-т У-45038/00//, Ө-96089/00// газар зүйн солбилцолд 4.1 магнитудын хүчтэй газар хөдлөлт болсон тухай Одон орон геофизикийн хүрээлэнгээс мэдээлжээ.
Газар хөдлөлт иргэдэд мэдрэгдсэн зүйлгүй, учирсан хохиролгүй гэж Цогт сумын Засаг даргын Тамгын газрын дарга С Онцгой байдлын ерөнхий газарт мэдэгдсэн байна.
