Энэ сарын 23-нд Баянгол дүүргийн зургаадугаар хорооны нутаг, 25 дугаар эмийн сангийн урд замд согтуу жолооч арван настай хүүхдийг дайрч, амь насыг нь хөнөөсөн хэрэг гарсан билээ.
    Энэ сарын 23-нд Баянгол дүүргийн зургаадугаар хорооны нутаг, 25 дугаар эмийн сангийн урд замд согтуу жолооч арван настай хүүхдийг дайрч, амь насыг нь хөнөөсөн хэрэг гарсан билээ. Хүүхдийн амь насыг хөнөөсөн этгээдийг эрүүлжүүлж, 72 цагийн турш хорих шийдвэрийг Замын цагдаагийн газраас гаргасан юм. Харин тус газраас  хэрэгтнийг мөрдөн байцаалтын үед оргон зайлах буюу хэрэг мөрдөлтөд саад учруулж магадгүй гэсэн хоёр шалтгаанаар цааш үргэлжлүүлэн хорих хүсэлтийг Баянгол дүүргийн шүүхэд гаргажээ.
    Замын хөдөлгөөнийг хянах камерт хэрэг гарах үеийн бичлэг хадгалагдан үлдсэн юм. Уг бичлэгт Тоёото ланд круйзер маркийн автомашинаар хүүхдийн дээгүүр дайран гарч, 15 метрийн зайтай хол чирсэн. Улмаар залуухан, согтуу эмэгтэй машинаас  гарч ирэн, хүүхдийг өшиглөж байгаа нь тодорхой харагдаж байгаа юм. УНИ 09-66 улсын дугаартай Ланд круйзер маркийн автомашинаар хүүхэд дайрсан этгээдийг Ш.Алтанхуяг гэдэг аж. Тэрбээр “Мон дулаан трейд” компанийн охин компани болох “Хишигтэн нүүдэлчин” компанийн гүйцэтгэх захирлаар ажилладаг аж. Осол гаргах үед тэрбээр 70 хувийн согтолттой, өөрийгөө хянах чадвараа алдсан байсан нь тогтоогджээ.  Согтуугаар замын хөдөлгөөнд оролцож, хүний амь хөнөөсөн этгээдэд  Эрүүгийн хуулийн 215.3-д зааснаар эрүү үүсгэж, шалгах юм байна.