2016 онд улсын чанартай хатуу хучилттай авто замын сүлжээний урт 2621 км байгааг 8000 км болгож, 1395 км төмөр зам шинээр барьж, Өндөр хурдны шилэн кабелийн сүлжээнд холбогдсон сумын тоо 160 байгааг 329 болгож, эрчим хүчний чадлын хэмжээ 856 МВт байгааг 2764 МВт-д хүргэнэ.

    Төмөр замын сүлжээг улс орны эдийн засаг, нийгмийн хөгжилтэй уялдуулан өргөтгөж, нийт төмөр замын сүлжээний тээх нэвтрүүлэх, дамжин өнгөрөх, тээвэр, далайд гарах гарцыг баталгаажуулахаар болжээ. Эдийн засаг нийгмийг хөгжүүлэхэд дэмжлэг үзүүлэхүйц авто замын сүлжээг өргөтгөж, тээврийн хэрэгслээр зорчих хугацаа, зардлыг бууруулна.

Өсөн нэмэгдэж буй авто тээврийн эрэлт, хэрэгцээг хангах, агаарын тээврийн үйлчилгээг өргөжүүлж, оновчтой зохицуулалт хийн агаарын тээврийн салбарыг хөгжүүлэх, мэдээллийн технологийн салбарыг дэлхийн зах зээлд өрсөлдөх чадвартай салбар болгох зорилтыг засгийн газраас тавьжээ.