Эрүүдэн шүүхийн эсрэг үйл ажиллагаа явуулдаг мэргэжилтнүүд манай улсад ажиллахаар өчигдөр иржээ. Мэргэжилтнүүдийн бүрэлдэхүүнд НҮБ-ын Эрүүдэн шүүхийн эсрэг дэд хорооны гишүүн Арман Даниелиан, Эрүүдэн шүүхээс урьдчилан сэргийлэх нийгэмлэгийн мэргэжилтэн Маттюв Прингль,  НҮБ-ын Хүний эрхийн дээд комиссарын шинжээч Улугбек Азимов, Ази номхон далайн чуулганы бүсийн сургалтын менежер Сурайна Паша нар багтсан байна. Тэд өнөөдөр “НҮБ-ын эрүүдэн шүүхийн эсрэг конвенцийн нэмэлт протоколын дагуу Монгол улсад урьдчилан сэргийлэх үндэсний механизм байгуулах нь” сэдэвтэй семинар хийж байна. Манай улс НҮБ-ын дээрх конвенцид 2000 онд нэгдэн орж, олон улсын хамтын нийгэмлэгүүдийн өмнө үүрэг хүлээсэн.