ОХУ-ын ерөнхий сайд В.Путин болон түүний гэргий Людмила Путина нарын хувийн харилцааны тухай тус улсын ерөнхийлөгчийн сонгуулийн дараа хаа саагүй яригдах болжээ. В.Путиныг ерөнхийлөгч байх ёсгүй гэж үзэгсэд үүнийг нь өлгөн авч туйлшруулж байгаа. Гэсэн ч В.Путин гэргийтэйгээ ойр дотно харьцахаа больсон гэдгийг олон эх сурвалж хэлж байгаа юм. Түүгээр барахгүй шинэ эхнэр сонгосон тухай ч бичиж байна.
  В.Путин эхнэртэйгээ гэрлээд 29 жил болж байгаа ч сүүлийн 2 жилд ямарваа албан ёсны уулзалт дээр ганцаараа очих болсон. Хамгийн сүүлд гуравдугаар сарын 4-нд болсон Оросын ерөнхийлөгчийн сонгуулийн үеэр санал тоолох хэсэгт хамт явж харагдсан юм. Гэлээ ч тэднийг гараасаа хөтлөхгүй, хүйтэн хөндий байсныг хэвлэлийнхэн онцлон бичиж байлаа. Одоо бол Людмила Путина хаана амьдарч байгаа талаар Оросын хэвлэлүүд олон янзаар мэдээлж байна.

1. ОХУ-ын тэргүүн хатагтай хөл хүнд болсон тул Мюнхений эмнэлэгт сувилуулж байгаа гэж “Москва Таймс”, “Москва Пост” зэрэг томоохон сонинууд онцолжээ.
2. Людмила Путина гэр бүлийн таагүй уур амьсгалаас болж архинд орсон.
3. Зарим нь түүнийг католик сүмд амьдарч байгаа гэж байгаа бол зарим нь Псков хотод байдаг эртний дурсгалт газар бүхий зочид буудалд байгаа гэж таамаглаж байна. Албаны хүмүүс үүнийг үгүйсгэж байгаа ч тус хотын иргэд дахин дахин нотлон ярьсаар байна.
4. Эдгээрээс хамгийн бодитой бас сонирхолтой нь В.Путин залуухан, сайхан бүсгүйгээр эхнэрээ солих гэж байгаа тухай юм. Оросын дээдсийн хүрээнийхний ярьж байгаагаар тэрбээр Анна Чапман гэх тагнуулын хэргээр нэрд гарсан бүсгүйтэй дотно холбоотой болсон аж. Анна Чапман 2008 онд АНУ-д тагнуулын хэргээр баривчлагдсан. Гэсэн Орост баригдсан АНУ-ын хэдэн тагнуулчаар наймаа, солио хийж түүнийг эх оронд нь авчирсан юм. АНУ-д гэр бүл зохиосон байсан Анна Чапман нөхрөөсөө салж, тэр даруй алдартай од, загвар өмсөгч болсон юм. Кремли энэ яриаг эрс үгүйсгэдэг ч сэтгүүлчид болон В.Путины хүрээнийхэн бодитой гэж байгаа юм.



 
   Анна Чапман, ОХУ-ын тэргүүн хатагтай хоёрын залуугийн төрх тун адилхан. Тиймээс ч В.Путин Аннаг сонгосон гэж ярих нь байна. Людмила Путина онгоцны үйлчлэгч байхдаа анх нөхөртэйгээ танилцсан бөгөөд Ленинградын их сургуулийг төгсч, Германд багшилж байсан. Сүүлийн хэдэн жил  орос хэлийг даяарчлалаас хол байлгах талаар анхаарч, компанит ажил явуулан олон нийтийн ажид оролцдог байжээ. В.Путин хоёр охинтой ч тэдний тухай мэдээлэл мөн л ховор байдаг. Охидууд нь том болсноос хойш тэдний гэр бүлээрээ авахуулсан зураг олддоггүй аж.

  В.Путин дахин ОХУ-ын ерөнхийлөгч болох гэж байгаа, түүнийг эсэргүүцсэн хүн олон байгаа тул одоогоор гэр бүлийн амьдралынхаа талаар дэлгэхгүй байна. Эхнэрээсээ салсан гэсэн мэдээлэл нь түүний нэр хүндэд муугаар нөлөөлөх тул одоогоор гэрлэлтээ цуцлах талаар ам нээхгүй байгаа гэж ярьцгааж байна. Дахин Орос гэдэг том гүрний "хаан" болох гэж байгаа В.Путины жинхэнэ "хатан" хэн болох тухай яриа нэг хэсэгтээ намжихгүй нь.