Орхон аймагт ноцтой гэмт хэрэг гарчээ. Өнгөрсөн шөнө тус аймагт нэг гэр бүлийн таван хүн гэмт этгээдийн халдлагад өртөж, хоёр нь амиа алдсан байна. Харин үлдсэн гурван гишүүний хувьд эмнэлэгт хүргэгдээд байгаа аж.

Энэ талаар ЦЕГ-ын Хэвлэлийн албанаас тодруулахад “Ийм хэрэг гарсан үнэн. Хоёр нь амиа алдаж, гурав нь эмнэлэгт хүргэгдсэн. Гэмт хэрэг үйлдсэн этгээдийг тогтоосон. Одоо эрэн сурвалжлах ажиллагаа явуулж байгаа” гэлээ.

Гэмт этгээд нь ямар нэгэн галт зэвсэг хэрэглээгүй ч хохирогчид халдлагын улмаас амиа алдсан нь тодорхой болжээ. Хэргийг үргэлжлүүлэн аймгийн цагдаагийн хэлтэс шалгаж байна.