УИХ-ын сонгуулийг зургаадугаар сарын сүүлийн долоо хоногийн аль нэг ажлын өдөр явуулна гэж шинээр баталсан хуулинд оруулсан байгаа. Тиймээс 2012 оны УИХ-ын сонгуулийг 6-р сарын 27 буюу лхагва гарагт, 28-нд буюу пүрэв гарагт явуулна гэсэн санал гаргасан. Харин 6-р сарын 27-ны лхагва гараг нь жилд ганц тохиох муу өдөр тул пүрэв гарагт хийхээр болсон гэж УИХ-ын гишүүд тайлбарлаж байна. Учир нь Гандантэгчилэн хийдийн хамба лам 6-р сарын сүүлийн пүрэв гараг нь сайн өдөр гэж айлдсан байна. Үндсэн хуульд хүн бүр шашин шүтэх эрхтэй байдаг гэсэн тул хүмүүсийн сүсэг, бишрэлийг хүндэтгэж пүрэв гарагийг сонголоо гэж гишүүд тайлбарласан юм. Ингээд 6-р сарын 28-ны сайн өдөр УИХ-ын сонгуулийг явуулахаар 85,5 хувийн саналаар тогтоолыг баталлаа.
  Өмнө нь мөн хаврын чуулганыг 4-р сарын нэгэнд эхлүүлэх байсан ч зурхайд муу өдөр гэж буусан тул 4-р сарын 5-нд товлож, эхлүүлсэн аж. Эдгээрээс харахад манай УИХ-ын гишүүд нэлээд сүсэг бишрэлтэй бололтой.