УИХ-ын Төрийн байгуулалтын байнгын хороогоор Монгол Улсын Ерөнхийлөгч У.Хүрэлсүхийн өргөн барьсан УИХ-ын тухай хуульд нэмэлт, өөрчлөлт оруулах тухай хуулийн төслийг хэлэлцэж байна.

УИХ-ын гишүүн Б.Баярбаатар: “Дэлхийн аль ч улсад ёс зүйн ноцтой зөрчлийг хуульчлаагүй байгаа шүү. Эгүүлэн татах эрх зөвхөн сонгосон сонгогчдод байдаг. Эгүүлэн татах биш чөлөөлнө гэх хуульзүйн хэллэгээ өөрчлөх хэрэгтэй. Тангаргаасаа няцсан гэдэг ерөнхий ойлголт орж ирлээ. Тодорхой болгох хэрэгтэй. Манай улс нээлттэй жагсаалтаар явсан. Олон нийт жагсаалт харж нам сонгосон. Үндсэн хуульд УИХ-ын гишүүн ард түмний элч байна уу, улс төрийн намын элч байна гэж заасан уу?” хэмээв.