Өнгөрсөн баасан гарагт Цагдаагийн ерөнхий газрын дэд дарга А.Дулаанжаргалыг ажлаас нь чөлөөлж, оронд нь Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсийн дарга, цагдаагийн дэд хурандаа Р.Чингисийг томилсон. А.Дулаанжаргалыг эмнэлэгт хэвтэж байх хооронд нь түүнийг ажлаас нь чөлөөлсөн тул “Намайг сольсон талаар хэвлэлээс олж харлаа. Надад албан ёсоор мэдэгдээгүй. Би ажлаа хүлээлгэж өгөөгүй” хэмээн хариулсан байсан. Зарим хүн өөрт нь мэдэгдэлгүй тэтгэвэрт нь гаргаж байна гэж ярьж байсан юм. Тэгвэл саяхан А.Дулаанжаргалыг Сөүл хот дахь Монголын элчин сайдын яамны Консулын хэлтсийн даргаар томилсон байна.