ОХУ-ын Екатеринбург хотын Уралын политехникийн дээд сургуулийн оюутан Н.Нармандах, Н.Мягмаржав, Э.Хайдав нарт холбогдох хэргийн шүүх хурал 2 хоногийн өмнө болсон юм. Хар тамхины хэрэгт буруутгагдаад байсан Екатеринбургийн монгол оюутнуудад холбогдох хэргийг хэрэгсэхгүй болголоо. Уралын политехникийн дээд сургуульд суралцаж буй манай улсын гурван оюутныг хэлмэгдүүлж болзошгүй байсан ч сургуулийн найзуудынх нь буруугүй гэдгийг гэрчилсэн захидал, өргөдөл, хоёрдах эерэг шинжилгээний хариу зэргийг үндэслэн шүүх шийдвэрээ гаргажээ.
Манай улсын гурван оюутныг буруугүй гэдгийг нь батална гэдгээ илэрхийлж өмгөөөлөгч хүртэл гаргаж туслалцаа үзүүлсэн Свердловск мужийн парламентын орлогч дарга Георгий Перский шүүхийн шийдвэрийг сонсоод “бүгдэд нь баярлалаа, одоо бүгд чөлөөтэй” гэж баяртайгаар мэдэгдлээ. Ингэж оюутнууд ОХУ-аас албадан гарахгүй, сургуулиасаа хөөгдөхгүй үргэлжлүүлэн сурч, төгсөх боломжтой болж байна.
