Сонгуульд нэр дэвшихдээ намын хандив, сурталчилгааны зардал гэж тоймгүй их мөнгө зарцуулдаг нь өнөөдөр жишиг болжээ. АНУ-ын ерөнхийлөгч асан А.Линкольн шиг морин тэрэг хөлсөлж, нэг зоосоор сонгуульд нэр дэвшдэг үе аль хэдийн өнгөрсөн билээ. Тиймдээ ч УИХ, цаашлаад Засгийн газарт жилийн орлого нь саяар, зарим нь тэрбумаар хэмжигдэх хүмүүс багтдаг. АТГ-аас олон нийтэд зарласан хөрөнгө орлогын мэдүүлгийн ачаар иргэд хэн нь хэн бэ гэдгийг мэдэж авах боломжтой болж байгаа. АН, МАН-ы гишүүдийн аль нь илүү хөрөнгө бэл гэх "хүчирхэг зэвсэг"-тэй болохыг 24tsag.mn сонирхуулж байна.УИХ болон Засгийн газрын баян гишүүдийн тоонд ерөнхийлөгч, ерөнхий сайд, УИХ-ын даргын нэг нь ч ороогүй. Харин нийт хөрөнгө нь тэрбумаар хэмжигддэг гишүүдийг УИХ-ын гишүүн, АН-ын харьяат Д.Зоригт тэргүүлж байгаа юм. Тэрбумтан гишүүдэд МАН-ынхан цойлж байгааг доорх жагсаалтаас харж болно.
Тэрбумтан гишүүд:
1. Д.Зоригт 34 тэрбум
2. С.Батболд 21,9 тэрбум
3. Ш.Сайхансамбуу 7,8 тэрбум
4. Г.Батхүү 5,4 тэрбум
5. Ж.Энхбаяр 4,9 тэрбум
6. 6. Д.Ганхуяг 3,7 тэрбум
7. Д.Дамба-Очир 3,4 тэрбум байна. МАН-ын гишүүдийг улаан, АН-ын гишүүдийг цэнхэр өнгөөр тэмдэглэсэн болно.
2011 онд олсон орлогоороо мөн л МАН-ын гишүүн толгой цохиж байна. АН-ын Кёкүшюзан Д.Батбаярыг эс тооцвол айргын тавыг МАН-ын гишүүд бичигдэж байгаа юм. Харин АН жилийн тэрбум төгрөгийн орлоготой хүн байхгүй ч зуун саяас илүү орлоготой гэх гишүүд цөөнгүй байдаг аж.
1. Чойжилсүрэн - 6,019,472 мянган төгрөг
2. Кёкүшюзан Д.Батбаяр -1,919,516,8 мянган төгрөг
3. Ж.Энхбаяр -1,435,954,8 мянган төгрөг
4. Даш.Зоригт – 1,367,222,7 мянган төгрөг
5. Г.Батхүү – 512,894,3 мянган төгрөг
6. С.Баярцогт – 469,620,1 мянган төгрөг
7. Л.Гансүх 291,708,7 мянган төгрөг
8. С.Бямбацогт -271,448,1 мянган төгрөг
9. Н.Алтанхуяг – 219,500,0 мянган төгрөг
10. Д.Загджав – 213, 319,4 мянган төгрөг
11. Д.Дамба-Очир – 202,354,3 мянган төгрөг
12. Л.Болд – 168,994,6 мянган төгрөг
13. Д.Ганхуяг – 135,579,2 мянган төгрөг
14. С.Баяр – 125,159,9 мянган төгрөг
15. Г.Баярсайхан 16,988,7 мянган төгрөгийн орлогтойгоор эхний 15-д багтаж байгаа юм.
Харин Засгийн газрын гишүүд буюу сайд нарын хувьд Батлан хамгаалахын сайд Ж.Энхбаярыг эс тооцвол “энгийн даруу” иргэд аж. “Энгийн даруу” гэдэгт бусад гишүүдийг бодвол бага хөрөнгөтэйд тооцогдох 10-40 сая төгрөгийн орлоготой хүмүүс багтаж байна. Сайд нарын жилийн орлогыг дээрээс нь жагсааж үзвэл:
1. Ж.Энхбаяр 1,435,954,8 /Батлан хамгаалахын сайд/
2. Ц.Дашдорж – 38,421,4 /ЗТБХБ-ын сайд/
3. Т.Ганди – 24,626,2 /НХХЯ-ны сайд/
4. Н.Хүрэлбаатар – 22,116,3 /Эрүүл мэндийн сайд/
5. Ч.Хүрэлбаатар – 20,139,7 /ЗГХЭГ-ын дарга, сайд/
6. Д.Цогтбаатар – 19,642,4 /БОАЖ-ын сайд/
7. Д.Зоригт 14,060,4 /ЭБЭХ-ний сайд/
8. Г.Занданшатар – 13,282,1 /Гадаад хэргийн сайд/
9. Д.Хаянхярваа – 12,739,4 /Сангийн сайд/
10. Ц.Нямдорж -12,580,5 мянган төгрөг /Хууль зүй, дотоод хэргийн сайд/ байна. Энэ жагсаалтаас харвал түрээсийн байранд амьдардаг гэх Хууль зүй, дотоод хэргийн сайд үнэхээр бусдыга бодвол бага орлоготой аж. Сайд нарыг салбарын мөнгөө идэж, уудэг гэж харддаг ч АТГт өгсөн хөрөнгө орлогын мэдүүлгээс нь харвал тэгтлээ их түнтийж, баяжсан гэх зураг харагдахгүй л байна.
Одоо уншигч танд 2011 онд УИХ-д дөрвөн жил хамт суусан нөхдөөсөө хамгийн бага орлого олсон гишүүдийн нэрийг сонирхуулъя.
1. Ч.Сайханбилэг – 9,833,1 мянган төгрөг
2. Н.Энхболд – 12,894,4 мянган төгрөг
3. Ц.Нямдорж - 12,580,5 мянган төгрөг
4. Д.Хаянхярваа – 12,739,4 мянган төгрөг
5. Ө.Энхтүвшин – 13,571,3 мянган төгрөг олсон гэж мэдүүлжээ. Эдгээр жагсаалтад бие даагч гишүүдийн нэр дурдагдахгүй байгаа нь тэд гишүүд дотроо дундаж орлоготойг харуулж байгаа юм. Дээрх улаан, цэнхэрээр ялгарах жагсаалтаас үзвэл МАН, АН-ын гишүүдийн дотор "улаантнууд" тэрбумын хөрөнгөөрөө оройлж явна. Харин АН-ынхан тэрбум гэхээсээ илүү саятнуудын тоогоороо илүүрхэж байна. МАН том савтай Тогмид шиг цөөн ч гэсэн түнтгэр баячуудтай бол, АН жижиг савтай Жигмид шиг харьцангуй багаар үнэлэгдэх ч олон саятнуудтай аж. Сонгуульд өнгө, мөнгөөрөө өрсөлдөхөөр зэхэж байгаа "Жигмид", "Тогмид" хоёрын хэн нь түрүүлэх бол?
24tsag.mn
