Ерөнхий сайд асан Н.Алтанхуягийн ахлах зөвлөх Л.Гансүхэд холбогдох шүүх хурал маргааш Баянзүрх, Сүхбаатар, Чингэлтэй дүүргийн шүүхэд 10.00 цагаас болно. Шүүх хуралтай холбогдуулан Л.Гансүх өнгөрсөн баасан гаригт тус шүүхэд албан ёсоор хүсэлт гаргажээ.
Тэрбээр “Шүүх хурлыг дахин дахин хойшлуулаад баймааргүй байна. Шүүх хурлаа хийдэг цагт нь хийдэг байранд нь олон нийтэд нээлттэйгээр явуулаад өгөөч. Гол гэрч болох н.Ичинхорлоо, н.Отгонбаяр нарыг шүүх хуралд ирүүлж өгөөч” гэх утга бүхий хүсэлт гаргасан байна.
Мөн эх сурвалжийн мэдээлснээр Л.Гансүх маргаашийн шүүх хуралд өөрийг нь хэрэгт унагасан хэргийн захиалагчийг зарлахаар болсон гэнэ. Тэрбээр хэрэгт холбогдсон цагаасаа АТГ өөрт нь зохиомлоор хэрэг үүсгэсэн хэмээн мэдээлж байсан. Харин АТГ-аас Л.Гансүхийг Шинэчлэлийн Засгийн газраас хэрэгжүүлсэн “Нүүрс хөтөлбөр”-ийн хөрөнгөнөөс 3.6 тэрбум төгрөг завшсан гэж мэдэгдсэн билээ.
Сэтгэгдэл (20)