Санхүүгийн зохицуулах хорооны удирдлагууд өнөөдөр УИХ-ын Эдийн засгийн байнгын хорооны гишүүдэд 2011 онд явуулсан үйл ажиллагааныхаа тайланг танилцууллаа. Энэ үеэр яригдсан гол сэдэв нь иргэдэд хувьцаа тараахаар болсон "Эрдэнэс Таван толгой" компаний асуудал байв. Энэ компани ямар учраас өнөөдрийг хүртэл дэлхийн зах зээл дээр IPO хийхгүй байгаа тухай УИХ-ын гишүүд асууж байсан юм. Санхүүгийн зохицуулах хорооны дарга Д.Баярсайхан "Үнэт цаасны тухай хууль батлагдаагүй байгаа тул олон улсын зах зээл дээр арилжаа хийх боломжгүй байгаа" гэж мэдэгдсэн юм. Гишүүд Үнэт цаасны тухай болон Хөрөнгө оруулалтын тухай хууль батлана гэж гурван жил ярьж, идэвхигүй ажиллаж байна гэж Санхүүгийн зохицуулах хорооны удирдлагуудыг зэмлэсэн.

  Одоогоор байдлаар Монгол улсын стратегийн орд газруудаас зөвхөн “Багануур” компани дотоодын биржээр хувьцаагаа арилжиж байгаа юм.