"Хан Ресурс" компани Монгол Улсын Засгийн газрыг арбитрын шүүхэд өгөөд байсан. Улмаар арбитрын шүүхийн шийдвэр гарч, Монголын Засгийн газар 100 сая ам.долларын төлбөр төлөх ёстой гэж үзсэн билээ. Тэгвэл үүнтэй холбоотойгоор Монгол Улсын Хууль зүйн яам мэдэгдэл гаргасан. Тэрхүү мэдэгдэл нь олон улсын тавцанд нэлээдгүй шуугианыг тариад байгаа юм.

Тэгвэл Канадын Хан Ресурс компани манай засгийн газрын эсрэг хариу мэдэгдлийг гаргасан байна. Үүнд, "Арбитрын шүүхийг хүчингүй болгох ямар нэгэн үндэслэлийг мэдэхгүй байна. Иймэрхүү арга хэмжээ, үйлдэл амжилттай болох боломж нь тун бага. Хэрвээ Монголын ЗГ-аас шүүхийн шийдвэрийг хүчингүй болгох ямар нэгэн алхам хийвэл эрчимтэй мэтгэлцэнэ. Арбитрын шийдвэрийг хүчээр хэрэгжлүүлэх бодлогоо өөрчлөхгүй. Бид аль болох эвтэй байх гэж хичэээсэн. Үүнийг байнга эрхэмлэж байна. Ойрын 10 хоногт арбитрын шийдвэрийг бүрэн эхээр нь хэвлэж олон нийтэд ил болгоно. Ингэснээр ил тод байдлыг сайжруулна гэж үзэж байна. Манай компанийн зүгээс Монголын ЗГ-ын хийсэн энэ үйлдэл нь ойрын бодолтой, холыг харахгүй арга ядсан алхам гэж харж байна. ОУ арбитрын шийдвэрийг ихэнх улс орон сайн дураараа биелүүлдэг. Монголын ЗГ олон улсын хуульт ёсыг хүндлэх хэрэгтэй" гэжээ.

Д.Ундрах /24tsag.mn/